Read in తెలుగు / ಕನ್ನಡ / தமிழ் / देवनागरी / English (IAST)
ஶ்ரீபராஶரப⁴ட்டார்ய꞉ ஶ்ரீரங்கே³ஶபுரோஹித꞉ ।
ஶ்ரீவத்ஸாங்கஸுத꞉ ஶ்ரீமாந் ஶ்ரேயஸே மே(அ)ஸ்து பூ⁴யஸே ॥
ஶ்ரியை ஸமஸ்தசித³சித்³விதா⁴நவ்யஸநம் ஹரே꞉ ।
அங்கீ³காரிபி⁴ராளோகை꞉ ஸார்த²யந்த்யை க்ருதோ(அ)ஞ்ஜலி꞉ ॥ 1 ॥
உல்லாஸபல்லவிதபாலிதஸப்தலோகீ-
-நிர்வாஹகோரகிதநேமகடாக்ஷலீலாம் ।
ஶ்ரீரங்க³ஹர்ம்யதலமங்க³ளதீ³பரேகா²ம்
ஶ்ரீரங்க³ராஜமஹிஷீம் ஶ்ரியமாஶ்ரயாம꞉ ॥ 2 ॥
அநுகலதநுகாண்டா³லிங்க³நாரம்ப⁴ஶும்ப⁴த்
ப்ரதிதி³ஶபு⁴ஜஶாக²ஶ்ரீஸகா²நோகஹர்தி⁴꞉ ।
ஸ்தநநயநகு³ளுச்ச²ஸ்பா²ரபுஷ்பத்³விரேபா²
ரசயது மயி லக்ஷ்மீகல்பவள்லீ கடாக்ஷாந் ॥ 3 ॥
யத்³ப்⁴ரூப⁴ங்கா³꞉ ப்ரமாணம் ஸ்தி²ரசரரசநாதாரதம்யே முராரே꞉
வேதா³ந்தாஸ்தத்த்வசிந்தாம் முரபி⁴து³ரஸி யத்பாத³சிஹ்நைஸ்தரந்தி ।
போ⁴கோ³போத்³கா⁴தகேலீசுலகிதப⁴க³வத்³வைஶ்வரூப்யாநுபா⁴வா
ஸா ந꞉ ஶ்ரீராஸ்த்ருணீதாமம்ருதலஹரிதீ⁴ளங்க⁴நீயைரபாங்கை³꞉ ॥ 4 ॥
யத்³யாவத்தவ வைப⁴வம் தது³சிதஸ்தோத்ராய தூ³ரே ஸ்ப்ருஹா
ஸ்தோதும் கே வயமித்யத³ஶ்ச ஜக்³ருஹு꞉ ப்ராஞ்சோ விரிஞ்சாத³ய꞉ ।
அப்யேவம் தவ தே³வி வாங்மநஸயோர்பா⁴ஷாநபி⁴ஜ்ஞம் பத³ம்
காவாச꞉ ப்ரயதாமஹே கவயிதும் ஸ்வஸ்தி ப்ரஶஸ்த்யை கி³ராம் ॥ 5 ॥
ஸ்தோதாரம் தமுஶந்தி தே³வி கவயோ யோ விஸ்த்ருணீதே கு³ணாந்
ஸ்தோதவ்யஸ்ய ததஶ்ச தே ஸ்துதிது⁴ரா மய்யேவ விஶ்ராம்யதி ।
யஸ்மாத³ஸ்மத³மர்ஷணீயப²ணிதிஸ்வீகாரதஸ்தே கு³ணா꞉
க்ஷாந்த்யௌதா³ர்யத³யாத³யோ ப⁴க³வதி ஸ்வாம் ப்ரஸ்நுவீரந் ப்ரதா²ம் ॥ 6 ॥
ஸூக்திம் ஸமக்³ரயது ந꞉ ஸ்வயமேவ லக்ஷ்மீ꞉
ஶ்ரீரங்க³ராஜமஹிஷீ மது⁴ரை꞉ கடாக்ஷை꞉ ।
வைத³க்³த்⁴யவர்ணகு³ணகு³ம்ப⁴நகௌ³ரவைர்யாம்
கண்டூ³லகர்ணகுஹரா꞉ கவயோ த⁴யந்தி ॥ 7 ॥
அநாக்⁴ராதாவத்³யம் ப³ஹுகு³ணபரீணாஹி மநஸோ
து³ஹாநம் ஸௌஹார்த³ம் பரிசிதமிவாதா²பி க³ஹநம் ।
பதா³நாம் ஸௌப்⁴ராத்ராத³நிமிஷநிஷேவ்யம் ஶ்ரவணயோ꞉
த்வமேவ ஶ்ரீர்மஹ்யம் ப³ஹுமுக²ய வாணீவிளஸிதம் ॥ 8 ॥
ஶ்ரிய꞉ ஶ்ரீ꞉ ஶ்ரீரங்கே³ஶய தவ ச ஹ்ருத்³யாம் ப⁴க³வதீம்
ஶ்ரியம் த்வத்தோ(அ)ப்யுச்சைர்வயமிஹ ப²ணாம꞉ ஶ்ருணுதராம் ।
த்³ருஶௌ தே பூ⁴யாஸ்தாம் ஸுக²தரளதாரே ஶ்ரவணத꞉
புநர்ஹர்ஷோத்கர்ஷாத் ஸ்பு²டது பு⁴ஜயோ꞉ கஞ்சுகஶதம் ॥ 9 ॥
தே³வி ஶ்ருதிம் ப⁴க³வதீம் ப்ரத²மே புமாம்ஸ꞉
த்வத்ஸத்³கு³ணௌக⁴மணிகோஶக்³ருஹம் க்³ருணந்தி ।
தத்³த்³வாரபாடநபடூநி ச ஸேதிஹாஸ-
-ஸந்தர்கணஸ்ம்ருதிபுராணபுரஸ்ஸராணி ॥ 10 ॥
ஆஹுர்வேதா³நமாநம் கதிசந கதிசாராஜகம் விஶ்வமேதத்
ராஜந்வத்கேசிதீ³ஶம் கு³ணிநமபி கு³ணைஸ்தம் த³ரித்³ராணமந்யே ।
பி⁴க்ஷாவந்யே ஸுராஜம்ப⁴வமிதி ச ஜடா³ஸ்தே தலாதல்யகார்ஷு꞉
யே தே ஶ்ரீரங்க³ஹர்ம்யாங்க³ணகநகலதே ந க்ஷணம் லக்ஷ்யமாஸந் ॥ 11 ॥
மநஸி விளஸதா(அ)க்ஷ்ணா ப⁴க்திஸித்³தா⁴ஞ்ஜநேந
ஶ்ருதிஶிரஸி நிகூ³ட⁴ம் லக்ஷ்மி தே வீக்ஷமாணா꞉ ।
நிதி⁴மிவ மஹிமாநம் பு⁴ஞ்ஜதே யே(அ)பி த⁴ந்யா꞉
நநு ப⁴க³வதி தை³வீம் ஸம்பத³ம் தே(அ)பி⁴ஜாதா꞉ ॥ 12 ॥
அஸ்யேஶாநா ஜக³த இதி தே(அ)தீ⁴மஹே யாம் ஸம்ருத்³தி⁴ம்
ஶ்ரீ꞉ ஶ்ரீஸூக்தம் ப³ஹுமுக²யதே தாம் ச ஶாகா²நுஶாக²ம் ।
ஈஷ்டே கஶ்சிஜ்ஜக³த இதி ய꞉ பௌருஷே ஸூக்த உக்த꞉
தம் ச த்வத்கம் பதிமதி⁴ஜகா³வுத்தரஶ்சாநுவாக꞉ ॥ 13 ॥
உத்³பா³ஹுஸ்த்வாமுபநிஷத³ஸாவாஹ நைகா நியந்த்ரீம்
ஶ்ரீமத்³ராமாயணமபி பரம் ப்ராணிதி த்வச்சரித்ரே ।
ஸ்மர்தாரோ(அ)ஸ்மஜ்ஜநநி யதமே ஸேதிஹாஸை꞉ புராணை꞉
நித்யுர்வேதா³நபி ச ததமே த்வந்மஹிம்நி ப்ரமாணம் ॥ 14 ॥
ஆகுக்³ராமநியாமகாத³பி விபோ⁴ராஸர்வநிர்வாஹகாத்
ஐஶ்வர்யம் யதி³ஹோத்தரோத்தரகு³ணம் ஶ்ரீரங்க³ப⁴ர்து꞉ ப்ரியே ।
துங்க³ம் மங்க³ளமுஜ்ஜ்வலம் க³ரிமவத் புண்யம் புந꞉ பாவநம்
த⁴ந்யம் யத்தத³த³ஶ்ச வீக்ஷணபு⁴வஸ்தே பஞ்சஷா꞉ விப்ருஷ꞉ ॥ 15 ॥
ஏகோ முக்தாதபத்ரப்ரசலமணிக⁴ணாத்காரிமௌளிர்மநுஷ்யோ
த்³ருப்யத்³த³ந்தாவளஸ்தோ² ந க³ணயதி நதாந் யத்க்ஷணம் க்ஷோணிபாலாந் ।
யத்தஸ்மை திஷ்ட²தே(அ)ந்ய꞉ க்ருபணமஶரணோ த³ர்ஶயந் த³ந்தபங்க்தீ
தத்தே ஶ்ரீரங்க³ராஜப்ரணயிநி நயநோத³ஞ்சிதாந்யஞ்சிதாப்⁴யாம் ॥ 16 ॥
ரதிர்மதிஸரஸ்வதீ த்⁴ருதிஸம்ருத்³தி⁴ஸித்³தி⁴ஶ்ரிய꞉
ஸுதா⁴ஸகி² யதோமுக²ம் சிசலிஷேத்தவ ப்⁴ரூலதா ।
ததோமுக²மதே²ந்தி³ரே ப³ஹுமுகீ²மஹம்பூர்விகாம்
விகா³ஹ்ய ச வஶம்வதா³꞉ பரிவஹந்தி கூலங்கஷா꞉ ॥ 17 ॥
ஸஹ ஸ்தி²ரபரித்ரஸவ்ரஜவிரிஞ்சநாகிஞ்சநை꞉
அநோகஹப்³ருஹஸ்பதிப்ரப³லவிக்லப³ப்ரக்ரியம் ।
இத³ம் ஸத³ஸதா³த்மநா நிகி²லமேவ நிம்நோந்நதம்
கடாக்ஷதது³பேக்ஷயோஸ்தவ ஹி லக்ஷ்மி தத்தாண்ட³வம் ॥ 18 ॥
காலே ஶம்ஸதி யோக்³யதாம் சித³சிதோரந்யோந்யமாலிங்க³தோ꞉
பூ⁴தாஹங்க்ருதிபு³த்³தி⁴பஞ்சகரணீஸ்வாந்தப்ரவ்ருத்தீந்த்³ரியை꞉ ।
அண்டா³நாவரணை꞉ ஸஹஸ்ரமகரோத்தாந்பூ⁴ர்பு⁴வ꞉ ஸர்வத꞉
ஶ்ரீரங்கே³ஶ்வரதே³வி தே விஹ்ருதயே ஸங்கல்பமாந꞉ ப்ரிய꞉ ॥ 19 ॥
ஶப்³தா³தீ³ந் விஷயாந் ப்ரத³ர்ஶ்ய விப⁴வம் விஸ்மார்ய தா³ஸ்யாத்மகம்
வைஷ்ணவ்யா கு³ணமாயயா(ஆ)த்மநிவஹாந் விப்லாவ்ய பூர்வ꞉ புமாந் ।
பும்ஸா பண்யவதூ⁴விட³ம்பி³வபுஷா தூ⁴ர்தாநிவாயாஸயந்
ஶ்ரீரங்கே³ஶ்வரி கல்பதே தவ பரீஹாஸாத்மநே கேலயே ॥ 20 ॥
யத்³தூ³ரே மநஸோ யதே³வ தமஸ꞉ பாரே யத³த்யத்³பு⁴தம்
யத்காலாத³பசேலிமம் ஸுரபுரீ யத்³க³ச்ச²தோ து³ர்க³தி꞉ ।
ஸாயுஜ்யஸ்ய யதே³வ ஸூதிரத²வா யத்³து³ர்க்³ரஹம் மத்³கி³ராம்
தத்³விஷ்ணோ꞉ பரமம் பத³ம் தவ க்ருதே மாத꞉ ஸமாம்நாஸிஷு꞉ ॥ 21 ॥
ஹேலாயாமகி²லம் சராசரமித³ம் போ⁴கே³ விபூ⁴தி꞉ பரா
புண்யாஸ்தே பரிசாரகர்மணி ஸதா³ பஶ்யந்தி யே ஸூரய꞉ ।
ஶ்ரீரங்கே³ஶ்வரதே³வி கேவலக்ருபாநிர்வாஹ்யவர்கே³ வயம்
ஶேஷித்வே பரம꞉ புமாந் பரிகரா ஹ்யேதே தவ ஸ்பா²ரணே ॥ 22 ॥
ஆஜ்ஞாநுக்³ரஹபீ⁴மகோமளபுரீபாலா ப²லம் பே⁴ஜுஷாம்
யா(அ)யோத்⁴யேத்யபராஜிதேதி விதி³தா நாகம் பரேண ஸ்தி²தா ।
