Read in తెలుగు / ಕನ್ನಡ / தமிழ் / देवनागरी / English (IAST)
ப⁴வாநி த்வாம் வந்தே³ ப⁴வமஹிஷி ஸச்சித்ஸுக²வபு꞉
பராகாராம் தே³வீமம்ருதலஹரீமைந்த³வகலாம் ।
மஹாகாலாதீதாம் கலிதஸரணீகல்பிததநும்
ஸுதா⁴ஸிந்தோ⁴ரந்தர்வஸதிமநிஶம் வாஸரமயீம் ॥ 1 ॥
மநஸ்தத்த்வம் ஜித்வா நயநமத² நாஸாக்³ரக⁴டிதம்
புநர்வ்யாவ்ருத்தாக்ஷ꞉ ஸ்வயமபி யதா³ பஶ்யதி பராம் ।
ததா³நீமேவாஸ்ய ஸ்பு²ரதி ப³ஹிரந்தர்ப⁴க³வதீ
பராநந்தா³காரா பரஶிவபரா காசித³பரா ॥ 2 ॥
மநோமார்க³ம் ஜித்வா மருத இஹ நாடீ³க³ணஜுஷோ
நிருத்⁴யார்கம் ஸேந்து³ம் த³ஹநமபி ஸஞ்ஜ்வால்ய ஶிக²யா ।
ஸுஷும்ணாம் ஸம்யோஜ்ய ஶ்லத²யதி ச ஷட்³க்³ரந்தி²ஶஶிநம்
தவாஜ்ஞாசக்ரஸ்த²ம் விளயதி மஹாயோகி³ஸமயீ ॥ 3 ॥
யதா³ தௌ சந்த்³ரார்கௌ நிஜஸத³நஸம்ரோத⁴நவஶா-
-த³ஶக்தௌ பீயூஷஸ்ரவணஹரணே ஸா ச பு⁴ஜகீ³ ।
ப்ரபு³த்³தா⁴ க்ஷுத்க்ருத்³தா⁴ த³ஶதி ஶஶிநம் பை³ந்த³வக³தம்
ஸுதா⁴தா⁴ராஸாரை꞉ ஸ்நபயஸி தநும் பை³ந்த³வகலே ॥ 4 ॥
ப்ருதி²வ்யாபஸ்தேஜ꞉ பவநக³க³நே தத்ப்ரக்ருதய꞉
ஸ்தி²தாஸ்தந்மாத்ராஸ்தா விஷயத³ஶகம் மாநஸமிதி ।
ததோ மாயா வித்³யா தத³நு ச மஹேஶ꞉ ஶிவ இத꞉
பரம் தத்த்வாதீதம் மிலிதவபுரிந்தோ³꞉ பரகலா ॥ 5 ॥
குமாரீ யந்மந்த்³ரம் த்⁴வநதி ச ததோ யோஷித³பரா
குலம் த்யக்த்வா ரௌதி ஸ்பு²டதி ச மஹாகாலபு⁴ஜகீ³ ।
தத꞉ பாதிவ்ரத்யம் ப⁴ஜதி த³ஹராகாஶகமலே
ஸுகா²ஸீநா யோஷா ப⁴வஸி ப⁴வஸீத்காரரஸிகா ॥ 6 ॥
த்ரிகோணம் தே கௌலா꞉ குலக்³ருஹமிதி ப்ராஹுரபரே
சதுஷ்கோணம் ப்ராஹு꞉ ஸமயிந இமே பை³ந்த³வமிதி ।
ஸுதா⁴ஸிந்தௌ⁴ தஸ்மிந் ஸுரமணிக்³ருஹே ஸூர்யஶஶிநோ-
-ரக³ம்யே ரஶ்மீநாம் ஸமயஸஹிதே த்வம் விஹரஸே ॥ 7 ॥
த்ரிக²ண்ட³ம் தே சக்ரம் ஶுசிரவிஶஶாங்காத்மகதயா
மயூகை²꞉ ஷட்த்ரிம்ஶத்³த³ஶயுததயா க²ண்ட³கலிதை꞉ ।
