Vakratunda Ganesha Stavaraja – வக்ரதுண்ட³ க³ணேஶ ஸ்தவராஜ꞉

ஸ்தோத்ரநிதி → ஶ்ரீ க³ணேஶ ஸ்தோத்திரங்கள் → வக்ரதுண்ட³ க³ணேஶ ஸ்தவராஜ꞉

அஸ்ய கா³யத்ரீ மந்த்ர꞉ ।
ஓம் தத்புருஷாய வித்³மஹே வக்ரதுண்டா³ய தீ⁴மஹி । தந்நோ த³ந்தி꞉ ப்ரசோத³யாத் ॥

ஓங்காரமாத்³யம் ப்ரவத³ந்தி ஸந்தோ
வாச꞉ ஶ்ருதீநாமபி யம் க்³ருணந்தி ।
க³ஜாநநம் தே³வக³ணாநதாங்க்⁴ரிம்
ப⁴ஜே(அ)ஹமர்தே⁴ந்து³கலாவதம்ஸம் ॥ 1 ॥

பாதா³ரவிந்தா³ர்சந தத்பராணாம்
ஸம்ஸாரதா³வாநலப⁴ங்க³த³க்ஷம் ।
நிரந்தரம் நிர்க³ததா³நதோயை-
-ஸ்தம் நௌமி விக்⁴நேஶ்வரமம்பு³தா³ப⁴ம் ॥ 2 ॥

க்ருதாங்க³ராக³ம் நவகுங்குமேந
மத்தாலிஜாலம் மத³பங்கமக்³நம் ।
நிவாரயந்தம் நிஜகர்ணதாலை꞉
கோ விஸ்மரேத்புத்ரமநங்க³ஶத்ரோ꞉ ॥ 3 ॥

ஶம்போ⁴ர்ஜடாஜூடநிவாஸிக³ங்கா³-
-ஜலம் ஸமாநீய கராம்பு³ஜேந ।
லீலாபி⁴ராராச்சி²வமர்சயந்தம்
க³ஜாநநம் ப⁴க்தியுதா ப⁴ஜந்தி ॥ 4 ॥

குமாரமுக்தௌ புநராத்மஹேதோ꞉
பயோத⁴ரௌ பர்வதராஜபுத்ர்யா꞉ ।
ப்ரக்ஷாலயந்தம் கரஶீகரேண
மௌக்³த்⁴யேந தம் நாக³முக²ம் ப⁴ஜாமி ॥ 5 ॥

த்வயா ஸமுத்³த்⁴ருத்ய க³ஜாஸ்ய ஹஸ்தா-
-த்³யே ஶீகரா꞉ புஷ்கரரந்த்⁴ரமுக்தா꞉ ।
வ்யோமாங்க³ணே தே விசரந்தி தாரா꞉
காலாத்மநா மௌக்திகதுல்யபா⁴ஸ꞉ ॥ 6 ॥

க்ரீடா³ரதே வாரிநிதௌ⁴ க³ஜாஸ்யே
வேலாமதிக்ராமதி வாரிபூரே ।
கல்பாவஸாநம் பரிசிந்த்ய தே³வா꞉
கைலாஸநாத²ம் ஶ்ருதிபி⁴꞉ ஸ்துவந்தி ॥ 7 ॥

நாகா³நநே நாக³க்ருதோத்தரீயே
க்ரீடா³ரதே தே³வகுமாரஸங்கை⁴꞉ ।
த்வயி க்ஷணம் காலக³திம் விஹாய
தௌ ப்ராபது꞉ கந்து³கதாமிநேந்தூ³ ॥ 8 ॥

மதோ³ள்லஸத்பஞ்சமுகை²ரஜஸ்ர-
-மத்⁴யாபயந்தம் ஸகலாக³மார்த²ம் ।
தே³வாந்ருஷீந்ப⁴க்தஜநைகமித்ரம்
ஹேரம்ப³மர்காருணமாஶ்ரயாமி ॥ 9 ॥

பாதா³ம்பு³ஜாப்⁴யாமதிவாமநாப்⁴யாம்
க்ருதார்த²யந்தம் க்ருபயா த⁴ரித்ரீம் ।
அகாரணம் காரணமாப்தவாசாம்
தம் நாக³வக்த்ரம் ந ஜஹாதி சேத꞉ ॥ 10 ॥

