Kishkindha Kanda Sarga 2 – கிஷ்கிந்தா⁴காண்ட³ த்³விதீய꞉ ஸர்க³꞉ (2)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ த்³விதீய꞉ ஸர்க³꞉ (2)

॥ ஸுக்³ரீவமந்த்ர꞉ ॥

தௌ து த்³ருஷ்ட்வா மஹாத்மாநௌ ப்⁴ராதரௌ ராமலக்ஷ்மணௌ ।
வராயுத⁴த⁴ரௌ வீரௌ ஸுக்³ரீவ꞉ ஶங்கிதோ(அ)ப⁴வத் ॥ 1 ॥

உத்³விக்³நஹ்ருத³ய꞉ ஸர்வா꞉ தி³ஶ꞉ ஸமவலோகயந் ।
ந வ்யதிஷ்ட²த கஸ்மிம்ஶ்சித்³தே³ஶே வாநரபுங்க³வ꞉ ॥ 2 ॥

நைவ சக்ரே மந꞉ ஸ்தா²நே வீக்ஷமாணோ மஹாப³லௌ ।
கபே꞉ பரமபீ⁴தஸ்ய சித்தம் வ்யவஸஸாத³ ஹ ॥ 3 ॥

சிந்தயித்வா ஸ த⁴ர்மாத்மா விம்ருஶ்ய கு³ருலாக⁴வம் ।
ஸுக்³ரீவ꞉ பரமோத்³விக்³ந꞉ ஸர்வைரநுசரை꞉ ஸஹ ॥ 4 ॥

தத꞉ ஸ ஸசிவேப்⁴யஸ்து ஸுக்³ரீவ꞉ ப்லவகா³தி⁴ப꞉ ।
ஶஶம்ஸ பரமோத்³விக்³ந꞉ பஶ்யம்ஸ்தௌ ராமலக்ஷ்மணௌ ॥ 5 ॥

ஏதௌ வநமித³ம் து³ர்க³ம் வாலிப்ரணிஹிதௌ த்⁴ருவம் ।
ச²த்³மநா சீரவஸநௌ ப்ரசரந்தாவிஹாக³தௌ ॥ 6 ॥

தத꞉ ஸுக்³ரீவஸசிவா த்³ருஷ்ட்வா பரமத⁴ந்விநௌ ।
ஜக்³முர்கி³ரிதடாத்தஸ்மாத³ந்யச்சி²க²ரமுத்தமம் ॥ 7 ॥

தே க்ஷிப்ரமதி⁴க³ம்யாத² யூத²பா யூத²பர்ஷப⁴ம் ।
ஹரயோ வாநரஶ்ரேஷ்ட²ம் பரிவார்யோபதஸ்தி²ரே ॥ 8 ॥

ஏவமேகாயநக³தா꞉ ப்லவமாநா கி³ரேர்கி³ரிம் ।
ப்ரகம்பயந்தோ வேகே³ந கி³ரீணாம் ஶிக²ராண்யபி ॥ 9 ॥

தத꞉ ஶாகா²ம்ருகா³꞉ ஸர்வே ப்லவமாநா மஹாப³லா꞉ ।
ப³ப⁴ஞ்ஜுஶ்ச நகா³ம்ஸ்தத்ர புஷ்பிதாந் து³ர்க³ஸம்ஶ்ரிதாந் ॥ 10 ॥

ஆப்லவந்தோ ஹரிவரா꞉ ஸர்வதஸ்தம் மஹாகி³ரிம் ।
ம்ருக³மார்ஜாரஶார்தூ³ளாம்ஸ்த்ராஸயந்தோ யயுஸ்ததா³ ॥ 11 ॥

தத꞉ ஸுக்³ரீவஸசிவா꞉ பர்வதேந்த்³ரம் ஸமாஶ்ரிதா꞉ ।
ஸங்க³ம்ய கபிமுக்²யேந ஸர்வே ப்ராஞ்ஜலய꞉ ஸ்தி²தா꞉ ॥ 12 ॥

ததஸ்தம் ப⁴யஸம்விக்³நம் வாலிகில்பி³ஷஶங்கிதம் ।
உவாச ஹநுமாந்வாக்யம் ஸுக்³ரீவம் வாக்யகோவித³꞉ ॥ 13 ॥

ஸம்ப்⁴ரமஸ்த்யஜ்யதாமேஷ꞉ ஸர்வைர்வாலிக்ருதே மஹாந் ।
மலயோ(அ)யம் கி³ரிவரோ ப⁴யம் நேஹாஸ்தி வாலிந꞉ ॥ 14 ॥