ப்ருதி²வ்யாதௌ³ தத்த்வே ப்ருத²கு³தி³தவத்³பி⁴꞉ பரிவ்ருதம்
ப⁴வேந்மூலாதா⁴ராத்ப்ரப்⁴ருதி தவ ஷட்சக்ரஸத³நம் ॥ 8 ॥
ஶதம் சாஷ்டௌ வஹ்நே꞉ ஶதமபி கலா꞉ ஷோட³ஶ ரவே꞉
ஶதம் ஷட் ச த்ரிம்ஶத்ஸிதமயமயூகா²ஶ்சரணஜா꞉ ।
ய ஏதே ஷஷ்டிஶ்ச த்ரிஶதமப⁴வம்ஸ்த்வச்சரணஜா
மஹாகௌலேஸ்தஸ்மாந்ந ஹி தவ ஶிவே காலகலநா ॥ 9 ॥
த்ரிகோணம் சாதா⁴ரம் த்ரிபுரதநு தே(அ)ஷ்டாரமநகே⁴
ப⁴வேத் ஸ்வாதி⁴ஷ்டா²நம் புநரபி த³ஶாரம் மணிபுரம் ।
த³ஶாரம் தே ஸம்வித்கமலமத² மந்வஶ்ரகமுமே
விஶுத்³த⁴ம் ஸ்யாதா³ஜ்ஞா ஶிவ இதி ததோ பை³ந்த³வக்³ருஹம் ॥ 10 ॥
த்ரிகோணே தே வ்ருத்தத்ரிதயமிப⁴கோணே வஸுத³ளம்
கலாஶ்ரம் மிஶ்ரேரே ப⁴வதி பு⁴வநாஶ்ரே ச பு⁴வநம் ।
சதுஶ்சக்ரம் ஶைவம் நிவஸதி ப⁴கே³ ஶாக்திகமுமே
ப்ரதா⁴நைக்யம் ஷோடா⁴ ப⁴வதி ச தயோ꞉ ஶக்திஶிவயோ꞉ ॥ 11 ॥
கலாயாம் பி³ந்த்³வைக்யம் தத³நு ச தயோர்நாத³விப⁴வே
தயோர்நாதே³நைக்யம் தத³நு ச கலாயாமபி தயோ꞉ ।
தயோர்பி³ந்தா³வைக்யம் த்ரிதயவிப⁴வைக்யம் பரஶிவே
ததே³வம் ஷோடை⁴க்யம் ப⁴வதி ஹி ஸபர்யா ஸமயிநாம் ॥ 12 ॥
கலா நாதோ³ பி³ந்து³꞉ க்ரமஶ இஹ வர்ணாஶ்ச சரணம்
ஷட³ப்³ஜம் சாதா⁴ரப்ரப்⁴ருதிகமமீஷாம் ச மிலநம் ।
ததே³வம் ஷோடை⁴க்யம் ப⁴வதி க²லு யேஷாம் ஸமயிநாம்
சதுர்தை⁴க்யம் தேஷாம் ப⁴வதி ஹி ஸபர்யா ஸமயிநாம் ॥ 13 ॥
தடி³ல்லேகா²மத்⁴யே ஸ்பு²ரதி மணிபூரே ப⁴க³வதீ
சதுர்தை⁴க்யம் தேஷாம் ப⁴வதி ச சதுர்பா³ஹுருதி³தா ।
த⁴நுர்பா³ணாநிக்ஷூத்³ப⁴வகுஸுமஜாநங்குஶவரம்
ததா² பாஶம் பி³ப்⁴ரத்யுதி³தரவிபி³ம்பா³க்ருதிருசி꞉ ॥ 14 ॥
ப⁴வத்யைக்யம் ஷோடா⁴ ப⁴வதி ப⁴க³வத்யா꞉ ஸமயிநாம்
மருத்வத்கோத³ண்ட³த்³யுதிநியுதபா⁴ஸா ஸமருசி꞉ ।
ப⁴வத்பாணிவ்ராதோ த³ஶவித⁴ இதீத³ம் மணிபுரே
ப⁴வாநி ப்ரத்யக்ஷம் தவ வபுருபாஸ்தே ந ஹி பரம் ॥ 15 ॥
இத்யைக்யநிரூபணம் ॥