யேநார்பிதம் ஸத்யவதீஸுதாய
புராணமாலிக்²ய விஷாணகோட்யா ।
தம் சந்த்³ரமௌளேஸ்தநயம் தபோபி⁴-
-ராவாப்யமாநந்த³க⁴நம் ப⁴ஜாமி ॥ 11 ॥

பத³ம் ஶ்ருதீநாமபத³ம் ஸ்துதீநாம்
லீலாவதாரம் பரமாத்மமூர்தே꞉ ।
நாகா³த்மகோ வா புருஷாத்மகோ வா
த்வபே⁴த்³யமாத்³யம் ப⁴ஜ விக்⁴நராஜம் ॥ 12 ॥

பாஶாங்குஶௌ ப⁴க்³நரத³ம் த்வபீ⁴ஷ்டம்
கரைர்த³தா⁴நம் கரரந்த்⁴ரமுக்தை꞉ ।
முக்தாப²லாபை⁴꞉ ப்ருது²ஶீகரௌகை⁴꞉
ஸிஞ்சந்தமங்க³ம் ஶிவயோர்ப⁴ஜாமி ॥ 13 ॥

அநேகமேகம் க³ஜமேகத³ந்தம்
சைதந்யரூபம் ஜக³தா³தி³பீ³ஜம் ।
ப்³ரஹ்மேதி யம் வேத³விதோ வத³ந்தி
தம் ஶம்பு⁴ஸூநும் ஸததம் ப்ரபத்³யே ॥ 14 ॥

ஸ்வாங்கஸ்தி²தாயா நிஜவல்லபா⁴யா
முகா²ம்பு³ஜாலோகந லோலநேத்ரம் ।
ஸ்மேராநநாப்³ஜம் மத³வைப⁴வேந
ருத்³த⁴ம் ப⁴ஜே விஶ்வவிமோஹநம் தம் ॥ 15 ॥

யே பூர்வமாராத்⁴ய க³ஜாநந த்வாம்
ஸர்வாணி ஶாஸ்த்ராணி பட²ந்தி தேஷாம் ।
த்வத்தோ ந சாந்யத்ப்ரதிபாத்³யமேதை-
-ஸ்தத³ஸ்தி சேத்ஸர்வமஸத்யகல்பம் ॥ 16 ॥

ஹிரண்யவர்ணம் ஜக³தீ³ஶிதாரம்
கவிம் புராணம் ரவிமண்ட³லஸ்த²ம் ।
க³ஜாநநம் யம் ப்ரவிஶந்தி ஸந்த-
-ஸ்தத்காலயோகை³ஸ்தமஹம் ப்ரபத்³யே ॥ 17 ॥

வேதா³ந்தகீ³தம் புருஷம் ப⁴ஜே(அ)ஹ-
-மாத்மாநமாநந்த³க⁴நம் ஹ்ருதி³ஸ்த²ம் ।
க³ஜாநநம் யந்மஹஸா ஜநாநாம்
விக்⁴நாந்த⁴காரோ விளயம் ப்ரயாதி ॥ 18 ॥

ஶம்போ⁴꞉ ஸமாலோக்ய ஜடாகலாபே
ஶஶாங்கக²ண்ட³ம் நிஜபுஷ்கரேண ।
ஸ்வப⁴க்³நத³ந்தம் ப்ரவிசிந்த்ய மௌக்³த்⁴யா-
-தா³க்ரஷ்டுகாம꞉ ஶ்ரியமாதநோது ॥ 19 ॥

விக்⁴நார்க³ளாநாம் விநிபாதநார்த²ம்
யம் நாரிகேலை꞉ கத³ளீப²லாத்³யை꞉ ।
ப்ரதாரயந்தே மத³வாரணாஸ்யம்
ப்ரபு⁴ம் ஸதா³(அ)பீ⁴ஷ்டமஹம் ப⁴ஜேயம் ॥ 20 ॥

யஜ்ஞைரநேகைர்ப³ஹுபி⁴ஸ்தபோபி⁴-
-ராராத்⁴யமாத்³யம் க³ஜராஜவக்த்ரம் ।
ஸ்துத்யாநயா யே விதி⁴வத்ஸ்துவந்தி
தே ஸர்வலக்ஷ்மீநிலயா ப⁴வந்தி ॥ 21 ॥

இதி ஶ்ரீ வக்ரதுண்ட³ க³ணேஶ ஸ்தவராஜ꞉ ।

---

மேலும் ஶ்ரீ கணேஶ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.