Read in తెలుగు / ಕನ್ನಡ / தமிழ் / देवनागरी / English (IAST)
॥ அமாத்யவர்ணநா ॥
தஸ்யாமாத்யா கு³ணைராஸந்நிக்ஷ்வாகோஸ்து மஹாத்மந꞉ ।
மந்த்ரஜ்ஞாஶ்சேங்கி³தஜ்ஞாஶ்ச நித்யம் ப்ரியஹிதே ரதா꞉ ॥ 1 ॥
அஷ்டௌ ப³பூ⁴வுர்வீரஸ்ய தஸ்யாமாத்யா யஶஸ்விந꞉ ।
ஶுசயஶ்சாநுரக்தாஶ்ச ராஜக்ருத்யேஷு நித்யஶ꞉ ॥ 2 ॥
த்⁴ருஷ்டிர்ஜயந்தோ விஜய꞉ ஸித்³தா⁴ர்தோ² ஹ்யர்த²ஸாத⁴க꞉ ।
அஶோகோ மந்த்ரபாலஶ்ச ஸுமந்த்ரஶ்சாஷ்டமோ(அ)ப⁴வத் ॥ 3 ॥
ருத்விஜௌ த்³வாவபி⁴மதௌ தஸ்யாஸ்தாம்ருஷிஸத்தமௌ ।
வஸிஷ்டோ² வாமதே³வஶ்ச மந்த்ரிணஶ்ச ததா²பரே ॥ 4 ॥
[* அதி⁴கபாட²꞉ –
ஸுயஜ்ஞோப்யத² ஜாபா³லி꞉ காஶ்யபோ(அ)ப்யத² கௌ³தம꞉ ।
மார்கண்டே³யஸ்து தீ³ர்கா⁴யுஸ்ததா² காத்யாயநோ த்³விஜ꞉ ।
ஏதைர்ப்³ரஹ்மர்ஷிபி⁴ர்நித்யம்ருத்விஜஸ்தஸ்ய பூர்வகா꞉ ॥ 5 ॥
*]
வித்³யாவிநீதா ஹ்ரீமந்த꞉ குஶலா நியதேந்த்³ரியா꞉ ।
பரஸ்பராநுரக்தாஶ்ச நீதிமந்தோ ப³ஹுஶ்ருதா꞉ ॥ 6 ॥
ஶ்ரீமந்தஶ்ச மஹாத்மாந꞉ ஶாஸ்த்ரஜ்ஞா த்⁴ருட⁴விக்ரமா꞉ ।
கீர்திமந்த꞉ ப்ரணிஹிதா யதா²வசநகாரிண꞉ ॥ 7 ॥
தேஜ꞉ க்ஷமா யஶ꞉ ப்ராப்தா꞉ ஸ்மிதபூர்வாபி⁴பா⁴ஷிண꞉ ।
க்ரோதா⁴த்காமார்த²ஹேதோர்வா ந ப்³ரூயுரந்ருதம் வச꞉ ॥ 8 ॥
தேஷாமவிதி³தம் கிஞ்சத் ஸ்வேஷு நாஸ்தி பரேஷு வா ।
க்ரியமாணம் க்ருதம் வாபி சாரேணாபி சிகீர்ஷிதம் ॥ 9 ॥
குஶலா வ்யவஹாரேஷு ஸௌஹ்ருதே³ஷு பரீக்ஷிதா꞉ ।
ப்ராப்தகாலம் து தே த³ண்ட³ம் தா⁴ரயேயு꞉ ஸுதேஷ்வபி ॥ 10 ॥
கோஶஸங்க்³ரஹணே யுக்தா ப³லஸ்ய ச பரிக்³ரஹே ।
அஹிதம் வா(அ)பி புருஷம் ந விஹிம்ஸ்யுரதூ³ஷகம் ॥ 11 ॥
வீராஶ்ச நியதோத்ஸாஹா ராஜஶாஸ்த்ரமநுவ்ரதா꞉ ।
ஶுசீநாம் ரக்ஷிதாரஶ்ச நித்யம் விஷயவாஸிநாம் ॥ 12 ॥
ப்³ரஹ்மக்ஷத்ரமஹிம்ஸந்தஸ்தே கோஶம் ஸமவர்த⁴யந் । [ஸமபூரயந்]
ஸுதீக்ஷ்ணத³ண்டா³꞉ ஸம்ப்ரேக்ஷ்ய புருஷஸ்ய ப³லாப³லம் ॥ 13 ॥