பா⁴வைரத்³பு⁴தபோ⁴க³பூ⁴மக³ஹநை꞉ ஸாந்த்³ரா ஸுதா⁴ஸ்யந்தி³பி⁴꞉
ஶ்ரீரங்கே³ஶ்வரகே³ஹலக்ஷ்மி யுவயோஸ்தாம் ராஜதா⁴நீம் விது³꞉ ॥ 23 ॥
தஸ்யாம் ச த்வத்க்ருபாவந்நிரவதி⁴ஜநதாவிஶ்ரமார்ஹாவகாஶம்
ஸங்கீர்ணம் தா³ஸ்யத்ருஷ்ணாகலிதபரிகரை꞉ பும்பி⁴ராநந்த³நிக்⁴நை꞉ ।
ஸ்நேஹாதா³ஸ்தா²நரக்ஷாவ்யஸநிபி⁴ரப⁴யம் ஶார்ங்க³சக்ராஸிமுக்²யை-
-ராநந்தை³கார்ணவம் ஶ்ரீர்ப⁴க³வதி யுவயோராஹுராஸ்தா²நரத்நம் ॥ 24 ॥
தத்ர ஸ்ரக்ஸ்பர்ஶக³ந்த⁴ம் ஸ்பு²ரது³பரிப²ணாரத்நரோசிர்விதாநம்
விஸ்தீர்யாநந்தபோ⁴க³ம் தது³பரி நயதா விஶ்வமேகாதபத்ரம் ।
தைஸ்தை꞉ காந்தேந ஶாந்தோதி³தகு³ணவிப⁴வைரர்ஹதா த்வாமஸங்க்²யை꞉
அந்யோந்யாத்³வைதநிஷ்டா²க⁴நரஸக³ஹநாந் தே³வி ப³த்⁴நாஸி போ⁴கா³ந் ॥ 25 ॥
போ⁴க்³யா வாமபி நாந்தரீயகதயா புஷ்பாங்க³ராகை³꞉ ஸமம்
நிர்வ்ருத்தப்ரணயாதிவாஹநவிதௌ⁴ நீதா꞉ பரீவாஹதாம் ।
தே³வி த்வாமநு நீலயா ஸஹ மஹீதே³வ்ய꞉ ஸஹஸ்ரம் ததா²
யாபி⁴ஸ்வம் ஸ்தநபா³ஹுத்³ருஷ்டிபி⁴ரிவ ஸ்வாபி⁴꞉ ப்ரியம் ஶ்லாக⁴ஸே ॥ 26 ॥
தே ஸாத்⁴யா꞉ ஸந்தி தே³வா ஜநநி கு³ணவபுர்வேஷவ்ருத்தஸ்வரூபை꞉
போ⁴கை³ர்வா நிர்விஶேஷா꞉ ஸவயஸ இவ யே நித்யநிர்தோ³ஷக³ந்தா⁴꞉
ஹே ஶ்ரீ꞉ ஶ்ரீரங்க³ப⁴ர்துஸ்தவ ச பத³பரீசாரவ்ருத்த்யை ஸதா³(அ)பி
ப்ரேமப்ரத்³ராணபா⁴வாவிளஹ்ருத³யஹடா²த்காரகைங்கர்யபோ⁴கா³꞉ ॥ 27 ॥
ஸ்வரூபம் ஸ்வாதந்த்ர்யம் ப⁴க³வத இத³ம் சந்த்³ரவத³நே
த்வதா³ஶ்லேஷோத்கர்ஷாத்³ப⁴வதி க²லு நிஷ்கர்ஷஸமயே ।
த்வமாஸீர்மாத꞉ ஶ்ரீ꞉ கமிதுரித³மித்த²ந்த்வவிப⁴வ-
-ஸ்தத³ந்தர்பா⁴வாத்த்வாம் ந ப்ருத²க³பி⁴த⁴த்தே ஶ்ருதிரபி ॥ 28 ॥
தவ ஸ்பர்ஶாதீ³ஶம் ஸ்ப்ருஶதி கமலே மங்க³ளபத³ம்
தவேத³ம் நோபாதே⁴ருபநிபதிதம் ஶ்ரீரஸி யத꞉ ।
ப்ரஸூநம் புஷ்யந்தீமபி பரிமளர்தி⁴ம் ஜிக³தி³ஷு꞉
ந சைவம் த்வாதே³வம் ஸ்வத³த இதி கஶ்சித்கவயதே ॥ 29 ॥
அபாங்கா³ பூ⁴யாம்ஸோ யது³பரி பரம் ப்³ரஹ்ம தத³பூ⁴-
