Read in తెలుగు / ಕನ್ನಡ / தமிழ் / देवनागरी / English (IAST)
அர்ஜுந உவாச ।
மத³நுக்³ரஹாய பரமம் கு³ஹ்யமத்⁴யாத்மஸஞ்ஜ்ஞிதம் ।
யத் த்வயோக்தம் வசஸ்தேந மோஹோ(அ)யம் விக³தோ மம ॥ 1 ॥
ப⁴வாப்யயௌ ஹி பூ⁴தாநாம் ஶ்ருதௌ விஸ்தரஶோ மயா ।
த்வத்த꞉ கமலபத்ராக்ஷ மாஹாத்ம்யமபி சாவ்யயம் ॥ 2 ॥
ஏவமேதத்³யதா²(ஆ)த்த² த்வமாத்மாநம் பரமேஶ்வர ।
த்³ரஷ்டுமிச்சா²மி தே ரூபமைஶ்வரம் புருஷோத்தம ॥ 3 ॥
மந்யஸே யதி³ தச்ச²க்யம் மயா த்³ரஷ்டுமிதி ப்ரபோ⁴ ।
யோகே³ஶ்வர ததோ மே த்வம் த³ர்ஶயாத்மாநமவ்யயம் ॥ 4 ॥
ஶ்ரீப⁴க³வாநுவாச ।
பஶ்ய மே பார்த² ரூபாணி ஶதஶோ(அ)த² ஸஹஸ்ரஶ꞉ ।
நாநாவிதா⁴நி தி³வ்யாநி நாநாவர்ணாக்ருதீநி ச ॥ 5 ॥
பஶ்யாதி³த்யான் வஸூன் ருத்³ராநஶ்விநௌ மருதஸ்ததா² ।
ப³ஹூந்யத்³ருஷ்டபூர்வாணி பஶ்யாஶ்சர்யாணி பா⁴ரத ॥ 6 ॥
இஹைகஸ்த²ம் ஜக³த் க்ருத்ஸ்நம் பஶ்யாத்³ய ஸசராசரம் ।
மம தே³ஹே கு³டா³கேஶ யச்சாந்யத்³த்³ரஷ்டுமிச்ச²ஸி ॥ 7 ॥
ந து மாம் ஶக்யஸே த்³ரஷ்டுமநேநைவ ஸ்வசக்ஷுஷா ।
தி³வ்யம் த³தா³மி தே சக்ஷு꞉ பஶ்ய மே யோக³மைஶ்வரம் ॥ 8 ॥
ஸஞ்ஜய உவாச ।
ஏவமுக்த்வா ததோ ராஜன் மஹாயோகே³ஶ்வரோ ஹரி꞉ ।
த³ர்ஶயாமாஸ பார்தா²ய பரமம் ரூபமைஶ்வரம் ॥ 9 ॥
அநேகவக்த்ரநயநமநேகாத்³பு⁴தத³ர்ஶநம் ।
அநேகதி³வ்யாப⁴ரணம் தி³வ்யாநேகோத்³யதாயுத⁴ம் ॥ 10 ॥
தி³வ்யமால்யாம்ப³ரத⁴ரம் தி³வ்யக³ந்தா⁴நுலேபநம் ।
ஸர்வாஶ்சர்யமயம் தே³வமநந்தம் விஶ்வதோமுக²ம் ॥ 11 ॥
தி³வி ஸூர்யஸஹஸ்ரஸ்ய ப⁴வேத்³யுக³பது³த்தி²தா ।
யதி³ பா⁴꞉ ஸத்³ருஶீ ஸா ஸ்யாத்³பா⁴ஸஸ்தஸ்ய மஹாத்மந꞉ ॥ 12 ॥
தத்ரைகஸ்த²ம் ஜக³த் க்ருத்ஸ்நம் ப்ரவிப⁴க்தமநேகதா⁴ ।
அபஶ்யத்³தே³வதே³வஸ்ய ஶரீரே பாண்ட³வஸ்ததா³ ॥ 13 ॥
தத꞉ ஸ விஸ்மயாவிஷ்டோ ஹ்ருஷ்டரோமா த⁴நஞ்ஜய꞉ ।
ப்ரணம்ய ஶிரஸா தே³வம் க்ருதாஞ்ஜலிரபா⁴ஷத ॥ 14 ॥
