Sri Shukra Stavaraja Stotram – ஶ்ரீ ஶுக்ர ஸ்தவராஜ ஸ்தோத்ரம்

ஸ்தோத்ரநிதி → நவக்³ரஹ ஸ்தோத்திரங்கள் → ஶ்ரீ ஶுக்ர ஸ்தவராஜ ஸ்தோத்ரம்

அஸ்ய ஶ்ரீஶுக்ரஸ்தவராஜஸ்ய ப்ரஜாபதிர்ருஷி꞉ அநுஷ்டுப் ச²ந்த³꞉ ஶ்ரீஶுக்ரோ தே³வதா ஶ்ரீஶுக்ரப்ரீத்யர்தே² ஜபே விநியோக³꞉ ॥

நமஸ்தே பா⁴ர்க³வஶ்ரேஷ்ட² தை³த்யதா³நவபூஜித ।
வ்ருஷ்டிரோத⁴ப்ரகர்த்ரே ச வ்ருஷ்டிகர்த்ரே நமோ நம꞉ ॥ 1 ॥

தே³வயாநிபதிஸ்துப்⁴யம் வேத³வேதா³ங்க³பாரக³꞉ ।
பரேண தபஸா ஶுத்³த⁴꞉ ஶங்கரோ லோகஸுந்த³ர꞉ ॥ 2 ॥

ப்ராப்தோ வித்³யாம் ஜீவநாக்²யாம் தஸ்மை ஶுக்ராத்மநே நம꞉ ।
நமஸ்தஸ்மை ப⁴க³வதே ப்⁴ருகு³புத்ராய வேத⁴ஸே ॥ 3 ॥

தாராமண்ட³லமத்⁴யஸ்த² ஸ்வபா⁴ஸாபா⁴ஸிதாம்ப³ர ।
யஸ்யோத³யே ஜக³த்ஸர்வம் மங்க³ளார்ஹம் ப⁴வேதி³ஹ ॥ 4 ॥

அஸ்தம் யாதே ஹ்யரிஷ்டம் ஸ்யாத்தஸ்மை மங்க³ளரூபிணே ।
த்ரிபுராவாஸிநோ தை³த்யாந் ஶிவபா³ணப்ரபீடி³தாந் ॥ 5 ॥

வித்³யயா(அ)ஜீவயச்சு²க்ரோ நமஸ்தே ப்⁴ருகு³நந்த³ந ।
யயாதிகு³ரவே துப்⁴யம் நமஸ்தே கவிநந்த³ந ॥ 6 ॥

ப³லிராஜ்யப்ரதோ³ ஜீவஸ்தஸ்மை ஜீவாத்மநே நம꞉ ।
பா⁴ர்க³வாய நமஸ்துப்⁴யம் பூர்வகீ³ர்வாணவந்தி³த ॥ 7 ॥

ஜீவபுத்ராய யோ வித்³யா ப்ராதா³த்தஸ்மை நமோ நம꞉ ।
நம꞉ ஶுக்ராய காவ்யாய ப்⁴ருகு³புத்ராய தீ⁴மஹி ॥ 8 ॥

நம꞉ காரணரூபாய நமஸ்தே காரணாத்மநே ।
ஸ்தவராஜமித³ம் புண்யம் பா⁴ர்க³வஸ்ய மஹாத்மந꞉ ॥ 9 ॥

ய꞉ படே²ச்ச்²ருணுயாத்³வாபி லப⁴தே வாஞ்சி²தம் ப²லம் ।
புத்ரகாமோ லபே⁴த்புத்ராந் ஶ்ரீகாமோ லப⁴தே ஶ்ரியம் ॥ 10 ॥

ராஜ்யகாமோ லபே⁴த்³ராஜ்யம் ஸ்த்ரீகாம꞉ ஸ்த்ரியமுத்தமாம் ।
ப்⁴ருகு³வாரே ப்ரயத்நேந படி²தவ்யம் ஸமாஹிதை꞉ ॥ 11 ॥

அந்யவாரே து ஹோராயாம் பூஜயேத்³ப்⁴ருகு³நந்த³நம் ।
ரோகா³ர்தோ முச்யதே ரோகா³த்³ப⁴யார்தோ முச்யதே ப⁴யாத் ॥ 12 ॥

யத்³யத் ப்ரார்த²யதே ஜந்துஸ்தத்தத்ப்ராப்நோதி ஸர்வதா³ ।
ப்ராத꞉காலே ப்ரகர்தவ்யா ப்⁴ருகு³பூஜா ப்ரயத்நத꞉ ।
ஸர்வபாபவிநிர்முக்த꞉ ப்ராப்நுயாச்சி²வஸந்நிதி⁴ம் ॥ 13 ॥

இதி ஶ்ரீப்³ரஹ்மயாமளே ஶ்ரீ ஶுக்ர ஸ்தவராஜ꞉ ।

---

மேலும் நவக்ரஹ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.