Sri Parashurama Ashta Vimsathi Nama Stotram – ஶ்ரீ பரஶுராமாஷ்டாவிம்ஶதிநாம ஸ்தோத்ரம்


ருஷிருவாச ।
யமாஹுர்வாஸுதே³வாம்ஶம் ஹைஹயாநாம் குலாந்தகம் ।
த்ரி꞉ஸப்தக்ருத்வோ ய இமாம் சக்ரே நி꞉க்ஷத்ரியாம் மஹீம் ॥ 1 ॥

து³ஷ்டம் க்ஷத்ரம் பு⁴வோ பா⁴ரமப்³ரஹ்மண்யமநீநஶத் ।
தஸ்ய நாமாநி புண்யாநி வச்மி தே புருஷர்ஷப⁴ ॥ 2 ॥

பூ⁴பா⁴ரஹரணார்தா²ய மாயாமாநுஷவிக்³ரஹ꞉ ।
ஜநார்த³நாம்ஶஸம்பூ⁴த꞉ ஸ்தி²த்யுத்பத்த்யப்யயேஶ்வர꞉ ॥ 3 ॥

பா⁴ர்க³வோ ஜாமத³க்³ந்யஶ்ச பித்ராஜ்ஞாபரிபாலக꞉ ।
மாத்ருப்ராணப்ரதோ³ தீ⁴மாந் க்ஷத்ரியாந்தகர꞉ ப்ரபு⁴꞉ ॥ 4 ॥

ராம꞉ பரஶுஹஸ்தஶ்ச கார்தவீர்யமதா³பஹ꞉ ।
ரேணுகாது³꞉க²ஶோகக்⁴நோ விஶோக꞉ ஶோகநாஶந꞉ ॥ 5 ॥

நவீநநீரத³ஶ்யாமோ ரக்தோத்பலவிளோசந꞉ ।
கோ⁴ரோ த³ண்ட³த⁴ரோ தீ⁴ரோ ப்³ரஹ்மண்யோ ப்³ராஹ்மணப்ரிய꞉ ॥ 6 ॥

தபோத⁴நோ மஹேந்த்³ராதௌ³ ந்யஸ்தத³ண்ட³꞉ ப்ரஶாந்ததீ⁴꞉ ।
உபகீ³யமாநசரித꞉ ஸித்³த⁴க³ந்த⁴ர்வசாரணை꞉ ॥ 7 ॥

ஜந்மம்ருத்யுஜராவ்யாதி⁴து³꞉க²ஶோகப⁴யாதிக³꞉ ।
இத்யஷ்டாவிம்ஶதிர்நாம்நாமுக்தா ஸ்தோத்ராத்மிகா ஶுபா⁴ ॥ 8 ॥

அநயா ப்ரீயதாம் தே³வோ ஜாமத³க்³ந்யோ மஹேஶ்வர꞉ ।
நேத³ம் ஸ்தோத்ரமஶாந்தாய நாதா³ந்தாயாதபஸ்விநே ॥ 9 ॥

நாவேத³விது³ஷே வாச்யமஶிஷ்யாய க²லாய ச ।
நாஸூயகாயாந்ருஜவே ந சாநிர்தி³ஷ்டகாரிணே ॥ 10 ॥

இத³ம் ப்ரியாய புத்ராய ஶிஷ்யாயாநுக³தாய ச ।
ரஹஸ்யத⁴ர்மோ வக்தவ்யோ நாந்யஸ்மை து கதா³சந ॥ 11 ॥

இதி பரஶுராமாஷ்டாவிம்ஶதிநாமஸ்தோத்ரம் ஸம்பூர்ணம் ।


மேலும் ஶ்ரீ விஷ்ணு ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed