Himalaya Krita Shiva Stotram – ஶ்ரீ ஶிவ ஸ்தோத்ரம் (ஹிமாலய க்ருதம்)

ஸ்தோத்ரநிதி → ஶ்ரீ ஶிவ ஸ்தோத்திரங்கள் → ஶ்ரீ ஶிவ ஸ்தோத்ரம் (ஹிமாலய க்ருதம்)

ஹிமாலய உவாச ।
த்வம் ப்³ரஹ்மா ஸ்ருஷ்டிகர்தா ச த்வம் விஷ்ணு꞉ பரிபாலக꞉ ।
த்வம் ஶிவ꞉ ஶிவதோ³(அ)நந்த꞉ ஸர்வஸம்ஹாரகாரக꞉ ॥ 1 ॥

த்வமீஶ்வரோ கு³ணாதீதோ ஜ்யோதீரூப꞉ ஸநாதந꞉ ।
ப்ரக்ருத꞉ ப்ரக்ருதீஶஶ்ச ப்ராக்ருத꞉ ப்ரக்ருதே꞉ பர꞉ ॥ 2 ॥

நாநாரூபவிதா⁴தா த்வம் ப⁴க்தாநாம் த்⁴யாநஹேதவே ।
யேஷு ரூபேஷு யத்ப்ரீதிஸ்தத்தத்³ரூபம் பி³ப⁴ர்ஷி ச ॥ 3 ॥

ஸூர்யஸ்த்வம் ஸ்ருஷ்டிஜநக ஆதா⁴ர꞉ ஸர்வதேஜஸாம் ।
ஸோமஸ்த்வம் ஸஸ்யபாதா ச ஸததம் ஶீதரஶ்மிநா ॥ 4 ॥

வாயுஸ்த்வம் வருணஸ்த்வம் ச த்வமக்³நி꞉ ஸர்வதா³ஹக꞉ ।
இந்த்³ரஸ்த்வம் தே³வராஜஶ்ச காலே ம்ருத்யுர்யமஸ்ததா² ॥ 5 ॥

ம்ருத்யுஞ்ஜயோ ம்ருத்யும்ருத்யு꞉ காலகாலோ யமாந்தக꞉ ।
வேத³ஸ்த்வம் வேத³கர்தா ச வேத³வேதா³ங்க³பாரக³꞉ ॥ 6 ॥

விது³ஷாம் ஜநகஸ்த்வம் ச வித்³வாம்ஶ்ச விது³ஷாம் கு³ரு꞉ ।
மந்த்ரஸ்த்வம் ஹி ஜபஸ்த்வம் ஹி தபஸ்த்வம் தத்ப²லப்ரத³꞉ ॥ 7 ॥

வாக்த்வம் வாக³தி⁴தே³வஸ்த்வம் தத்கர்தா தத்³கு³ரு꞉ ஸ்வயம் ।
அஹோ ஸரஸ்வதீபீ³ஜம் கஸ்த்வாம் ஸ்தோதுமிஹேஶ்வர꞉ ॥ 8 ॥

இத்யேவமுக்த்வா ஶைலேந்த்³ரஸ்தஸ்தௌ² த்⁴ருத்வா பதா³ம்பு³ஜம் ।
ததோ³வாச தமாபோ³த்⁴ய சாவருஹ்ய வ்ருஷாச்சி²வ꞉ ॥ 9 ॥

ஸ்தோத்ரமேதந்மஹாபுண்யம் த்ரிஸந்த்⁴யம் ய꞉ படே²ந்நர꞉ ।
முச்யதே ஸர்வபாபேப்⁴யோ ப⁴யேப்⁴யஶ்ச ப⁴வார்ணவே ॥ 10 ॥

அபுத்ரோ லப⁴தே புத்ரம் மாஸமேகம் படே²த்³யதி³ ।
பா⁴ர்யாஹீநோ லபே⁴த்³பா⁴ர்யாம் ஸுஶீலாம் ஸுமநோஹராம் ॥ 11 ॥

சிரகாலக³தம் வஸ்து லப⁴தே ஸஹஸா த்⁴ருவம் ।
ராஜ்யப்⁴ரஷ்டோ லபே⁴த்³ராஜ்யம் ஶங்கரஸ்ய ப்ரஸாத³த꞉ ॥ 12 ॥

காராகா³ரே ஶ்மஶாநே ச ஶத்ருக்³ரஸ்தே(அ)திஸங்கடே ।
க³பீ⁴ரே(அ)திஜலாகீர்ணே ப⁴க்³நபோதே விஷாத³நே ॥ 13 ॥

ரணமத்⁴யே மஹாபீ⁴தே ஹிம்ஸ்ரஜந்துஸமந்விதே ।
ஸர்வதோ முச்யதே ஸ்துத்வா ஶங்கரஸ்ய ப்ரஸாத³த꞉ ॥ 14 ॥

இதி ஶ்ரீப்³ரஹ்மவைவர்தே மஹாபுராணே ஶ்ரீக்ருஷ்ணஜந்மக²ண்டே³ அஷ்டத்ரிம்ஶோ(அ)த்⁴யாயே ஹிமாலயக்ருத ஶிவஸ்தோத்ரம் ।

---

மேலும் ஶ்ரீ ஶிவ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.