-த³மீ யத்ர த்³வித்ரா꞉ ஸ ச ஶதமகா²தி³ஸ்தத³த⁴ராத் ।
அத꞉ ஶ்ரீராம்நாயஸ்தது³ப⁴யமுஶம்ஸ்த்வாம் ப்ரணிஜகௌ³
ப்ரஶஸ்தி꞉ ஸா ராஜ்ஞோ யத³பி ச புரீகோஶகத²நம் ॥ 30 ॥
ஸ்வத꞉ ஶ்ரீஸ்த்வம் விஷ்ணோ꞉ ஸ்வமஸி தத ஏவைஷ ப⁴க³வாந்
த்வதா³யத்தர்தி⁴த்வே(அ)ப்யப⁴வத³பராதீ⁴நவிப⁴வ꞉ ।
ஸ்வயா தீ³ப்த்யா ரத்நம் ப⁴வத³பி மஹார்க⁴ம் ந விகு³ணம்
ந குண்ட²ஸ்வாதந்த்ர்யம் ப⁴வதி ச ந சாந்யாஹிதகு³ணம் ॥ 31 ॥
ப்ரஶகநப³லஜ்யோதிர்ஜ்ஞாநைஶ்வரீவிஜயப்ரதா²-
-ப்ரணதவரணப்ரேமக்ஷேமங்கரத்வபுரஸ்ஸரா꞉
அபி பரிமள꞉ காந்திர்லாவண்யமர்சிரிதீந்தி³ரே
தவ ப⁴க³வதஶ்சைதே ஸாதா⁴ரணா꞉ கு³ணராஶய꞉ ॥ 32 ॥
அந்யே(அ)பி யௌவநமுகா²꞉ யுவயோ꞉ ஸமாநா꞉
ஶ்ரீரங்க³மங்க³ளவிஜ்ரும்ப⁴ணவைஜயந்தி
தஸ்மிம்ஸ்தவ த்வயி ச தஸ்ய பரஸ்பரேண
ஸம்ஸ்தீர்ய த³ர்பண இவ ப்ரசுரம் ஸ்வத³ந்தே ॥ 33 ॥
யுவத்வாதௌ³ துல்யே(அ)ப்யபரவஶதாஶத்ருஶமந-
-ஸ்தி²ரத்வாதீ³ந் க்ருத்வா ப⁴க³வதி கு³ணாந் பும்ஸ்த்வஸுலபா⁴ந் ।
த்வயி ஸ்த்ரீத்வைகாந்தாந் ம்ரதி³மபதிபாரார்த்²யகருணா-
-க்ஷமாதீ³ந்வா போ⁴க்தும் ப⁴வதி யுவயோராத்மநி பி⁴தா³ ॥ 34 ॥
க⁴நகநகத்³யுதீ யுவத³ஶாமபி முக்³த⁴த³ஶாம்
யுவதருணத்வயோருசிதமாப⁴ரணாதி³ பரம் ।
த்⁴ருவமஸமாநதே³ஶவிநிவேஶி விப⁴ஜ்ய ஹரௌ
த்வயி ச குஶேஶயோத³ரவிஹாரிணி நிர்விஶஸி ॥ 35 ॥
அங்க³ம் தே ம்ருது³ஶீதமுக்³த⁴மது⁴ரோதா³ரைர்கு³ணைர்கு³ம்ப⁴த꞉
க்ஷீராப்³தே⁴꞉ கிம்ருஜீஷதாமுபக³தா மந்யே மஹார்கா⁴ஸ்தத꞉ ।
இந்து³꞉ கல்பலதா ஸுதா⁴மது⁴முகா² இத்யாவிளாம் வர்ணநாம்
ஶ்ரீரங்கே³ஶ்வரி ஶாந்தக்ருத்ரிமகத²ம் தி³வ்யம் வபுர்நார்ஹதி ॥ 36 ॥
ப்ரணமத³நுவிதி⁴த்ஸாவாஸநாநம்ரமக்³ரே
ப்ரணயிபரிசிசீஷாகுஞ்சிதம் பார்ஶ்வகேந ।
கநகநிகஷசஞ்சச்சம்பகஸ்ரக்ஸமாந-
-ப்ரவரமித³முதா³ரம் வர்ஷ்ம வாசாமபூ⁴மி꞉ ॥ 37 ॥
ஏகம் ந்யஞ்ச்ய நதிக்ஷமம் மம பரம் சாகுஞ்ச்ய பாதா³ம்பு³ஜம்
மத்⁴யே விஷ்டரபுண்ட³ரீகமப⁴யம் விந்யஸ்ய ஹஸ்தாம்பு³ஜம் ।
