Kishkindha Kanda Sarga 67 – கிஷ்கிந்தா⁴காண்ட³ ஸப்தஷஷ்டிதம꞉ ஸர்க³꞉ (67)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஸப்தஷஷ்டிதம꞉ ஸர்க³꞉ (67)

॥ லங்க⁴நாவப்ரம்ப⁴꞉ ॥

தம் த்³ருஷ்ட்வா ஜ்ரும்ப⁴மாணம் தே க்ரமிதும் ஶதயோஜநம் ।
வீர்யேணாபூர்யமாணம் ச ஸஹஸா வாநரோத்தமம் ॥ 1 ॥

ஸஹஸா ஶோகமுத்ஸ்ருஜ்ய ப்ரஹேர்ஷேண ஸமந்விதா꞉ ।
விநேது³ஸ்துஷ்டுவுஶ்சாபி ஹநுமந்தம் மஹாப³லம் ॥ 2 ॥

ப்ரஹ்ருஷ்டா விஸ்மிதாஶ்சைவ வீக்ஷந்தே ஸ்ம ஸமந்தத꞉ ।
த்ரிவிக்ரமக்ருதோத்ஸாஹம் நாராயணமிவ ப்ரஜா꞉ ॥ 3 ॥

ஸம்ஸ்தூயமாநோ ஹநுமாந் வ்யவர்த⁴த மஹாப³ல꞉ ।
ஸமாவித்⁴ய ச லாங்கூ³ளம் ஹர்ஷாச்ச ப³லமேயிவாந் ॥ 4 ॥

தஸ்ய ஸம்ஸ்தூயமாநஸ்ய வ்ருத்³தை⁴ர்வாநரபுங்க³வை꞉ ।
தேஜஸாபூர்யமாணஸ்ய ரூபமாஸீத³நுத்தமம் ॥ 5 ॥

யதா² விஜ்ரும்ப⁴தே ஸிம்ஹோ விவ்ருத்³தோ⁴ கி³ரிக³ஹ்வரே ।
மாருதஸ்யௌரஸ꞉ புத்ரஸ்ததா² ஸம்ப்ரதி ஜ்ரும்ப⁴தே ॥ 6 ॥

அஶோப⁴த முக²ம் தஸ்ய ஜ்ரும்ப⁴மாணஸ்ய தீ⁴மத꞉ ।
அம்ப³ரீஷமிவாதீ³ப்தம் விதூ⁴ம இவ பாவக꞉ ॥ 7 ॥

ஹரீணாமுத்தி²தோ மத்⁴யாத்ஸம்ப்ரஹ்ருஷ்டதநூருஹ꞉ ।
அபி⁴வாத்³ய ஹரீந்வ்ருத்³தா⁴ந் ஹநுமாநித³மப்³ரவீத் ॥ 8 ॥

அருஜத்பர்வதாக்³ராணி ஹுதாஶநஸகோ²(அ)நில꞉ ।
ப³லவாநப்ரமேயஶ்ச வாயுராகாஶகோ³சர꞉ ॥ 9 ॥

தஸ்யாஹம் ஶீக்⁴ரவேக³ஸ்ய ஶீக்⁴ரக³ஸ்ய மஹாத்மந꞉ ।
மாருதஸ்யௌரஸ꞉ புத்ர꞉ ப்லவநே நாஸ்தி மத்ஸம꞉ ॥ 10 ॥

உத்ஸஹேயம் ஹி விஸ்தீர்ணமாலிக²ந்தமிவாம்ப³ரம் ।
மேரும் கி³ரிமஸங்கே³ந பரிக³ந்தும் ஸஹஸ்ரஶ꞉ ॥ 11 ॥

பா³ஹுவேக³ப்ரணுந்நேந ஸாக³ரேணாஹமுத்ஸஹே ।
ஸமாப்லாவயிதும் லோகம் ஸபர்வதநதீ³ஹ்ரத³ம் ॥ 12 ॥

மமோருஜங்க⁴வேகே³ந ப⁴விஷ்யதி ஸமுத்தி²த꞉ ।
ஸமுச்ச்²ரிதமஹாக்³ராஹ꞉ ஸமுத்³ரோ வருணாலய꞉ ॥ 13 ॥

பந்நகா³ஶநமாகாஶே பதந்தம் பக்ஷிஸேவிதே ।
வைநதேயமஹம் ஶக்த꞉ பரிக³ந்தும் ஸஹஸ்ரஶ꞉ ॥ 14 ॥

உத³யாத்ப்ரஸ்தி²தம் வா(அ)பி ஜ்வலந்தம் ரஶ்மிமாலிநம் ।
அநஸ்தமிதமாதி³த்யமபி⁴க³ந்தும் ஸமுத்ஸஹே ॥ 15 ॥

ததோ பூ⁴மிமஸம்ஸ்ப்ருஶ்ய புநராக³ந்துமுத்ஸஹே ।
ப்ரவேகே³நைவ மஹதா பீ⁴மேந ப்லவக³ர்ஷபா⁴꞉ ॥ 16 ॥