ப⁴வாநி ஶ்ரீஹஸ்தைர்வஹஸி ப²ணிபாஶம் ஸ்ருணிமதோ²
த⁴நு꞉ பௌண்ட்³ரம் பௌஷ்பம் ஶரமத² ஜபஸ்ரக்சு²கவரௌ ।
அத² த்³வாப்⁴யாம் முத்³ராமப⁴யவரதா³நைகரஸிகாம்
க்வணத்³வீணாம் த்³வாப்⁴யாம் த்வமுரஸி கராப்⁴யாம் ச பி³ப்⁴ருஷே ॥ 16 ॥
த்ரிகோணைரஷ்டாரம் த்ரிபி⁴ரபி த³ஶாரம் ஸமுத³பூ⁴-
-த்³த³ஶாரம் பூ⁴கே³ஹாத³பி ச பு⁴வநாஶ்ரம் ஸமப⁴வத் ।
ததோ(அ)பூ⁴ந்நாகா³ரம் ந்ருபதித³ளமஸ்மாத் த்ரிவலயம்
சதுர்த்³வா꞉ப்ராகாரத்ரிதயமித³மேவாம்ப³ ஶரணம் ॥ 17 ॥
சது꞉ஷஷ்டிஸ்தந்த்ராண்யபி குலமதம் நிந்தி³தமபூ⁴-
-த்³யதே³தந்மிஶ்ராக்²யம் மதமபி ப⁴வேந்நிந்தி³தமிஹ ।
ஶுபா⁴க்²யா꞉ பஞ்சைதா꞉ ஶ்ருதிஸரணிஸித்³தா⁴꞉ ப்ரக்ருதயோ
மஹாவித்³யாஸ்தாஸாம் ப⁴வதி பரமார்தோ² ப⁴க³வதீ ॥ 18 ॥
ஸ்மரோ மாரோ மார꞉ ஸ்மர இதி பரோ மாரமத³ந꞉
ஸ்மராநங்கா³ஶ்சேதி ஸ்மரமத³நமாரா꞉ ஸ்மர இதி ।
த்ரிக²ண்ட³꞉ க²ண்டா³ந்தே கலிதபு⁴வநேஶ்யக்ஷரயுத-
-ஶ்சது꞉ பஞ்சார்ணாஸ்தே த்ரய இதி ச பஞ்சாக்ஷரமநு꞉ ॥ 19 ॥
த்ரிக²ண்டே³ த்வந்மந்த்ரே ஶஶிஸவித்ருவஹ்ந்யாத்மகதயா
ஸ்வராஶ்சந்த்³ரே லீநா꞉ ஸவிதரி கலா꞉ காத³ய இஹ ।
யகாராத்³யா வஹ்நாவத² கஷயுக³ம் பை³ந்த³வக்³ருஹே
நிலீநம் ஸாதா³க்²யே ஶிவயுவதி நித்யைந்த³வகலே ॥ 20 ॥
ககாராகாராப்⁴யாம் ஸ்வரக³ணமவஷ்டப்⁴ய நிகி²லம்
கலாப்ரத்யாஹாராத் ஸகலமப⁴வத்³வ்யஞ்ஜநக³ண꞉ ।
த்ரிக²ண்டே³ ஸ்யாத் ப்ரத்யாஹரணமித³மந்வக்கஷயுக³ம்
க்ஷகாரஶ்சாகாஶே(அ)க்ஷரதநுதயா சாக்ஷரமிதி ॥ 21 ॥
விதே³ஹேந்த்³ராபத்யம் ஶ்ருத இஹ ருஷிர்யஸ்ய ச மநோ-
-ரயம் சார்த²꞉ ஸம்யக் ஶ்ருதிஶிரஸி தைத்திர்யகருசி ।
ருஷிம் ஹித்வா சாஸ்யா ஹ்ருத³யகமலே நைதம்ருஷிமி-
-த்ய்ருசாப்⁴யுக்த꞉ பூஜாவிதி⁴ரிஹ ப⁴வத்யா꞉ ஸமயிநாம் ॥ 22 ॥
த்ரிக²ண்ட³ஸ்த்வந்மந்த்ரஸ்தவ ச ஸரகா⁴யாம் நிவிஶதே
ஶ்ரியோ தே³வ்யா꞉ ஶேஷோ யத இஹ ஸமஸ்தா꞉ ஶஶிகலா꞉ ।
