Read in తెలుగు / ಕನ್ನಡ / தமிழ் / देवनागरी / English (IAST)
வந்தே³ கு³ருபத³த்³வந்த்³வமவாங்மாநஸகோ³சரம் ।
ரக்தஶுக்லப்ரபா⁴மிஶ்ரமதர்க்யம் த்ரைபுரம் மஹ꞉ ॥
அக²ண்ட³மண்ட³லாகாரம் விஶ்வம் வ்யாப்ய வ்யவஸ்தி²தம் ।
தத்பத³ம் த³ர்ஶிதம் யேந தஸ்மை ஶ்ரீகு³ரவே நம꞉ ॥
ஶிவே ஸேவாஸக்தாஶ்ரிதப⁴ரணகார்யைகசதுரே
ஶிரோபி⁴ர்வேதா³நாம் சிரவிநுதகல்யாணசரிதே ।
ஸ்மிதஜ்யோத்ஸ்நாலீலாருசிரருசிமச்சந்த்³ரவத³நே
ஜக³ந்மாதர்மாதர்ஜய கநகது³ர்கே³ ப⁴க³வதி ॥ 1 ॥
நகா³தீ⁴ஶேட்கந்யே ளிநத³ளஸங்காஶநயநே
ஸுகீ³தைர்க³ந்த⁴ர்வை꞉ ஸுரயுவதிபி⁴ஶ்சாநுசரிதே ।
அக³ண்யைராம்நாயைரபி கு³ணநிகாயைர்விளஸிதே
ஜக³ந்மாதர்மாதர்ஜய கநகது³ர்கே³ ப⁴க³வதி ॥ 2 ॥
நிஜஶ்ரேயஸ்காமைர்நிடலக⁴டிதாஞ்சத்கரபுடே
ஸ்துவத்³பி⁴꞉ ஸாநந்த³ம் ஶ்ருதிமது⁴ரவாசாம் விரசநை꞉ ।
அஸங்க்²யைர்ப்³ரஹ்மாத்³யைரமரஸமுதா³யை꞉ பரிவ்ருதே
த³யா கர்தவ்யா தே மயி கநகது³ர்கே³ ப⁴க³வதி ॥ 3 ॥
ப⁴வத்பாத³ந்யாஸோசிதகநகபீடீ²பரிஸரே
பதந்த꞉ ஸாஷ்டாங்க³ம் முதி³தஹ்ருத³யா ப்³ரஹ்மருஷய꞉ ।
ந வாஞ்ச²ந்தி ஸ்வர்க³ம் ந ச கமலஸம்பூ⁴தப⁴வநம்
ந வா முக்தேர்மார்க³ம் நநு கநகது³ர்கே³ ப⁴க³வதி ॥ 4 ॥
ஶசீஸ்வாஹாதே³வீப்ரமுக²ஹரிதீ³ஶாநரமணீ
மணீஹஸ்தந்யஸ்தைர்மணிக²சிதபாத்ரைரநுதி³நம் ।
ஸஸங்கீ³தம் நீராஜிதசரணபங்கேருஹயுகே³
க்ருபாபூரம் மஹ்யம் தி³ஶ கநகது³ர்கே³ ப⁴க³வதி ॥ 5 ॥
ப்ரவர்ஷத்யஶ்ராந்தம் ப³ஹுகு³ணமபீ⁴ஷ்டார்த²நிசயம்
ஸ்வரூபத்⁴யாத்ரூணாம் சிகுர நிகுரும்ப³ம் தவ ஶிவே ।
அபாமேகம் வர்ஷம் விதரதி கதா³சிஜ்ஜலத⁴ரோ
த்³வயோ꞉ ஸாம்யம் கிம் ஸ்யாந்நநு கநகது³ர்கே³ ப⁴க³வதி ॥ 6 ॥
க்ருஶாங்க³ம் ஸ்வாராதிம் துஹிநகரமாவ்ருத்ய தரஸா
ஸ்தி²தம் மந்யே த⁴ந்யே திமிரநிகரம் தே கசப⁴ரம் ।
ஸஹாயம் க்ருத்வாயம் ஹரமநஸி மோஹாந்த⁴தமஸம்
விதேநே காம꞉ ஶ்ரீமதி கநகது³ர்கே³ ப⁴க³வதி ॥ 7 ॥
தமோ நாம்நா ஸம்யக்³க³ளிதபுநருத்³வாந்தருசிர-
-ப்ரபா⁴ஶேஷம் பா⁴நோரிவ தருணிமாநம் த்⁴ருதவத꞉ ।
த்வதீ³யே ஸீமந்தே க்ருதபத³மித³ம் குங்குமரஜோ-
-வஸேத³ஶ்ராந்தம் மே ஹ்ருதி³ கநகது³ர்கே³ ப⁴க³வதி ॥ 8 ॥
த்ரிலோகீ வைசித்ரீஜநகக⁴நஸௌந்த³ர்யஸத³நம்
விராஜத்கஸ்தூரீதிலகமபி பா²லே விஜயதே ।
யதா³ளோகவ்ரீடா³குபித இவ ஜூடே பஶுபதே-
-ர்விளீநோ பா³லேந்து³ர்நநு கநகது³ர்கே³ ப⁴க³வதி ॥ 9 ॥
பராபூ⁴தஶ்சேஶாலிகநயநகீலாவிளஸநா-
-த்³விஸ்ருஜ்ய ப்ராசீநம் பு⁴வநவிநுதம் கார்முகவரம் ।
ஹரம் ஜேதும் த்வத்³ப்⁴ரூச்ச²லமபரபா³ணாஸநயுக³ம்
ஸ்மரோ த⁴த்தே ஸர்வேஶ்வரி கநகது³ர்கே³ ப⁴க³வதி ॥ 10 ॥
த்வதீ³யப்⁴ரூவல்லீச்ச²லமத³நகோத³ண்ட³யுக³ளீ
ஸமீபே விப்⁴ராஜத்தவ ஸுவிபுலம் நேத்ரயுக³ளம் ।
விஜேதும் ஸ்வாராதிம் விகசநவநீலோத்பலஶர-
-த்³வயம் தேநாநீதம் க²லு கநகது³ர்கே³ ப⁴க³வதி ॥ 11 ॥
த³ரித்³ரம் ஶ்ரீமந்தம் ஜரட²மப³லாநாம் ப்ரியதமம்
ஜட³ம் ஸங்க்²யாவந்தம் ஸமரசலிதம் ஶௌர்யகலிதம் ।
மநுஷ்யம் குர்வந்தோ(அ)மரபரிவ்ருட⁴ம் நித்யஸத³யா꞉
கடாக்ஷாஸ்தே கார்யா மயி கநகது³ர்கே³ ப⁴க³வதி ॥ 12 ॥
புராராதேர்பா³ணா꞉ குஸுமஶரதூணீரக³ளிதா
நதாநாம் ஸந்த்ராணே நிரவதி⁴ஸுதா⁴வீசிநிசயா꞉ ।
வியத்³க³ங்கா³ப⁴ங்கா³ ப³ஹுது³ரிதஜாலாவ்ருதிமதாம்
கடாக்ஷாஸ்தே கார்யா மயி கநகது³ர்கே³ ப⁴க³வதி ॥ 13 ॥
த³ரித்³ராணாம் கல்பத்³ருமஸுமமரந்தோ³த³கஜ²ரா
அவித்³யாத்⁴வாந்தாநாமருணகிரணாநாம் விஹ்ருதய꞉ ।
புரா புண்யஶ்ரேணீஸுலலிதலதாசைத்ரஸமயா꞉
கடாக்ஷாஸ்தே கார்யா மயி கநகது³ர்கே³ ப⁴க³வதி ॥ 14 ॥
க³ஜந்தோ வாஹந்த꞉ கநகமணிநிர்மாணவிளஸா
ரத²ந்தஶ்ச²த்ரந்தோ ப³லயுத ப⁴டந்த꞉ ப்ரதிதி³நம் ।
ஸ்வப⁴க்தாநாம் கே³ஹாங்க³ணபு⁴வி சரந்தோ நிருபமா꞉
கடாக்ஷாஸ்தே கார்யா மயி கநகது³ர்கே³ ப⁴க³வதி ॥ 15 ॥
புராராதேரங்க³ம் புலகநிகுரும்பை³꞉ பரிவ்ருதம்
முநிவ்ராதைர்த்⁴யாதம் முகுலயுதகல்பத்³ருமநிப⁴ம் ।
ஶ்ரயந்தஶ்சாநந்த³ம் விசலத³ளிபோதா இவ சிரம்
கடாக்ஷாஸ்தே கார்யா மயி கநகது³ர்கே³ ப⁴க³வதி ॥ 16 ॥
ஹரிப்³ரஹ்மேந்த்³ராத்³யை꞉ ஶ்ருதிவிதி³தகீ³ர்வாணநிசயை-
-ர்வஸிஷ்ட²வ்யாஸாத்³யைரபி ச பரமப்³ரஹ்மருஷிபி⁴꞉ ।
ஸமஸ்தைராஶாஸ்யா꞉ ஸகலஶுப⁴தா³ யத்³விஹ்ருதய꞉
கடாக்ஷாஸ்தே கார்யா மயி கநகது³ர்கே³ ப⁴க³வதி ॥ 17 ॥
விரிஞ்சிர்யத்³யோகா³த்³விரசயதி லோகாந் ப்ரதிதி³நம்
வித⁴த்தே லக்ஷ்மீஶோ விவித⁴ஜக³தாம் ரக்ஷணவிதி⁴ம் ।
லலாடாக்ஷோ த³க்ஷோ(அ)ப⁴வத³கி²லஸம்ஹாரகரணே
கடாக்ஷாஸ்தே கார்யா மயி கநகது³ர்கே³ ப⁴க³வதி ॥ 18 ॥
உரோபா⁴கே³ ஶம்போ⁴ர்விகசநவநீலோத்பலத³ள-
-ஸ்ரஜம் ஸங்க்³ருஹ்ணந்தோ ம்ருக³மத³ரஸம் பா²லப²லகே ।
ஶிரோ(அ)க்³ரே க³ங்கா³யாம் ரவிது³ஹித்ருஸந்தே³ஹஜநகா꞉
கடாக்ஷாஸ்தே கார்யா மயி கநகது³ர்கே³ ப⁴க³வதி ॥ 19 ॥
மதீ³யஶ்ரீலீலாஹரணபடுபாடச்சரமிதி
க்வதா ஹந்தாக³ந்தும் ஶ்ருதிவிமலநீலோத்பலமிவ ।
தத³ப்⁴யர்ணம் யாதா꞉ ஸஹஜநிஜவைஶால்யகலிதா꞉
கடாக்ஷாஸ்தே கார்யா மயி கநகது³ர்கே³ ப⁴க³வதி ॥ 20 ॥
கலங்கீ மாஸாந்தே வஹதி க்ருஶதாம் நித்யஜட³ இ-
-த்யமும் சந்த்³ரம் ஹித்வா தவ வத³நசந்த்³ராஶ்ரிதமித³ம் ।
ஸ்தி²தம் ஜீவம் ஜீவத்³விதயமிதி மந்யே நயநயோ-
-ர்யுக³ம் காமாராதே꞉ ஸதி கநகது³ர்கே³ ப⁴க³வதி ॥ 21 ॥
ப்ரஸாதோ³ மய்யாஸ்தே மயி ச ஸஹஜம் ஸௌரப⁴மித³ம்
துலா மே மைதஸ்யேத்யவிரதவிவாதா³பி⁴ரதயோ꞉ ।
நிவ்ருத்தா நேதா³நீமபி ச ரிபுதா க்³ளௌநலிநயோ-
-ஸ்த்வதா³ஸ்யம் த்³ருஷ்ட்வா ஶ்ரீமதி கநகது³ர்கே³ ப⁴க³வதி ॥ 22 ॥
மநோஜாதாத³ர்ஶப்ரதிமநிஜலீலௌ தவ ஶிவே
கபோலௌ பூ⁴யாஸ்தாம் மம ஸகலகல்யாணஜநகௌ ।
ஶ்ரிதஶ்ரீதாடங்கத்³விதயருசயோ யத்ர மிலிதா꞉
ஸுதா⁴ருக்ஸூர்யாபா⁴ இவ கநகது³ர்கே³ ப⁴க³வதி ॥ 23 ॥
த்ரயீஸ்துத்யே நித்யே தவ வத³நபங்கேருஹப⁴வ-
-த்ஸுக³ந்தா⁴யாதஶ்ரீப்ரசலத³ளிநீவாரணதி⁴யா ।
லஸந்நாஸாகாரே வஹஸி ஸஹஸா சம்பகதுலாம்
ந தத்ஸௌந்த³ர்யார்த²ம் நநு கநகது³ர்கே³ ப⁴க³வதி ॥ 24 ॥
வஹந்மே காருண்யம் வரகமலராகா³ஹ்வயமணி꞉
ஸுதா⁴பூரம் ஸாரம் ஸுருசிரம்ருது³த்வம் யதி³ வஹேத் ।
ததா³ லப்³து⁴ம் யோக்³யோ ப⁴வதி ப⁴வதீ³யாத⁴ரதுலாம்
ஜக³த்³ரக்ஷாதீ³க்ஷாவதி கநகது³ர்கே³ ப⁴க³வதி ॥ 25 ॥
லஸந்நாஸாபூ⁴ஷாக்³ரக³ப்ருது²லமுக்தாமணியுதம்
நிதாந்தாருண்யந்தத்தவ த³ஶநவாஸோ விஜயதே ।
ஸுதா⁴ஸிந்தோ⁴ர்மத்⁴யே நிபதித ஸுதா⁴பி³ந்து³ஸஹித-
-ப்ரவாளஶ்ரீசோரம் நநு கநகது³ர்கே³ ப⁴க³வதி ॥ 26 ॥
அயோக்³யா இத்யார்யே தவ த³ஶநஸாம்யாய கவிபி⁴-
-ர்விமுக்தா முக்தா இத்யதி⁴கவிதி³தா மௌக்திகக³ணா꞉ ।
த³ஶாமல்பாங்க³த்வா தத³நுமுக²தாம்பூ³லஸஹிதா
க³தாஸ்தத்ஸாஹித்யம் க²லு கநகது³ர்கே³ ப⁴க³வதி ॥ 27 ॥
ஜிதோ(அ)ஹம் பார்வத்யா ம்ருது³ளதரவாணீவிளஸநை꞉
கத²ம் த்³ருப்யஸ்யம்பா³த⁴ரஸமதயா பி³ம்ப³ கத²ய ।
இதி க்ரோதா⁴ச்சஞ்ச்வாத³ளிதவத³நே ரக்திமயுத꞉
ஶுகோ(அ)யம் விஜ்ஞாநீ க²லு கநகது³ர்கே³ ப⁴க³வதி ॥ 28 ॥
ப²லம் பி³ம்ப³ஸ்யேத³ம் ப⁴வதி ப⁴வதீ³யாத⁴ரதுலா
க்ருதாலம் தந்மாத்³யம் வஹதி மதிரஸ்யேதி விதி³தா ।
ந சேத்தஸ்மிந் பு⁴க்தே ஸுமதி கவிதாநாமபி ஸ்ருணாம்
கத²ம் ஸ்யாத்தந்மாத்³யம் பு⁴வி கநகது³ர்கே³ ப⁴க³வதி ॥ 29 ॥
அதுல்யம் தே கண்ட²ம் ஹரதருணி த்³ருஷ்ட்வா ஸுகவய꞉
ப்ரபா⁴ஷந்தே ஶங்க²ம் பரிஹஸநபாத்ரம் ப⁴வதி தத் ।
ஸ்வரூபத்⁴யாத்ரூணாம் ஸுப⁴வதி நிதி⁴꞉ ஶங்க² இதிசே-
-த³ஸந்தே³ஹம் ஸ்தா²நே க²லு கநகது³ர்கே³ ப⁴க³வதி ॥ 30 ॥
அகண்ட²ம் தே கண்ட²ஸ்தி²தகநகஸூத்ரம் விஜயதே
ஹரோ யத்ஸாமர்த்²யாத³ம்ருதமிவ பீத்வாபி க³ரளம் ।
ஸமாக்²யாம் விக்²யாதாம் ஸமலப⁴த ம்ருத்யுஞ்ஜய இதி
த்ரயீவேத்³யக்ரீடா³வதி கநகது³ர்கே³ ப⁴க³வதி ॥ 31 ॥
சிரம் த்⁴யாத்வா த்⁴யாத்வா ஸகலவிபு³தா⁴பீ⁴ஷ்டநிசயம்
ததஸ்த்வல்லாவண்யாம்ருதஜலதி⁴ஸம்ப்ராப்தஜநநே ।
பு⁴ஜாகாரேணைகே பு⁴வநவிநுதே கல்பகலதே
ஶ்ரியை மே பூ⁴யாஸ்தாம் நநு கநகது³ர்கே³ ப⁴க³வதி ॥ 32 ॥
விராஜத்கேயூரத்³வயமணிவிபா⁴பா⁴நுகிரணை-
-ர்நிதாந்தவ்யாகோசீக்ருதமத³நஜிந்நேத்ரகமலௌ ।
விபோ⁴꞉ கண்டா²ஶ்லேஷாத்³விபுலபுலகாங்கூரஜநகௌ
பு⁴ஜௌ மே த்ராதாரௌ நநு கநகது³ர்கே³ ப⁴க³வதி ॥ 33 ॥
ஸுபர்வாராமாந்த꞉ஸ்பு²ரிதஸஹகாரத்³ருமலதா-
-ஸமக்³ரஶ்ரீஜாக்³ரத்கிஸலயஸக³ர்வோத்³யமஹரௌ ।
கரௌ தே பூ⁴யாஸ்தாம் மம ஶுப⁴கரௌ காந்திநிகரா
கரௌ நிஶ்ஶங்கம் ஶாங்கரி கநகது³ர்கே³ ப⁴க³வதி ॥ 34 ॥
ப்ரஶஸ்தௌ த்ரைலோக்யே ப³ஹுளத³நுஜத்ராஸவிசல-
-ந்மருந்மஸ்தந்யஸ்தௌ ஜநநி தவ ஹஸ்தௌ ஹ்ருதி³ ப⁴ஜே ।
ஸ்மரோ யத்ஸங்காஶா இதி கிஸலயாநேவ த்⁴ருதவாந்
த்ரிலோகீஜேதா(ஆ)ஸீத்க²லு கநகது³ர்கே³ ப⁴க³வதி ॥ 35 ॥
புராராதே꞉ பாணிக்³ரஹணஸமயே மௌக்திகசயாந்
விதா⁴தும் தச்சீ²ர்ஷே ஜநகவசநாது³ந்நமிதயோ꞉ ।
யயோரூபம் த்³ருஷ்ட்வா(அ)ப⁴வது³தி³தலஜ்ஜா ஸுரநதீ³
கதா³ர்தித்ராதாரௌ மம கநகது³ர்கே³ ப⁴க³வதி ॥ 36 ॥
ஸ்பு²ரந்தோ நிஶ்ஶங்கம் புரஹரநிராதங்கவிஜய-
-க்ரியாயாத்ரோத்³யுக்தஸ்மரபி³ருத³பாடா² இவ ப்⁴ருஶம் ।
ஜ²ணத்காராராவா꞉ கநகவலயாநாம் தவ ஶிவே
விதந்வந்து ஶ்ரேயோ மம கநகது³ர்கே³ ப⁴க³வதி ॥ 37 ॥
குசௌ தே ரூபஶ்ரீவிஜிதலகுசௌ மே ஶுப⁴கரௌ
ப⁴வேதாம் வ்யாகீர்ணௌ ப்ரகடதரமுக்தாமணிருசௌ ।
விரிஞ்சாத்³யா தே³வா யது³தி³தஸுதா⁴பாதுரநிஶம்
ஸுநம்ரா꞉ ஸேநாந்யோ நநு கநகது³ர்கே³ ப⁴க³வதி ॥ 38 ॥
அதுல்யம் தே மத்⁴யம் வத³தி ஹரிமத்⁴யேந ஸத்³ருஶம்
ஜக³த்தந்நோ யுக்தம் ஜநநி க²லு தத்³ரூபகலநே ।
க்ருதாஶ꞉ பஞ்சாஸ்யோ ப⁴வதி தவ வாஹ꞉ ப்ரதிதி³நம்
ஜக³த்ஸர்க³க்ரீடா³வதி கநகது³ர்கே³ ப⁴க³வதி ॥ 39 ॥
அஸௌ புந்நாக³ஸ்ய ப்ரஸவம்ருது³ஶாகா²சலக³தம்
தப꞉க்ருத்வா லேபே⁴ ஜநநி தவ நாபே⁴꞉ ஸத்³ருஶதாம் ।
ப்ரமத்த꞉ புந்நாக³ப்ரஸவ இதரஸ்தாவக க³தே-
-ஸ்துலாமாப்தும் வாஞ்ச²த்யபி கநகது³ர்கே³ ப⁴க³வதி ॥ 40 ॥
த்ரிலோகீவாஸாஞ்சத்³யுவதிஜநதாது³ர்க³மப⁴வ-
-ந்நிதம்ப³ஶ்ரீசௌர்யம் க்ருதவதி³தி ஸஞ்சிந்த்ய புலிநம் ।
ஸரோ பா³ஹ்யஞ்சக்ரே ஜநநி ப⁴வதீ³யஸ்மரணதோ
ஜ²ரேவாதீ⁴ரேஶா ஜநநி கநகது³ர்கே³ ப⁴க³வதி ॥ 41 ॥
ஜிதோ(அ)ஹம் பார்வத்யா ம்ருது³தரக³தீநாம் விளஸநை꞉
ததூ³ர்வோ꞉ ஸௌந்த³ர்யம் ஸஹஜமதி⁴க³ந்தும் ஜட³தயா ।
க்ருதாரம்பா⁴ ரம்பா⁴ இதி வித³ளிதா(ஆ)ஸாம் வநமயம்
கரீ ஸாமர்ஷ꞉ ஶ்ரீகரி கநகது³ர்கே³ ப⁴க³வதி ॥ 42 ॥
ப்ரவிஷ்டா தே நாபீ⁴பி³லமஸிதரோமாவளிரியம்
கடீசஞ்சத்காஞ்சீகு³ணவிஹிதஸௌத்ராமணமணே꞉ ।
ருசாம் ரேகே²வாஸ்தே ருசிரதரமூர்த்⁴வாயநக³தா
ஶ்ரிதஶ்ரேணீஸம்பத்கரி கநகது³ர்கே³ ப⁴க³வதி ॥ 43 ॥
அநிர்வாச்யம் ஜங்கா⁴ருசிரருசிஸௌந்த³ர்யவிப⁴வம்
கத²ம் ப்ராப்தும் யோக்³யஸ்தவ கலமக³ர்போ⁴ கி³ரிஸுதே ।
ததீ³யம் ஸௌபா⁴க்³யம் கணிஶஜநநைகாவதி⁴ ஸுதீ⁴-
-ஜநைஶ்சிந்தாகார்யா நநு கநகது³ர்கே³ ப⁴க³வதி ॥ 44 ॥
ஸதா³ மே பூ⁴யாத்தே ப்ரபத³மமிதாபீ⁴ஷ்டஸுக²த³ம்
ஸுரஸ்த்ரீவாஹாக்³ரச்யுதம்ருக³மதா³நாம் ஸமுத³யம் ।
அஶேஷம் நிர்தௌ⁴த꞉ ப்ரணயகலஹே யத்ர புரஜி-
-ஜ்ஜடாக³ங்கா³நீரைர்நநு கநகது³ர்கே³ ப⁴க³வதி ॥ 45 ॥
மநோஜ்ஞாகாரம் தே மது⁴ரநிநத³ம் நூபுரயுக³ம்
க்³ரஹீதும் விக்²யாதாந் க³திவிளஸநாநாமதிரயாந் ।
ஸ்தி²தம் மந்யே ஹம்ஸத்³வயமிதி ந சேத்³த⁴ம்ஸகபத³ம்
கத²ம் த⁴த்தே நாம்நா நநு கநகது³ர்கே³ ப⁴க³வதி ॥ 46 ॥
த்வதீ³யம் பாதா³ப்³ஜத்³வயமசலகந்யே விஜயதே
ஸுரஸ்த்ரீகஸ்தூரீதிலகநிகராத்யந்தஸுரபி⁴ ।
ப்⁴ரமந்தோ யத்ரார்யாப்ரகரஹ்ருத³யேந்தி³ந்தி³ரக³ணா꞉
ஸதா³ மாத்³யந்தி ஶ்ரீமதி கநகது³ர்கே³ ப⁴க³வதி ॥ 47 ॥
அபர்ணே தே பாதா³வதநுதநுலாவண்யஸரஸீ
ஸமுத்³பூ⁴தே பத்³மே இதி ஸுகவிபி⁴ர்நிஶ்சிதமித³ம் ।
ந சேத்³கீ³ர்வாணஸ்த்ரீஸமுத³யலலாடப்⁴ரமரகா꞉
கத²ம் தத்ராஸக்தா நநு கநகது³ர்கே³ ப⁴க³வதி ॥ 48 ॥
ரமாவாணீந்த்³ராணீமுக²யுவதிஸீமந்தபத³வீ-
-நவீநார்கச்சா²யாஸத்³ருஶருசி யத்குங்குமரஜ꞉ ।
ஸ்வகாங்கா³காரேண ஸ்தி²தமிதி ப⁴வத்பாத³கமல-
-த்³வயே மந்யே ஶம்போ⁴꞉ ஸதி கநகது³ர்கே³ ப⁴க³வதி ॥ 49 ॥
த³வாக்³நிம் நீஹாரம் க³ரளமம்ருதம் வார்தி⁴மவநீ-
-ஸ்த²லம் ம்ருத்யும் மித்ரம் ரிபுமபி ச ஸேவாகரஜநம் ।
விஶங்கம் குர்வந்தோ ஜநநி தவ பாதா³ம்பு³ருஹயோ꞉
ப்ரணாமா꞉ ஸம்ஸ்துத்யா மம கநகது³ர்கே³ ப⁴க³வதி ॥ 50 ॥
ஜலப்ராயா வித்³யா ஹ்ருதி³ ஸகலகாமா꞉ கரக³தா꞉
மஹாலக்ஷ்மீர்தா³ஸீ மநுஜபதிவர்யா꞉ ஸஹசரா꞉ ।
ப⁴வத்யஶ்ராந்தம் தே பத³கமலயோர்ப⁴க்திஸஹிதாம்
நதிங்குர்வாணாநாம் நநு கநகது³ர்கே³ ப⁴க³வதி ॥ 51 ॥
தவ ஶ்ரீமத்பாத³த்³விதயக³தமஞ்ஜீரவிளஸ-
-ந்மணிச்சா²யாச்ச²ந்நாக்ருதிப⁴வதி யத்பா²லப²லகம் ।
ஸ தத்ரைவாஶேஷாவநிவஹநதீ³க்ஷா ஸமுசிதம்
வஹேத்பட்டம் ஹைமம் நநு கநகது³ர்கே³ ப⁴க³வதி ॥ 52 ॥
தநோது க்ஷேமம் த்வச்சரணநக²சந்த்³ராவளிரியம்
ப⁴வத்ப்ராணேஶஸ்ய ப்ரணயகலஹாரம்ப⁴ஸமயே ।
யதீ³யஜ்யோத்ஸ்நாபி⁴ர்ப⁴வதி நிதராம் பூரிததநு꞉
ஶிரோ(அ)க்³ரே பா³லேந்து³ர்நநு கநகது³ர்கே³ ப⁴க³வதி ॥ 53 ॥
ஸமஸ்தாஶாதீ⁴ஶ ப்ரவரவநிதாஹஸ்தகமலை꞉
ஸுமை꞉ கல்பத்³ரூணாம் நிரதக்ருதபூஜௌ நிருபமௌ ।
நதாநாமிஷ்டார்த²ப்ரகரக⁴டநாபாடவயுதௌ
நமஸ்யாம꞉ பாதௌ³ தவ கநகது³ர்கே³ ப⁴க³வதி ॥ 54 ॥
புரா பா³ல்யே ஶீதாசலபரிஸரக்ஷோணிசரணே
யயோ꞉ ஸ்பர்ஶம் லப்³த்⁴வா முதி³தமநஸ꞉ கீடநிசயாந் ।
விளோக்ய ஶ்லாக⁴ந்தே விபு³த⁴ஸமுதா³யா꞉ ப்ரதிதி³நம்
நமாமஸ்தௌ பாதௌ³ நநு கநகது³ர்கே³ ப⁴க³வதி ॥ 55 ॥
நராணாமஜ்ஞாநாம் ப்ரஶமயிதுமந்த꞉ஸ்த²திமிரா-
-ண்யலக்ஷ்மீஸந்தாபம் க³மிதமநுஜாந் ஶீதளயிதும் ।
ஸமர்தா²ந்நிர்தோ³ஷாம்ஶ்சரணநக²சந்த்³ராநபி⁴நவாந்
நமாம꞉ ஸத்³ப⁴க்த்யா தவ கநகது³ர்கே³ ப⁴க³வதி ॥ 56 ॥
முகுந்த³ ப்³ரஹ்மேந்த்³ர ப்ரமுக² ப³ஹுப³ர்ஹிர்முக²ஶிகா²-
-விபூ⁴ஷாவிப்⁴ராஜந்மக⁴வமணி ஸந்த³ர்ப⁴ருசிபி⁴꞉ ।
விஶங்கம் ஸாகம் த்வச்சரணநக²சந்த்³ரேஷுக⁴டிதம்
கவீந்த்³ரை꞉ ஸ்தோதவ்யம் தவ கநகது³ர்கே³ ப⁴க³வதி ॥ 57 ॥
நகா²நாம் தா⁴வல்யம் நிஜமருணிமாநஞ்ச ஸஹஜம்
நமத்³கீ³ர்வாணஸ்த்ரீதிலகம்ருக³நாபி⁴ஶ்ரியமபி ।
வஹந்தௌ ஸத்த்வாதி³த்ரிகு³ணருசிஸாராநிவ ஸதா³
நமஸ்யாம꞉ பாதௌ³ தவ கநகது³ர்கே³ ப⁴க³வதி ॥ 58 ॥
மணிஶ்ரேணீபா⁴ஸ்வத்கநகமயமஞ்ஜீரயுக³ளீ-
-ஜ²ணத்காராராவச்ச²லமது⁴ரவாசாம் விளஸநை꞉ ।
அபீ⁴ஷ்டார்தா²ந் தா³தும் விநதஜநதாஹ்வாநசதுரா-
-விப க்²யாதௌ பாதௌ³ தவ கநகது³ர்கே³ ப⁴க³வதி ॥ 59 ॥
நமத்³கீ³ர்வாணஸ்த்ரீதிலகம்ருக³நாபீ⁴த்³ரவயுதம்
நக²ச்சா²யாயுக்தம் ஜநநி தவ பாதா³ம்பு³ ஜயதி ।
ஸமஞ்சத்காளிந்தீ³ஜ²ரஸலிலஸம்மிஶ்ரிதவிய-
-ந்நதீ³வாரீவ ஶ்ரீகரி கநகது³ர்கே³ ப⁴க³வதி ॥ 60 ॥
ஸுரஶ்ரேணீபாணித்³விதயக³தமாணிக்யகலஶை-
-ர்த்⁴ருதம் ஹேமாம்போ⁴ஜப்ரகரமகரந்தே³ந மிலிதம் ।
ஸதாம் ப்³ருந்தை³ர்வந்த்³யம் சரணயுக³ஸங்க்ஷாலநஜலம்
புநாத்வஸ்மாந்நித்யம் தவ கநகது³ர்கே³ ப⁴க³வதி ॥ 61 ॥
விராவந்மஞ்ஜீரத்³வயநிஹிதஹீரோபலருசி-
-ப்ரஸாதே³ நிர்பே⁴த³ம் ப்ரதி²தபரமப்³ரஹ்மருஷிபி⁴꞉ ।
ஶிரோபா⁴கை³ர்தா⁴ர்யம் பத³கமலநிர்ணேஜநஜலம்
வஸந்மே ஶீர்ஷாக்³ரே தவ கநகது³ர்கே³ ப⁴க³வதி ॥ 62 ॥
ஸமீபே மாணிக்யஸ்த²கி³தபத³பீட²ஸ்ய நமதாம்
ஶிர꞉ ஸு த்வத்பாத³ஸ்நபநஸலிலம் யந்நிவததி ।
ததே³வோச்சஸ்தா²நஸ்தி²திக்ருத³பி⁴ஷேகாம்பு³ ப⁴வதி
ப்ரபா⁴வோ(அ)யம் வர்ண்யஸ்தவ கநகது³ர்கே³ ப⁴க³வதி ॥ 63 ॥
ந்ருணாந்தீ³நாநாம் த்வச்சரணகமலைகாஶ்ரயவதாம்
மஹாலக்ஷ்மீப்ராப்திர்ப⁴வதி ந ஹி சித்ராஸ்பத³மித³ம் ।
ஸமாஶ்ரித்யாம்போ⁴ஜம் ஜட³மபி ச ரேகா²க்ருதித⁴ரம்
ஶ்ரியோ நித்யம் தா⁴மாஜநி கநகது³ர்கே³ ப⁴க³வதி ॥ 64 ॥
க²கோ³த்தம்ஸா ஹம்ஸாஸ்தவ க³திவிளாஸேந விஜிதா꞉
ஸலஜ்ஜாஸ்தத்துல்யம் க³மநமதி⁴க³ந்தும் ஸகுதுகா꞉ ।
ப⁴ஜந்தே ஸ்ரஷ்டாரம் ரத²வஹந ஏவைகநிரதா
மநோஜாதாராதே꞉ ஸதி கநகது³ர்கே³ ப⁴க³வதி ॥ 65 ॥
ஜக³ந்மாதர்ப⁴வ்யாங்கு³ளிவிவரமார்கே³ஷு க³ளிதம்
சதுர்தா⁴ தே பாதா³ம்பு³ஜஸலிலமேதத்³விஜயதே ।
ப்ரதா³தும் த⁴ர்மார்த²ப்ரமுக²புருஷார்த²த்³வயயுக³ம்
சதுர்மூர்த்யா வித்³தா⁴விவ கநகது³ர்கே³ ப⁴க³வதி ॥ 66 ॥
அஜோ(அ)யம் ஶ்ரீஶோ(அ)யம் ஸுரபரிவ்ருடோ⁴(அ)யம் ரவிரயம்
ஶஶாங்கோ(அ)யம் கோ(அ)யம் ஸகலஜலதீ⁴நாம் பதிரயம் ।
இதி த்வாம் ஸந்த்³ரஷ்டும் ஸமுபக³ததே³வா꞉ பரிசரை-
-ர்ஜநைர்விஜ்ஞாப்யந்தே க²லு கநகது³ர்கே³ ப⁴க³வதி ॥ 67 ॥
மஹாபீடா²ஸீநாம் மக⁴வமுக²ப³ர்ஹிர்முக²ஸகீ²-
-நிகாயை꞉ ஸம்ஸேவ்யாம் கரதலசலச்சாமரயுதை꞉ ।
ப்ரதோ³ஷே பஶ்யந்தீம் பஶுபதிமஹாதாண்ட³வகலாம்
ப⁴ஜே த்வாம் ஶ்ரீகாந்தாஸகி² கநகது³ர்கே³ ப⁴க³வதி ॥ 68 ॥ [மாஹேஶ்வரி]
பரஞ்ஜ்யோதிஸ்தத்³ஜ்ஞா꞉ ஸுரதருலதாம் து³ர்க³தஜநா
மஹாஜ்வாலாமக்³நேர்பு⁴வநப⁴யதா³ ராக்ஷஸக³ணா꞉ ।
லலாடாக்ஷ꞉ ஸாக்ஷாத³தநுஜயலக்ஷ்மீமவிரதம்
ஹ்ருதி³ த்⁴யாயந்தி த்வாம் கநகது³ர்கே³ ப⁴க³வதி ॥ 69 ॥
ஸமுத்³யத்³பா³லார்காயுதஶதஸமாநத்³யுதிமதீம்
ஶரத்³ராகாசந்த்³ரப்ரதிமத³ரஹாஸாஞ்சிதமுகீ²ம் ।
ஸகீ²ம் காமாராதேஶ்சகிதஹரிணீஶாப³நயநாம்
ஸதா³ஹம் ஸேவே த்வாம் ஹ்ருதி³ கநகது³ர்கே³ ப⁴க³வதி ॥ 70 ॥
தப꞉க்ருத்வா லேபே⁴ த்ரிபுரமத²நஸ்த்வாம் ப்ரியஸகீ²ம்
தபஸ்யந்தீ ப்ராப்தா த்வமபி கி³ரிஶம் ப்ராணத³யிதம் ।
ததே³வம் தா³ம்பத்யம் ஜயதி யுவயோர்பீ⁴தத⁴வயோ꞉
கவிஸ்துத்யம் நித்யம் நநு கநகது³ர்கே³ ப⁴க³வதி ॥ 71 ॥
விபோ⁴ர்ஜாநாஸி த்வம் விபுலமஹிமாநம் பஶுபதே꞉
ஸ ஏவ ஜ்ஞாதா தே சரிதஜலராஶேரநவதே⁴꞉ ।
ந ஹி ஜ்ஞாதும் த³க்ஷோ ப⁴வதி ப⁴வதோஸ்தத்வமிதர-
-ஸ்த்ரீலோகீஸந்தா⁴நேஷ்வபி கநகது³ர்கே³ ப⁴க³வதி ॥ 72 ॥
ந விஷ்ணுர்நப்³ரஹ்மா ந ச ஸுரபதிர்நாபி ஸவிதா
ந சந்த்³ரோ நோவாயுர்விளஸதி ஹி கல்பாந்தஸமயே ।
ததா³ நாட்யம் குர்வம்ஸ்தவ ரமண ஏகோ விஜயதே
த்வயா ஸாகம் லோகேஶ்வரி கநகது³ர்கே³ ப⁴க³வதி ॥ 73 ॥
த⁴நுஶ்சக்ரே மேரும் கு³ணமுரக³ராஜம் ஶிதஶரம்
ரமாதீ⁴ஶம் சாபி த்ரிபுரமத²நேந த்ரிநயந꞉ ।
ததே³தத்ஸாமர்த்²யம் ஸஹஜநிஜஶக்தேஸ்தவ ஶிவே
ஜக³த்³ரக்ஷாதீ³க்ஷாவதி கநகது³ர்கே³ ப⁴க³வதி ॥ 74 ॥
த்ரிகோணாந்தர்பி³ந்தூ³பரிவிளஸநாத்யந்தரஸிகாம்
த்ரிபி⁴ர்வேதை³꞉ ஸ்துத்யாம் த்ரிகு³ணமயமூர்தித்ரயயுதாம் ।
த்ரிலோகைராராத்⁴யாம் த்ரிநயநமந꞉ ப்ரேமஜநநீம்
த்ரிகாலம் ஸேவே த்வாம் ஹ்ருதி³ கநகது³ர்கே³ ப⁴க³வதி ॥ 75 ॥
மநோ த்⁴யாதும் நாலம் ஜநநி தவ மூர்திம் நிருபமாம்
வசோ வக்தும் ஶக்யம் ந ப⁴வதி ஹி தே சித்ரசரிதம் ।
தநுஸ்த்வத்ஸேவாயாம் ப⁴வதி விவஶா தீ³நஸமயே
கத²ம் வாஹம் ரக்ஷ்யஸ்தவ கநகது³ர்கே³ ப⁴க³வதி ॥ 76 ॥
வியோக³ம் தே நூநம் க்ஷணமஸஹமாந꞉ பஶுபதி-
-ர்த³தௌ³ தே தே³ஹார்த⁴ம் தருணஸுமபா³ணாயுதஸமம் ।
அநேந ஜ்ஞாதவ்யஸ்தவ ஜநநி ஸௌந்த³ர்யமஹிமா
த்ரிலோகீ ஸ்தோதவ்ய꞉ க²லு கநகது³ர்கே³ ப⁴க³வதி ॥ 77 ॥
க்ருதா யாகா³ யேந ஶ்ருதிஷு விதி³தா꞉ பூர்வஜநநே
த⁴நம் த³த்தம் யேந த்³விஜகுலவரேப்⁴யோ ப³ஹுவித⁴ம் ।
தபஸ்தப்தம் யேநாஸ்க²லிதமதிநா தஸ்ய க⁴டிதே
ப⁴வத்³ப⁴க்தி꞉ ஶம்போ⁴꞉ ஸதி கநகது³ர்கே³ ப⁴க³வதி ॥ 78 ॥
ப⁴வந்மூர்தித்⁴யாநப்ரவணமமலஞ்சாபி ஹ்ருத³யம்
ப⁴வந்நாமஶ்ரேணீபட²நநிபுணாம் சாபி ரஸநாம் ।
ப⁴வத்ஸேவாதா³ர்ட்⁴யப்ரதி²தமபி காயம் விதர மே
ப⁴வாநந்த³ஶ்ரேயஸ்கரி கநகது³ர்கே³ ப⁴க³வதி ॥ 79 ॥
ப்ரபா⁴ஷந்தே வேதா³ஶ்சகிதசகிதம் தாவககு³ணாந்
ந பாரஸ்ய த்³ரஷ்டா தவ மஹிமவார்தே⁴ர்விதி⁴ரபி ।
ப⁴வத்தத்த்வம் ஜ்ஞாதும் ப்ரக்ருதிசபலாநாமபி ந்ருணாம்
கத²ம் வா ஶக்தி꞉ ஸ்யாந்நநு கநகது³ர்கே³ ப⁴க³வதி ॥ 80 ॥
ந்ருபா ஏகச்ச²த்ரம் ஸகலத⁴ரணீபாலநபரா꞉
ஸுதா⁴மாது⁴ர்யஶ்ரீலலிதகவிதாகல்பநசணா꞉ ।
நிராதங்கம் ஶாஸ்த்ராத்⁴யயநமநஸாம் நித்யகவிதா
த்வதீ³யா ஜ்ஞேயா ஶ்ரீமதி கநகது³ர்கே³ ப⁴க³வதி ॥ 81 ॥
கத³ம்பா³நாம் நாகா³தி⁴கசதுரஸஞ்சாரிப⁴ஸரீ
கத³ம்பா³நாம் மத்⁴யே க²சரதருணீகோடிகலிதே ।
ஸ்தி²தாம் வீணாஹஸ்தாம் த்ரிபுரமத²நாநந்த³ஜநநீம்
ஸதா³ஹம் ஸேவே த்வாம் ஹ்ருதி³ கநகது³ர்கே³ ப⁴க³வதி ॥ 82 ॥
கி³ராம் தே³வீ பூ⁴த்வா விஹரஸி சதுர்வக்த்ரவத³நே
மஹாலக்ஷ்மீரூபா மது⁴மத²நவக்ஷ꞉ஸ்த²லக³தா ।
ஶிவாகாரேண த்வம் ஶிவதநுநிவாஸம் க்ருதவதீ
கத²ம் ஜ்ஞேயா மாயா தவ கநகது³ர்கே³ ப⁴க³வதி ॥ 83 ॥
மஹாராஜ்யப்ராப்தாவதிஶயிதகௌதூஹலவதாம்
ஸுதா⁴மாது⁴ர்யோத்³யத்ஸரஸகவிதா கௌதுகயுஜாம் ।
க்ருதாஶாநாம் ஶஶ்வத்ஸுக²ஜநககீ³ர்வாணப⁴ஜநே
த்வமேவைகா ஸேவ்யா நநு கநகது³ர்கே³ ப⁴க³வதி ॥ 84 ॥
ப²ணீ முக்தாஹாரோ ப⁴வதி ப⁴ஸிதம் சந்த³நரஜோ
கி³ரீந்த்³ர꞉ ப்ராஸாதோ³ க³ரளமம்ருதம் சர்ம ஸுபட꞉ ।
ஶிவே ஶம்போ⁴ர்யத்³யத்³விக்ருதசரிதம் தத்தத³கி²லம்
ஶுப⁴ம் ஜாதம் யோகா³த்தவ கநகது³ர்கே³ ப⁴க³வதி ॥ 85 ॥
த³ரித்³ரே வா க்ஷுத்³ரே கி³ரிவரஸுதே யத்ர மநுஜே
ஸுதா⁴பூராதா⁴ரஸ்தவ ஶுப⁴கடாக்ஷோ நிபததி ।
ப³ஹிர்த்³வாரப்ராந்தத்³விரத³மத³க³ந்த⁴꞉ ஸ ப⁴வதி
ப்ரியே காமாராதேர்நநு கநகது³ர்கே³ ப⁴க³வதி ॥ 86 ॥
ப்ரபா⁴ஷந்தே வேதா³꞉ ப்ரகடயதி பௌராணிகவச꞉
ப்ரஶஸ்தம் குர்வந்தி ப்ரதி²தப³ஹுஶாஸ்த்ராண்யவிரதம் ।
ஸ்துவந்த꞉ ப்ரத்யக்³ரம் ஸுகவிநிசயா꞉ காவ்யரசநை-
-ரநந்தாம் தே கீர்திம் நநு கநகது³ர்கே³ ப⁴க³வதி ॥ 87 ॥
அஸூயேர்ஷ்யாத³ம்பா⁴த்³யவகு³ணபரித்யாக³சதுரா꞉
ஸதா³சாராஸக்தா꞉ ஸத³யஹ்ருத³யா꞉ ஸத்யவசநா꞉ ।
ஜிதஸ்வாந்தா꞉ ஶாந்தா விமலசரிதா தா³நநிரதா꞉
க்ருபாபாத்ரீபூ⁴தாஸ்தவ கநகது³ர்கே³ ப⁴க³வதி ॥ 88 ॥
யதீ³யாம்ப⁴ஸ்நாநாத்³து³ரிதசரிதாநாம் ஸமுத³யா
மஹாபுண்யாயந்தே மஹிமவதி தஸ்யா꞉ ஶுப⁴கரே ।
தடே க்ருஷ்ணாநத்³யா விஹிதமஹிதாநந்த³வஸதே
க்ருபா கர்தவ்யா தே மயி கநகது³ர்கே³ ப⁴க³வதி ॥ 89 ॥
யதா² புஷ்பஶ்ரேணீவிளஸிதகத³ம்ப³த்³ருமவநே
தநோர்பா⁴கே³ நாகே³ஶ்வரவலயிந꞉ ஶ்ரீமதி யதா² ।
ததா² ப⁴க்தௌகா⁴நாம் ஹ்ருதி³ க்ருதவிஹாரே கி³ரிஸுதே
த³யா கர்தவ்யா தே மயி கநகது³ர்கே³ ப⁴க³வதி ॥ 90 ॥
ஸமாருஹ்யாப⁴ங்க³ம் ம்ருக³பதிதுரங்க³ம் ஜநயுதம்
க³ளாக்³ரே தூ⁴ம்ராக்ஷப்ரமுக²ப³லப³ர்ஹிர்முக²ரிபூந் ।
நிஹத்ய ப்ரத்யக்ஷம் ஜக³த³வநலீலாம் க்ருதவதீ
ப்ரஸந்நா பூ⁴யாஸ்த்வம் மயி கநகது³ர்கே³ ப⁴க³வதி ॥ 91 ॥
பராபூ⁴ய த்ர்யக்ஷம் ஸவநகரணே யத்ரஸஹிதம்
து³ராத்மாநம் த³க்ஷம் பிதரமபி ஸந்த்யஜ்ய தரஸா ।
க்³ருஹே நீஹாராத்³ரேர்நிஜஜநஸமங்கீ³க்ருதவதீ
ப்ரஸந்நா பூ⁴யாஸ்த்வம் மயி கநகது³ர்கே³ ப⁴க³வதி ॥ 92 ॥
தப꞉ க்ருத்வா யஸ்மிந் ஸுரபதிஸுதோ(அ)நந்யஸுலப⁴ம்
ப⁴வாத³ஸ்த்ரம் லேபே⁴ ப்ரப³லரிபுஸம்ஹாரகரணம் ।
கிராதே(அ)ஸ்மிந் ப்ரீத்யா ஸஹவிஹரணே கௌதுகவதீ
ப்ரஸந்நா பூ⁴யாஸ்த்வம் மயி கநகது³ர்கே³ ப⁴க³வதி ॥ 93 ॥
ஶரச்சந்த்³ராளோகப்ரதிமருசிமந்த³ஸ்மிதயுதே
ஸுரஶ்ரீஸங்கீ³தஶ்ரவணகுதுகாலங்க்ருதமதே ।
க்ருபாபாத்ரீபூ⁴தப்ரணமத³மராப்⁴யர்சிதபதே³
ப்ரஸந்நா பூ⁴யாஸ்த்வம் மயி கநகது³ர்கே³ ப⁴க³வதி ॥ 94 ॥
கபாலஸ்ரக்³தா⁴ரீ கடி²நக³ஜசர்மாம்ப³ரத⁴ர꞉
ஸ்மரத்³வேஷீ ஶம்பு⁴ர்ப³ஹுபு⁴வநபி⁴க்ஷாடநபர꞉ ।
அவிஜ்ஞாதோத்பத்திர்ஜநநி தவ பாணிக்³ரஹணதோ
ஜக³த்ஸேவ்யோ ஜாத꞉ க²லு கநகது³ர்கே³ ப⁴க³வதி ॥ 95 ॥
பதா³ப்⁴யாம் ப்ரத்யூஷஸ்பு²டவிகசஶோணாப்³ஜவிளஸத்
ப்ரபா⁴ப்⁴யாம் ப⁴க்தாநாமப⁴யவரதா³ப்⁴யாம் தவ ஶிவே ।
சரத்³ப்⁴யாம் நீஹாராசலபத³ஶிலாப⁴ங்க³ஸரணௌ
நம꞉ குர்ம꞉ காமேஶ்வரி கநகது³ர்கே³ ப⁴க³வதி ॥ 96 ॥
மதீ³யே ஹ்ருத்பத்³மே நிவஸது பதா³ம்போ⁴ஜயுக³ளம்
ஜக³த்³வந்த்³யம் ரேகா²த்⁴வஜகுலிஶவஜ்ராங்கிதமித³ம் ।
ஸ்பு²ரத்காந்திஜ்யோத்ஸ்நா விததமணிமஞ்ஜீரமஹிதம்
த³யா(ஆ)தே⁴யா(அ)மேயா மயி கநகது³ர்கே³ ப⁴க³வதி ॥ 97 ॥
ஸதா³(அ)ஹம் ஸேவே த்வத்பத³கமலபீடீ²பரிஸரே
ஸ்துவந் ப⁴க்திஶ்ரத்³தா⁴பரிசயபவித்ரீக்ருததி⁴யா ।
ப⁴வந்தீம் கல்யாணீம் ப்ரசுரதரகல்யாணசரிதாம்
த³யா(ஆ)தே⁴யா(அ)மேயா மயி கநகது³ர்கே³ ப⁴க³வதி ॥ 98 ॥
ஹர꞉ ஶூலீ சைக꞉ பித்ருவநநிவாஸீ பஶுபதி-
-ர்தி³ஶாவாஸோ ஹாலாஹலகப³லநவ்யக்³ரத்⁴ருதிமாந் ।
கி³ரீஶோ(அ)பூ⁴தே³வம்வித⁴கு³ணசரித்ரோ(அ)பி ஹி ப⁴வத்
ஸுஸாங்க³த்யாத் ஶ்லாக்⁴யோ நநு கநகது³ர்கே³ ப⁴க³வதி ॥ 99 ॥
ஸமஸ்தாஶாதீ⁴ஶ ப்ரமுக² ஸுரவர்யை꞉ ப்ரணமிதா-
-மஹர்நாத²ஜ்வாலாபதிஹரணபாலீ த்ரிநயநாம் ।
ஸதா³ த்⁴யாயே(அ)ஹம் த்வாம் ஸகலவிபு³தா⁴பீ⁴ஷ்டகலநே
ரதாம் தாம் கல்யாணீம் ஹ்ருதி³ கநகது³ர்கே³ ப⁴க³வதி ॥ 100 ॥
ஸுஸந்தோஷம் யோ வா ஜபதி நியமாதூ³ஹிதஶத-
-ஜ்வலத்³வ்ருத்தை꞉ ஶ்ராவ்யாம் நிஶி கநகது³ர்கா³ஸ்துதிமிமாம் ।
மஹாலக்ஷ்மீபாத்ரம் ப⁴வதி ஸத³நம் தஸ்ய வத³நம்
கி³ராம் தே³வீபாத்ரம் குலமபி விதே⁴꞉ கல்பஶதகம் ॥ 101 ॥
ஸ்துதிம் து³ர்கா³தே³வ்யா꞉ ஸததமக⁴ஸம்ஹாரகரணே
ஸுஶக்தாம் வா லோகே பட²தி ஸுதி⁴யா பு³த்³தி⁴குஶல꞉ ।
ஶ்ரியம் தே³வீ தஸ்மை விதரதி ஸுதாநாம் ச ஜக³தாம்
பதித்வம் வாக்³மித்வம் ப³ஹு கநகது³ர்கே³ ப⁴க³வதி ॥ 102 ॥
ஶதஶ்லோகீப³த்³த⁴ம் நநு கநகது³ர்கா³ங்கிதபத³ம்
கு³ரூபந்யஸ்தம் தத்³பு⁴வி கநகது³ர்கா³ஸ்தவமித³ம் ।
நிப³த்³த⁴ம் மாணிக்யை꞉ கநகஶதமாநம் ப⁴வதி தே
யதா² ஹ்ருத்³யம் தே³வி ஸ்பு²டபத³விப⁴க்தம் விஜயதாம் ॥ 103 ॥
இதி ஶ்ரீமத்பரமஹம்ஸ பரிவ்ராஜகாசார்யவர்ய ஶ்ரீவித்³யாஶங்கராசார்ய விரசிதம் ஶ்ரீமத்கநகது³ர்கா³நந்த³ளஹரீ ஸ்தோத்ரம் ।
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
