Sri Shani Vajra Panjara Kavacham – ஶ்ரீ ஶநி வஜ்ரபம்ஜர கவசம்

ஓம் அஸ்ய ஶ்ரீஶநைஶ்சரவஜ்ரபஞ்ஜர கவசஸ்ய கஶ்யப ருஷி꞉ அநுஷ்டுப் ச²ந்த³꞉ ஶ்ரீ ஶநைஶ்சர தே³வதா ஶ்ரீஶநைஶ்சர ப்ரீத்யர்தே² ஜபே விநியோக³꞉ ।

த்⁴யாநம் ।
நீலாம்ப³ரோ நீலவபு꞉ கிரீடீ
க்³ருத்⁴ரஸ்தி²தஸ்த்ராஸகரோ த⁴நுஷ்மாந் ।
சதுர்பு⁴ஜ꞉ ஸூர்யஸுத꞉ ப்ரஸந்ந꞉
ஸதா³ மம ஸ்யாத்³வரத³꞉ ப்ரஶாந்த꞉ ॥ 1 ॥

ப்³ரஹ்மோவாச ।
ஶ்ருணுத்⁴வம் ருஷய꞉ ஸர்வே ஶநிபீடா³ஹரம் மஹத் ।
கவசம் ஶநிராஜஸ்ய ஸௌரேரித³மநுத்தமம் ॥ 2 ॥

கவசம் தே³வதாவாஸம் வஜ்ரபஞ்ஜரஸஞ்ஜ்ஞகம் ।
ஶநைஶ்சர ப்ரீதிகரம் ஸர்வஸௌபா⁴க்³யதா³யகம் ॥ 3 ॥

(கவசம்)
ஓம் ஶ்ரீஶநைஶ்சர꞉ பாது பா⁴லம் மே ஸூர்யநந்த³ந꞉ ।
நேத்ரே சா²யாத்மஜ꞉ பாது பாது கர்ணௌ யமாநுஜ꞉ ॥ 4 ॥

நாஸாம் வைவஸ்வத꞉ பாது முக²ம் மே பா⁴ஸ்கர꞉ ஸதா³ ।
ஸ்நிக்³த⁴கண்ட²ஶ்ச மே கண்ட²ம் பு⁴ஜௌ பாது மஹாபு⁴ஜ꞉ ॥ 5 ॥

ஸ்கந்தௌ⁴ பாது ஶநிஶ்சைவ கரௌ பாது ஶுப⁴ப்ரத³꞉ ।
வக்ஷ꞉ பாது யமப்⁴ராதா குக்ஷிம் பாத்வஸிதஸ்ததா² ॥ 6 ॥

நாபி⁴ம் க்³ரஹபதி꞉ பாது மந்த³꞉ பாது கடிம் ததா² ।
ஊரூ மமாந்தக꞉ பாது யமோ ஜாநுயுக³ம் ததா² ॥ 7 ॥

பாதௌ³ மந்த³க³தி꞉ பாது ஸர்வாங்க³ம் பாது பிப்பல꞉ ।
அங்கோ³பாங்கா³நி ஸர்வாணி ரக்ஷேந்மே ஸூர்யநந்த³ந꞉ ॥ 8 ॥

(ப²லஶ்ருதி꞉)
இத்யேதத்கவசம் தி³வ்யம் படே²த்ஸூர்யஸுதஸ்ய ய꞉ ।
ந தஸ்ய ஜாயதே பீடா³ ப்ரீதோ ப⁴வதி ஸூர்யஜ꞉ ॥ 9 ॥

வ்யயஜந்மத்³விதீயஸ்தோ² ம்ருத்யுஸ்தா²நக³தோ(அ)பி வா ।
கலத்ரஸ்தோ² க³தோ வாபி ஸுப்ரீதஸ்து ஸதா³ ஶநி꞉ ॥ 10 ॥

அஷ்டமஸ்தே² ஸூர்யஸுதே வ்யயே ஜந்மத்³விதீயகே³ ।
கவசம் பட²தே நித்யம் ந பீடா³ ஜாயதே க்வசித் ॥ 11 ॥

இத்யேதத்கவசம் தி³வ்யம் ஸௌரேர்யந்நிர்மிதம் புரா ।
த்³வாத³ஶாஷ்டமஜந்மஸ்த²தோ³ஷாந்நாஶயதே ஸதா³ ।
ஜந்மலக்³நஸ்தி²தாந் தோ³ஷாந் ஸர்வாந்நாஶயதே ப்ரபு⁴꞉ ॥ 12 ॥

இதி ஶ்ரீப்³ரஹ்மாண்ட³புராணே ப்³ரஹ்மநாரத³ஸம்வாதே³ ஶநிவஜ்ரபஞ்ஜர கவசம் ।

Facebook Comments

You may also like...

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: