Brahma Kruta Sri Rama Stuti – ஶ்ரீ ராம ஸ்துதி꞉ (ப்ரஹ்மதேவ க்ருதம்)


ப்³ரஹ்மோவாச ।
வந்தே³ தே³வம் விஷ்ணுமஶேஷஸ்தி²திஹேதும்
த்வாமத்⁴யாத்மஜ்ஞாநிபி⁴ரந்தர்ஹ்ருதி³ பா⁴வ்யம் ।
ஹேயாஹேயத்³வந்த்³வவிஹீநம் பரமேகம்
ஸத்தாமாத்ரம் ஸர்வஹ்ருதி³ஸ்த²ம் த்³ருஶிரூபம் ॥ 1 ॥

ப்ராணாபாநௌ நிஶ்சயபு³த்³த்⁴யா ஹ்ருதி³ ருத்³த்⁴வா
சி²த்த்வா ஸர்வம் ஸம்ஶயப³ந்த⁴ம் விஷயௌகா⁴ன் ।
பஶ்யந்தீஶம் யம் க³தமோஹா யதயஸ்தம்
வந்தே³ ராமம் ரத்நகிரீடம் ரவிபா⁴ஸம் ॥ 2 ॥

மாயாதீதம் மாத⁴வமாத்³யம் ஜக³தா³தி³ம்
மாநாதீதம் மோஹவிநாஶம் முநிவந்த்³யம் ।
யோகி³த்⁴யேயம் யோக³விதா⁴நம் பரிபூர்ணம்
வந்தே³ ராமம் ரஞ்ஜிதலோகம் ரமணீயம் ॥ 3 ॥

பா⁴வாபா⁴வப்ரத்யயஹீநம் ப⁴வமுக்²யை-
-ர்யோகா³ஸக்தைரர்சிதபாதா³ம்பு³ஜயுக்³மம் ।
நித்யம் ஶுத்³த⁴ம் பு³த்³த⁴மநந்தம் ப்ரணவாக்²யம்
வந்தே³ ராமம் வீரமஶேஷாஸுரதா³வம் ॥ 4 ॥

த்வம் மே நாதோ² நாதி²தகார்யாகி²லகாரீ
மாநாதீதோ மாத⁴வரூபோ(அ)கி²லாதா⁴ரீ ।
ப⁴க்த்யா க³ம்யோ பா⁴விதரூபோ ப⁴வஹாரீ
யோகா³ப்⁴யாஸைர்பா⁴விதசேத꞉ ஸஹசாரீ ॥ 5 ॥

த்வாமாத்³யந்தம் லோகததீநாம் பரமீஶம்
லோகாநாம் நோ லௌகிகமாநைரதி⁴க³ம்யம் ।
ப⁴க்திஶ்ரத்³தா⁴பா⁴வஸமேதைர்ப⁴ஜநீயம்
வந்தே³ ராமம் ஸுந்த³ரமிந்தீ³வரநீலம் ॥ 6 ॥

கோ வா ஜ்ஞாதும் த்வாமதிமாநம் க³தமாநம்
மாயாஸக்தோ மாத⁴வ ஶக்தோ முநிமாந்யம் ।
வ்ருந்தா³ரண்யே வந்தி³தவ்ருந்தா³ரகவ்ருந்த³ம்
வந்தே³ ராமம் ப⁴வமுக²வந்த்³யம் ஸுக²கந்த³ம் ॥ 7 ॥

நாநாஶாஸ்த்ரைர்வேத³கத³ம்பை³꞉ ப்ரதிபாத்³யம்
நித்யாநந்த³ம் நிர்விஷயஜ்ஞாநமநாதி³ம் ।
மத்ஸேவார்த²ம் மாநுஷபா⁴வம் ப்ரதிபந்நம்
வந்தே³ ராமம் மரகதவர்ணம் மது²ரேஶம் ॥ 8 ॥

ஶ்ரத்³தா⁴யுக்தோ ய꞉ பட²தீமம் ஸ்தவமாத்³யம்
ப்³ராஹ்மம் ப்³ரஹ்மஜ்ஞாநவிதா⁴நம் பு⁴வி மர்த்ய꞉ ।
ராமம் ஶ்யாமம் காமிதகாமப்ரத³மீஶம்
த்⁴யாத்வா த்⁴யாதா பாதகஜாலைர்விக³த꞉ ஸ்யாத் ॥ 9 ॥

இதி ஶ்ரீமத³த்⁴யாத்மராமாயணே யுத்³த⁴காண்டே³ த்ரயோத³ஶ꞉ ஸர்கே³ ப்³ரஹ்மதே³வ க்ருத ஶ்ரீராம ஸ்துதி꞉ ।


மேலும் ஶ்ரீ ராம ஸ்தோத்ரங்களை படிக்கவும்.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed