Sri Surya Sahasranama Stotram – ஶ்ரீ ஸூர்ய ஸஹஸ்ரநாம ஸ்தோத்ரம்


ஶதாநீக உவாச ।
நாம்நாம் ஸஹஸ்ரம் ஸவிது꞉ ஶ்ரோதுமிச்சா²மி ஹே த்³விஜ ।
யேந தே த³ர்ஶநம் யாத꞉ ஸாக்ஷாத்³தே³வோ தி³வாகர꞉ ॥ 1 ॥

ஸர்வமங்க³ளமாங்க³ல்யம் ஸர்வாபாபப்ரணாஶநம் ।
ஸ்தோத்ரமேதந்மஹாபுண்யம் ஸர்வோபத்³ரவநாஶநம் ॥ 2 ॥

ந தத³ஸ்தி ப⁴யம் கிஞ்சித்³யத³நேந ந நஶ்யதி ।
ஜ்வராத்³யைர்முச்யதே ராஜந் ஸ்தோத்ரே(அ)ஸ்மிந் படி²தே நர꞉ ॥ 3 ॥

அந்யே ச ரோகா³꞉ ஶாம்யந்தி பட²த꞉ ஶ்ருண்வதஸ்ததா² ।
ஸம்பத்³யந்தே யதா² காமா꞉ ஸர்வ ஏவ யதே²ப்ஸிதா꞉ ॥ 4 ॥

ய ஏததா³தி³த꞉ ஶ்ரூத்வா ஸங்க்³ராமம் ப்ரவிஶேந்நர꞉ ।
ஸ ஜித்வா ஸமரே ஶத்ரூநப்⁴யேதி க்³ருஹமக்ஷத꞉ ॥ 5 ॥

வந்த்⁴யாநாம் புத்ரஜநநம் பீ⁴தாநாம் ப⁴யநாஶநம் ।
பூ⁴திகாரி த³ரித்³ராணாம் குஷ்டி²நாம் பரமௌஷத⁴ம் ॥ 6 ॥

பா³லாநாம் சைவ ஸர்வேஷாம் க்³ரஹரக்ஷோநிவாரணம் ।
பட²தே ஸம்யதோ ராஜந் ஸ ஶ்ரேய꞉ பரமாப்நுயாத் ॥ 7 ॥

ஸ ஸித்³த⁴꞉ ஸர்வஸங்கல்ப꞉ ஸுக²மத்யந்தமஶ்நுதே ।
த⁴ர்மார்தி²பி⁴ர்த⁴ர்மலுப்³தை⁴꞉ ஸுகா²ய ச ஸுகா²ர்தி²பி⁴꞉ ॥ 8 ॥

ராஜ்யாய ராஜ்யகாமைஶ்ச படி²தவ்யமித³ம் நரை꞉ ।
வித்³யாவஹம் து விப்ராணாம் க்ஷத்ரியாணாம் ஜயாவஹம் ॥ 9 ॥

பஶ்வாவஹம் து வைஶ்யாநாம் ஶூத்³ராணாம் த⁴ர்மவர்த⁴நம் ।
பட²தாம் ஶ்ருண்வதாமேதத்³ப⁴வதீதி ந ஸம்ஶய꞉ ॥ 10 ॥

தச்ச்²ருணுஷ்வ ந்ருபஶ்ரேஷ்ட² ப்ரயதாத்மா ப்³ரவீமி தே ।
நாம்நாம் ஸஹஸ்ரம் விக்²யாதம் தே³வதே³வஸ்ய பா⁴ஸ்வத꞉ ॥ 11 ॥

அஸ்ய ஶ்ரீ ஸூர்ய ஸஹஸ்ரநாம ஸ்தோத்ரஸ்ய வேத³வ்யாஸ ருஷி꞉ அநுஷ்டுப் ச²ந்த³꞉ ஸவிதா தே³வதா அபீ⁴ஷ்டஸித்³த்⁴யர்தே² ஜபே விநியோக³꞉ ॥

த்⁴யாநம் ।
த்⁴யேய꞉ ஸதா³ ஸவித்ருமண்ட³லமத்⁴யவர்தீ
நாராயண꞉ ஸரஸிஜாஸநஸந்நிவிஷ்ட꞉ ।
கேயூரவாந் மகரகுண்ட³லவாந் கிரீடீ
ஹாரீ ஹிரண்மயவபுர்த்⁴ருதஶங்க²சக்ர꞉ ॥

அத² ஸ்தோத்ரம் ।
ஓம் । விஶ்வவித்³விஶ்வஜித்கர்தா விஶ்வாத்மா விஶ்வதோமுக²꞉ ।
விஶ்வேஶ்வரோ விஶ்வயோநிர்நியதாத்மா ஜிதேந்த்³ரிய꞉ ॥ 1 ॥

காலாஶ்ரய꞉ காலகர்தா காலஹா காலநாஶந꞉ ।
மஹாயோகீ³ மஹாஸித்³தி⁴ர்மஹாத்மா ஸுமஹாப³ல꞉ ॥ 2 ॥ [பு³த்³தி⁴]

ப்ரபு⁴ர்விபு⁴ர்பூ⁴தநாதோ² பூ⁴தாத்மா பு⁴வநேஶ்வர꞉ ।
பூ⁴தப⁴வ்யோ பா⁴விதாத்மா பூ⁴தாந்த꞉ கரண꞉ ஶிவ꞉ ॥ 3 ॥

ஶரண்ய꞉ கமலாநந்தோ³ நந்த³நோ நந்த³வர்த⁴ந꞉ ।
வரேண்யோ வரதோ³ யோகீ³ ஸுஸம்யுக்த꞉ ப்ரகாஶக꞉ ॥ 4 ॥

ப்ராப்தயாந꞉ பரப்ராண꞉ பூதாத்மா ப்ரயத꞉ ப்ரிய꞉ । [ப்ரியத꞉]
நய꞉ ஸஹஸ்ரபாத் ஸாது⁴ர்தி³வ்யகுண்ட³லமண்டி³த꞉ ॥ 5 ॥

அவ்யங்க³தா⁴ரீ தீ⁴ராத்மா ஸவிதா வாயுவாஹந꞉ । [ப்ரசேதா]
ஸமாஹிதமதிர்தா³தா விதா⁴தா க்ருதமங்க³ள꞉ ॥ 6 ॥

கபர்தீ³ கல்பபாத்³ருத்³ர꞉ ஸுமநா த⁴ர்மவத்ஸல꞉ ।
ஸமாயுக்தோ விமுக்தாத்மா க்ருதாத்மா க்ருதிநாம் வர꞉ ॥ 7 ॥

அவிசிந்த்யவபு꞉ ஶ்ரேஷ்டோ² மஹாயோகீ³ மஹேஶ்வர꞉ ।
காந்த꞉ காமாரிராதி³த்யோ நியதாத்மா நிராகுல꞉ ॥ 8 ॥

[* காம꞉ காருணிக꞉ கர்தா கமலாகர போ³த⁴ந꞉ । *]
ஸப்தஸப்திரசிந்த்யாத்மா மஹாகாருணிகோத்தம꞉ ।
ஸஞ்ஜீவநோ ஜீவநாதோ² ஜயோ ஜீவோ ஜக³த்பதி꞉ ॥ 9 ॥

அயுக்தோ விஶ்வநிலய꞉ ஸம்விபா⁴கீ³ வ்ருஷத்⁴வஜ꞉ ।
வ்ருஷாகபி꞉ கல்பகர்தா கல்பாந்தகரணோ ரவி꞉ ॥ 10 ॥

ஏகசக்ரரதோ² மௌநீ ஸுரதோ² ரதி²நாம் வர꞉ ।
ஸக்ரோத⁴நோ ரஶ்மிமாலீ தேஜோராஶிர்விபா⁴வஸு꞉ ॥ 11 ॥

தி³வ்யக்ருத்³தி³நக்ருத்³தே³வோ தே³வதே³வோ தி³வஸ்பதி꞉ ।
தீ³நநாதோ² ஹரோ ஹோதா தி³வ்யபா³ஹுர்தி³வாகர꞉ ॥ 12 ॥

யஜ்ஞோ யஜ்ஞபதி꞉ பூஷா ஸ்வர்ணரேதா꞉ பராவர꞉ ।
பராபரஜ்ஞஸ்தரணிரம்ஶுமாலீ மநோஹர꞉ ॥ 13 ॥

ப்ராஜ்ஞ꞉ ப்ராஜ்ஞபதி꞉ ஸூர்ய꞉ ஸவிதா விஷ்ணுரம்ஶுமாந் ।
ஸதா³க³திர்க³ந்த⁴வஹோ விஹிதோ விதி⁴ராஶுக³꞉ ॥ 14 ॥

பதங்க³꞉ பதக³꞉ ஸ்தா²ணுர்விஹங்கோ³ விஹகோ³ வர꞉ ।
ஹர்யஶ்வோ ஹரிதாஶ்வஶ்ச ஹரித³ஶ்வோ ஜக³த்ப்ரிய꞉ ॥ 15 ॥

த்ர்யம்ப³க꞉ ஸர்வத³மநோ பா⁴விதாத்மா பி⁴ஷக்³வர꞉ ।
ஆலோகக்ருல்லோகநாதோ² லோகாலோகநமஸ்க்ருத꞉ ॥ 16 ॥

கால꞉ கல்பாந்தகோ வஹ்நிஸ்தபந꞉ ஸம்ப்ரதாபந꞉ ।
விளோசநோ விரூபாக்ஷ꞉ ஸஹஸ்ராக்ஷ꞉ புரந்த³ர꞉ ॥ 17 ॥

ஸஹஸ்ரரஶ்மிர்மிஹிரோ விவிதா⁴ம்ப³ரபூ⁴ஷண꞉ ।
க²க³꞉ ப்ரதர்த³நோ த⁴ந்யோ ஹயகோ³ வாக்³விஶாரத³꞉ ॥ 18 ॥

ஶ்ரீமாந் ஶஶிஶிரோ வாக்³மீ ஶ்ரீபதி꞉ ஶ்ரீநிகேதந꞉ ।
ஶ்ரீகண்ட²꞉ ஶ்ரீத⁴ர꞉ ஶ்ரீமாந் ஶ்ரீநிவாஸோ வஸுப்ரத³꞉ ॥ 19 ॥

காமசாரீ மஹாமாயோ மஹோக்³ரோ(அ)விதி³தாமய꞉ ।
தீர்த²க்ரியாவாந் ஸுநயோ விப⁴க்தோ ப⁴க்தவத்ஸல꞉ ॥ 20 ॥

கீர்தி꞉ கீர்திகரோ நித்ய꞉ குண்ட³லீ கவசீ ரதீ² ।
ஹிரண்யரேதா꞉ ஸப்தாஶ்வ꞉ ப்ரயதாத்மா பரந்தப꞉ ॥ 21 ॥

பு³த்³தி⁴மாநமரஶ்ரேஷ்டோ² ரோசிஷ்ணு꞉ பாகஶாஸந꞉ ।
ஸமுத்³ரோ த⁴நதோ³ தா⁴தா மாந்தா⁴தா கஶ்மளாபஹ꞉ ॥ 22 ॥

தமோக்⁴நோ த்⁴வாந்தஹா வஹ்நிர்ஹோதாந்தகரணோ கு³ஹ꞉ ।
பஶுமாந் ப்ரயதாநந்தோ³ பூ⁴தேஶ꞉ ஶ்ரீமதாம் வர꞉ ॥ 23 ॥

நித்யோதி³தோ நித்யரத²꞉ ஸுரேஶ꞉ ஸுரபூஜித꞉ ।
அஜிதோ விஜிதோ ஜேதா ஜங்க³மஸ்தா²வராத்மக꞉ ॥ 24 ॥

ஜீவாநந்தோ³ நித்யகா³மீ விஜேதா விஜயப்ரத³꞉ ।
பர்ஜந்யோ(அ)க்³நி꞉ ஸ்தி²தி꞉ ஸ்தே²ய꞉ ஸ்த²விரோ(அ)த² நிரஞ்ஜந꞉ ॥ 25 ॥

ப்ரத்³யோதநோ ரதா²ரூட⁴꞉ ஸர்வலோகப்ரகாஶக꞉ ।
த்⁴ருவோ மேஷீ மஹாவீர்யோ ஹம்ஸ꞉ ஸம்ஸாரதாரக꞉ ॥ 26 ॥

ஸ்ருஷ்டிகர்தா க்ரியாஹேதுர்மார்தண்டோ³ மருதாம் பதி꞉ ।
மருத்வாந் த³ஹநஸ்த்வஷ்டா ப⁴கோ³ ப⁴ர்கோ³(அ)ர்யமா கபி꞉ ॥ 27 ॥

வருணேஶோ ஜக³ந்நாத²꞉ க்ருதக்ருத்ய꞉ ஸுலோசந꞉ ।
விவஸ்வாந் பா⁴நுமாந் கார்ய꞉ காரணஸ்தேஜஸாம் நிதி⁴꞉ ॥ 28 ॥

அஸங்க³கா³மீ திக்³மாம்ஶுர்க⁴ர்மாம்ஶுர்தீ³ப்ததீ³தி⁴தி꞉ ।
ஸஹஸ்ரதீ³தி⁴திர்ப்³ரத்⁴ந꞉ ஸஹஸ்ராம்ஶுர்தி³வாகர꞉ ॥ 29 ॥

க³ப⁴ஸ்திமாந் தீ³தி⁴திமாந் ஸ்ரக்³வீ மணிகுலத்³யுதி꞉ ।
பா⁴ஸ்கர꞉ ஸுரகார்யஜ்ஞ꞉ ஸர்வஜ்ஞஸ்தீக்ஷ்ணதீ³தி⁴தி꞉ ॥ 30 ॥

ஸுரஜ்யேஷ்ட²꞉ ஸுரபதிர்ப³ஹுஜ்ஞோ வசஸாம் பதி꞉ ।
தேஜோநிதி⁴ர்ப்³ருஹத்தேஜா ப்³ருஹத்கீர்திர்ப்³ருஹஸ்பதி꞉ ॥ 31 ॥

அஹிமாநூர்ஜிதோ தீ⁴மாநாமுக்த꞉ கீர்திவர்த⁴ந꞉ ।
மஹாவைத்³யோ க³ணபதிர்த⁴நேஶோ க³ணநாயக꞉ ॥ 32 ॥

தீவ்ர꞉ ப்ரதாபநஸ்தாபீ தாபநோ விஶ்வதாபந꞉ ।
கார்தஸ்வரோ ஹ்ருஷீகேஶ꞉ பத்³மாநந்தோ³(அ)திநந்தி³த꞉ ॥ 33 ॥

பத்³மநாபோ⁴(அ)ம்ருதாஹார꞉ ஸ்தி²திமாந் கேதுமாந் நப⁴꞉ ।
அநாத்³யந்தோ(அ)ச்யுதோ விஶ்வோ விஶ்வாமித்ரோ க்⁴ருணிர்விராட் ॥ 34 ॥

ஆமுக்தகவசோ வாக்³மீ கஞ்சுகீ விஶ்வபா⁴வந꞉ ।
அநிமித்தக³தி꞉ ஶ்ரேஷ்ட²꞉ ஶரண்ய꞉ ஸர்வதோமுக²꞉ ॥ 35 ॥

விகா³ஹீ வேணுரஸஹ꞉ ஸமாயுக்த꞉ ஸமாக்ரது꞉ ।
த⁴ர்மகேதுர்த⁴ர்மரதி꞉ ஸம்ஹர்தா ஸம்யமோ யம꞉ ॥ 36 ॥

ப்ரணதார்திஹரோ வாயு꞉ ஸித்³த⁴கார்யோ ஜநேஶ்வர꞉ ।
நபோ⁴ விகா³ஹந꞉ ஸத்ய꞉ ஸவிதாத்மா மநோஹர꞉ ॥ 37 ॥

ஹாரீ ஹரிர்ஹரோ வாயுர்ருது꞉ காலாநலத்³யுதி꞉ ।
ஸுக²ஸேவ்யோ மஹாதேஜா ஜக³தாமேககாரணம் ॥ 38 ॥

