Sri Shani Ashtakam (Dasaratha Krutham) – ஶ்ரீ ஶநைஶ்சராஷ்டகம் (த³ஶரத² க்ருதம்)

ஸ்தோத்ரநிதி → நவக்³ரஹ ஸ்தோத்திரங்கள் → ஶ்ரீ ஶநைஶ்சராஷ்டகம் (த³ஶரத² க்ருதம்)

த³ஶரத² உவாச ।
கோணோ(அ)ந்தகோ ரௌத்³ர யமோ(அ)த² ப³ப்⁴ரு꞉
க்ருஷ்ண꞉ ஶநி꞉ பிங்க³ள மந்த³ ஸௌரி꞉ ।
நித்யம் ஸ்ம்ருதோ யோ ஹரதே ச பீடா³ம்
தஸ்மை நம꞉ ஶ்ரீரவிநந்த³நாய ॥ 1 ॥

ஸுராஸுர꞉ கிம்புருஷா க³ணேந்த்³ரா
க³ந்த⁴ர்வவித்³யாத⁴ரபந்நகா³ஶ்ச ।
பீட்³யந்தி ஸர்வே விஷமஸ்தி²தேந
தஸ்மை நம꞉ ஶ்ரீரவிநந்த³நாய ॥ 2 ॥

நரா நரேந்த்³ரா꞉ பஶவோ ம்ருகே³ந்த்³ரா
வந்யாஶ்ச யே கீடபதங்க³ப்⁴ருங்கா³꞉ ।
பீட்³யந்தி ஸர்வே விஷமஸ்தி²தேந
தஸ்மை நம꞉ ஶ்ரீரவிநந்த³நாய ॥ 3 ॥

தே³ஶாஶ்ச து³ர்கா³ணி வநாநி யத்ர
ஸேநாநிவேஶா꞉ புரபத்தநாநி ।
பீட்³யந்தி ஸர்வே விஷமஸ்தி²தேந
தஸ்மை நம꞉ ஶ்ரீரவிநந்த³நாய ॥ 4 ॥

திலைர்யவைர்மாஷகு³டா³ந்நதா³நை-
-ர்லோஹேந நீலாம்ப³ரதா³நதோ வா ।
ப்ரீணாதி மந்த்ரைர்நிஜவாஸரே ச
தஸ்மை நம꞉ ஶ்ரீரவிநந்த³நாய ॥ 5 ॥

ப்ரயாக³கூலே யமுநாதடே ச
ஸரஸ்வதீ புண்யஜலே கு³ஹாயாம் ।
யோ யோகி³நாம் த்⁴யாநக³தோ(அ)பி ஸூக்ஷ்ம-
-ஸ்தஸ்மை நம꞉ ஶ்ரீரவிநந்த³நாய ॥ 6 ॥

அந்யப்ரதே³ஶாத் ஸ்வக்³ருஹம் ப்ரவிஷ்ட-
-ஸ்ததீ³யவாரே ஸ நர꞉ ஸுகீ² ஸ்யாத் ।
க்³ருஹாத்³க³தோ யோ ந புந꞉ ப்ரயாதி
தஸ்மை நம꞉ ஶ்ரீரவிநந்த³நாய ॥ 7 ॥

ஸ்ரஷ்டா ஸ்வயம்பூ⁴ர்பு⁴வநத்ரயஸ்ய
த்ராதா ஹரி꞉ ஸம்ஹரதே பிநாகீ ।
ஏகஸ்த்ரிதா⁴ ருக்³யஜு꞉ ஸாமமூர்தி-
-ஸ்தஸ்மை நம꞉ ஶ்ரீரவிநந்த³நாய ॥ 8 ॥

ஶந்யஷ்டகம் ய꞉ ப்ரயத꞉ ப்ரபா⁴தே
நித்யம் ஸுபுத்ரை꞉ பஶுபா³ந்த⁴வைஶ்ச ।
படே²ச்ச ஸௌக்²யம் பு⁴வி போ⁴க³யுக்தம்
ப்ராப்நோதி நிர்வாணபத³ம் பரம் ஸ꞉ ॥ 9 ॥

இதி ஶ்ரீத³ஶரத² ப்ரோக்தம் ஶ்ரீ ஶநைஶ்சராஷ்டகம் ॥

---

மேலும் நவக்ரஹ ஸ்தோத்திரங்கள் காண்க.

Did you see any mistake/variation in the content above? Click here to report mistakes and corrections in Stotranidhi content.