உத்ஸஹேயமதிக்ராந்தும் ஸர்வாநாகாஶகோ³சராந் ।
ஸாக³ரம் ஶோஷயிஷ்யாமி தா³ரயிஷ்யாமி மேதி³நீம் ॥ 17 ॥

பர்வதாம்ஶ்சூர்ணயிஷ்யாமி ப்லவமாந꞉ ப்லவங்க³மா꞉ ।
ஹரிஷ்யாம்யூருவேகே³ந ப்லவமாநோ மஹார்ணவம் ॥ 18 ॥

லதாநாம் விவித⁴ம் புஷ்பம் பாத³பாநாம் ச ஸர்வஶ꞉ ।
அநுயாஸ்யந்தி மாமத்³ய ப்லவமாநம் விஹாயஸா ॥ 19 ॥

ப⁴விஷ்யதி ஹி மே பந்தா²꞉ ஸ்வாதே꞉ பந்தா² இவாம்ப³ரே ।
சரந்தம் கோ⁴ரமாகாஶமுத்பதிஷ்யந்தமேவ வா ॥ 20 ॥

த்³ரக்ஷ்யந்தி நிபதந்தம் ச ஸர்வபூ⁴தாநி வாநரா꞉ ।
மஹாமேக⁴ப்ரதீகாஶம் மாம் ச த்³ரக்ஷ்யத² வாநரா꞉ ॥ 21 ॥

தி³வமாவ்ருத்ய க³ச்ச²ந்தம் க்³ரஸமாநமிவாம்ப³ரம் ।
வித⁴மிஷ்யாமி ஜீமூதாந் கம்பயிஷ்யாமி பர்வதாந் ॥ 22 ॥

ஸாக³ரம் க்ஷோப⁴யிஷ்யாமி ப்லவமாந꞉ ஸமாஹித꞉ ।
வைநதேயஸ்ய ஸா ஶக்திர்மம யா மாருதஸ்ய வா ॥ 23 ॥

ருதே ஸுபர்ணராஜாநம் மாருதம் வா மஹாஜவம் ।
ந தத்³பூ⁴தம் ப்ரபஶ்யாமி யந்மாம் ப்லுதமநுவ்ரஜேத் ॥ 24 ॥

நிமேஷாந்தரமாத்ரேண நிராளம்ப³நமம்ப³ரம் ।
ஸஹஸா நிபதிஷ்யாமி க⁴நாத்³வித்³யுதி³வோத்தி²தா ॥ 25 ॥

ப⁴விஷ்யதி ஹி மே ரூபம் ப்லவமாநஸ்ய ஸாக³ரே ।
விஷ்ணோர்விக்ரமமாணஸ்ய புரா த்ரீந் விக்ரமாநிவ ॥ 26 ॥

பு³த்³த்⁴யா சாஹம் ப்ரபஶ்யாமி மநஶ்சேஷ்டா ச மே ததா² ।
அஹம் த்³ரக்ஷ்யாமி வைதே³ஹீம் ப்ரமோத³த்⁴வம் ப்லவங்க³மா꞉ ॥ 27 ॥

மாருதஸ்ய ஸமோ வேகே³ க³ருட³ஸ்ய ஸமோ ஜவே ।
அயுதம் யோஜநாநாம் து க³மிஷ்யாமீதி மே மதி꞉ ॥ 28 ॥

வாஸவஸ்ய ஸவஜ்ரஸ்ய ப்³ரஹ்மணோ வா ஸ்வயம்பு⁴வ꞉ ।
விக்ரம்ய ஸஹஸா ஹஸ்தாத³ம்ருதம் ததி³ஹாநயே ॥ 29 ॥

தேஜஶ்சந்த்³ராந்நிக்³ருஹ்ணீயாம் ஸூர்யாத்³வா தேஜ உத்தமம் ।
லங்காம் வாபி ஸமுத்க்ஷிப்ய க³ச்சே²யமிதி மே மதி꞉ ॥ 30 ॥

தமேவம் வாநரஶ்ரேஷ்ட²ம் க³ர்ஜந்தமமிதௌஜஸம் ।
ப்ரஹ்ருஷ்டா ஹரயஸ்தத்ர ஸமுதை³க்ஷந்த விஸ்மிதா꞉ ॥ 31 ॥

தஸ்ய தத்³வசநம் ஶ்ருத்வா ஜ்ஞாதீநாம் ஶோகநாஶநம் ।
உவாச பரிஸம்ஹ்ருஷ்டோ ஜாம்ப³வாந் ஹரிஸத்தமம் ॥ 32 ॥

வீர கேஸரிண꞉ புத்ர ஹநுமாந் மாருதாத்மஜ ।
ஜ்ஞாதீநாம் விபுல꞉ ஶோகஸ்த்வயா தாத விநாஶித꞉ ॥ 33 ॥

தவ கல்யாணருசய꞉ கபிமுக்²யா꞉ ஸமாக³தா꞉ ।
மங்க³ளம் கார்யஸித்³த்⁴யர்த²ம் கரிஷ்யந்தி ஸமாஹிதா꞉ ॥ 34 ॥

ருஷீணாம் ச ப்ரஸாதே³ந கபிவ்ருத்³த⁴மதேந ச ।
கு³ரூணாம் ச ப்ரஸாதே³ந ப்லவஸ்வ த்வம் மஹார்ணவம் ॥ 35 ॥

ஸ்தா²ஸ்யாமஶ்சைகபாதே³ந யாவதா³க³மநம் தவ ।
த்வத்³க³தாநி ச ஸர்வேஷாம் ஜீவிதாநி வநௌகஸாம் ॥ 36 ॥

ததஸ்து ஹரிஶார்தூ³ளஸ்தாநுவாச வநௌகஸ꞉ ।
நேயம் மம மஹீ வேக³ம் லங்க⁴நே தா⁴ரயிஷ்யதி ॥ 37 ॥

ஏதாநீஹ நக³ஸ்யாஸ்ய ஶிலாஸங்கடஶாலிந꞉ ।
ஶிக²ராணி மஹேந்த்³ரஸ்ய ஸ்தி²ராணி ச மஹாந்தி ச ॥ 38 ॥

ஏஷு வேக³ம் கரிஷ்யாமி மஹேந்த்³ரஶிக²ரேஷ்வஹம் ।
நாநாத்³ருமவிகீர்ணேஷு தா⁴துநிஷ்யந்த³ஶோபி⁴ஷு ॥ 39 ॥

ஏதாநி மம நிஷ்பேஷம் பாத³யோ꞉ ப்லவதாம் வரா꞉ ।
ப்லவதோ தா⁴ரயிஷ்யந்தி யோஜநாநாமித꞉ ஶதம் ॥ 40 ॥

ததஸ்தம் மாருதப்ரக்²ய꞉ ஸ ஹரிர்மாருதாத்மஜ꞉ ।
ஆருரோஹ நக³ஶ்ரேஷ்ட²ம் மஹேந்த்³ரமரிமர்த³ந꞉ ॥ 41 ॥

வ்ருதம் நாநாவிதை⁴ர்வ்ருக்ஷைர்ம்ருக³ஸேவிதஶாத்³வலம் ।
லதாகுஸுமஸம்பா³த⁴ம் நித்யபுஷ்பப²லத்³ருமம் ॥ 42 ॥

ஸிம்ஹஶார்தூ³ளசரிதம் மத்தமாதங்க³ஸேவிதம் ।
மத்தத்³விஜக³ணோத்³கு⁴ஷ்டம் ஸலிலோத்பீட³ஸங்குலம் ॥ 43 ॥

மஹத்³பி⁴ருச்ச்²ரிதம் ஶ்ருங்கை³ர்மஹேந்த்³ரம் ஸ மஹாப³ல꞉ ।
விசசார ஹரிஶ்ரேஷ்டோ² மஹேந்த்³ரஸமவிக்ரம꞉ ॥ 44 ॥

பாதா³ப்⁴யாம் பீடி³தஸ்தேந மஹாஶைலோ மஹாத்மந꞉ ।
ரராஸ ஸிம்ஹாபி⁴ஹதோ மஹாந்மத்த இவ த்³விப꞉ ॥ 45 ॥

முமோச ஸலிலோத்பீடா³ந் விப்ரகீர்ணஶிலோச்சய꞉ ।
வித்ரஸ்தம்ருக³மாதங்க³꞉ ப்ரகம்பிதமஹாத்³ரும꞉ ॥ 46 ॥

நாக³க³ந்த⁴ர்வமிது²நை꞉ பாநஸம்ஸர்க³கர்கஶை꞉ ।
உத்பதத்³பி⁴ஶ்ச விஹகை³ர்வித்³யாத⁴ரக³ணைரபி ॥ 47 ॥

த்யஜ்யமாநமஹாஸாநு꞉ ஸந்நிலீநமஹோரக³꞉ ।
சலஶ்ருங்க³ஶிலோத்³கா⁴தஸ்ததா³பூ⁴த்ஸ மஹாகி³ரி꞉ ॥ 48 ॥

நி꞉ஶ்வஸத்³பி⁴ஸ்ததா³ர்தைஸ்து ப⁴ஜங்கை³ரர்த⁴நி꞉ஸ்ருதை꞉ ।
ஸபதாக இவாபா⁴தி ஸ ததா³ த⁴ரணீத⁴ர꞉ ॥ 49 ॥

ருஷிபி⁴ஸ்த்ராஸஸம்ப்⁴ராந்தைஸ்த்யஜ்யமாந꞉ ஶிலோச்சய꞉ ।
ஸீத³ந்மஹதி காந்தாரே ஸார்த²ஹீந இவாத்⁴வக³꞉ ॥ 50 ॥

ஸ வேக³வாந் வேக³ஸமாஹிதாத்மா
ஹரிப்ரவீர꞉ பரவீரஹந்தா ।
மந꞉ ஸமாதா⁴ய மஹாநுபா⁴வோ
ஜகா³ம லங்காம் மநஸா மநஸ்வீ ॥ 51 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஸப்தஷஷ்டிதம꞉ ஸர்க³꞉ ॥ 67 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.