Sri Parashurama Stuti – ஶ்ரீ பரஶுராம ஸ்துதி꞉

ஸ்தோத்ரநிதி → த³ஶாவதார ஸ்தோத்திரங்கள் → ஶ்ரீ பரஶுராம ஸ்துதி꞉

குலாசலா யஸ்ய மஹீம் த்³விஜேப்⁴ய꞉
ப்ரயச்ச²த꞉ ஸீமத்³ருஷத்த்வமாபு꞉ ।
ப³பூ⁴வுருத்ஸர்க³ஜலம் ஸமுத்³ரா꞉
ஸ ரைணுகேய꞉ ஶ்ரியமாதநோது ॥ 1 ॥

நாஶிஷ்ய꞉ கிமபூ⁴த்³ப⁴வ꞉ கிமப⁴வந்நாபுத்ரிணீ ரேணுகா
நாபூ⁴த்³விஶ்வமகார்முகம் கிமிதி வ꞉ ப்ரீணாது ராமத்ரபா ।
விப்ராணாம் ப்ரதிமந்தி³ரம் மணிக³ணோந்மிஶ்ராணி த³ண்டா³ஹதே-
-ர்நாப்³தீ⁴நாம் ஸ மயா யமோ(அ)பி மஹிஷேணாம்பா⁴ம்ஸி நோத்³வாஹித꞉ ॥ 2 ॥

பாயாத்³வோ ஜமத³க்³நிவம்ஶதிலகோ வீரவ்ரதாலங்க்ருதோ
ராமோ நாம முநீஶ்வரோ ந்ருபவதே⁴ பா⁴ஸ்வத்குடா²ராயுத⁴꞉ ।
யேநாஶேஷஹதாஹிதாங்க³ருதி⁴ரை꞉ ஸந்தர்பிதா꞉ பூர்வஜா꞉
ப⁴க்த்யா சாஶ்வமகே² ஸமுத்³ரவஸநா பூ⁴ர்ஹந்தகாரீக்ருதா ॥ 3 ॥

த்³வாரே கல்பதரும் க்³ருஹே ஸுரக³வீம் சிந்தாமணீநங்க³தே³
பீயூஷம் ஸரஸீஷு விப்ரவத³நே வித்³யாஶ்சதஸ்ரோ த³ஶ ।
ஏவம் கர்துமயம் தபஸ்யதி ப்⁴ருகோ³ர்வம்ஶாவதம்ஸோ முநி꞉
பாயாத்³வோ(அ)கி²லராஜகக்ஷயகரோ பூ⁴தே³வபூ⁴ஷாமணி꞉ ॥ 4 ॥

இதி ஶ்ரீ பரஶுராம ஸ்துதி꞉ ।

---

மேலும் ஶ்ரீ விஷ்ணு ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.