Sri Kurma Stotram – ஶ்ரீ கூர்ம ஸ்தோத்ரம்


நமாம தே தே³வ பதா³ரவிந்த³ம்
ப்ரபந்ந தாபோபஶமாதபத்ரம் ।
யந்மூலகேதா யதயோ(அ)ம்ஜஸோரு
ஸம்ஸாரது³꞉க²ம் ப³ஹிருத்க்ஷிபந்தி ॥ 1 ॥

தா⁴தர்யத³ஸ்மிந்ப⁴வ ஈஶ ஜீவா-
-ஸ்தாபத்ரயேணோபஹதா ந ஶர்ம ।
ஆத்மந் லப⁴ந்தே ப⁴க³வம்ஸ்தவாங்க்⁴ரி-
-ச்சா²யாம் ஸ வித்³யாமத ஆஶ்ரயேம ॥ 2 ॥

மார்க³ந்தி யத்தே முக²பத்³மநீடை³-
-ஶ்ச²ந்த³ஸ்ஸுபர்ணைர்ருஷயோ விவிக்தே ।
யஸ்யாக⁴மர்ஷோத³ஸரித்³வராயா꞉
பத³ம் பத³ம் தீர்த²பத³꞉ ப்ரபந்நா꞉ ॥ 3 ॥

யச்ச்²ரத்³த⁴யா ஶ்ருதவத்யா ச ப⁴க்த்யா
ஸம்ம்ருஜ்யமாநே ஹ்ருத³யே(அ)வதா⁴ய ।
ஜ்ஞாநேந வைராக்³யப³லேந தீ⁴ரா
வ்ரஜேம தத்தே(அ)ங்க்⁴ரி ஸரோஜபீட²ம் ॥ 4 ॥

விஶ்வஸ்ய ஜந்மஸ்தி²திஸம்யமார்தே²
க்ருதாவதாரஸ்ய பதா³ம்பு³ஜம் தே ।
வ்ரஜேம ஸர்வே ஶரணம் யதீ³ஶ
ஸ்ம்ருதம் ப்ரயச்ச²த்யப⁴யம் ஸ்வபும்ஸாம் ॥ 5 ॥

யத்ஸாநுப³ந்தே⁴(அ)ஸதி தே³ஹகே³ஹே
மமாஹமித்யூட⁴ து³ராக்³ரஹாணாம் ।
பும்ஸாம் ஸுதூ³ரம் வஸதோபி புர்யாம்
ப⁴ஜேம தத்தே ப⁴க³வந்பதா³ப்³ஜம் ॥ 6 ॥

தாந்வா அஸத்³வ்ருத்திபி⁴ரக்ஷிபி⁴ர்யே
பராஹ்ருதாந்தர்மநஸ꞉ பரேஶ ।
அதோ² ந பஶ்யந்த்யுருகா³ய நூநம்
யேதே பத³ந்யாஸ விளாஸலக்ஷ்ம்யா꞉ ॥ 7 ॥

பாநேந தே தே³வ கதா²ஸுதா⁴யா꞉
ப்ரவ்ருத்³த⁴ப⁴க்த்யா விஶதா³ஶயா யே ।
வைராக்³யஸாரம் ப்ரதிலப்⁴ய போ³த⁴ம்
யதா²ஞ்ஜஸாந்வீயுரகுண்ட²தி⁴ஷ்ண்யம் ॥ 8 ॥

ததா²பரே சாத்மஸமாதி⁴யோக³-
-ப³லேந ஜித்வா ப்ரக்ருதிம் ப³லிஷ்டா²ம் ।
த்வாமேவ தீ⁴ரா꞉ புருஷம் விஶந்தி
தேஷாம் ஶ்ரம꞉ ஸ்யாந்ந து ஸேவயா தே ॥ 9 ॥

தத்தே வயம் லோகஸிஸ்ருக்ஷயாத்³ய
த்வயாநுஸ்ருஷ்டாஸ்த்ரிபி⁴ராத்மபி⁴꞉ ஸ்ம ।
ஸர்வே வியுக்தா꞉ ஸ்வவிஹாரதந்த்ரம்
ந ஶக்நுமஸ்தத்ப்ரதிஹர்தவே தே ॥ 10 ॥

யாவத்³ப³லிம் தே(அ)ஜ ஹராம காலே
யதா² வயம் சாந்நமதா³ம யத்ர ।
யதோ² ப⁴யேஷாம் த இமே ஹி லோகா
ப³லிம் ஹரந்தோ(அ)ந்நமத³ந்த்யநூஹா꞉ ॥ 11 ॥

த்வம் ந꞉ ஸுராணாமஸி ஸாந்வயாநாம்
கூடஸ்த² ஆத்³ய꞉ புருஷ꞉ புராண꞉ ।
த்வம் தே³வஶக்த்யாம் கு³ணகர்மயோநௌ
ரேதஸ்த்வஜாயாம் கவிமாத³தே⁴(அ)ஜ꞉ ॥ 12 ॥

ததோ வயம் ஸத்ப்ரமுகா² யத³ர்தே²
ப³பூ⁴விமாத்மந்கரவாம கிம் தே ।
த்வம் ந꞉ ஸ்வசக்ஷு꞉ பரிதே³ஹி ஶக்த்யா
தே³வ க்ரியார்தே² யத³நுக்³ரஹாணாம் ॥ 13 ॥

இதி ஶ்ரீமத்³பா⁴க³வதே கூர்மஸ்தோத்ரம் ॥


மேலும் ஶ்ரீ விஷ்ணு ஸ்தோத்திரங்கள் பார்க்க.


గమనిక: "శ్రీ సుబ్రహ్మణ్య స్తోత్రనిధి" పుస్తక ప్రచురణ జరుగుతున్నది.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: