Sri Chandra Ashtottara Shatanama Stotram – ஶ்ரீ சந்த்³ர அஷ்டோத்தரஶதனாம ஸ்தோத்ரம்


ஶ்ரீமான் ஶஶத⁴ரஶ்சந்த்³ரோ தாராதீ⁴ஶோ நிஶாகர꞉ ।
ஸுதா⁴நிதி⁴꞉ ஸதா³ராத்⁴ய꞉ ஸத்பதி꞉ ஸாது⁴பூஜித꞉ ॥ 1 ॥

ஜிதேந்த்³ரியோ ஜக³த்³யோநி꞉ ஜ்யோதிஶ்சக்ரப்ரவர்தக꞉ ।
விகர்தநாநுஜோ வீரோ விஶ்வேஶோ விது³ஷாம்பதி꞉ ॥ 2 ॥

தோ³ஷாகரோ து³ஷ்டதூ³ர꞉ புஷ்டிமான் ஶிஷ்டபாலக꞉ ।
அஷ்டமூர்திப்ரியோ(அ)நந்த கஷ்டதா³ருகுடா²ரக꞉ ॥ 3 ॥

ஸ்வப்ரகாஶ꞉ ப்ரகாஶாத்மா த்³யுசரோ தே³வபோ⁴ஜந꞉ ।
கலாத⁴ர꞉ காலஹேது꞉ காமக்ருத்காமதா³யக꞉ ॥ 4 ॥

ம்ருத்யுஸம்ஹாரகோ(அ)மர்த்யோ நித்யாநுஷ்டா²நதா³யக꞉ ।
க்ஷபாகர꞉ க்ஷீணபாப꞉ க்ஷயவ்ருத்³தி⁴ஸமந்வித꞉ ॥ 5 ॥

ஜைவாத்ருக꞉ ஶுசி꞉ ஶுப்⁴ரோ ஜயீ ஜயப²லப்ரத³꞉ ।
ஸுதா⁴மயஸ்ஸுரஸ்வாமீ ப⁴க்தநாமிஷ்டதா³யக꞉ ॥ 6 ॥

பு⁴க்திதோ³ முக்திதோ³ ப⁴த்³ரோ ப⁴க்ததா³ரித்³ர்யப⁴ஞ்ஜக꞉ ।
ஸாமகா³நப்ரிய꞉ ஸர்வரக்ஷக꞉ ஸாக³ரோத்³ப⁴வ꞉ ॥ 7 ॥

ப⁴யாந்தக்ருத் ப⁴க்திக³ம்யோ ப⁴வப³ந்த⁴விமோசக꞉ ।
ஜக³த்ப்ரகாஶகிரணோ ஜக³தா³நந்த³காரண꞉ ॥ 8 ॥

நிஸ்ஸபத்நோ நிராஹாரோ நிர்விகாரோ நிராமய꞉ ।
பூ⁴ச்சா²யாச்சா²தி³தோ ப⁴வ்யோ பு⁴வநப்ரதிபாலக꞉ ॥ 9 ॥

ஸகலார்திஹர꞉ ஸௌம்யஜநக꞉ ஸாது⁴வந்தி³த꞉ ।
ஸர்வாக³மஜ்ஞ꞉ ஸர்வஜ்ஞோ ஸநகாதி³முநிஸ்துத꞉ ॥ 10 ॥

ஸிதச்ச²த்ரத்⁴வஜோபேத꞉ ஸிதாங்கோ³ ஸிதபூ⁴ஷண꞉ ।
ஶ்வேதமால்யாம்ப³ரத⁴ர꞉ ஶ்வேதக³ந்தா⁴நுலேபந꞉ ॥ 11 ॥

த³ஶாஶ்வரத²ஸம்ரூடோ⁴ த³ண்ட³பாணி꞉ த⁴நுர்த⁴ர꞉ ।
குந்த³புஷ்போஜ்ஜ்வலாகாரோ நயநாப்³ஜஸமுத்³ப⁴வ꞉ ॥ 12 ॥

ஆத்ரேயகோ³த்ரஜோ(அ)த்யந்தவிநய꞉ ப்ரியதா³யக꞉ ।
கருணாரஸஸம்பூர்ண꞉ கர்கடப்ரபு⁴ரவ்யய꞉ ॥ 13 ॥

சதுரஶ்ராஸநாரூட⁴ஶ்சதுரோ தி³வ்யவாஹந꞉ ।
விவஸ்வந்மண்ட³லாக்³நேயவாஸோ வஸுஸம்ருத்³தி⁴த³꞉ ॥ 14 ॥

மஹேஶ்வரப்ரியோ தா³ந்த꞉ மேருகோ³த்ரப்ரத³க்ஷிண꞉ ।
க்³ரஹமண்ட³லமத்⁴யஸ்தோ² க்³ரஸிதார்கோ க்³ரஹாதி⁴ப꞉ ॥ 15 ॥

த்³விஜராஜோ த்³யுதிலகோ த்³விபு⁴ஜோ த்³விஜபூஜித꞉ ।
ஔது³ம்ப³ரநகா³வாஸ உதா³ரோ ரோஹிணீபதி꞉ ॥ 16 ॥

நித்யோத³யோ முநிஸ்துத்யோ நித்யாநந்த³ப²லப்ரத³꞉ ।
ஸகலாஹ்லாத³நகர꞉ ப²லாஶஸமித⁴ப்ரிய꞉ ॥ 17 ॥

ஏவம் நக்ஷத்ரநாத²ஸ்ய நாம்நாமஷ்டோத்தரம் ஶதம் ।


மேலும் நவக்ரஹ ஸ்தோத்திரங்கள் காண்க.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed