Kishkindha Kanda Sarga 62 – கிஷ்கிந்தா⁴காண்ட³ த்³விஷஷ்டிதம꞉ ஸர்க³꞉ (62)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ த்³விஷஷ்டிதம꞉ ஸர்க³꞉ (62)

॥ நிஶாகரப⁴விஷ்யாக்²யாநம் ॥

ஏவமுக்த்வா முநிஶ்ரேஷ்ட²மருத³ம் து³꞉கி²தோ ப்⁴ருஶம் ।
அத² த்⁴யாத்வா முஹூர்தம் து ப⁴க³வாநித³மப்³ரவீத் ॥ 1 ॥

பக்ஷௌ ச தே ப்ரபக்ஷௌ ச புநரந்யௌ ப⁴விஷ்யத꞉ ।
ப்ராணாஶ்ச சக்ஷுஷீ சைவ விக்ரமஶ்ச ப³லம் ச தே ॥ 2 ॥

புராணே ஸுமஹத்கார்யம் ப⁴விஷ்யதி மயா ஶ்ருதம் ।
த்³ருஷ்டம் மே தபஸா சைவ ஶ்ருத்வா ச விதி³தம் மம ॥ 3 ॥

ராஜா த³ஶரதோ² நாம கஶ்சிதி³க்ஷ்வாகுநந்த³ந꞉ ।
தஸ்ய புத்ரோ மஹாதேஜா ராமோ நாம ப⁴விஷ்யதி ॥ 4 ॥

அரண்யம் ச ஸஹ ப்⁴ராத்ரா லக்ஷ்மணேந க³மிஷ்யதி ।
தஸ்மிந்நர்தே² நியுக்த꞉ ஸந் பித்ரா ஸத்யபராக்ரம꞉ ॥ 5 ॥

நைர்ருதோ ராவணோ நாம தஸ்ய பா⁴ர்யாம் ஹரிஷ்யதி ।
ராக்ஷஸேந்த்³ரோ ஜநஸ்தா²நாத³வத்⁴ய꞉ ஸுரதா³நவை꞉ ॥ 6 ॥

ஸா ச காமை꞉ ப்ரளோப்⁴யந்தீ ப⁴க்ஷ்யைர்போ⁴ஜ்யைஶ்ச மைதி²லீ ।
ந போ⁴க்ஷ்யதி மஹாபா⁴கா³ து³꞉கே² மக்³நா யஶஸ்விநீ ॥ 7 ॥

பரமாந்நம் து வைதே³ஹ்யா ஜ்ஞாத்வா தா³ஸ்யதி வாஸவ꞉ ।
யத³ந்நமம்ருதப்ரக்²யம் ஸுராணாமபி து³ர்லப⁴ம் ॥ 8 ॥

தத³ந்நம் மைதி²லீ ப்ராப்ய விஜ்ஞாயேந்த்³ராதி³த³ம் த்விதி ।
அக்³ரமுத்³த்⁴ருத்ய ராமாய பூ⁴தலே நிர்வபிஷ்யதி ॥ 9 ॥

யதி³ ஜீவதி மே ப⁴ர்தா லக்ஷ்மணேந ஸஹ ப்ரபு⁴꞉ ।
தே³வத்வம் க³ச்ச²தோர்வாபி தயோரந்நமித³ம் த்விதி ॥ 10 ॥

ஏஷ்யந்த்யந்வேஷகாஸ்தஸ்யா ராமதூ³தா꞉ ப்லவங்க³மா꞉ ।
ஆக்²யேயா ராமமஹிஷீ த்வயா தேப்⁴யோ விஹங்க³ம ॥ 11 ॥

ஸர்வதா² ஹி ந க³ந்தவ்யமீத்³ருஶ꞉ க்வ க³மிஷ்யஸி ।
தே³ஶகாலௌ ப்ரதீக்ஷஸ்வ பக்ஷௌ த்வம் ப்ரதிபத்ஸ்யஸே ॥ 12 ॥

நோத்ஸஹேயமஹம் கர்துமத்³யைவ த்வாம் ஸபக்ஷகம் ।
இஹஸ்த²ஸ்த்வம் து லோகாநாம் ஹிதம் கார்யம் கரிஷ்யஸி ॥ 13 ॥

த்வயாபி க²லு தத்கார்யம் தயோஶ்ச ந்ருபபுத்ரயோ꞉ ।
ப்³ராஹ்மணாநாம் ஸுராணாம் ச முநீநாம் வாஸவஸ்ய ச ॥ 14 ॥

இச்சா²ம்யஹமபி த்³ரஷ்டும் ப்⁴ராதரௌ ராமலக்ஷ்மணௌ ।
நேச்சே² சிரம் தா⁴ரயிதும் ப்ராணாம்ஸ்த்யக்ஷ்யே களேவரம் ।
மஹர்ஷிஸ்த்வப்³ரவீதே³வம் த்³ருஷ்டதத்த்வார்த²த³ர்ஶந꞉ ॥ 15 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ த்³விஷஷ்டிதம꞉ ஸர்க³꞉ ॥ 62 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

---