அர்ஜுந உவாச ।
பஶ்யாமி தே³வாம்ஸ்தவ தே³வ தே³ஹே
ஸர்வாம்ஸ்ததா² பூ⁴தவிஶேஷஸங்கா⁴ன் ।
ப்³ரஹ்மாணமீஶம் கமலாஸநஸ்த²-
-ம்ருஷீம்ஶ்ச ஸர்வாநுரகா³ம்ஶ்ச தி³வ்யான் ॥ 15 ॥
அநேகபா³ஹூத³ரவக்த்ரநேத்ரம்
பஶ்யாமி த்வாம் ஸர்வதோ(அ)நந்தரூபம் ।
நாந்தம் ந மத்⁴யம் ந புநஸ்தவாதி³ம்
பஶ்யாமி விஶ்வேஶ்வர விஶ்வரூப ॥ 16 ॥
கிரீடிநம் க³தி³நம் சக்ரிணம் ச
தேஜோராஶிம் ஸர்வதோ தீ³ப்திமந்தம் ।
பஶ்யாமி த்வாம் து³ர்நிரீக்ஷ்யம் ஸமந்தா-
-த்³தீ³ப்தாநலார்கத்³யுதிமப்ரமேயம் ॥ 17 ॥
த்வமக்ஷரம் பரமம் வேதி³தவ்யம்
த்வமஸ்ய விஶ்வஸ்ய பரம் நிதா⁴நம் ।
த்வமவ்யய꞉ ஶாஶ்வதத⁴ர்மகோ³ப்தா
ஸநாதநஸ்த்வம் புருஷோ மதோ மே ॥ 18 ॥
அநாதி³மத்⁴யாந்தமநந்தவீர்ய-
-மநந்தபா³ஹும் ஶஶிஸூர்யநேத்ரம் ।
பஶ்யாமி த்வாம் தீ³ப்தஹுதாஶவக்த்ரம்
ஸ்வதேஜஸா விஶ்வமித³ம் தபந்தம் ॥ 19 ॥
த்³யாவாப்ருதி²வ்யோரித³மந்தரம் ஹி
வ்யாப்தம் த்வயைகேந தி³ஶஶ்ச ஸர்வா꞉ ।
த்³ருஷ்ட்வாத்³பு⁴தம் ரூபமுக்³ரம் தவேத³ம்
லோகத்ரயம் ப்ரவ்யதி²தம் மஹாத்மன் ॥ 20 ॥
அமீ ஹி த்வாம் ஸுரஸங்கா⁴ விஶந்தி
கேசித்³பீ⁴தா꞉ ப்ராஞ்ஜலயோ க்³ருணந்தி ।
ஸ்வஸ்தீத்யுக்த்வா மஹர்ஷிஸித்³த⁴ஸங்கா⁴꞉
ஸ்துவந்தி த்வாம் ஸ்துதிபி⁴꞉ புஷ்களாபி⁴꞉ ॥ 21 ॥
ருத்³ராதி³த்யா வஸவோ யே ச ஸாத்⁴யா
விஶ்வே(அ)ஶ்விநௌ மருதஶ்சோஷ்மபாஶ்ச ।
க³ந்த⁴ர்வயக்ஷாஸுரஸித்³த⁴ஸங்கா⁴
வீக்ஷந்தே த்வாம் விஸ்மிதாஶ்சைவ ஸர்வே ॥ 22 ॥
ரூபம் மஹத் தே ப³ஹுவக்த்ரநேத்ரம்
மஹாபா³ஹோ ப³ஹுபா³ஹூருபாத³ம் ।
ப³ஹூத³ரம் ப³ஹுத³ம்ஷ்ட்ராகராளம்
த்³ருஷ்ட்வா லோகா꞉ ப்ரவ்யதி²தாஸ்ததா²ஹம் ॥ 23 ॥
நப⁴꞉ஸ்ப்ருஶம் தீ³ப்தமநேகவர்ணம்
வ்யாத்தாநநம் தீ³ப்தவிஶாலநேத்ரம் ।
த்³ருஷ்ட்வா ஹி த்வாம் ப்ரவ்யதி²தாந்தராத்மா
த்⁴ருதிம் ந விந்தா³மி ஶமம் ச விஷ்ணோ ॥ 24 ॥
த³ம்ஷ்ட்ராகராளாநி ச தே முகா²நி
த்³ருஷ்ட்வைவ காலாநலஸந்நிபா⁴நி ।
தி³ஶோ ந ஜாநே ந லபே⁴ ச ஶர்ம
ப்ரஸீத³ தே³வேஶ ஜக³ந்நிவாஸ ॥ 25 ॥
அமீ ச த்வாம் த்⁴ருதராஷ்ட்ரஸ்ய புத்ரா꞉
ஸர்வே ஸஹைவாவநிபாலஸங்கை⁴꞉ ।
பீ⁴ஷ்மோ த்³ரோண꞉ ஸூதபுத்ரஸ்ததா²ஸௌ
ஸஹாஸ்மதீ³யைரபி யோத⁴முக்²யை꞉ ॥ 26 ॥
வக்த்ராணி தே த்வரமாணா விஶந்தி
த³ம்ஷ்ட்ராகராளாநி ப⁴யாநகாநி ।
கேசித்³விளக்³நா த³ஶநாந்தரேஷு
ஸந்த்³ருஶ்யந்தே சூர்ணிதைருத்தமாங்கை³꞉ ॥ 27 ॥
யதா² நதீ³நாம் ப³ஹவோ(அ)ம்பு³வேகா³꞉
ஸமுத்³ரமேவாபி⁴முகா² த்³ரவந்தி ।
ததா² தவாமீ நரளோகவீரா
விஶந்தி வக்த்ராண்யபி⁴விஜ்வலந்தி ॥ 28 ॥
யதா² ப்ரதீ³ப்தம் ஜ்வலநம் பதங்கா³
விஶந்தி நாஶாய ஸம்ருத்³த⁴வேகா³꞉ ।
ததை²வ நாஶாய விஶந்தி லோகா-
-ஸ்தவாபி வக்த்ராணி ஸம்ருத்³த⁴வேகா³꞉ ॥ 29 ॥
லேலிஹ்யஸே க்³ரஸமாந꞉ ஸமந்தா-
-ல்லோகான் ஸமக்³ரான் வத³நைர்ஜ்வலத்³பி⁴꞉ ।
தேஜோபி⁴ராபூர்ய ஜக³த் ஸமக்³ரம்
பா⁴ஸஸ்தவோக்³ரா꞉ ப்ரதபந்தி விஷ்ணோ ॥ 30 ॥
ஆக்²யாஹி மே கோ ப⁴வாநுக்³ரரூபோ
நமோ(அ)ஸ்து தே தே³வவர ப்ரஸீத³ ।
விஜ்ஞாதுமிச்சா²மி ப⁴வந்தமாத்³யம்
ந ஹி ப்ரஜாநாமி தவ ப்ரவ்ருத்திம் ॥ 31 ॥
ஶ்ரீப⁴க³வாநுவாச ।
காலோ(அ)ஸ்மி லோகக்ஷயக்ருத் ப்ரவ்ருத்³தோ⁴
லோகான் ஸமாஹர்துமிஹ ப்ரவ்ருத்த꞉ ।
ருதே(அ)பி த்வாம் ந ப⁴விஷ்யந்தி ஸர்வே
யே(அ)வஸ்தி²தா꞉ ப்ரத்யநீகேஷு யோதா⁴꞉ ॥ 32 ॥
தஸ்மாத் த்வமுத்திஷ்ட² யஶோ லப⁴ஸ்வ
ஜித்வா ஶத்ரூன் பு⁴ங்க்ஷ்வ ராஜ்யம் ஸம்ருத்³த⁴ம் ।
மயைவைதே நிஹதா꞉ பூர்வமேவ
நிமித்தமாத்ரம் ப⁴வ ஸவ்யஸாசின் ॥ 33 ॥
த்³ரோணம் ச பீ⁴ஷ்மம் ச ஜயத்³ரத²ம் ச
கர்ணம் ததா²ந்யாநபி யோத⁴வீரான் ।
மயா ஹதாம்ஸ்த்வம் ஜஹி மா வ்யதி²ஷ்டா²
யுத்⁴யஸ்வ ஜேதாஸி ரணே ஸபத்நான் ॥ 34 ॥
ஸஞ்ஜய உவாச ।
ஏதச்ச்²ருத்வா வசநம் கேஶவஸ்ய
க்ருதாஞ்ஜலிர்வேபமாந꞉ கிரீடீ ।