ஶுசீநாமேகபு³த்³தீ⁴நாம் ஸர்வேஷாம் ஸம்ப்ரஜாநதாம் ।
நாஸீத்புரே வா ராஷ்ட்ரே வா ம்ருஷாவாதீ³ நர꞉ க்வசித் ॥ 14 ॥
கஶ்சிந்ந து³ஷ்டஸ்தத்ராஸீத்பரதா³ரரதோ நர꞉ ।
ப்ரஶாந்தம் ஸர்வமேவாஸீத்³ராஷ்ட்ரம் புரவரம் ச தத் ॥ 15 ॥
ஸுவாஸஸ꞉ ஸுவேஷாஶ்ச தே ச ஸர்வே ஸுஶீலிந꞉ ।
ஹிதார்த²ம் ச நரேந்த்³ரஸ்ய ஜாக்³ரதோ நயசக்ஷுஷா ॥ 16 ॥
கு³ரௌ கு³ணக்³ருஹீதாஶ்ச ப்ரக்²யாதாஶ்ச பராக்ரமே ।
விதே³ஶேஷ்வபி விக்²யாதா꞉ ஸர்வதோ பு³த்³தி⁴நிஶ்சயாத் ॥ 17 ॥
[* அபி⁴தோ கு³ணவந்தஶ்ச ந சாஸந் கு³ணவர்ஜிதா꞉ । *]
ஸந்தி⁴விக்³ரஹதத்வஜ்ஞா꞉ ப்ரக்ருத்யா ஸம்பதா³ந்விதா꞉ ।
மந்த்ரஸம்வரணே யுக்தா꞉ ஶ்லக்ஷ்ணா꞉ ஸூக்ஷ்மாஸு பு³த்³தி⁴ஷு ॥ 18 ॥
நீதிஶாஸ்த்ரவிஶேஷஜ்ஞா꞉ ஸததம் ப்ரியவாதி³ந꞉ ।
ஈத்³ருஶைஸ்தைரமாத்யைஶ்ச ராஜா த³ஶரதோ²(அ)நக⁴꞉ ॥ 19 ॥
உபபந்நோ கு³ணோபேதைரந்வஶாஸத்³வஸுந்த⁴ராம் ।
அவேக்ஷமாணஶ்சாரேண ப்ரஜா த⁴ர்மேண ரஞ்ஜயந் ॥ 20 ॥
ப்ரஜாநாம் பாலநம் குர்வந்நத⁴ர்மம் பரிவர்ஜயந் ।
விஶ்ருதஸ்த்ரிஷு லோகேஷு வதா³ந்ய꞉ ஸத்யஸங்க³ர꞉ ॥ 21 ॥
ஸ தத்ர புருஷவ்யாக்⁴ர꞉ ஶஶாஸ ப்ருதி²வீமிமாம் ।
நாத்⁴யக³ச்ச²த்³விஶிஷ்டம் வா துல்யம் வா ஶத்ருமாத்மந꞉ ॥ 22 ॥
மித்ரவாந்நதஸாமந்த꞉ ப்ரதாபஹதகண்டக꞉ ।
ஸ ஶஶாஸ ஜக³த்³ராஜா தி³வம் தே³வபதிர்யதா² ॥ 23 ॥
தைர்மந்த்ரிபி⁴ர்மந்த்ரஹிதே நியுக்தை-
-ர்வ்ருதோ(அ)நுரக்தை꞉ குஶலை꞉ ஸமர்தை²꞉ ।
ஸ பார்தி²வோ தீ³ப்திமவாப யுக்த-
-ஸ்தேஜோமயைர்கோ³பி⁴ரிவோதி³தோ(அ)ர்க꞉ ॥ 24 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஸப்தம꞉ ஸர்க³꞉ ॥ 7 ॥
பா³லகாண்ட³ அஷ்டம꞉ ஸர்க³꞉ (8) >>
ஸம்பூர்ண வால்மீகி ராமாயணே பா³லகாண்ட³ பார்க்க
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