யஸ்மாது³த்³விக்³நசேதாஸ்த்வம் ப்ரத்³ருதோ ஹரிபுங்க³வ ।
தம் க்ரூரத³ர்ஶநம் க்ரூரம் நேஹ பஶ்யாமி வாலிநம் ॥ 15 ॥

யஸ்மாத்தவ ப⁴யம் ஸௌம்ய பூர்வஜாத் பாபகர்மண꞉ ।
ஸ நேஹ வாலீ து³ஷ்டாத்மா ந தே பஶ்யாம்யஹம் ப⁴யம் ॥ 16 ॥

அஹோ ஶாகா²ம்ருக³த்வம் தே வ்யக்தமேவ ப்லவங்க³ம ।
லகு⁴சித்ததயா(ஆ)த்மாநம் ந ஸ்தா²பயஸி யோ மதௌ ॥ 17 ॥

பு³த்³தி⁴விஜ்ஞாநஸம்பந்ந꞉ இங்கி³தை꞉ ஸர்வமாசர ।
ந ஹ்யபு³த்³தி⁴ம் க³தோ ராஜா ஸர்வபூ⁴தாநி ஶாஸ்தி ஹி ॥ 18 ॥

ஸுக்³ரீவஸ்து ஶுப⁴ம் வாக்யம் ஶ்ருத்வா ஸர்வம் ஹநூமத꞉ ।
தத꞉ ஶுப⁴தரம் வாக்யம் ஹநூமந்தமுவாச ஹ ॥ 19 ॥

தீ³ர்க⁴பா³ஹூ விஶாலாக்ஷௌ ஶரசாபாஸிதா⁴ரிணௌ ।
கஸ்ய ந ஸ்யாத்³ப⁴யம் த்³ருஷ்ட்வா ஹ்யேதௌ ஸுரஸுதோபமௌ ॥ 20 ॥

வாலிப்ரணிஹிதாவேதௌ ஶங்கே(அ)ஹம் புருஷோத்தமௌ ।
ராஜாநோ ப³ஹுமித்ராஶ்ச விஶ்வாஸோ நாத்ர ஹி க்ஷம꞉ ॥ 21 ॥

அரயஶ்ச மநுஷ்யேண விஜ்ஞேயாஶ்ச²ந்நசாரிண꞉ ।
விஶ்வஸ்தாநாமவிஶ்வஸ்தா ரந்த்⁴ரேஷு ப்ரஹரந்தி ஹி ॥ 22 ॥

க்ருத்யேஷு வாலீ மேதா⁴வீ ராஜாநோ ப³ஹுத³ர்ஶநா꞉ ।
ப⁴வந்தி பரஹந்தாரஸ்தே ஜ்ஞேயா꞉ ப்ராக்ருதைர்நரை꞉ ॥ 23 ॥

தௌ த்வயா ப்ராக்ருதேநைவ க³த்வா ஜ்ஞேயௌ ப்லவங்க³ம ।
இங்கி³தாநாம் ப்ரகாரைஶ்ச ரூபவ்யாபா⁴ஷணேந ச ॥ 24 ॥

லக்ஷயஸ்வ தயோர்பா⁴வம் ப்ரஹ்ருஷ்டமநஸௌ யதி³ ।
விஶ்வாஸயந் ப்ரஶம்ஸாபி⁴ரிங்கி³தைஶ்ச புந꞉ புந꞉ ॥ 25 ॥

மமைவாபி⁴முக²ம் ஸ்தி²த்வா ப்ருச்ச² த்வம் ஹரிபுங்க³வ ।
ப்ரயோஜநம் ப்ரவேஶஸ்ய வநஸ்யாஸ்ய த⁴நுர்த⁴ரௌ ॥ 26 ॥

ஶுத்³தா⁴த்மாநௌ யதி³ த்வேதௌ ஜாநீஹி த்வம் ப்லவங்க³ம ।
வ்யாபா⁴ஷிதைர்வா விஜ்ஞேயா ஸ்யாத்³து³ஷ்டாது³ஷ்டதா தயோ꞉ ॥ 27 ॥

இத்யேவம் கபிராஜேந ஸந்தி³ஷ்டோ மாருதாத்மஜ꞉ ।
சகார க³மநே பு³த்³தி⁴ம் யத்ர தௌ ராமலக்ஷ்மணௌ ॥ 28 ॥

ததே²தி ஸம்பூஜ்ய வசஸ்து தஸ்ய தத்
கபே꞉ ஸுபீ⁴மஸ்ய து³ராஸத³ஸ்ய ச ।
மஹாநுபா⁴வோ ஹநுமாந்யயௌ ததா³
ஸ யத்ர ராமோ(அ)திப³லஶ்ச லக்ஷ்மண꞉ ॥ 29 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்த⁴காண்டே³ த்³விதீய꞉ ஸர்க³꞉ ॥ 2 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

---