த்ரிக²ண்டே³ த்ரைக²ண்ட்³யம் நிவஸதி ஸமந்த்ரே ச ஸுப⁴கே³
ஷட³ப்³ஜாரண்யாநீ த்ரிதயயுதக²ண்டே³ நிவஸதி ॥ 23 ॥
த்ரயம் சைதத் ஸ்வாந்தே பரமஶிவபர்யங்கநிலயே
பரே ஸாதா³க்²யே(அ)ஸ்மிந்நிவஸதி சதுர்தை⁴க்யகலநாத் ।
ஸ்வராஸ்தே லீநாஸ்தே ப⁴க³வதி கலாஶ்ரே ச ஸகலா꞉
ககாராத்³யா வ்ருத்தே தத³நு சதுரஶ்ரே ச யமுகா²꞉ ॥ 24 ॥
ஹலோ பி³ந்து³ர்வர்கா³ஷ்டகமிப⁴த³ளம் ஶாம்ப⁴வவபு-
-ஶ்சதுஶ்சக்ரம் ஶக்ரஸ்தி²தமநுப⁴யம் ஶக்திஶிவயோ꞉ ।
நிஶாத்³யா த³ர்ஶாத்³யா꞉ ஶ்ருதிநிக³தி³தா꞉ பஞ்சத³ஶதா⁴
ப⁴வேயுர்நித்யாஸ்தாஸ்தவ ஜநநி மந்த்ராக்ஷரக³ணா꞉ ॥ 25 ॥
இமாஸ்தா꞉ ஷோட³ஶ்யாஸ்தவ ச ஸரகா⁴யாம் ஶஶிகலா-
-ஸ்வரூபாயாம் லீநா நிவஸதி தவ ஶ்ரீஶஶிகலா ।
அயம் ப்ரத்யாஹார꞉ ஶ்ருத இஹ கலாவ்யஞ்ஜநக³ண꞉
ககாரேணாகார꞉ ஸ்வரக³ணமஶேஷம் கத²யதி ॥ 26 ॥
க்ஷகார꞉ பஞ்சாஶத்கல இதி ஹலோ பை³ந்த³வக்³ருஹம்
ககாராதூ³ர்த்⁴வம் ஸ்யாஜ்ஜநநி தவ நாமாக்ஷரமிதி ।
ப⁴வேத்பூஜாகாலே மணிக²சிதபூ⁴ஷாபி⁴ரபி⁴த꞉
ப்ரபா⁴பி⁴ர்வ்யாளீட⁴ம் ப⁴வதி மணிபூரம் ஸரஸிஜம் ॥ 27 ॥
வத³ந்த்யேகே வ்ருத்³தா⁴ மணிரிதி ஜலம் தேந நிபி³ட³ம்
பரே து த்வத்³ரூபம் மணித⁴நுரிதீத³ம் ஸமயிந꞉ ।
அநாஹத்யா நாத³꞉ ப்ரப⁴வதி ஸுஷும்ணாத்⁴வஜநித-
-ஸ்ததா³ வாயோஸ்தத்ர ப்ரப⁴வ இத³மாஹு꞉ ஸமயிந꞉ ॥ 28 ॥
ததே³தத்தே ஸம்வித்கமலமிதி ஸஞ்ஜ்ஞாந்தரமுமே
ப⁴வேத்ஸம்வித்பூஜா ப⁴வதி கமலே(அ)ஸ்மிந் ஸமயிநாம் ।
விஶுத்³த்⁴யாக்²யே சக்ரே வியது³தி³தமாஹு꞉ ஸமயிந꞉
ஸதா³பூர்வோ தே³வ꞉ ஶிவ இதி ஹிமாநீஸமதநு꞉ ॥ 29 ॥
த்வதீ³யைருத்³த்³யோதைர்ப⁴வதி ச விஶுத்³த்⁴யாக்²யஸத³நம்
ப⁴வேத்பூஜா தே³வ்யா ஹிமகரகலாபி⁴꞉ ஸமயிநாம் ।
ஸஹஸ்ராரே சக்ரே நிவஸதி கலாபஞ்சத³ஶகம்
ததே³தந்நித்யாக்²யம் ப்⁴ரமதி ஸிதபக்ஷே ஸமயிநாம் ॥ 30 ॥
அத꞉ ஶுக்லே பக்ஷே ப்ரதிதி³நமிஹ த்வாம் ப⁴க³வதீம்
