Srimad Bhagavadgita Chapter 7 – ஸப்தமோ(அ)த்⁴யாய꞉ – ஜ்ஞானவிஜ்ஞானயோக³꞉

ஸ்தோத்ரநிதி → ஶ்ரீமத்³ப⁴க³வத்³கீ³தா → 7. ஜ்ஞானவிஜ்ஞானயோக³꞉

ஶ்ரீப⁴க³வாநுவாச ।
மய்யாஸக்தமநா꞉ பார்த² யோக³ம் யுஞ்ஜன் மதா³ஶ்ரய꞉ ।
அஸம்ஶயம் ஸமக்³ரம் மாம் யதா² ஜ்ஞாஸ்யஸி தச்ச்²ருணு ॥ 1 ॥

ஜ்ஞாநம் தே(அ)ஹம் ஸவிஜ்ஞாநமித³ம் வக்ஷ்யாம்யஶேஷத꞉ ।
யஜ்ஜ்ஞாத்வா நேஹ பூ⁴யோ(அ)ந்யஜ்ஜ்ஞாதவ்யமவஶிஷ்யதே ॥ 2 ॥

மநுஷ்யாணாம் ஸஹஸ்ரேஷு கஶ்சித்³யததி ஸித்³த⁴யே ।
யததாமபி ஸித்³தா⁴நாம் கஶ்சிந்மாம் வேத்தி தத்த்வத꞉ ॥ 3 ॥

பூ⁴மிராபோ(அ)நலோ வாயு꞉ க²ம் மநோ பு³த்³தி⁴ரேவ ச ।
அஹங்கார இதீயம் மே பி⁴ந்நா ப்ரக்ருதிரஷ்டதா⁴ ॥ 4 ॥

அபரேயமிதஸ்த்வந்யாம் ப்ரக்ருதிம் வித்³தி⁴ மே பராம் ।
ஜீவபூ⁴தாம் மஹாபா³ஹோ யயேத³ம் தா⁴ர்யதே ஜக³த் ॥ 5 ॥

ஏதத்³யோநீநி பூ⁴தாநி ஸர்வாணீத்யுபதா⁴ரய ।
அஹம் க்ருத்ஸ்நஸ்ய ஜக³த꞉ ப்ரப⁴வ꞉ ப்ரளயஸ்ததா² ॥ 6 ॥

மத்த꞉ பரதரம் நாந்யத்கிஞ்சித³ஸ்தி த⁴நஞ்ஜய ।
மயி ஸர்வமித³ம் ப்ரோதம் ஸூத்ரே மணிக³ணா இவ ॥ 7 ॥

ரஸோ(அ)ஹமப்ஸு கௌந்தேய ப்ரபா⁴ஸ்மி ஶஶிஸூர்யயோ꞉ ।
ப்ரணவ꞉ ஸர்வவேதே³ஷு ஶப்³த³꞉ கே² பௌருஷம் ந்ருஷு ॥ 8 ॥

புண்யோ க³ந்த⁴꞉ ப்ருதி²வ்யாம் ச தேஜஶ்சாஸ்மி விபா⁴வஸௌ ।
ஜீவநம் ஸர்வபூ⁴தேஷு தபஶ்சாஸ்மி தபஸ்விஷு ॥ 9 ॥

பீ³ஜம் மாம் ஸர்வபூ⁴தாநாம் வித்³தி⁴ பார்த² ஸநாதநம் ।
பு³த்³தி⁴ர்பு³த்³தி⁴மதாமஸ்மி தேஜஸ்தேஜஸ்விநாமஹம் ॥ 10 ॥

ப³லம் ப³லவதாம் சாஹம் காமராக³விவர்ஜிதம் ।
த⁴ர்மாவிருத்³தோ⁴ பூ⁴தேஷு காமோ(அ)ஸ்மி ப⁴ரதர்ஷப⁴ ॥ 11 ॥

யே சைவ ஸாத்த்விகா பா⁴வா ராஜஸாஸ்தாமஸாஶ்ச யே ।
மத்த ஏவேதி தான் வித்³தி⁴ ந த்வஹம் தேஷு தே மயி ॥ 12 ॥

த்ரிபி⁴ர்கு³ணமயைர்பா⁴வைரேபி⁴꞉ ஸர்வமித³ம் ஜக³த் ।
மோஹிதம் நாபி⁴ஜாநாதி மாமேப்⁴ய꞉ பரமவ்யயம் ॥ 13 ॥

தை³வீ ஹ்யேஷா கு³ணமயீ மம மாயா து³ரத்யயா ।
மாமேவ யே ப்ரபத்³யந்தே மாயாமேதாம் தரந்தி தே ॥ 14 ॥

ந மாம் து³ஷ்க்ருதிநோ மூடா⁴꞉ ப்ரபத்³யந்தே நராத⁴மா꞉ ।
மாயயாபஹ்ருதஜ்ஞாநா ஆஸுரம் பா⁴வமாஶ்ரிதா꞉ ॥ 15 ॥

