Srimad Bhagavadgita Chapter 14 – சதுர்த³ஶோ(அ)த்⁴யாய꞉ – கு³ணத்ரயவிபா⁴க³யோக³꞉

ஸ்தோத்ரநிதி → ஶ்ரீமத்³ப⁴க³வத்³கீ³தா → 14. கு³ணத்ரயவிபா⁴க³யோக³꞉

ஶ்ரீப⁴க³வாநுவாச ।
பரம் பூ⁴ய꞉ ப்ரவக்ஷ்யாமி ஜ்ஞாநாநாம் ஜ்ஞாநமுத்தமம் ।
யஜ்ஜ்ஞாத்வா முநய꞉ ஸர்வே பராம் ஸித்³தி⁴மிதோ க³தா꞉ ॥ 1 ॥

இத³ம் ஜ்ஞாநமுபாஶ்ரித்ய மம ஸாத⁴ர்ம்யமாக³தா꞉ ।
ஸர்கே³(அ)பி நோபஜாயந்தே ப்ரளயே ந வ்யத²ந்தி ச ॥ 2 ॥

மம யோநிர்மஹத்³ப்³ரஹ்ம தஸ்மின் க³ர்ப⁴ம் த³தா⁴ம்யஹம் ।
ஸம்ப⁴வ꞉ ஸர்வபூ⁴தாநாம் ததோ ப⁴வதி பா⁴ரத ॥ 3 ॥

ஸர்வயோநிஷு கௌந்தேய மூர்தய꞉ ஸம்ப⁴வந்தி யா꞉ ।
தாஸாம் ப்³ரஹ்ம மஹத்³யோநிரஹம் பீ³ஜப்ரத³꞉ பிதா ॥ 4 ॥

ஸத்த்வம் ரஜஸ்தம இதி கு³ணா꞉ ப்ரக்ருதிஸம்ப⁴வா꞉ ।
நிப³த்⁴நந்தி மஹாபா³ஹோ தே³ஹே தே³ஹிநமவ்யயம் ॥ 5 ॥

தத்ர ஸத்த்வம் நிர்மலத்வாத் ப்ரகாஶகமநாமயம் ।
ஸுக²ஸங்கே³ந ப³த்⁴நாதி ஜ்ஞாநஸங்கே³ந சாநக⁴ ॥ 6 ॥

ரஜோ ராகா³த்மகம் வித்³தி⁴ த்ருஷ்ணாஸங்க³ஸமுத்³ப⁴வம் ।
தந்நிப³த்⁴நாதி கௌந்தேய கர்மஸங்கே³ந தே³ஹிநம் ॥ 7 ॥

தமஸ்த்வஜ்ஞாநஜம் வித்³தி⁴ மோஹநம் ஸர்வதே³ஹிநாம் ।
ப்ரமாதா³ளஸ்யநித்³ராபி⁴ஸ்தந்நிப³த்⁴நாதி பா⁴ரத ॥ 8 ॥

ஸத்த்வம் ஸுகே² ஸஞ்ஜயதி ரஜ꞉ கர்மணி பா⁴ரத ।
ஜ்ஞாநமாவ்ருத்ய து தம꞉ ப்ரமாதே³ ஸஞ்ஜயத்யுத ॥ 9 ॥

ரஜஸ்தமஶ்சாபி⁴பூ⁴ய ஸத்த்வம் ப⁴வதி பா⁴ரத ।
ரஜ꞉ ஸத்த்வம் தமஶ்சைவ தம꞉ ஸத்த்வம் ரஜஸ்ததா² ॥ 10 ॥

ஸர்வத்³வாரேஷு தே³ஹே(அ)ஸ்மின் ப்ரகாஶ உபஜாயதே ।
ஜ்ஞாநம் யதா³ ததா³ வித்³யாத்³விவ்ருத்³த⁴ம் ஸத்த்வமித்யுத ॥ 11 ॥

லோப⁴꞉ ப்ரவ்ருத்திராரம்ப⁴꞉ கர்மணாமஶம꞉ ஸ்ப்ருஹா ।
ரஜஸ்யேதாநி ஜாயந்தே விவ்ருத்³தே⁴ ப⁴ரதர்ஷப⁴ ॥ 12 ॥

அப்ரகாஶோ(அ)ப்ரவ்ருத்திஶ்ச ப்ரமாதோ³ மோஹ ஏவ ச ।
தமஸ்யேதாநி ஜாயந்தே விவ்ருத்³தே⁴ குருநந்த³ந ॥ 13 ॥

யதா³ ஸத்த்வே ப்ரவ்ருத்³தே⁴ து ப்ரளயம் யாதி தே³ஹப்⁴ருத் ।
ததோ³த்தமவிதா³ம் லோகாநமலான் ப்ரதிபத்³யதே ॥ 14 ॥