த்வாம் பஶ்யேம நிஷேது³ஷீம் ப்ரதிகலம் காருண்யகூலங்கஷ-
-ஸ்பா²ராபாங்க³தரங்க³மம்ப³ மது⁴ரம் முக்³த⁴ம் முக²ம் பி³ப்⁴ரதீம் ॥ 38 ॥
ஸுரபி⁴தநிக³மாந்தம் வந்தி³ஷீயேந்தி³ராயா꞉
தவ கமலபலாஶப்ரக்ரியம் பாத³யுக்³மம் ।
வஹதி யது³பமர்தை³ர்வைஜயந்தீ ஹிமாம்ப⁴꞉
ப்லுதிபி⁴ரிவ நவத்வம் காந்தபா³ஹாந்தராளே ॥ 39 ॥
த்வத்ஸ்வீகாரகலாவளேபகலுஷா ராஜ்ஞாம் த்³ருஶோ து³ர்வசா꞉
நித்யம் த்வந்மது⁴பாநமத்தமது⁴பஶ்ரீநிர்ப⁴ராப்⁴யாம் பதிம் ।
த்³ருக்³ப்⁴யாமேவ ஹி புண்ட³ரீகநயநம் வேதோ³ விதா³மாஸ தே
ஸாக்ஷால்லக்ஷ்மி தவாவளோகவிப⁴வ꞉ காக்வா கயா வர்ண்யதே ॥ 40 ॥
ஆநந்தா³த்மபி⁴ரீஶமஜ்ஜநமத³க்ஷீபா³லஸைராக³ள-
-ப்ரேமார்த்³ரைரபி கூலமுத்³வஹக்ருபாஸம்ப்லாவிதாஸ்மாத்³ருஶை꞉ ।
பத்³மே! தே ப்ரதிபி³ந்து³ப³த்³த⁴கலிகப்³ரஹ்மாதி³விஷ்கம்ப⁴கை꞉
ஐஶ்வர்யோத்³க³மக³த்³க³தை³ரஶரணம் மாம் பாலயாளோகிதை꞉ ॥ 41 ॥
பாதா³ருந்துத³மேவ பங்கஜரஜஶ்சேடீப்⁴ருஶாலோகிதை꞉
அங்க³ம்லாநிரதா²ம்ப³ ஸாஹஸவிதௌ⁴ லீலாரவிந்த³க்³ரஹ꞉
டோ³லா தே வநமாலயா ஹரிபு⁴ஜே ஹா கஷ்டஶப்³தா³ஸ்பத³ம்
கேந ஶ்ரீரதிகோமளா தநுரியம் வாசாம் விமர்த³க்ஷமா ॥ 42 ॥
ஆமர்யாத³மகண்டகம் ஸ்தநயுக³ம் நாத்³யாபி நாலோகித-
-ப்⁴ரூபே⁴த³ஸ்மிதவிப்⁴ரமா ஜஹதி வா நைஸர்கி³கத்வாயஶ꞉ ।
ஸூதே ஶைஶவயௌவநவ்யதிகரோ கா³த்ரேஷு தே ஸௌரப⁴ம்
போ⁴க³ஸ்ரோதஸி காந்ததே³ஶிககரக்³ராஹேண கா³ஹக்ஷம꞉ ॥ 43 ॥
ஆமோதா³த்³பு⁴தஶாலி யௌவநத³ஶாவ்யாகோசமம்லாநிமத்
ஸௌந்த³ர்யாம்ருதஸேகஶீதளமித³ம் லாவண்யஸூத்ரார்பிதம் ।
ஶ்ரீரங்கே³ஶ்வரி கோமளாங்க³ஸுமந꞉ ஸந்த³ர்ப⁴ணம் தே³வி தே
காந்தோர꞉ப்ரதியத்நமர்ஹதி கவிம் தி⁴ங்மாமகாண்டா³குலம் ॥ 44 ॥
மர்மஸ்ப்ருஶோ ரஸஸிரா வ்யதிவித்⁴ய வ்ருத்தை꞉
காந்தோபபோ⁴க³ளலிதைர்லுலிதாங்க³யஷ்டி꞉ ।
புஷ்பாவளீவ ரஸிகப்⁴ரமரோபபு⁴க்தா
த்வம் தே³வி நித்யமபி⁴நந்த³யஸே முகுந்த³ம் ॥ 45 ॥
