Kishkindha Kanda Sarga 65 – கிஷ்கிந்தா⁴காண்ட³ பஞ்சஷஷ்டிதம꞉ ஸர்க³꞉ (65)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ பஞ்சஷஷ்டிதம꞉ ஸர்க³꞉ (65)

॥ ப³லேயத்தாவிஷ்கரணம் ॥

ததோ(அ)ங்க³த³வச꞉ ஶ்ருத்வா ஸர்வே தே வாநரோத்தமா꞉ ।
ஸ்வம் ஸ்வம் க³தௌ ஸமுத்ஸாஹமாஹுஸ்தத்ர யதா²க்ரமம் ॥ 1 ॥

க³ஜோ க³வாக்ஷோ க³வய꞉ ஶரபோ⁴ க³ந்த⁴மாத³ந꞉ ।
மைந்த³ஶ்ச த்³விவித³ஶ்சைவ ஸுஷேணோ ஜாம்ப³வாம்ஸ்ததா² ॥ 2 ॥

ஆப³பா⁴ஷே க³ஜஸ்தத்ர ப்லவேயம் த³ஶயோஜநம் ।
க³வாக்ஷோ யோஜநாந்யாஹ க³மிஷ்யாமீதி விம்ஶதிம் ॥ 3 ॥

க³வயோ வாநரஸ்தத்ர வாநராம்ஸ்தாநுவாச ஹ ।
த்ரிம்ஶதம் து க³மிஷ்யாமி யோஜநாநாம் ப்லவங்க³மா꞉ ॥ 4 ॥

ஶரப⁴ஸ்தாநுவாசாத² வாநராந் வாநரர்ஷப⁴꞉ ।
சத்வாரிம்ஶத்³க³மிஷ்யாமி யோஜநாநாம் ப்லவங்க³மா꞉ ॥ 5 ॥

வாநராம்ஸ்து மஹாதேஜா அப்³ரவீத்³க³ந்த⁴மாத³ந꞉ ।
யோஜநாநாம் க³மிஷ்யாமி பஞ்சாஶத்து ந ஸம்ஶய꞉ ॥ 6 ॥

மைந்த³ஸ்து வாநரஸ்தத்ர வாநராம்ஸ்தாநுவாச ஹ ।
யோஜநாநாம் பரம் ஷஷ்டிமஹம் ப்லவிதுமுத்ஸஹே ॥ 7 ॥

ததஸ்தத்ர மஹாதேஜா த்³விவித³꞉ ப்ரத்யபா⁴ஷத ।
க³மிஷ்யாமி ந ஸந்தே³ஹ꞉ ஸப்ததிம் யோஜநாந்யஹம் ॥ 8 ॥

ஸுஷேணஸ்து ஹரிஶ்ரேஷ்ட²꞉ ப்ரோக்தவாந் கபிஸத்தமாந் ।
அஶீதிம் யோஜநாநாம் து ப்லவேயம் ப்லவகே³ஶ்வரா꞉ ॥ 9 ॥

தேஷாம் கத²யதாம் தத்ர ஸர்வாம்ஸ்தாநநுமாந்ய ச ।
ததோ வ்ருத்³த⁴தமஸ்தேஷாம் ஜாம்ப³வாந் ப்ரத்யபா⁴ஷத ॥ 10 ॥

பூர்வமஸ்மாகமப்யாஸீத் கஶ்சித்³க³திபராக்ரம꞉ ।
தே வயம் வயஸ꞉ பாரமநுப்ராப்தா꞉ ஸ்ம ஸாம்ப்ரதம் ॥ 11 ॥

கிம் து நைவம் க³தே ஶக்யமித³ம் கார்யமுபேக்ஷிதும் ।
யத³ர்த²ம் கபிராஜஶ்ச ராமஶ்ச க்ருதநிஶ்சயௌ ॥ 12 ॥

ஸாம்ப்ரதம் காலபே⁴தே³ந யா க³திஸ்தாம் நிபோ³த⁴த ।
நவதிம் யோஜநாநாம் து க³மிஷ்யாமி ந ஸம்ஶய꞉ ॥ 13 ॥

தாம்ஸ்து ஸர்வாந் ஹரிஶ்ரேஷ்டா²ந் ஜாம்ப³வாந் புநரப்³ரவீத் ।
ந க²ல்வேதாவதே³வாஸீத்³க³மநே மே பராக்ரம꞉ ॥ 14 ॥

மயா மஹாப³லேஶ்சைவ யஜ்ஞே விஷ்ணு꞉ ஸநாதந꞉ ।
ப்ரத³க்ஷிணீக்ருத꞉ பூர்வம் க்ரமமாணஸ்த்ரிவிக்ரமம் ॥ 15 ॥

ஸ இதா³நீமஹம் வ்ருத்³த⁴꞉ ப்லவநே மந்த³விக்ரம꞉ ।
யௌவநே ச ததா³(ஆ)ஸீந்மே ப³லமப்ரதிமம் பரை꞉ ॥ 16 ॥

ஸம்ப்ரத்யேதாவதீம் ஶக்திம் க³மநே தர்கயாம்யஹம் ।
நைதாவதா ச ஸம்ஸித்³தி⁴꞉ கார்யஸ்யாஸ்ய ப⁴விஷ்யதி ॥ 17 ॥