மஹேந்த்³ரோ விஷ்டுத꞉ ஸ்தோத்ரம் ஸ்துதிஹேது꞉ ப்ரபா⁴கர꞉ ।
ஸஹஸ்ரகர ஆயுஷ்மாந் ரோக³த³꞉ ஸுக²த³꞉ ஸுகீ² ॥ 39 ॥ [அரோஷ꞉]

வ்யாதி⁴ஹா ஸுக²த³꞉ ஸௌக்²யம் கல்யாணம் கலதாம் வர꞉ ।
ஆரோக்³யகாரணம் ஸித்³தி⁴ர்ருத்³தி⁴ர்வ்ருத்³தி⁴ர்ப்³ருஹஸ்பதி꞉ ॥ 40 ॥

ஹிரண்யரேதா ஆரோக்³யம் வித்³வாந் ப்³ரத்⁴நோ பு³தோ⁴ மஹாந் ।
ப்ராணவாந் த்⁴ருதிமாந் க⁴ர்மோ க⁴ர்மகர்தா ருசிப்ரத³꞉ ॥ 41 ॥

ஸர்வப்ரிய꞉ ஸர்வஸஹ꞉ ஸர்வஶத்ருவிநாஶந꞉ ।
ப்ராம்ஶுர்வித்³யோதநோ த்³யோத꞉ ஸஹஸ்ரகிரண꞉ க்ருதீ ॥ 42 ॥

கேயூரீ பூ⁴ஷணோத்³பா⁴ஸீ பா⁴ஸிதோ பா⁴ஸநோ(அ)நல꞉ ।
ஶரண்யார்திஹரோ ஹோதா க²த்³யோத꞉ க²க³ஸத்தம꞉ ॥ 43 ॥

ஸர்வத்³யோதோ ப⁴வத்³யோத꞉ ஸர்வத்³யுதிகரோ மத꞉ ।
கல்யாண꞉ கல்யாணகர꞉ கல்ய꞉ கல்யகர꞉ கவி꞉ ॥ 44 ॥

கல்யாணக்ருத் கல்யவபு꞉ ஸர்வகல்யாணபா⁴ஜநம் ।
ஶாந்திப்ரிய꞉ ப்ரஸந்நாத்மா ப்ரஶாந்த꞉ ப்ரஶமப்ரிய꞉ ॥ 45 ॥

உதா³ரகர்மா ஸுநய꞉ ஸுவர்சா வர்சஸோஜ்ஜ்வல꞉ ।
வர்சஸ்வீ வர்சஸாமீஶஸ்த்ரைலோக்யேஶோ வஶாநுக³꞉ ॥ 46 ॥

தேஜஸ்வீ ஸுயஶா வர்ஷ்மீ வர்ணாத்⁴யக்ஷோ ப³லிப்ரிய꞉ ।
யஶஸ்வீ தேஜோநிலயஸ்தேஜஸ்வீ ப்ரக்ருதிஸ்தி²த꞉ ॥ 47 ॥

ஆகாஶக³꞉ ஶீக்⁴ரக³திராஶுகோ³ க³திமாந் க²க³꞉ ।
கோ³பதிர்க்³ரஹதே³வேஶோ கோ³மாநேக꞉ ப்ரப⁴ஞ்ஜந꞉ ॥ 48 ॥

ஜநிதா ப்ரஜநோ ஜீவோ தீ³ப꞉ ஸர்வப்ரகாஶக꞉ ।
ஸர்வஸாக்ஷீ யோக³நித்யோ நப⁴ஸ்வாநஸுராந்தக꞉ ॥ 49 ॥

ரக்ஷோக்⁴நோ விக்⁴நஶமந꞉ கிரீடீ ஸுமந꞉ப்ரிய꞉ ।
மரீசிமாலீ ஸுமதி꞉ க்ருதாபி⁴க்²யவிஶேஷக꞉ ॥ 50 ॥

ஶிஷ்டாசார꞉ ஶுபா⁴சார꞉ ஸ்வசாராசாரதத்பர꞉ ।
மந்தா³ரோ மாட²ரோ வேணு꞉ க்ஷுதா⁴ப꞉ க்ஷ்மாபதிர்கு³ரு꞉ ॥ 51 ॥

ஸுவிஶிஷ்டோ விஶிஷ்டாத்மா விதே⁴யோ ஜ்ஞாநஶோப⁴ந꞉ ।
மஹாஶ்வேத꞉ ப்ரியோ ஜ்ஞேய꞉ ஸாமகோ³ மோக்ஷதா³யக꞉ ॥ 52 ॥

ஸர்வவேத³ப்ரகீ³தாத்மா ஸர்வவேத³ளயோ மஹாந் ।
வேத³மூர்திஶ்சதுர்வேதோ³ வேத³ப்⁴ருத்³வேத³பாரக³꞉ ॥ 53 ॥

க்ரியாவாநஸிதோ ஜிஷ்ணுர்வரீயாம்ஶுர்வரப்ரத³꞉ ।
வ்ரதசாரீ வ்ரதத⁴ரோ லோகப³ந்து⁴ரளங்க்ருத꞉ ॥ 54 ॥

அலங்காரோ(அ)க்ஷரோ வேத்³யோ வித்³யாவாந் விதி³தாஶய꞉ ।
ஆகாரோ பூ⁴ஷணோ பூ⁴ஷ்யோ பூ⁴ஷ்ணுர்பு⁴வநபூஜித꞉ ॥ 55 ॥