கநகரஶநாமுக்தாதாடங்கஹாரளலாடிகா-
-மணிஸரதுலாகோடிப்ராயைர்ஜநார்த³நஜீவிகே ।
ப்ரக்ருதிமது⁴ரம் கா³த்ரம் ஜாக³ர்தி முக்³த⁴விபூ⁴ஷணை꞉
வலயஶகலைர்து³க்³த⁴ம் புஷ்பைஶ்ச கல்பலதா யதா² ॥ 46 ॥
ஸாமாந்யபோ⁴க்³யமபி கௌஸ்துப⁴வைஜயந்தீ-
-பஞ்சாயுதா⁴தி³ ரமண꞉ ஸ்வயமேவ பி³ப்⁴ரத் ।
தத்³பா⁴ரகே²த³மிவ தே பரிஹர்துகாம꞉
ஶ்ரீரங்க³தா⁴மமணிமஞ்ஜரி கா³ஹதே த்வாம் ॥ 47 ॥
யதி³ மநுஜதிரஶ்சாம் லீலயா துல்யவ்ருத்தே꞉
அநுஜநுரநுரூபா தே³வி நாவாதரிஷ்ய꞉ ।
அஸரஸமப⁴விஷ்யந்நர்ம நாத²ஸ்ய மாத꞉
த³ரத³ளத³ரவிந்தோ³த³ந்தகாந்தாயதாக்ஷி ॥ 48 ॥
ஸ்க²லிதகடகமால்யைர்தோ³ர்பி⁴ரப்³தி⁴ம் முராரே꞉
ப⁴க³வதி த³தி⁴மாத²ம் மத்²நத꞉ ஶ்ராந்திஶாந்த்யை ।
ப்⁴ரமத³ம்ருதரங்கா³வர்தத꞉ ப்ராது³ராஸீ꞉
ஸ்மிதநயநஸுதா⁴பி⁴꞉ ஸிஞ்சதீ சந்த்³ரிகேவ ॥ 49 ॥
மாதர்மைதி²லி ராக்ஷஸீஸ்த்வயி ததை³வார்த்³ராபராதா⁴ஸ்த்வயா
ரக்ஷந்த்யா பவநாத்மஜால்லகு⁴தரா ராமஸ்ய கோ³ஷ்டீ² க்ருதா
காகம் தம் ச விபீ⁴ஷணம் ஶரணமித்யுக்திக்ஷமௌ ரக்ஷத꞉
ஸா ந꞉ ஸாந்த்³ரமஹாக³ஸ꞉ ஸுக²யது க்ஷாந்திஸ்தவா(ஆ)கஸ்மிகீ ॥ 50 ॥
மாதர்லக்ஷ்மி யதை²வ மைதி²லஜநஸ்தேநாத்⁴வநா தே வயம்
த்வத்³தா³ஸ்யைகரஸாபி⁴மாநஸுப⁴கை³ர்பா⁴வைரிஹாமுத்ர ச ।
ஜாமாதா த³யிதஸ்தவேதி ப⁴வதீஸம்ப³ந்த⁴த்³ருஷ்ட்யா ஹரிம்
பஶ்யேம ப்ரதியாம யாம ச பரீசாராந் ப்ரஹ்ருஷ்யேம ச ॥ 51 ॥
பிதேவ த்வத்ப்ரேயாந் ஜநநி பரிபூர்ணாக³ஸி ஜநே
ஹிதஸ்ரோதோவ்ருத்த்யா ப⁴வதி ச கதா³சித் கலுஷதீ⁴꞉ ।
கிமேதந்நிர்தோ³ஷ꞉ க இஹ ஜக³தீதி த்வமுசிதை꞉
உபாயைர்விஸ்மார்ய ஸ்வஜநயஸி மாதா தத³ஸி ந꞉ ॥ 52 ॥
நேதுர்நித்யஸஹாயிநீ ஜநநி நஸ்த்ராதும் த்வமத்ராக³தா
லோகே த்வந்மஹிமாவபோ³த⁴ப³தி⁴ரே ப்ராப்தா விமர்த³ம் ப³ஹு ।
க்லிஷ்டம் க்³ராவஸு மாலதீம்ருது³பத³ம் விஶ்லிஷ்ய வாஸோ வநே
ஜாதோ தி⁴க்கருணாம் தி⁴க³ஸ்து யுவயோ꞉ ஸ்வாதந்த்ர்யமத்யங்குஶம் ॥ 53 ॥