சதுர்விதா⁴ ப⁴ஜந்தே மாம் ஜநா꞉ ஸுக்ருதிநோ(அ)ர்ஜுந ।
ஆர்தோ ஜிஜ்ஞாஸுரர்தா²ர்தீ² ஜ்ஞாநீ ச ப⁴ரதர்ஷப⁴ ॥ 16 ॥

தேஷாம் ஜ்ஞாநீ நித்யயுக்த ஏகப⁴க்திர்விஶிஷ்யதே ।
ப்ரியோ ஹி ஜ்ஞாநிநோ(அ)த்யர்த²மஹம் ஸ ச மம ப்ரிய꞉ ॥ 17 ॥

உதா³ரா꞉ ஸர்வ ஏவைதே ஜ்ஞாநீ த்வாத்மைவ மே மதம் ।
ஆஸ்தி²த꞉ ஸ ஹி யுக்தாத்மா மாமேவாநுத்தமாம் க³திம் ॥ 18 ॥

ப³ஹூநாம் ஜந்மநாமந்தே ஜ்ஞாநவான் மாம் ப்ரபத்³யதே ।
வாஸுதே³வ꞉ ஸர்வமிதி ஸ மஹாத்மா ஸுது³ர்லப⁴꞉ ॥ 19 ॥

காமைஸ்தைஸ்தைர்ஹ்ருதஜ்ஞாநா꞉ ப்ரபத்³யந்தே(அ)ந்யதே³வதா꞉ ।
தம் தம் நியமமாஸ்தா²ய ப்ரக்ருத்யா நியதா꞉ ஸ்வயா ॥ 20 ॥

யோ யோ யாம் யாம் தநும் ப⁴க்த꞉ ஶ்ரத்³த⁴யார்சிதுமிச்ச²தி ।
தஸ்ய தஸ்யாசலாம் ஶ்ரத்³தா⁴ம் தாமேவ வித³தா⁴ம்யஹம் ॥ 21 ॥

ஸ தயா ஶ்ரத்³த⁴யா யுக்தஸ்தஸ்யாராத⁴நமீஹதே ।
லப⁴தே ச தத꞉ காமான் மயைவ விஹிதான் ஹி தான் ॥ 22 ॥

அந்தவத்து ப²லம் தேஷாம் தத்³ப⁴வத்யல்பமேத⁴ஸாம் ।
தே³வான் தே³வயஜோ யாந்தி மத்³ப⁴க்தா யாந்தி மாமபி ॥ 23 ॥

அவ்யக்தம் வ்யக்திமாபந்நம் மந்யந்தே மாமபு³த்³த⁴ய꞉ ।
பரம் பா⁴வமஜாநந்தோ மமாவ்யயமநுத்தமம் ॥ 24 ॥

நாஹம் ப்ரகாஶ꞉ ஸர்வஸ்ய யோக³மாயாஸமாவ்ருத꞉ ।
மூடோ⁴(அ)யம் நாபி⁴ஜாநாதி லோகோ மாமஜமவ்யயம் ॥ 25 ॥

வேதா³ஹம் ஸமதீதாநி வர்தமாநாநி சார்ஜுந ।
ப⁴விஷ்யாணி ச பூ⁴தாநி மாம் து வேத³ ந கஶ்சந ॥ 26 ॥

இச்சா²த்³வேஷஸமுத்தே²ந த்³வந்த்³வமோஹேந பா⁴ரத ।
ஸர்வபூ⁴தாநி ஸம்மோஹம் ஸர்கே³ யாந்தி பரந்தப ॥ 27 ॥

யேஷாம் த்வந்தக³தம் பாபம் ஜநாநாம் புண்யகர்மணாம் ।
தே த்³வந்த்³வமோஹநிர்முக்தா ப⁴ஜந்தே மாம் த்³ருட⁴வ்ரதா꞉ ॥ 28 ॥

ஜராமரணமோக்ஷாய மாமாஶ்ரித்ய யதந்தி யே ।
தே ப்³ரஹ்ம தத்³விது³꞉ க்ருத்ஸ்நமத்⁴யாத்மம் கர்ம சாகி²லம் ॥ 29 ॥

ஸாதி⁴பூ⁴தாதி⁴தை³வம் மாம் ஸாதி⁴யஜ்ஞம் ச யே விது³꞉ ।
ப்ரயாணகாலே(அ)பி ச மாம் தே விது³ர்யுக்தசேதஸ꞉ ॥ 30 ॥

இதி ஶ்ரீமத்³ப⁴க³வத்³கீ³தாஸூபநிஷத்ஸு ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருஷ்ணார்ஜுநஸம்வாதே³ ஜ்ஞாநவிஜ்ஞாநயோகோ³ நாம ஸப்தமோ(அ)த்⁴யாய꞉ ॥ 7 ॥

அஷ்டமோ(அ)த்⁴யாய꞉ – அக்ஷரப்³ரஹ்மயோக³꞉ >>

---

ஸம்பூர்ண ஶ்ரீமத்³ப⁴க³வத்³கீ³தா பார்க்க.

Did you see any mistake/variation in the content above? Click here to report mistakes and corrections in Stotranidhi content.