ரஜஸி ப்ரளயம் க³த்வா கர்மஸங்கி³ஷு ஜாயதே ।
ததா² ப்ரளீநஸ்தமஸி மூட⁴யோநிஷு ஜாயதே ॥ 15 ॥

கர்மண꞉ ஸுக்ருதஸ்யாஹு꞉ ஸாத்த்விகம் நிர்மலம் ப²லம் ।
ரஜஸஸ்து ப²லம் து³꞉க²மஜ்ஞாநம் தமஸ꞉ ப²லம் ॥ 16 ॥

ஸத்த்வாத் ஸஞ்ஜாயதே ஜ்ஞாநம் ரஜஸோ லோப⁴ ஏவ ச ।
ப்ரமாத³மோஹௌ தமஸோ ப⁴வதோ(அ)ஜ்ஞாநமேவ ச ॥ 17 ॥

ஊர்த்⁴வம் க³ச்ச²ந்தி ஸத்த்வஸ்தா² மத்⁴யே திஷ்ட²ந்தி ராஜஸா꞉ ।
ஜக⁴ந்யகு³ணவ்ருத்திஸ்தா² அதோ⁴ க³ச்ச²ந்தி தாமஸா꞉ ॥ 18 ॥

நாந்யம் கு³ணேப்⁴ய꞉ கர்தாரம் யதா³ த்³ரஷ்டாநுபஶ்யதி ।
கு³ணேப்⁴யஶ்ச பரம் வேத்தி மத்³பா⁴வம் ஸோ(அ)தி⁴க³ச்ச²தி ॥ 19 ॥

கு³ணாநேதாநதீத்ய த்ரீன் தே³ஹீ தே³ஹஸமுத்³ப⁴வான் ।
ஜந்மம்ருத்யுஜராது³꞉கை²ர்விமுக்தோ(அ)ம்ருதமஶ்நுதே ॥ 20 ॥

அர்ஜுந உவாச ।
கைர்லிங்கை³ஸ்த்ரீன் கு³ணாநேதாநதீதோ ப⁴வதி ப்ரபோ⁴ ।
கிமாசார꞉ கத²ம் சைதாம்ஸ்த்ரீன் கு³ணாநதிவர்ததே ॥ 21 ॥

ஶ்ரீப⁴க³வாநுவாச ।
ப்ரகாஶம் ச ப்ரவ்ருத்திம் ச மோஹமேவ ச பாண்ட³வ ।
ந த்³வேஷ்டி ஸம்ப்ரவ்ருத்தாநி ந நிவ்ருத்தாநி காங்க்ஷதி ॥ 22 ॥

உதா³ஸீநவதா³ஸீநோ கு³ணைர்யோ ந விசால்யதே ।
கு³ணா வர்தந்த இத்யேவம் யோ(அ)வதிஷ்ட²தி நேங்க³தே ॥ 23 ॥

ஸமது³꞉க²ஸுக²꞉ ஸ்வஸ்த²꞉ ஸமலோஷ்டாஶ்மகாஞ்சந꞉ ।
துல்யப்ரியாப்ரியோ தீ⁴ரஸ்துல்யநிந்தா³(ஆ)த்மஸம்ஸ்துதி꞉ ॥ 24 ॥

மாநாபமாநயோஸ்துல்யஸ்துல்யோ மித்ராரிபக்ஷயோ꞉ ।
ஸர்வாரம்ப⁴பரித்யாகீ³ கு³ணாதீத꞉ ஸ உச்யதே ॥ 25 ॥

மாம் ச யோ(அ)வ்யபி⁴சாரேண ப⁴க்தியோகே³ந ஸேவதே ।
ஸ கு³ணான் ஸமதீத்யைதான் ப்³ரஹ்மபூ⁴யாய கல்பதே ॥ 26 ॥

ப்³ரஹ்மணோ ஹி ப்ரதிஷ்டா²ஹமம்ருதஸ்யாவ்யயஸ்ய ச ।
ஶாஶ்வதஸ்ய ச த⁴ர்மஸ்ய ஸுக²ஸ்யைகாந்திகஸ்ய ச ॥ 27 ॥

இதி ஶ்ரீமத்³ப⁴க³வத்³கீ³தாஸூபநிஷத்ஸு ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருஷ்ணார்ஜுநஸம்வாதே³ கு³ணத்ரயவிபா⁴க³யோகோ³ நாம சதுர்த³ஶோ(அ)த்⁴யாய꞉ ॥ 14 ॥

பஞ்சத³ஶோ(அ)த்⁴யாய꞉ – புருஷோத்தமயோக³꞉ >>

---

ஸம்பூர்ண ஶ்ரீமத்³ப⁴க³வத்³கீ³தா பார்க்க.

Did you see any mistake/variation in the content above? Click here to report mistakes and corrections in Stotranidhi content.