Ahalya Kruta Sri Rama Stotram – ஶ்ரீ ராம ஸ்தோத்ரம் (அஹல்யா க்ருதம்)

ஸ்தோத்ரநிதி → ஶ்ரீ ராம ஸ்தோத்திரங்கள் → ஶ்ரீ ராம ஸ்தோத்ரம் (அஹல்யா க்ருதம்)

அஹல்யோவாச ।
அஹோ க்ருதார்தா²(அ)ஸ்மி ஜக³ந்நிவாஸ தே
பாதா³ப்³ஜஸம்லக்³நரஜ꞉கணாத³ஹம் ।
ஸ்ப்ருஶாமி யத்பத்³மஜஶங்கராதி³பி⁴-
-ர்விம்ருக்³யதே ரந்தி⁴தமாநஸை꞉ ஸதா³ ॥ 1 ॥

அஹோ விசித்ரம் தவ ராம சேஷ்டிதம்
மநுஷ்யபா⁴வேந விமோஹிதம் ஜக³த் ।
சலஸ்யஜஸ்ரம் சரணாதி³வர்ஜித꞉
ஸம்பூர்ண ஆநந்த³மயோ(அ)திமாயிக꞉ ॥ 2 ॥

யத்பாத³பங்கஜபராக³பவித்ரகா³த்ரா
பா⁴கீ³ரதீ² ப⁴வவிரிஞ்சிமுகா²ந்புநாதி ।
ஸாக்ஷாத்ஸ ஏவ மம த்³ருக்³விஷயோ யதா³ஸ்தே
கிம் வர்ண்யதே மம புராக்ருதபா⁴க³தே⁴யம் ॥ 3 ॥

மர்த்யாவதாரே மநுஜாக்ருதிம் ஹரிம்
ராமாபி⁴தே⁴யம் ரமணீயதே³ஹிநம் ।
த⁴நுர்த⁴ரம் பத்³மவிஶாலலோசநம்
ப⁴ஜாமி நித்யம் ந பராந்ப⁴ஜிஷ்யே ॥ 4 ॥

யத்பாத³பங்கஜரஜ꞉ ஶ்ருதிபி⁴ர்விம்ருக்³யம்
யந்நாபி⁴பங்கஜப⁴வ꞉ கமலாஸநஶ்ச ।
யந்நாமஸாரரஸிகோ ப⁴க³வாந்புராரி-
-ஸ்தம் ராமசந்த்³ரமநிஶம் ஹ்ருதி³ பா⁴வயாமி ॥ 5 ॥

யஸ்யாவதாரசரிதாநி விரிஞ்சிலோகே
கா³யந்தி நாரத³முகா² ப⁴வபத்³மஜாத்³யா꞉ ।
ஆநந்த³ஜாஶ்ருபரிஷிக்தகுசாக்³ரஸீமா
வாகீ³ஶ்வரீ ச தமஹம் ஶரணம் ப்ரபத்³யே ॥ 6 ॥

ஸோ(அ)யம் பராத்மா புருஷ꞉ புராண꞉
ஏஷ꞉ ஸ்வயஞ்ஜ்யோதிரநந்த ஆத்³ய꞉ ।
மாயாதநும் லோகவிமோஹநீயாம்
த⁴த்தே பராநுக்³ரஹ ஏஷ ராம꞉ ॥ 7 ॥

அயம் ஹி விஶ்வோத்³ப⁴வஸம்யமாநா-
-மேக꞉ ஸ்வமாயாகு³ணபி³ம்பி³தோ ய꞉ ।
விரிஞ்சிவிஷ்ண்வீஶ்வரநாமபே⁴தா³ன்
த⁴த்தே ஸ்வதந்த்ர꞉ பரிபூர்ண ஆத்மா ॥ 8 ॥

நமோ(அ)ஸ்து தே ராம தவாங்க்⁴ரிபங்கஜம்
ஶ்ரியா த்⁴ருதம் வக்ஷஸி லாலிதம் ப்ரியாத் ।
ஆக்ராந்தமேகேந ஜக³த்த்ரயம் புரா
த்⁴யேயம் முநீந்த்³ரைரபி⁴மாநவர்ஜிதை꞉ ॥ 9 ॥

ஜக³தாமாதி³பூ⁴தஸ்த்வம் ஜக³த்த்வம் ஜக³தா³ஶ்ரய꞉ ।
ஸர்வபூ⁴தேஷ்வஸம்யுக்த ஏகோ பா⁴தி ப⁴வாந்பர꞉ ॥ 10 ॥