சக்ரபாணிர்த்⁴வஜத⁴ர꞉ ஸுரேஶோ லோகவத்ஸல꞉ ।
வாக்³மிபதிர்மஹாபா³ஹு꞉ ப்ரக்ருதிர்விக்ருதிர்கு³ண꞉ ॥ 56 ॥

அந்த⁴காராபஹ꞉ ஶ்ரேஷ்டோ² யுகா³வர்தோ யுகா³தி³க்ருத் ।
அப்ரமேய꞉ ஸதா³யோகீ³ நிரஹங்கார ஈஶ்வர꞉ ॥ 57 ॥

ஶுப⁴ப்ரத³꞉ ஶுப⁴꞉ ஶாஸ்தா ஶுப⁴கர்மா ஶுப⁴ப்ரத³꞉ ।
ஸத்யவாந் ஶ்ருதிமாநுச்சைர்நகாரோ வ்ருத்³தி⁴தோ³(அ)நல꞉ ॥ 58 ॥

ப³லப்⁴ருத்³ப³லதோ³ ப³ந்து⁴ர்மதிமாந் ப³லிநாம் வர꞉ ।
அநங்கோ³ நாக³ராஜேந்த்³ர꞉ பத்³மயோநிர்க³ணேஶ்வர꞉ ॥ 59 ॥

ஸம்வத்ஸர ருதுர்நேதா காலசக்ரப்ரவர்தக꞉ ।
பத்³மேக்ஷண꞉ பத்³மயோநி꞉ ப்ரபா⁴வாநமர꞉ ப்ரபு⁴꞉ ॥ 60 ॥

ஸுமூர்தி꞉ ஸுமதி꞉ ஸோமோ கோ³விந்தோ³ ஜக³தா³தி³ஜ꞉ ।
பீதவாஸா꞉ க்ருஷ்ணவாஸா தி³க்³வாஸாஸ்த்விந்த்³ரியாதிக³꞉ ॥ 61 ॥

அதீந்த்³ரியோ(அ)நேகரூப꞉ ஸ்கந்த³꞉ பரபுரஞ்ஜய꞉ ।
ஶக்திமாந் ஜலத்⁴ருக்³பா⁴ஸ்வாந் மோக்ஷஹேதுரயோநிஜ꞉ ॥ 62 ॥

ஸர்வத³ர்ஶீ ஜிதாத³ர்ஶோ து³꞉ஸ்வப்நாஶுப⁴நாஶந꞉ ।
மங்க³ல்யகர்தா தரணிர்வேக³வாந் கஶ்மளாபஹ꞉ ॥ 63 ॥

ஸ்பஷ்டாக்ஷரோ மஹாமந்த்ரோ விஶாகோ² யஜநப்ரிய꞉ ।
விஶ்வகர்மா மஹாஶக்திர்த்³யுதிரீஶோ விஹங்க³ம꞉ ॥ 64 ॥

விசக்ஷணோ த³க்ஷ இந்த்³ர꞉ ப்ரத்யூஷ꞉ ப்ரியத³ர்ஶந꞉ ।
அகி²ந்நோ வேத³நிலயோ வேத³வித்³விதி³தாஶய꞉ ॥ 65 ॥

ப்ரபா⁴கரோ ஜிதரிபு꞉ ஸுஜநோ(அ)ருணஸாரதி²꞉ ।
குநாஶீ ஸுரத꞉ ஸ்கந்தோ³ மஹிதோ(அ)பி⁴மதோ கு³ரு꞉ ॥ 66 ॥

க்³ரஹராஜோ க்³ரஹபதிர்க்³ரஹநக்ஷத்ரமண்ட³ல꞉ ।
பா⁴ஸ்கர꞉ ஸததாநந்தோ³ நந்த³நோ நரவாஹந꞉ ॥ 67 ॥

[* மங்க³ளோ(அ)த² மங்க³ளவாந் மாங்க³ல்யோ மங்க³ளாவஹ꞉ । *]
மங்க³ல்யசாருசரித꞉ ஶீர்ண꞉ ஸர்வவ்ரதோ வ்ரதீ ।
சதுர்முக²꞉ பத்³மமாலீ பூதாத்மா ப்ரணதார்திஹா ॥ 69 ॥

அகிஞ்சந꞉ ஸதாமீஶோ நிர்கு³ணோ கு³ணவாந் ஶுசி꞉ ।
ஸம்பூர்ண꞉ புண்ட³ரீகாக்ஷோ விதே⁴யோ யோக³தத்பர꞉ ॥ 70 ॥

ஸஹஸ்ராம்ஶு꞉ க்ரதுமதி꞉ ஸர்வஜ்ஞ꞉ ஸுமதி꞉ ஸுவாக் ।
ஸுவாஹநோ மால்யதா³மா க்ருதாஹாரோ ஹரிப்ரிய꞉ ॥ 71 ॥

ப்³ரஹ்மா ப்ரசேதா꞉ ப்ரதி²த꞉ ப்ரயதாத்மா ஸ்தி²ராத்மக꞉ ।
ஶதவிந்து³꞉ ஶதமுகோ² க³ரீயாநநலப்ரப⁴꞉ ॥ 72 ॥

தீ⁴ரோ மஹத்தரோ விப்ர꞉ புராணபுருஷோத்தம꞉ ।
வித்³யாராஜாதி⁴ராஜோ ஹி வித்³யாவாந் பூ⁴தித³꞉ ஸ்தி²த꞉ ॥ 73 ॥

