Vedasara Siva Stotram – வேத³ஸார ஶிவ ஸ்தோத்ரம்

ஸ்தோத்ரநிதி → ஶ்ரீ ஶிவ ஸ்தோத்திரங்கள் → வேத³ஸார ஶிவ ஸ்தோத்ரம்

பஶூநாம் பதிம் பாபநாஶம் பரேஶம்
க³ஜேந்த்³ரஸ்ய க்ருத்திம் வஸாநம் வரேண்யம் ।
ஜடாஜூடமத்⁴யே ஸ்பு²ரத்³கா³ங்க³வாரிம்
மஹாதே³வமேகம் ஸ்மராமி ஸ்மராரிம் ॥ 1 ॥

மஹேஶம் ஸுரேஶம் ஸுராராதிநாஶம்
விபு⁴ம் விஶ்வநாத²ம் விபூ⁴த்யங்க³பூ⁴ஷம் ।
விரூபாக்ஷமிந்த்³வர்கவஹ்நித்ரிநேத்ரம்
ஸதா³நந்த³மீடே³ ப்ரபு⁴ம் பஞ்சவக்த்ரம் ॥ 2 ॥

கி³ரீஶம் க³ணேஶம் க³ளே நீலவர்ணம்
க³வேந்த்³ராதி⁴ரூட⁴ம் கு³ணாதீதரூபம் ।
ப⁴வம் பா⁴ஸ்வரம் ப⁴ஸ்மநா பூ⁴ஷிதாங்க³ம்
ப⁴வாநீகளத்ரம் ப⁴ஜே பஞ்சவக்த்ரம் ॥ 3 ॥

ஶிவாகாந்த ஶம்போ⁴ ஶஶாங்கார்த⁴மௌளே
மஹேஶாந ஶூலின் ஜடாஜூடதா⁴ரின் ।
த்வமேகோ ஜக³த்³வ்யாபகோ விஶ்வரூப꞉
ப்ரஸீத³ ப்ரஸீத³ ப்ரபோ⁴ பூர்ணரூப ॥ 4 ॥

பராத்மாநமேகம் ஜக³த்³பீ³ஜமாத்³யம்
நிரீஹம் நிராகாரமோங்காரவேத்³யம் ।
யதோ ஜாயதே பால்யதே யேந விஶ்வம்
தமீஶம் ப⁴ஜே லீயதே யத்ர விஶ்வம் ॥ 5 ॥

ந பூ⁴மிர்ந சாபோ ந வஹ்நிர்ந வாயு-
-ர்ந சாகாஶமாஸ்தே ந தந்த்³ரா ந நித்³ரா ।
ந சோஷ்ணம் ந ஶீதம் ந தே³ஶோ ந வேஷோ
ந யஸ்யாஸ்தி மூர்திஸ்த்ரிமூர்திம் தமீடே³ ॥ 6 ॥

அஜம் ஶாஶ்வதம் காரணம் காரணாநாம்
ஶிவம் கேவலம் பா⁴ஸகம் பா⁴ஸகாநாம் ।
துரீயம் தம꞉பாரமாத்³யந்தஹீநம்
ப்ரபத்³யே பரம் பாவநம் த்³வைதஹீநம் ॥ 7 ॥

நமஸ்தே நமஸ்தே விபோ⁴ விஶ்வமூர்தே
நமஸ்தே நமஸ்தே சிதா³நந்த³மூர்தே ।
நமஸ்தே நமஸ்தே தபோயோக³க³ம்ய
நமஸ்தே நமஸ்தே ஶ்ருதிஜ்ஞாநக³ம்ய ॥ 8 ॥

ப்ரபோ⁴ ஶூலபாணே விபோ⁴ விஶ்வநாத²
மஹாதே³வ ஶம்போ⁴ மஹேஶ த்ரிநேத்ர ।
ஶிவாகாந்த ஶாந்த ஸ்மராரே புராரே
த்வத³ந்யோ வரேண்யோ ந மாந்யோ ந க³ண்ய꞉ ॥ 9 ॥

ஶம்போ⁴ மஹேஶ கருணாமய ஶூலபாணே
கௌ³ரீபதே பஶுபதே பஶுபாஶநாஶின் ।
காஶீபதே கருணயா ஜக³தே³ததே³க-
-ஸ்த்வம் ஹம்ஸி பாஸி வித³தா⁴ஸி மஹேஶ்வரோ(அ)ஸி ॥ 10 ॥

த்வத்தோ ஜக³த்³ப⁴வதி தே³வ ப⁴வ ஸ்மராரே
த்வய்யேவ திஷ்ட²தி ஜக³ந்ம்ருட³ விஶ்வநாத² ।
த்வய்யேவ க³ச்ச²தி லயம் ஜக³தே³ததீ³ஶ
லிங்கா³த்மகே ஹர சராசரவிஶ்வரூபின் ॥ 11 ॥

இதி ஶ்ரீமத்பரமஹம்ஸ பரிவ்ராஜகாசார்ய ஶ்ரீமச்ச²ங்கராசார்ய விரசிதம் வேத³ஸார ஶிவ ஸ்தோத்ரம் ஸம்பூர்ணம் ।

---

மேலும் ஶ்ரீ ஶிவ ஸ்தோத்திரங்கள் பார்க்க.

---