அதி⁴ஶயிதவாநப்³தி⁴ம் நாதோ² மமந்த² ப³ப³ந்த⁴ தம்
ஹரத⁴நுரஸௌ வல்லீப⁴ஞ்ஜம் ப³ப⁴ஞ்ஜ ச மைதி²லி ।
அபி த³ஶமுகீ²ம் லூத்வா ரக்ஷ꞉ கப³ந்த⁴மநர்தயத்
கிமிவ ந பதி꞉ கர்தா த்வச்சாடுசுஞ்சுமநோரத²꞉ ॥ 54 ॥
த³ஶஶதபாணிபாத³வத³நாக்ஷிமுகை²ரகி²லை꞉
அபி நிஜவைஶ்வரூப்யவிப⁴வைரநுரூபகு³ணை꞉ ।
அவதரணைரதைஶ்ச ரஸயந் கமிதா கமலே
க்வசந ஹி விப்⁴ரமப்⁴ரமிமுகே² விநிமஜ்ஜதி தே ॥ 55 ॥
ஜநநப⁴வநப்ரீத்யா து³க்³தா⁴ர்ணவம் ப³ஹுமந்யஸே
ஜநநி த³யிதப்ரேம்ணா புஷ்ணாஸி தத்பரமம் பத³ம் ।
உத³தி⁴பரமவ்யோம்நோர்விஸ்ம்ருத்ய மாத்³ருஶரக்ஷண-
-க்ஷமமிதி தி⁴யா பூ⁴ய꞉ ஶ்ரீரங்க³தா⁴மநி மோத³ஸே ॥ 56 ॥
ஔதா³ர்யகாருணிகதாஶ்ரிதவத்ஸலத்வ-
-பூர்வேஷு ஸர்வமதிஶாயிதமத்ர மாத꞉ ।
ஶ்ரீரங்க³தா⁴ம்நி யது³தாந்யது³தா³ஹரந்தி
ஸீதாவதாரமுக²மேதத³முஷ்ய யோக்³யா ॥ 57 ॥
ஐஶ்வர்யமக்ஷரக³திம் பரமம் பத³ம் வா
கஸ்மைசித³ஞ்ஜலிப⁴ரம் வஹதே விதீர்ய
அஸ்மை ந கிஞ்சிது³சிதம் க்ருதமித்யதா²ம்ப³
த்வம் லஜ்ஜஸே கத²ய கோ(அ)யமுதா³ரபா⁴வ꞉ ॥ 58 ॥
ஜ்ஞாநக்ரியாப⁴ஜநஸம்பத³கிஞ்சநோ(அ)ஹம்
இச்சா²தி⁴காரஶகநாநுஶயாநபி⁴ஜ்ஞ꞉ ।
ஆகா³ம்ஸி தே³வி யுவயோரபி து³꞉ஸஹாநி
ப³த்⁴நாமி மூர்க²சரிதஸ்தவ து³ர்ப⁴ரோ(அ)ஸ்மி ॥ 59 ॥
இத்யுக்திகைதவஶதேந விட³ம்ப³யாமி
தாநம்ப³ ஸத்யவசஸ꞉ புருஷாந் புராணாந் ।
யத்³வா ந மே பு⁴ஜப³லம் தவ பாத³பத்³ம-
-லாபே⁴ த்வமேவ ஶரணம் விதி⁴த꞉ க்ருதா(அ)ஸி ॥ 60 ॥
ஶ்ரீரங்கே³ ஶரத³꞉ ஶதம் ஸஹ ஸுஹ்ருத்³வர்கே³ண நிஷ்கண்டகம்
நிர்து³꞉க²ம் ஸுஸுக²ஞ்ச தா³ஸ்யரஸிகாம் பு⁴க்த்வா ஸம்ருத்³தி⁴ம் பராம் ।
யுஷ்மத்பாத³ஸரோருஹாந்தரரஜ꞉ஸ்யாம த்வமம்பா³ பிதா
ஸர்வம் த⁴ர்மமபி த்வமேவ ப⁴வ ந꞉ ஸ்வீகுர்வகஸ்மாத்க்ருபாம் ॥ 61 ॥
இதி ஶ்ரீபராஶரப⁴ட்டார்யைரநுக்³ருஹீத꞉ ஶ்ரீகு³ணரத்நகோஶ꞉ ।
மேலும் ஶ்ரீ லக்ஷ்மீ ஸ்தோத்திரங்கள் பார்க்க.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