நமஸ்க்ருத்வா பூ⁴ய ஏவாஹ க்ருஷ்ணம்
ஸக³த்³க³த³ம் பீ⁴தபீ⁴த꞉ ப்ரணம்ய ॥ 35 ॥
அர்ஜுந உவாச ।
ஸ்தா²நே ஹ்ருஷீகேஶ தவ ப்ரகீர்த்யா
ஜக³த் ப்ரஹ்ருஷ்யத்யநுரஜ்யதே ச ।
ரக்ஷாம்ஸி பீ⁴தாநி தி³ஶோ த்³ரவந்தி
ஸர்வே நமஸ்யந்தி ச ஸித்³த⁴ஸங்கா⁴꞉ ॥ 36 ॥
கஸ்மாச்ச தே ந நமேரன் மஹாத்மன்
க³ரீயஸே ப்³ரஹ்மணோ(அ)ப்யாதி³கர்த்ரே ।
அநந்த தே³வேஶ ஜக³ந்நிவாஸ
த்வமக்ஷரம் ஸத³ஸத்தத்பரம் யத் ॥ 37 ॥
த்வமாதி³தே³வ꞉ புருஷ꞉ புராண-
-ஸ்த்வமஸ்ய விஶ்வஸ்ய பரம் நிதா⁴நம் ।
வேத்தாஸி வேத்³யம் ச பரம் ச தா⁴ம
த்வயா ததம் விஶ்வமநந்தரூப ॥ 38 ॥
வாயுர்யமோ(அ)க்³நிர்வருண꞉ ஶஶாங்க꞉
ப்ரஜாபதிஸ்த்வம் ப்ரபிதாமஹஶ்ச ।
நமோ நமஸ்தே(அ)ஸ்து ஸஹஸ்ரக்ருத்வ꞉
புநஶ்ச பூ⁴யோ(அ)பி நமோ நமஸ்தே ॥ 39 ॥
நம꞉ புரஸ்தாத³த² ப்ருஷ்ட²தஸ்தே
நமோ(அ)ஸ்து தே ஸர்வத ஏவ ஸர்வ ।
அநந்தவீர்யாமிதவிக்ரமஸ்த்வம்
ஸர்வம் ஸமாப்நோஷி ததோ(அ)ஸி ஸர்வ꞉ ॥ 40 ॥
ஸகே²தி மத்வா ப்ரஸப⁴ம் யது³க்தம்
ஹே க்ருஷ்ண ஹே யாத³வ ஹே ஸகே²தி ।
அஜாநதா மஹிமாநம் தவேத³ம்
மயா ப்ரமாதா³த் ப்ரணயேந வாபி ॥ 41 ॥
யச்சாவஹாஸார்த²மஸத்க்ருதோ(அ)ஸி
விஹாரஶய்யாஸநபோ⁴ஜநேஷு ।
ஏகோ(அ)த²வாப்யச்யுத தத்ஸமக்ஷம்
தத் க்ஷாமயே த்வாமஹமப்ரமேயம் ॥ 42 ॥
பிதாஸி லோகஸ்ய சராசரஸ்ய
த்வமஸ்ய பூஜ்யஶ்ச கு³ருர்க³ரீயான் ।
ந த்வத்ஸமோ(அ)ஸ்த்யப்⁴யதி⁴க꞉ குதோ(அ)ந்யோ
லோகத்ரயே(அ)ப்யப்ரதிமப்ரபா⁴வ ॥ 43 ॥
தஸ்மாத் ப்ரணம்ய ப்ரணிதா⁴ய காயம்
ப்ரஸாத³யே த்வாமஹமீஶமீட்³யம் ।
பிதேவ புத்ரஸ்ய ஸகே²வ ஸக்²யு꞉
ப்ரிய꞉ ப்ரியாயார்ஹஸி தே³வ ஸோடு⁴ம் ॥ 44 ॥
அத்³ருஷ்டபூர்வம் ஹ்ருஷிதோ(அ)ஸ்மி த்³ருஷ்ட்வா
ப⁴யேந ச ப்ரவ்யதி²தம் மநோ மே ।
ததே³வ மே த³ர்ஶய தே³வரூபம்
ப்ரஸீத³ தே³வேஶ ஜக³ந்நிவாஸ ॥ 45 ॥
கிரீடிநம் க³தி³நம் சக்ரஹஸ்த-
-மிச்சா²மி த்வாம் த்³ரஷ்டுமஹம் ததை²வ ।
தேநைவ ரூபேண சதுர்பு⁴ஜேந
ஸஹஸ்ரபா³ஹோ ப⁴வ விஶ்வமூர்தே ॥ 46 ॥
ஶ்ரீப⁴க³வாநுவாச ।
மயா ப்ரஸந்நேந தவார்ஜுநேத³ம்
ரூபம் பரம் த³ர்ஶிதமாத்மயோகா³த் ।
தேஜோமயம் விஶ்வமநந்தமாத்³யம்
யந்மே த்வத³ந்யேந ந த்³ருஷ்டபூர்வம் ॥ 47 ॥
ந வேத³யஜ்ஞாத்⁴யயநைர்ந தா³நை-
-ர்ந ச க்ரியாபி⁴ர்ந தபோபி⁴ருக்³ரை꞉ ।
ஏவம் ரூப꞉ ஶக்ய அஹம் ந்ருலோகே
த்³ரஷ்டும் த்வத³ந்யேந குருப்ரவீர ॥ 48 ॥
மா தே வ்யதா² மா ச விமூட⁴பா⁴வோ
த்³ருஷ்ட்வா ரூபம் கோ⁴ரமீத்³ருங்மமேத³ம் ।
வ்யபேதபீ⁴꞉ ப்ரீதமநா꞉ புநஸ்த்வம்
ததே³வ மே ரூபமித³ம் ப்ரபஶ்ய ॥ 49 ॥
ஸஞ்ஜய உவாச ।
இத்யர்ஜுநம் வாஸுதே³வஸ்ததோ²க்த்வா
ஸ்வகம் ரூபம் த³ர்ஶயாமாஸ பூ⁴ய꞉ ।
ஆஶ்வாஸயாமாஸ ச பீ⁴தமேநம்
பூ⁴த்வா புந꞉ ஸௌம்யவபுர்மஹாத்மா ॥ 50 ॥
அர்ஜுந உவாச ।
த்³ருஷ்ட்வேத³ம் மாநுஷம் ரூபம் தவ ஸௌம்யம் ஜநார்த³ந ।
இதா³நீமஸ்மி ஸம்வ்ருத்த꞉ ஸசேதா꞉ ப்ரக்ருதிம் க³த꞉ ॥ 51 ॥
ஶ்ரீப⁴க³வாநுவாச ।
ஸுது³ர்த³ர்ஶமித³ம் ரூபம் த்³ருஷ்டவாநஸி யந்மம ।
தே³வா அப்யஸ்ய ரூபஸ்ய நித்யம் த³ர்ஶநகாங்க்ஷிண꞉ ॥ 52 ॥
நாஹம் வேதை³ர்ந தபஸா ந தா³நேந ந சேஜ்யயா ।
ஶக்ய ஏவம்விதோ⁴ த்³ரஷ்டும் த்³ருஷ்டவாநஸி மாம் யதா² ॥ 53 ॥
ப⁴க்த்யா த்வநந்யயா ஶக்ய அஹமேவம்விதோ⁴(அ)ர்ஜுந ।
ஜ்ஞாதும் த்³ரஷ்டும் ச தத்த்வேந ப்ரவேஷ்டும் ச பரந்தப ॥ 54 ॥
மத்கர்மக்ருந்மத்பரமோ மத்³ப⁴க்த꞉ ஸங்க³வர்ஜித꞉ ।
நிர்வைர꞉ ஸர்வபூ⁴தேஷு ய꞉ ஸ மாமேதி பாண்ட³வ ॥ 55 ॥
இதி ஶ்ரீமத்³ப⁴க³வத்³கீ³தாஸூபநிஷத்ஸு ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருஷ்ணார்ஜுநஸம்வாதே³ விஶ்வரூபத³ர்ஶநயோகோ³ நாம ஏகாத³ஶோ(அ)த்⁴யாய꞉ ॥ 11 ॥
த்³வாத³ஶோ(அ)த்⁴யாய꞉ – ப⁴க்தியோக³꞉ >>
ஸம்பூர்ண ஶ்ரீமத்³ப⁴க³வத்³கீ³தா பார்க்க.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