நிஶாயாம் ஸேவந்தே நிஶி சரமபா⁴கே³ ஸமயிந꞉ ।
ஶுசி꞉ ஸ்வாதி⁴ஷ்டா²நே ரவிருபரி ஸம்வித்ஸரஸிஜே
ஶஶீ சாஜ்ஞாசக்ரே ஹரிஹரவிதி⁴க்³ரந்த²ய இமே ॥ 31 ॥
கலாயா꞉ ஷோட³ஶ்யா꞉ ப்ரதிப²லிதபி³ம்பே³ந ஸஹிதம்
ததீ³யை꞉ பீயூஷை꞉ புநரதி⁴கமாப்லாவிததநு꞉ ।
ஸிதே பக்ஷே ஸர்வாஸ்தித²ய இஹ க்ருஷ்ணே(அ)பி ச ஸமா
யதா³ சாமாவாஸ்யா ப⁴வதி ந ஹி பூஜா ஸமயிநாம் ॥ 32 ॥
இடா³யாம் பிங்க³ல்யாம் சரத இஹ தௌ ஸூர்யஶஶிநௌ
தமஸ்யாதா⁴ரே தௌ யதி³ து மிலிதௌ ஸா திதி²ரமா ।
ததா³ஜ்ஞாசக்ரஸ்த²ம் ஶிஶிரகரபி³ம்பே³ ரவிநிப⁴ம்
த்³ருட⁴வ்யாளீட⁴ம் ஸத்³விக³ளிதஸுதா⁴ஸாரவிஸரம் ॥ 33 ॥
மஹாவ்யோமஸ்தே²ந்தோ³ரம்ருதலஹரீப்லாவிததநு꞉
ப்ரஶுஷ்யத்³வை நாடீ³ப்ரகரமநிஶம் ப்லாவயதி தத் ।
யதா³ஜ்ஞாயாம் வித்³யுந்நியுதநியுதாபா⁴க்ஷரமயீ
ஸ்தி²தா வித்³யுல்லேகா² ப⁴க³வதி விதி⁴க்³ரந்தி²மபி⁴நத் ॥ 34 ॥
ததோ க³த்வா ஜ்யோத்ஸ்நாமயஸமயலோகம் ஸமயிநாம்
பராக்²யா ஸாதா³க்²யா ஜயதி ஶிவதத்த்வேந மிலிதா ।
ஸஹஸ்ராரே பத்³மே ஶிஶிரமஹஸாம் பி³ம்ப³மபரம்
ததே³வ ஶ்ரீசக்ரம் ஸரக⁴மிதி தத்³பை³ந்த³வமிதி ॥ 35 ॥
வத³ந்த்யேகே ஸந்த꞉ பரஶிவபதே³ தத்த்வமிலிதே
ததஸ்த்வம் ஷட்³விம்ஶீ ப⁴வஸி ஶிவயோர்மேலநவபு꞉ ।
த்ரிக²ண்டே³(அ)ஸ்மிந் ஸ்வாந்தே பரமபத³பர்யங்கஸத³நே
பரே ஸாதா³க்²யே(அ)ஸ்மிந்நிவஸதி சதுர்தை⁴க்யகலநாத் ॥ 36 ॥
க்ஷிதௌ வஹ்நிர்வஹ்நௌ வஸுத³ளஜலே தி³ங்மருதி தி³க்-
-கலாஶ்ரே மந்வஶ்ரம் த்³ருஶி வஸுரதோ² ராஜகமலே ।
ப்ரதித்³வைதக்³ரந்தி²ஸ்தது³பரி சதுர்த்³வாரஸஹிதம்
மஹீசக்ரம் சைகம் ப⁴வதி ப⁴க³கோணைக்யகலநாத் ॥ 37 ॥
இதி மந்த்ரசக்ரைக்யம் ॥
ஷட³ப்³ஜாரண்யே த்வாம் ஸமயிந இமே பஞ்சகஸமாம்
யதா³ ஸம்வித்³ரூபாம் வித³த⁴தி ச ஷோடை⁴க்யகலிதாம் ।
மநோ ஜித்வா சாஜ்ஞாஸரஸிஜ இஹ ப்ராது³ரப⁴வத்
தடி³ல்லேகா² நித்யா ப⁴க³வதி தவாதா⁴ரஸத³நாத் ॥ 38 ॥
ப⁴வத்ஸாம்யம் கேசித் த்ரிதயமிதி கௌலப்ரப்⁴ருதய꞉
பரம் தத்த்வாக்²யம் சேத்யபரமித³மாஹு꞉ ஸமயிந꞉ ।
க்ரியாவஸ்தா²ரூபம் ப்ரக்ருதிரபி⁴தா⁴பஞ்சகஸமம்
ததே³ஷாம் ஸாம்யம் ஸ்யாத³வநிஷு ச யோ வேத்தி ஸ முநி꞉ ॥ 39 ॥
இத்யைக்யநிரூபணம் ॥
வஶிந்யாத்³யா அஷ்டாவகசடதபாத்³யா꞉ ப்ரக்ருதய꞉
ஸ்வவர்க³ஸ்தா²꞉ ஸ்வஸ்வாயுத⁴கலிதஹஸ்தா꞉ ஸ்வவிஷயா꞉ ।
யதா²வர்க³ம் வர்ணப்ரசுரதநவோ யாபி⁴ரப⁴வம்-
-ஸ்தவ ப்ரஸ்தாராஸ்தே த்ரய இதி ஜகு³ஸ்தே ஸமயிந꞉ ॥ 40 ॥
இமா நித்யா வர்ணாஸ்தவ சரணஸம்மேலநவஶா-
-ந்மஹாமேருஸ்தா²꞉ ஸ்யுர்மநுமிலநகைலாஸவபுஷ꞉ ।
வஶிந்யாத்³யா ஏதா அபி தவ ஸபி³ந்த்³வாத்மகதயா
மஹீப்ரஸ்தாரோ(அ)யம் க்ரம இதி ரஹஸ்யம் ஸமயிநாம் ॥ 41 ॥
இதி ப்ரஸ்தாரத்ரயநிரூபணம் ॥
ப⁴வேந்மூலாதா⁴ரம் தது³பரிதநம் சக்ரமபி த-
-த்³த்³வயம் தாமிஸ்ராக்²யம் ஶிகி²கிரணஸம்மேலநவஶாத் ।
ததே³தத்கௌலாநாம் ப்ரதிதி³நமநுஷ்டே²யமுதி³தம்
ப⁴வத்யா வாமாக்²யம் மதமபி பரித்யாஜ்யமுப⁴யம் ॥ 42 ॥
அமீஷாம் கௌலாநாம் ப⁴க³வதி ப⁴வேத்பூஜநவிதி⁴-
-ஸ்தவ ஸ்வாதி⁴ஷ்டா²நே தத³நு ச ப⁴வேந்மூலஸத³நே ।
அதோ பா³ஹ்யா பூஜா ப⁴வதி ப⁴க³ரூபேண ச ததோ
நிஷித்³தா⁴சாரோ(அ)யம் நிக³மவிரஹோ(அ)நிந்த்³யசரிதே ॥ 43 ॥
நவவ்யூஹம் கௌலப்ரப்⁴ருதிகமதம் தேந ஸ விபு⁴-
-ர்நவாத்மா தே³வோ(அ)யம் ஜக³து³த³யக்ருத்³பை⁴ரவவபு꞉ ।
நவாத்மா வாமாதி³ப்ரப்⁴ருதிபி⁴ரித³ம் பை⁴ரவவபு-
-ர்மஹாதே³வீ தாப்⁴யாம் ஜநகஜநநீமஜ்ஜக³தி³த³ம் ॥ 44 ॥
ப⁴வேதே³தச்சக்ரத்³விதயமதிதூ³ரம் ஸமயிநாம்
விஸ்ருஜ்யைதத்³யுக்³மம் தத³நு மணிபூராக்²யஸத³நே ।
த்வயா ஸ்ருஷ்டைர்வாரிப்ரதிப²லிதஸூர்யேந்து³கிரணை-
-ர்த்³விதா⁴ லோகே பூஜாம் வித³த⁴தி ப⁴வத்யா꞉ ஸமயிந꞉ ॥ 45 ॥
அதி⁴ஷ்டா²நாதா⁴ரத்³விதயமித³மேவம் த³ஶத³ளம்
ஸஹஸ்ராராஜ்ஜாதம் மணிபுரமதோ(அ)பூ⁴த்³த³ஶத³ளம் ।
ஹ்ருத³ம்போ⁴ஜாந்மூலாந்ந்ருபத³ளமபூ⁴த் ஸ்வாந்தகமலம்
ததே³வைகோ பி³ந்து³ர்ப⁴வதி ஜக³து³த்பத்திக்ருத³யம் ॥ 46 ॥
ஸஹஸ்ராரம் பி³ந்து³ர்ப⁴வதி ச ததோ பை³ந்த³வக்³ருஹம்
ததே³தஸ்மாஜ்ஜாதம் ஜக³தி³த³மஶேஷம் ஸகரணம் ।
ததோ மூலாதா⁴ராத்³த்³விதயமப⁴வத் தத்³த³ஶத³ளம்
ஸஹஸ்ராராஜ்ஜாதம் ததி³தி த³ஶதா⁴ பி³ந்து³ரப⁴வத் ॥ 47 ॥
ததே³தத்³பி³ந்தோ³ர்யத்³த³ஶகமப⁴வத்தத்ப்ரக்ருதிகம்
த³ஶாரம் ஸூர்யாரம் ந்ருபத³ளமபூ⁴த் ஸ்வாந்தகமலம் ।
ரஹஸ்யம் கௌலாநாம் த்³விதயமப⁴வந்மூலஸத³நம்
ததா²தி⁴ஷ்டா²நம் ச ப்ரக்ருதிமிஹ ஸேவந்த இஹ தே ॥ 48 ॥
அதஸ்தே கௌலாஸ்தே ப⁴க³வதி த்³ருட⁴ப்ராக்ருதஜநா
இதி ப்ராஹு꞉ ப்ராஜ்ஞா꞉ குலஸமயமார்க³த்³வயவித³꞉ ।
மஹாந்த꞉ ஸேவந்தே ஸகலஜநநீம் பை³ந்த³வக்³ருஹே
ஶிவாகாராம் நித்யாமம்ருதஜ²ரிகாமைந்த³வகலாம் ॥ 49 ॥
இத³ம் காலோத்பத்திஸ்தி²திலயகரம் பத்³மநிகரம்
த்ரிக²ண்ட³ம் ஶ்ரீசக்ரம் மநுரபி ச தேஷாம் ச மிலநம் ।
ததை³க்யம் ஷோடா⁴ வா ப⁴வதி ச சதுர்தே⁴தி ச ததா²
தயோ꞉ ஸாம்யம் பஞ்சப்ரக்ருதிகமித³ம் ஶாஸ்த்ரமுதி³தம் ॥ 50 ॥
உபாஸ்தேரேதஸ்யா꞉ ப²லமபி ச ஸர்வாதி⁴கமபூ⁴-
-த்ததே³தத்கௌலாநாம் ப²லமிஹ ஹி சைதத் ஸமயிநாம் ।
ஸஹஸ்ராரே பத்³மே ஸுப⁴க³ஸுப⁴கோ³தே³தி ஸுப⁴கே³
பரம் ஸௌபா⁴க்³யம் யத்ததி³ஹ தவ ஸாயுஜ்யபத³வீ ॥ 51 ॥
அதோ(அ)ஸ்யா꞉ ஸம்ஸித்³தௌ⁴ ஸுப⁴க³ஸுப⁴கா³க்²யா கு³ருக்ருபா-
-கடாக்ஷவ்யாஸங்கா³த் ஸ்ரவத³ம்ருதநிஷ்யந்த³ஸுலபா⁴ ।
தயா வித்³தோ⁴ யோகீ³ விசரதி நிஶாயாமபி தி³வா
தி³வா பா⁴நூ ராத்ரௌ விது⁴ரிவ க்ருதார்தீ²க்ருதமதி꞉ ॥ 52 ॥
இதி பரமபூஜ்ய ஶ்ரீகௌ³ட³பாதா³சர்ய விரசிதா ஸுப⁴கோ³த³ய ஸ்துதி꞉ ॥
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