ஓங்காரவாச்யஸ்த்வம் ராம வாசாமவிஷய꞉ புமான் ।
வாச்யவாசகபே⁴தே³ந ப⁴வாநேவ ஜக³ந்மய꞉ ॥ 11 ॥

கார்யகாரணகர்த்ருத்வப²லஸாத⁴நபே⁴த³த꞉ ।
ஏகோ விபா⁴ஸி ராம த்வம் மாயயா ப³ஹுரூபயா ॥ 12 ॥

த்வந்மாயாமோஹிததி⁴யஸ்த்வாம் ந ஜாநந்தி தத்த்வத꞉ ।
மாநுஷம் த்வா(அ)பி⁴மந்யந்தே மாயிநம் பரமேஶ்வரம் ॥ 13 ॥

ஆகாஶவத்த்வம் ஸர்வத்ர ப³ஹிரந்தர்க³தோ(அ)மல꞉ ।
அஸங்கோ³ ஹ்யசலோ நித்ய꞉ ஶுத்³தோ⁴ பு³த்³த⁴꞉ ஸத³வ்யய꞉ ॥ 14 ॥

யோஷிந்மூடா⁴(அ)ஹமஜ்ஞா தே தத்த்வம் ஜாநே கத²ம் விபோ⁴ ।
தஸ்மாத்தே ஶதஶோ ராம நமஸ்குர்யாமநந்யதீ⁴꞉ ॥ 15 ॥

தே³வ மே யத்ர குத்ராபி ஸ்தி²தாயா அபி ஸர்வதா³ ।
த்வத்பாத³கமலே ஸக்தா ப⁴க்திரேவ ஸதா³(அ)ஸ்து மே ॥ 16 ॥

நமஸ்தே புருஷாத்⁴யக்ஷ நமஸ்தே ப⁴க்தவத்ஸல ।
நமஸ்தே(அ)ஸ்து ஹ்ருஷீகேஶ நாராயண நமோ(அ)ஸ்து தே ॥ 17 ॥

ப⁴வப⁴யஹரமேகம் பா⁴நுகோடிப்ரகாஶம்
கரத்⁴ருதஶரசாபம் காலமேகா⁴வபா⁴ஸம் ।
கநகருசிரவஸ்த்ரம் ரத்நவத்குண்ட³லாட்⁴யம்
கமலவிஶத³நேத்ரம் ஸாநுஜம் ராமமீடே³ ॥ 18 ॥

ஸ்துத்வைவம் புருஷம் ஸாக்ஷாத்³ராக⁴வம் புரத꞉ ஸ்தி²தம் ।
பரிக்ரம்ய ப்ரணம்யாஶு ஸா(அ)நுஜ்ஞாதா யயௌ பதிம் ॥ 19 ॥

அஹல்யயா க்ருதம் ஸ்தோத்ரம் ய꞉ படே²த்³ப⁴க்திஸம்யுத꞉ ।
ஸ முச்யதே(அ)கி²லை꞉ பாபை꞉ பரம் ப்³ரஹ்மாதி⁴க³ச்ச²தி ॥ 20 ॥

புத்ராத்³யர்தே² படே²த்³ப⁴க்த்யா ராமம் ஹ்ருதி³ நிதா⁴ய ச ।
ஸம்வத்ஸரேண லப⁴தே வந்த்⁴யா அபி ஸுபுத்ரகம் ॥ 21 ॥

ஸர்வாந்காமாநவாப்நோதி ராமசந்த்³ரப்ரஸாத³த꞉ ॥ 22 ॥

ப்³ரஹ்மக்⁴நோ கு³ருதல்பகோ³(அ)பி புருஷ꞉ ஸ்தேயீ ஸுராபோ(அ)பி வா
மாத்ருப்⁴ராத்ருவிஹிம்ஸகோ(அ)பி ஸததம் போ⁴கை³கப³த்³தா⁴துர꞉ ।
நித்யம் ஸ்தோத்ரமித³ம் ஜபன் ரகு⁴பதிம் ப⁴க்த்யா ஹ்ருதி³ஸ்த²ம் ஸ்மரன்
த்⁴யாயந்முக்திமுபைதி கிம் புநரஸௌ ஸ்வாசாரயுக்தோ நர꞉ ॥ 23 ॥

இதி ஶ்ரீமத³த்⁴யாத்மராமாயணே பா³லகாண்டே³ பஞ்சமஸர்கே³ அஹல்யா க்ருத ஶ்ரீ ராம ஸ்தோத்ரம் ।

---

மேலும் ஶ்ரீ ராம ஸ்தோத்ரங்களை படிக்கவும்.

Did you see any mistake/variation in the content above? Click here to report mistakes and corrections in Stotranidhi content.