அதோ²த்தரமுதா³ரார்த²மப்³ரவீத³ங்க³த³ஸ்ததா³ ।
அநுமாந்ய மஹாப்ராஜ்ஞம் ஜாம்ப³வந்தம் மஹாகபி꞉ ॥ 18 ॥

அஹமேதத்³க³மிஷ்யாமி யோஜநாநாம் ஶதம் மஹத் ।
நிவர்தநே து மே ஶக்தி꞉ ஸ்யாந்ந வேதி ந நிஶ்சிதா ॥ 19 ॥

தமுவாச ஹரிஶ்ரேஷ்ட²ம் ஜாம்ப³வாந் வாக்யகோவித³꞉ ।
ஜ்ஞாயதே க³மநே ஶக்திஸ்தவ ஹர்ய்ருக்ஷஸத்தம ॥ 20 ॥

காமம் ஶதம் ஸஹஸ்ரம் வா ந ஹ்யேஷ விதி⁴ருச்யதே ।
யோஜநாநாம் ப⁴வாந் ஶக்தோ க³ந்தும் ப்ரதிநிவர்திதும் ॥ 21 ॥

ந ஹி ப்ரேஷயிதா தாத ஸ்வாமீ ப்ரேஷ்ய꞉ கத²ஞ்சந ।
ப⁴வதா(அ)யம் ஜந꞉ ஸர்வ꞉ ப்ரேஷ்ய꞉ ப்லவக³ஸத்தம ॥ 22 ॥

ப⁴வாந் களத்ரமஸ்மாகம் ஸ்வாமிபா⁴வே வ்யவஸ்தி²த꞉ ।
ஸ்வாமீ களத்ரம் ஸைந்யஸ்ய க³திரேஷா பரந்தப ॥ 23 ॥

தஸ்மாத்களத்ரவத்தத்ர ப்ரதிபால்ய꞉ ஸதா³ ப⁴வாந் ।
அபி சைதஸ்ய கார்யஸ்ய ப⁴வாந்மூலமரிந்த³ம ॥ 24 ॥

மூலமர்த²ஸ்ய ஸம்ரக்ஷ்யமேஷ கார்யவிதா³ம் நய꞉ ।
மூலே ஹி ஸதி ஸித்⁴யந்தி கு³ணா꞉ புஷ்பப²லோத³யா꞉ ॥ 25 ॥

தத்³ப⁴வாநஸ்ய கார்யஸ்ய ஸாத⁴நே ஸத்யவிக்ரம ।
பு³த்³தி⁴விக்ரமஸம்பந்நோ ஹேதுரத்ர பரந்தப ॥ 26 ॥

கு³ருஶ்ச கு³ருபுத்ரஶ்ச த்வம் ஹி ந꞉ கபிஸத்தம ।
ப⁴வந்தமாஶ்ரித்ய வயம் ஸமர்தா² ஹ்யர்த²ஸாத⁴நே ॥ 27 ॥

உக்தவாக்யம் மஹாப்ராஜ்ஞம் ஜாம்ப³வந்தம் மஹாகபி꞉ ।
ப்ரத்யுவாசோத்தரம் வாக்யம் வாலிஸூநுரதா²ங்க³த³꞉ ॥ 28 ॥

யதி³ நாஹம் க³மிஷ்யாமி நாந்யோ வாநரபுங்க³வ꞉ ।
புந꞉ க²ல்வித³மஸ்மாபி⁴꞉ கார்யம் ப்ராயோபவேஶநம் ॥ 29 ॥

ந ஹ்யக்ருத்வா ஹரிபதே꞉ ஸந்தே³ஶம் தஸ்ய தீ⁴மத꞉ ।
தத்ராபி க³த்வா ப்ராணாநாம் பஶ்யாமி பரிரக்ஷணம் ॥ 30 ॥

ஸ ஹி ப்ரஸாதே³ சாத்யர்த²ம் கோபே ச ஹரிரீஶ்வர꞉ ।
அதீத்ய தஸ்ய ஸந்தே³ஶம் விநாஶோ க³மநே ப⁴வேத் ॥ 31 ॥

தத்³யதா² ஹ்யஸ்ய கார்யஸ்ய ந ப⁴வத்யந்யதா² க³தி꞉ ।
தத்³ப⁴வாநேவ த்³ருஷ்டார்த²꞉ ஸஞ்சிந்தயிதுமர்ஹதி ॥ 32 ॥

ஸோ(அ)ங்க³தே³ந ததா³ வீர꞉ ப்ரத்யுக்த꞉ ப்லவக³ர்ஷப⁴꞉ ।
ஜாம்ப³வாநுத்தரம் வாக்யம் ப்ரோவாசேத³ம் ததோ(அ)ங்க³த³ம் ॥ 33 ॥

அஸ்ய தே வீர கார்யஸ்ய ந கிஞ்சித்பரிஹீயதே ।
ஏஷ ஸஞ்சோத³யாம்யேநம் ய꞉ கார்யம் ஸாத⁴யிஷ்யதி ॥ 34 ॥

தத꞉ ப்ரதீதம் ப்லவதாம் வரிஷ்ட²-
-மேகாந்தமாஶ்ரித்ய ஸுகோ²பவிஷ்டம் ।
ஸஞ்சோத³யாமாஸ ஹரிப்ரவீரோ
ஹரிப்ரவீரம் ஹநுமந்தமேவ ॥ 35 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ பஞ்சஷஷ்டிதம꞉ ஸர்க³꞉ ॥ 65 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.