Kishkindha Kanda Sarga 44 – கிஷ்கிந்தா⁴காண்ட³ சதுஶ்சத்வாரிம்ஶ꞉ ஸர்க³꞉ (44)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ சதுஶ்சத்வாரிம்ஶ꞉ ஸர்க³꞉ (44)

॥ ஹநூமத்ஸந்தே³ஶ꞉ ॥

விஶேஷேண து ஸுக்³ரீவோ ஹநுமத்யர்த²முக்தவாந் ।
ஸ ஹி தஸ்மிந் ஹரிஶ்ரேஷ்டே² நிஶ்சிதார்தோ²(அ)ர்த²ஸாத⁴நே ॥ 1 ॥

அப்³ரவீச்ச ஹநூமந்தம் விக்ராந்தமநிலாத்மஜம் ।
ஸுக்³ரீவ꞉ பரமப்ரீத꞉ ப்ரபு⁴꞉ ஸர்வவநௌகஸாம் ॥ 2 ॥

ந பூ⁴மௌ நாந்தரிக்ஷே வா நாம்ப³ரே நாமராளயே ।
நாப்ஸு வா க³திஸங்க³ம் தே பஶ்யாமி ஹரிபுங்க³வ ॥ 3 ॥

ஸாஸுரா꞉ ஸஹக³ந்த⁴ர்வா꞉ ஸநாக³நரதே³வதா꞉ ।
விதி³தா꞉ ஸர்வலோகாஸ்தே ஸஸாக³ரத⁴ராத⁴ரா꞉ ॥ 4 ॥

க³திர்வேக³ஶ்ச தேஜஶ்ச லாக⁴வம் ச மஹாகபே ।
பிதுஸ்தே ஸத்³ருஶம் வீர மாருதஸ்ய மஹாத்மந꞉ ॥ 5 ॥

தேஜஸா வாபி தே பூ⁴தம் ஸமம் பு⁴வி ந வித்³யதே ।
தத்³யதா² லப்⁴யதே ஸீதா தத்த்வமேவோபபாத³ய ॥ 6 ॥

த்வய்யேவ ஹநுமந்நஸ்தி ப³லம் பு³த்³தி⁴꞉ பராக்ரம꞉ ।
தே³ஶகாலாநுவ்ருத்திஶ்ச நயஶ்ச நயபண்டி³த ॥ 7 ॥

தத꞉ கார்யஸமாஸங்க³மவக³ம்ய ஹநூமதி ।
விதி³த்வா ஹநுமந்தம் ச சிந்தயாமாஸ ராக⁴வ꞉ ॥ 8 ॥

ஸர்வதா² நிஶ்சிதார்தோ²(அ)யம் ஹநூமதி ஹரீஶ்வர꞉ ।
நிஶ்சிதார்த²கரஶ்சாபி ஹநுமாந் கார்யஸாத⁴நே ॥ 9 ॥

ததே³வம் ப்ரஸ்தி²தஸ்யாஸ்ய பரிஜ்ஞாதஸ்ய கர்மபி⁴꞉ ।
ப⁴ர்த்ரா பரிக்³ருஹீதஸ்ய த்⁴ருவ꞉ கார்யப²லோத³ய꞉ ॥ 10 ॥

தம் ஸமீக்ஷ்ய மஹாதேஜா வ்யவஸாயோத்தரம் ஹரிம் ।
க்ருதார்த² இவ ஸம்வ்ருத்த꞉ ப்ரஹ்ருஷ்டேந்த்³ரியமாநஸ꞉ ॥ 11 ॥

த³தௌ³ தஸ்ய தத꞉ ப்ரீத꞉ ஸ்வநாமாங்கோபஶோபி⁴தம் ।
அங்கு³ளீயமபி⁴ஜ்ஞாநம் ராஜபுத்ர்யா꞉ பரந்தப꞉ ॥ 12 ॥

அநேந த்வாம் ஹரிஶ்ரேஷ்ட² சிஹ்நேந ஜநகாத்மஜா ।
மத்ஸகாஶாத³நுப்ராப்தமநுத்³விக்³நா(அ)நுபஶ்யதி ॥ 13 ॥

வ்யவஸாயஶ்ச தே வீர ஸத்த்வயுக்தஶ்ச விக்ரம꞉ ।
ஸுக்³ரீவஸ்ய ச ஸந்தே³ஶ꞉ ஸித்³தி⁴ம் கத²யதீவ மே ॥ 14 ॥

ஸ தம் க்³ருஹ்ய ஹரிஶ்ரேஷ்ட²꞉ ஸ்தா²ப்ய மூர்த்⁴நி க்ருதாஞ்ஜலி꞉ ।
வந்தி³த்வா சரணௌ சைவ ப்ரஸ்தி²த꞉ ப்லவகோ³த்தம꞉ ॥ 15 ॥

ஸ தத்ப்ரகர்ஷந் ஹரிணாம் ப³லம் மஹ-
-த்³ப³பூ⁴வ வீர꞉ பவநாத்மஜ꞉ கபி꞉ ।
க³தாம்பு³தே³ வ்யோம்நி விஶுத்³த⁴மண்ட³ல꞉
ஶஶீவ நக்ஷத்ரக³ணோபஶோபி⁴த꞉ ॥ 16 ॥

அதிப³ல ப³லமாஶ்ரிதஸ்தவாஹம்
ஹரிவரவிக்ரம விக்ரமைரநல்பை꞉ ।
பவநஸுத யதா²(அ)பி⁴க³ம்யதே ஸா
ஜநகஸுதா ஹநுமம்ஸ்ததா² குருஷ்வ ॥ 17 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ சதுஶ்சத்வாரிம்ஶ꞉ ஸர்க³꞉ ॥ 44 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.