Read in తెలుగు / ಕನ್ನಡ / தமிழ் / देवनागरी / English (IAST)
॥ கோ³தா³நமங்க³ளம் ॥
தமுக்தவந்தம் வைதே³ஹம் விஶ்வாமித்ரோ மஹாமுநி꞉ ।
உவாச வசநம் வீரம் வஸிஷ்ட²ஸஹிதோ ந்ருபம் ॥ 1 ॥
அசிந்த்யாந்யப்ரமேயாநி குலாநி நரபுங்க³வ ।
இக்ஷ்வாகூணாம் விதே³ஹாநாம் நைஷாம் துல்யோ(அ)ஸ்தி கஶ்சந ॥ 2 ॥
ஸத்³ருஶோ த⁴ர்மஸம்ப³ந்த⁴꞉ ஸத்³ருஶோ ரூபஸம்பதா³ ।
ராமலக்ஷ்மணயோ ராஜந்ஸீதா சோர்மிலயா ஸஹ ॥ 3 ॥
வக்தவ்யம் ச நரஶ்ரேஷ்ட² ஶ்ரூயதாம் வசநம் மம ।
ப்⁴ராதா யவீயாந்த⁴ர்மஜ்ஞ ஏஷ ராஜா குஶத்⁴வஜ꞉ ॥ 4 ॥
அஸ்ய த⁴ர்மாத்மநோ ராஜந்ரூபேணாப்ரதிமம் பு⁴வி ।
ஸுதாத்³வயம் நரஶ்ரேஷ்ட² பத்ந்யர்த²ம் வரயாமஹே ॥ 5 ॥
ப⁴ரதஸ்ய குமாரஸ்ய ஶத்ருக்⁴நஸ்ய ச தீ⁴மத꞉ ।
வரயேம ஸுதே ராஜம்ஸ்தயோரர்தே² மஹாத்மநோ꞉ ॥ 6 ॥
புத்ரா த³ஶரத²ஸ்யேமே ரூபயௌவநஶாலிந꞉ ।
லோகபாலோபமா꞉ ஸர்வே தே³வதுல்யபராக்ரமா꞉ ॥ 7 ॥
உப⁴யோரபி ராஜேந்த்³ர ஸம்ப³ந்தோ⁴ ஹ்யநுப³த்⁴யதாம் ।
இக்ஷ்வாகோ꞉ குலமவ்யக்³ரம் ப⁴வத꞉ புண்யகர்மண꞉ ॥ 8 ॥
விஶ்வாமித்ரவச꞉ ஶ்ருத்வா வஸிஷ்ட²ஸ்ய மதே ததா³ ।
ஜநக꞉ ப்ராஞ்ஜலிர்வாக்யமுவாச முநிபுங்க³வௌ ॥ 9 ॥
குலம் த⁴ந்யமித³ம் மந்யே யேஷாம் நோ முநிபுங்க³வௌ ।
ஸத்³ருஶம் குலஸம்ப³ந்த⁴ம் யதா³ஜ்ஞாபயத²꞉ ஸ்வயம் ॥ 10 ॥
ஏவம் ப⁴வது ப⁴த்³ரம் வ꞉ குஶத்⁴வஜஸுதே இமே ।
பத்ந்யௌ ப⁴ஜேதாம் ஸஹிதௌ ஶத்ருக்⁴நப⁴ரதாவுபௌ⁴ ॥ 11 ॥
ஏகாஹ்நா ராஜபுத்ரீணாம் சதஸ்ரூணாம் மஹாமுநே ।
பாணீந்க்³ருஹ்ணந்து சத்வாரோ ராஜபுத்ரா மஹாப³லா꞉ ॥ 12 ॥
உத்தரே தி³வஸே ப்³ரஹ்மந்ப²ல்கு³நீப்⁴யாம் மநீஷிண꞉ ।
வைவாஹிகம் ப்ரஶம்ஸந்தி ப⁴கோ³ யத்ர ப்ரஜாபதி꞉ ॥ 13 ॥
ஏவமுக்த்வா வச꞉ ஸௌம்யம் ப்ரத்யுத்தா²ய க்ருதாஞ்ஜலி꞉ ।
உபௌ⁴ முநிவரௌ ராஜா ஜநகோ வாக்யமப்³ரவீத் ॥ 14 ॥
பரோ த⁴ர்ம꞉ க்ருதோ மஹ்யம் ஶிஷ்யோ(அ)ஸ்மி ப⁴வதோ꞉ ஸதா³ ।
இமாந்யாஸநமுக்²யாநி ஆஸாதாம் முநிபுங்க³வௌ ॥ 15 ॥
யதா² த³ஶரத²ஸ்யேயம் ததா²(அ)யோத்⁴யா புரீ மம ।
ப்ரபு⁴த்வே நாஸ்தி ஸந்தே³ஹோ யதா²ர்ஹம் கர்துமர்ஹத² ॥ 16 ॥
ததா² ப்³ருவதி வைதே³ஹே ஜநகே ரகு⁴நந்த³ந꞉ ।
ராஜா த³ஶரதோ² ஹ்ருஷ்ட꞉ ப்ரத்யுவாச மஹீபதிம் ॥ 17 ॥
யுவாமஸங்க்²யேயகு³ணௌ ப்⁴ராதரௌ மிதி²லேஶ்வரௌ ।
ருஷயோ ராஜஸங்கா⁴ஶ்ச ப⁴வத்³ப்⁴யாமபி⁴பூஜிதா꞉ ॥ 18 ॥
ஸ்வஸ்தி ப்ராப்நுஹி ப⁴த்³ரம் தே க³மிஷ்யாமி ஸ்வமாலயம் ।
ஶ்ராத்³த⁴கர்மாணி ஸர்வாணி விதா⁴ஸ்யாமீதி சாப்³ரவீத் ॥ 19 ॥
தமாப்ருஷ்ட்வா நரபதிம் ராஜா த³ஶரத²ஸ்ததா³ ।
முநீந்த்³ரௌ தௌ புரஸ்க்ருத்ய ஜகா³மாஶு மஹாயஶா꞉ ॥ 20 ॥
ஸ க³த்வா நிலயம் ராஜா ஶ்ராத்³த⁴ம் க்ருத்வா விதா⁴நத꞉ ।
ப்ரபா⁴தே கால்யமுத்தா²ய சக்ரே கோ³தா³நமுத்தமம் ॥ 21 ॥
க³வாம் ஶதஸஹஸ்ராணி ப்³ராஹ்மணேப்⁴யோ நராதி⁴ப꞉ ।
ஏகைகஶோ த³தௌ³ ராஜா புத்ராநுத்³தி³ஶ்ய த⁴ர்மத꞉ ॥ 22 ॥
ஸுவர்ணஶ்ருங்கா³꞉ ஸம்பந்நா꞉ ஸவத்ஸா꞉ காம்ஸ்யதோ³ஹநா꞉ ।
க³வாம் ஶதஸஹஸ்ராணி சத்வாரி புருஷர்ஷப⁴꞉ ॥ 23 ॥
வித்தமந்யச்ச ஸுப³ஹு த்³விஜேப்⁴யோ ரகு⁴நந்த³ந꞉ ।
த³தௌ³ கோ³தா³நமுத்³தி³ஶ்ய புத்ராணாம் புத்ரவத்ஸல꞉ ॥ 24 ॥
ஸ ஸுதை꞉ க்ருதகோ³தா³நைர்வ்ருதஸ்து ந்ருபதிஸ்ததா³ ।
லோகபாலைரிவாபா⁴தி வ்ருத꞉ ஸௌம்ய꞉ ப்ரஜாபதி꞉ ॥ 25 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ த்³விஸப்ததிதம꞉ ஸர்க³꞉ ॥ 72 ॥
பா³லகாண்ட³ த்ரிஸப்ததிதம꞉ ஸர்க³꞉ (73) >>
ஸம்பூர்ண வால்மீகி ராமாயணே பா³லகாண்ட³ பார்க்க.
గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.