Sri Giridhari Ashtakam – ஶ்ரீ கிரிதார்யஷ்டகம்

ஸ்தோத்ரநிதி → ஶ்ரீ க்ருஷ்ண ஸ்தோத்திரங்கள் → ஶ்ரீ கிரிதார்யஷ்டகம்

த்ர்யைலோக்யலக்ஷ்மீமத³ப்⁴ருத்ஸுரேஶ்வரோ
யதா³ க⁴நைரந்தகரைர்வவர்ஷஹ ।
ததா³(அ)கரோத்³ய꞉ ஸ்வப³லேந ரக்ஷணம்
தம் கோ³பபா³லம் கி³ரிதா⁴ரிணம் ப⁴ஜே ॥ 1 ॥

ய꞉ பாயயந்தீமதி⁴ருஹ்ய பூதநாம்
ஸ்தந்யம் பபௌ ப்ராணபராயண꞉ ஶிஶு꞉ ।
ஜகா⁴ந வாதாயிததை³த்யபுங்க³வம்
தம் கோ³பபா³லம் கி³ரிதா⁴ரிணம் ப⁴ஜே ॥ 2 ॥

நந்த³வ்ரஜம் ய꞉ ஸ்வருசேந்தி³ராளயம்
சக்ரே தி³கீ³ஶாந் தி³வி மோஹவ்ருத்³த⁴யே ।
கோ³கோ³பகோ³பீஜநஸர்வஸௌக்²யக்ருத்
தம் கோ³பபா³லம் கி³ரிதா⁴ரிணம் ப⁴ஜே ॥ 3 ॥

யம் காமதோ³க்³த்⁴ரீ க³க³நாஹ்ருதைர்ஜலை꞉
ஸ்வஜ்ஞாதிராஜ்யே முதி³தாப்⁴யஷிஞ்சத ।
கோ³விந்த³நாமோத்ஸவக்ருத்³வ்ரஜௌகஸாம்
தம் கோ³பபா³லம் கி³ரிதா⁴ரிணம் ப⁴ஜே ॥ 4 ॥

யஸ்யாநநாப்³ஜம் வ்ரஜஸுந்த³ரீஜநா
தி³நக்ஷயே லோசநஷட்பதை³ர்முதா³ ।
பிப³ந்த்யதீ⁴ரா விரஹாதுரா ப்⁴ருஶம்
தம் கோ³பபா³லம் கி³ரிதா⁴ரிணம் ப⁴ஜே ॥ 5 ॥

ப்³ருந்தா³வநே நிர்ஜரப்³ருந்த³வந்தி³தே
கா³ஶ்சாரயந்ய꞉ கலவேணுநி꞉ஸ்வந꞉ ।
கோ³பாங்க³நாசித்தவிமோஹமந்மத²-
-ஸ்தம் கோ³பபா³லம் கி³ரிதா⁴ரிணம் ப⁴ஜே ॥ 6 ॥

ய꞉ ஸ்வாத்மலீலாரஸதி³த்ஸயா ஸதா-
-மாவிஶ்யகாரா(அ)க்³நிகுமாரவிக்³ரஹம் ।
ஶ்ரீவல்லபா⁴த்⁴வாநுஸ்ருதைகபாலக-
-ஸ்தம் கோ³பபா³லம் கி³ரிதா⁴ரிணம் ப⁴ஜே ॥ 7 ॥

கோ³பேந்த்³ரஸூநோர்கி³ரிதா⁴ரிணோ(அ)ஷ்டகம்
படே²தி³த³ம் யஸ்தத³நந்யமாநஸ꞉ ।
ஸ முச்யதே து³꞉க²மஹார்ணவாத்³ப்⁴ருஶம்
ப்ராப்நோதி தா³ஸ்யம் கி³ரிதா⁴ரிணோ த்⁴ருவம் ॥ 8 ॥

ப்ரணம்ய ஸம்ப்ரார்த²யதே தவாக்³ரத-
-ஸ்த்வத³ங்க்⁴ரிரேணும் ரகு⁴நாத²நாமக꞉ ।
ஶ்ரீவிட்²ட²லாநுக்³ரஹலப்³த⁴ஸந்மதி-
-ஸ்தத்பூரயைதஸ்ய மநோரதா²ர்ணவம் ॥ 9 ॥

இதி ஶ்ரீரகு⁴நாத²ப்ரபு⁴ க்ருத ஶ்ரீ கி³ரிதா⁴ர்யஷ்டகம் ॥

---

மேலும் ஶ்ரீ க்ருஷ்ண ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.