அநிர்தே³ஶ்யவபு꞉ ஶ்ரீமாந் விபாப்மா ப³ஹுமங்க³ள꞉ ।
ஸ்வ꞉ஸ்தி²த꞉ ஸுரத²꞉ ஸ்வர்ணோ மோக்ஷதோ³ ப³லிகேதந꞉ ॥ 74 ॥

நிர்த்³வந்த்³வோ த்³வந்த்³வஹா ஸ்வர்க³꞉ ஸர்வக³꞉ ஸம்ப்ரகாஶக꞉ ।
த³யாளு꞉ ஸூக்ஷ்மதீ⁴꞉ க்ஷாந்தி꞉ க்ஷேமாக்ஷேமஸ்தி²திப்ரிய꞉ ॥ 75 ॥

பூ⁴த⁴ரோ பூ⁴பதிர்வக்தா பவித்ராத்மா த்ரிலோசந꞉ ।
மஹாவராஹ꞉ ப்ரியக்ருத்³தா³தா போ⁴க்தா(அ)ப⁴யப்ரத³꞉ ॥ 76 ॥

சக்ரவர்தீ த்⁴ருதிகர꞉ ஸம்பூர்ணோ(அ)த² மஹேஶ்வர꞉ ।
சதுர்வேத³த⁴ரோ(அ)சிந்த்யோ விநிந்த்³யோ விவிதா⁴ஶந꞉ ॥ 77 ॥

விசித்ரரத² ஏகாகீ ஸப்தஸப்தி꞉ பராபர꞉ ।
ஸர்வோத³தி⁴ஸ்தி²திகர꞉ ஸ்தி²திஸ்தே²ய꞉ ஸ்தி²திப்ரிய꞉ ॥ 78 ॥

நிஷ்கள꞉ புஷ்களோ விபு⁴ர்வஸுமாந் வாஸவப்ரிய꞉ ।
பஶுமாந் வாஸவஸ்வாமீ வஸுதா⁴மா வஸுப்ரத³꞉ ॥ 79 ॥

ப³லவாந் ஜ்ஞாநவாம்ஸ்தத்த்வமோங்காரஸ்த்ரிஷுஸம்ஸ்தி²த꞉ ।
ஸங்கல்பயோநிர்தி³நக்ருத்³ப⁴க³வாந் காரணாபஹ꞉ ॥ 80 ॥

நீலகண்டோ² த⁴நாத்⁴யக்ஷஶ்சதுர்வேத³ப்ரியம்வத³꞉ ।
வஷட்காரோத்³கா³தா ஹோதா ஸ்வாஹாகாரோ ஹுதாஹுதி꞉ ॥ 81 ॥

ஜநார்த³நோ ஜநாநந்தோ³ நரோ நாராயணோ(அ)ம்பு³த³꞉ ।
ஸந்தே³ஹநாஶநோ வாயுர்த⁴ந்வீ ஸுரநமஸ்க்ருத꞉ ॥ 82 ॥

விக்³ரஹீ விமலோ விந்து³ர்விஶோகோ விமலத்³யுதி꞉ ।
த்³யுதிமாந் த்³யோதநோ வித்³யுத்³வித்³யாவாந் விதி³தோ ப³லீ ॥ 83 ॥

க⁴ர்மதோ³ ஹிமதோ³ ஹாஸ꞉ க்ருஷ்ணவர்த்மா ஸுதாஜித꞉ ।
ஸாவித்ரீபா⁴விதோ ராஜா விஶ்வாமித்ரோ க்⁴ருணிர்விராட் ॥ 84 ॥

ஸப்தார்சி꞉ ஸப்ததுரக³꞉ ஸப்தலோகநமஸ்க்ருத꞉ ।
ஸம்பூர்ணோ(அ)த² ஜக³ந்நாத²꞉ ஸுமநா꞉ ஶோப⁴நப்ரிய꞉ ॥ 85 ॥

ஸர்வாத்மா ஸர்வக்ருத் ஸ்ருஷ்டி꞉ ஸப்திமாந் ஸப்தமீப்ரிய꞉ ।
ஸுமேதா⁴ மேதி⁴கோ மேத்⁴யோ மேதா⁴வீ மது⁴ஸூத³ந꞉ ॥ 86 ॥

அங்கி³ர꞉பதி꞉ காலஜ்ஞோ தூ⁴மகேது꞉ ஸுகேதந꞉ ।
ஸுகீ² ஸுக²ப்ரத³꞉ ஸௌக்²ய꞉ காந்தி꞉ காந்திப்ரியோ முநி꞉ ॥ 87 ॥

ஸந்தாபந꞉ ஸந்தபந ஆதபஸ்தபஸாம் பதி꞉ ।
உமாபதி꞉ ஸஹஸ்ராம்ஶு꞉ ப்ரியகாரீ ப்ரியங்கர꞉ ॥ 88 ॥

ப்ரீதிர்விமந்யுரம்போ⁴த்த²꞉ க²ஞ்ஜநோ ஜக³தாம் பதி꞉ ।
ஜக³த்பிதா ப்ரீதமநா꞉ ஸர்வ꞉ க²ர்வோ கு³ஹோ(அ)சல꞉ ॥ 89 ॥

ஸர்வகோ³ ஜக³தா³நந்தோ³ ஜக³ந்நேதா ஸுராரிஹா ।
ஶ்ரேய꞉ ஶ்ரேயஸ்கரோ ஜ்யாயாந் மஹாநுத்தம உத்³ப⁴வ꞉ ॥ 90 ॥

உத்தமோ மேருமேயோ(அ)த² த⁴ரணோ த⁴ரணீத⁴ர꞉ ।
த⁴ராத்⁴யக்ஷோ த⁴ர்மராஜோ த⁴ர்மாத⁴ர்மப்ரவர்தக꞉ ॥ 91 ॥

ரதா²த்⁴யக்ஷோ ரத²க³திஸ்தருணஸ்தநிதோ(அ)நல꞉ ।
உத்தரோ(அ)நுத்தரஸ்தாபீ அவாக்பதிரபாம் பதி꞉ ॥ 92 ॥

புண்யஸங்கீர்தந꞉ புண்யோ ஹேதுர்லோகத்ரயாஶ்ரய꞉ ।
ஸ்வர்பா⁴நுர்விக³தாநந்தோ³ விஶிஷ்டோத்க்ருஷ்டகர்மக்ருத் ॥ 93 ॥

வ்யாதி⁴ப்ரணாஶந꞉ க்ஷேம꞉ ஶூர꞉ ஸர்வஜிதாம் வர꞉ ।
ஏகரதோ² ரதா²தீ⁴ஶ꞉ பிதா ஶநைஶ்சரஸ்ய ஹி ॥ 94 ॥

வைவஸ்வதகு³ருர்ம்ருத்யுர்த⁴ர்மநித்யோ மஹாவ்ரத꞉ ।
ப்ரளம்ப³ஹாரஸஞ்சாரீ ப்ரத்³யோதோ த்³யோதிதாநல꞉ ॥ 95 ॥

ஸந்தாபஹ்ருத் பரோ மந்த்ரோ மந்த்ரமூர்திர்மஹாப³ல꞉ ।
ஶ்ரேஷ்டா²த்மா ஸுப்ரிய꞉ ஶம்பு⁴ர்மருதாமீஶ்வரேஶ்வர꞉ ॥ 96 ॥

ஸம்ஸாரக³திவிச்சே²த்தா ஸம்ஸாரார்ணவதாரக꞉ ।
ஸப்தஜிஹ்வ꞉ ஸஹஸ்ரார்சீ ரத்நக³ர்போ⁴(அ)பராஜித꞉ ॥ 97 ॥

த⁴ர்மகேதுரமேயாத்மா த⁴ர்மாத⁴ர்மவரப்ரத³꞉ ।
லோகஸாக்ஷீ லோககு³ருர்லோகேஶஶ்சண்ட³வாஹந꞉ ॥ 98 ॥

த⁴ர்மயூபோ யூபவ்ருக்ஷோ த⁴நுஷ்பாணிர்த⁴நுர்த⁴ர꞉ ।
பிநாகத்⁴ருங்மஹோத்ஸாஹோ மஹாமாயோ மஹாஶந꞉ ॥ 99 ॥

வீர꞉ ஶக்திமதாம் ஶ்ரேஷ்ட²꞉ ஸர்வஶஸ்த்ரப்⁴ருதாம் வர꞉ ।
ஜ்ஞாநக³ம்யோ து³ராராத்⁴யோ லோஹிதாங்கோ³ விவர்த⁴ந꞉ ॥ 100 ॥

க²கோ³(அ)ந்தோ⁴ த⁴ர்மதோ³ நித்யோ த⁴ர்மக்ருச்சித்ரவிக்ரம꞉ ।
ப⁴க³வாநாத்மவாந் மந்த்ரஸ்த்ர்யக்ஷரோ நீலலோஹித꞉ ॥ 101 ॥

ஏகோ(அ)நேகஸ்த்ரயீ கால꞉ ஸவிதா ஸமிதிஞ்ஜய꞉ ।
ஶார்ங்க³த⁴ந்வா(அ)நலோ பீ⁴ம꞉ ஸர்வப்ரஹரணாயுத⁴꞉ ॥ 102 ॥

ஸுகர்மா பரமேஷ்டீ² ச நாகபாலீ தி³விஸ்தி²த꞉ ।
வதா³ந்யோ வாஸுகிர்வைத்³ய ஆத்ரேயோ(அ)த² பராக்ரம꞉ ॥ 103 ॥

த்³வாபர꞉ பரமோதா³ர꞉ பரமோ ப்³ரஹ்மசர்யவாந் ।
உதீ³ச்யவேஶோ முகுடீ பத்³மஹஸ்தோ ஹிமாம்ஶுப்⁴ருத் ॥ 104 ॥

ஸித꞉ ப்ரஸந்நவத³ந꞉ பத்³மோத³ரநிபா⁴நந꞉ ।
ஸாயம் தி³வா தி³வ்யவபுரநிர்தே³ஶ்யோ மஹாலய꞉ ॥ 105 ॥

மஹாரதோ² மஹாநீஶ꞉ ஶேஷ꞉ ஸத்த்வரஜஸ்தம꞉ ।
த்⁴ருதாதபத்ரப்ரதிமோ விமர்ஷீ நிர்ணய꞉ ஸ்தி²த꞉ ॥ 106 ॥

அஹிம்ஸக꞉ ஶுத்³த⁴மதிரத்³விதீயோ விவர்த⁴ந꞉ ।
ஸர்வதோ³ த⁴நதோ³ மோக்ஷோ விஹாரீ ப³ஹுதா³யக꞉ ॥ 107 ॥

சாருராத்ரிஹரோ நாதோ² ப⁴க³வாந் ஸர்வகோ³(அ)வ்யய꞉ ।
மநோஹரவபு꞉ ஶுப்⁴ர꞉ ஶோப⁴ந꞉ ஸுப்ரபா⁴வந꞉ ॥ 108 ॥

ஸுப்ரபா⁴வ꞉ ஸுப்ரதாப꞉ ஸுநேத்ரோ தி³க்³விதி³க்பதி꞉ ।
ராஜ்ஞீப்ரிய꞉ ஶப்³த³கரோ க்³ரஹேஶஸ்திமிராபஹ꞉ ॥ 109 ॥

ஸைம்ஹிகேயரிபுர்தே³வோ வரதோ³ வரநாயக꞉ ।
சதுர்பு⁴ஜோ மஹாயோகீ³ யோகீ³ஶ்வரபதிஸ்ததா² ॥ 110 ॥

[* அதி⁴கபாட²꞉ –
அநாதி³ரூபோ(அ)தி³திஜோ ரத்நகாந்தி꞉ ப்ரபா⁴மய꞉ ।
ஜக³த்ப்ரதீ³போ விஸ்தீர்ணோ மஹாவிஸ்தீர்ணமண்ட³ல꞉ ॥ 111 ॥

ஏகசக்ரரத²꞉ ஸ்வர்ணரத²꞉ ஸ்வர்ணஶரீரத்⁴ருக் ।
நிராளம்போ³ க³க³நகோ³ த⁴ர்மகர்மப்ரபா⁴வக்ருத் ॥ 112 ॥

த⁴ர்மாத்மா கர்மணாம் ஸாக்ஷீ ப்ரத்யக்ஷ꞉ பரமேஶ்வர꞉ ।
மேருஸேவீ ஸுமேதா⁴வீ மேருரக்ஷாகரோ மஹாந் ॥ 113 ॥

ஆதா⁴ரபூ⁴தோ ரதிமாம்ஸ்ததா² ச த⁴நதா⁴ந்யக்ருத் ।
பாபஸந்தாபஹர்தா ச மநோவாஞ்சி²ததா³யக꞉ ॥ 114 ॥

ரோக³ஹர்தா ராஜ்யதா³யீ ரமணீயகு³ணோ(அ)ந்ருணீ ।
காலத்ரயாநந்தரூபோ முநிவ்ருந்த³நமஸ்க்ருத꞉ ॥ 115 ॥

ஸந்த்⁴யாராக³கர꞉ ஸித்³த⁴꞉ ஸந்த்⁴யாவந்த³நவந்தி³த꞉ ।
ஸாம்ராஜ்யதா³நநிரத꞉ ஸமாராத⁴நதோஷவாந் ॥ 116 ॥

ப⁴க்தது³꞉க²க்ஷயகரோ ப⁴வஸாக³ரதாரக꞉ ।
ப⁴யாபஹர்தா ப⁴க³வாநப்ரமேயபராக்ரம꞉ ।
மநுஸ்வாமீ மநுபதிர்மாந்யோ மந்வந்தராதி⁴ப꞉ ॥ 117 ॥
*]

ப²லஶ்ருதி꞉ ।
ஏதத்தே ஸர்வமாக்²யாதம் யந்மாம் த்வம் பரிப்ருச்ச²ஸி ।
நாம்நாம் ஸஹஸ்ரம் ஸவிது꞉ பராஶர்யோ யதா³ஹ மே ॥ 1 ॥

த⁴ந்யம் யஶஸ்யமாயுஷ்யம் து³꞉க²து³꞉ஸ்வப்நநாஶநம் ।
ப³ந்த⁴மோக்ஷகரம் சைவ பா⁴நோர்நாமாநுகீர்தநாத் ॥ 2 ॥

யஸ்த்வித³ம் ஶ்ருணுயாந்நித்யம் படே²த்³வா ப்ரயதோ நர꞉ ।
அக்ஷயம் ஸ்வர்க³மம்பா³த்³யம் ப⁴வேத்தஸ்யோபஸாதி⁴தம் ॥ 3 ॥

ந்ருபாக்³நிதஸ்கரப⁴யம் வ்யாதி⁴தோ ந ப⁴யம் ப⁴வேத் ।
விஜயீ ச ப⁴வேந்நித்யமாஶ்ரயம் பரமாப்நுயாத் ॥ 4 ॥

கீர்திமாந் ஸுப⁴கோ³ வித்³வாந் ஸ꞉ ஸுகீ² ப்ரியத³ர்ஶந꞉ ।
ஜீவேத்³வர்ஷஶதாயுஶ்ச ஸர்வவ்யாதி⁴விவர்ஜித꞉ ॥ 5 ॥

நாம்நாம் ஸஹஸ்ரமித³மம்ஶுமத꞉ படே²த்³ய꞉
ப்ராத꞉ ஶுசிர்நியமவாந் ஸுஸம்ருத்³தி⁴யுக்த꞉ ।
தூ³ரேண தம் பரிஹரந்தி ஸதை³வ ரோகா³꞉
பூ⁴தா꞉ ஸுபர்ணமிவ ஸர்வமஹோரகே³ந்த்³ரா꞉ ॥ 6 ॥

இதி ஶ்ரீப⁴விஷ்யபுராணே ஸப்தமகல்பே ஶ்ரீப⁴க³வத்ஸூர்யஸ்ய ஸஹஸ்ரநாம ஸ்தோத்ரம் ।


மேலும் ஶ்ரீ ஸூர்ய ஸ்தோத்திரங்கள் பார்க்கவும். மேலும் நவக்ரஹ ஸ்தோத்திரங்கள் பார்க்கவும்.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed