Balakanda Sarga 67 – பா³லகாண்ட³ ஸப்தஷஷ்டிதம꞉ ஸர்க³꞉ (67)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ ஸப்தஷஷ்டிதம꞉ ஸர்க³꞉ (67)

॥ த⁴நுர்ப⁴ங்க³꞉ ॥

ஜநகஸ்ய வச꞉ ஶ்ருத்வா விஶ்வாமித்ரோ மஹாமுநி꞉ ।
த⁴நுர்த³ர்ஶய ராமாய இதி ஹோவாச பார்தி²வம் ॥ 1 ॥

தத꞉ ஸ ராஜா ஜநக꞉ ஸசிவாந்வ்யாதி³தே³ஶ ஹ ।
த⁴நுராநீயதாம் தி³வ்யம் க³ந்த⁴மால்யவிபூ⁴ஷிதம் ॥ 2 ॥

ஜநகேந ஸமாதி³ஷ்டா꞉ ஸசிவா꞉ ப்ராவிஶந்புரீம் ।
தத்³த⁴நு꞉ புரத꞉ க்ருத்வா நிர்ஜக்³மு꞉ பார்தி²வாஜ்ஞயா ॥ 3 ॥

ந்ருணாம் ஶதாநி பஞ்சாஶத்³வ்யாயதாநாம் மஹாத்மநாம் ।
மஞ்ஜூஷாமஷ்டசக்ராம் தாம் ஸமூஹுஸ்தே கத²ஞ்சந ॥ 4 ॥

தாமாதா³ய து மஞ்ஜூஷாமாயஸீம் யத்ர தத்³த⁴நு꞉ ।
ஸுரோபமம் தே ஜநகமூசுர்ந்ருபதிமந்த்ரிண꞉ ॥ 5 ॥

இத³ம் த⁴நுர்வரம் ராஜந்பூஜிதம் ஸர்வராஜபி⁴꞉ ।
மிதி²லாதி⁴ப ராஜேந்த்³ர த³ர்ஶநீயம் யதி³ச்ச²ஸி ॥ 6 ॥

தேஷாம் ந்ருபோ வச꞉ ஶ்ருத்வா க்ருதாஞ்ஜலிரபா⁴ஷத ।
விஶ்வாமித்ரம் மஹாத்மாநம் தௌ சோபௌ⁴ ராமலக்ஷ்மணௌ ॥ 7 ॥

இத³ம் த⁴நுர்வரம் ப்³ரஹ்மந் ஜநகைரபி⁴பூஜிதம் ।
ராஜபி⁴ஶ்ச மஹாவீர்யைரஶக்தை꞉ பூரிதும் புரா ॥ 8 ॥

நைதத்ஸுரக³ணா꞉ ஸர்வே நாஸுரா ந ச ராக்ஷஸா꞉ ।
க³ந்த⁴ர்வயக்ஷப்ரவரா꞉ ஸகிந்நரமஹோரகா³꞉ ॥ 9 ॥

க்வ க³திர்மாநுஷாணாம் ச த⁴நுஷோ(அ)ஸ்ய ப்ரபூரணே ।
ஆரோபணே ஸமாயோகே³ வேபநே தோலநே(அ)பி வா ॥ 10 ॥

ததே³தத்³த⁴நுஷாம் ஶ்ரேஷ்ட²மாநீதம் முநிபுங்க³வ ।
த³ர்ஶயைதந்மஹாபா⁴க³ அநயோ ராஜபுத்ரயோ꞉ ॥ 11 ॥

விஶ்வாமித்ரஸ்து த⁴ர்மாத்மா ஶ்ருத்வா ஜநகபா⁴ஷிதம் ।
வத்ஸ ராம த⁴நு꞉ பஶ்ய இதி ராக⁴வமப்³ரவீத் ॥ 12 ॥

ப்³ரஹ்மர்ஷேர்வசநாத்³ராமோ யத்ர திஷ்ட²தி தத்³த⁴நு꞉ ।
மஞ்ஜூஷாம் தாமபாவ்ருத்ய த்³ருஷ்ட்வா த⁴நுரதா²ப்³ரவீத் ॥ 13 ॥

இத³ம் த⁴நுர்வரம் ப்³ரஹ்மந் ஸம்ஸ்ப்ருஶாமீஹ பாணிநா ।
யத்நவாம்ஶ்ச ப⁴விஷ்யாமி தோலநே பூரணேபி வா ॥ 14 ॥

பா³ட⁴மித்யேவ தம் ராஜா முநிஶ்ச ஸமபா⁴ஷத ।
லீலயா ஸ த⁴நுர்மத்⁴யே ஜக்³ராஹ வசநாந்முநே꞉ ॥ 15 ॥

பஶ்யதாம் ந்ருஸஹஸ்ராணாம் ப³ஹூநாம் ரகு⁴நந்த³ந꞉ ।
ஆரோபயத்ஸ த⁴ர்மாத்மா ஸலீலமிவ தத்³த⁴நு꞉ ॥ 16 ॥

ஆரோபயித்வா த⁴ர்மாத்மா பூரயாமாஸ வீர்யவாந் ।
தத்³ப³ப⁴ஞ்ஜ த⁴நுர்மத்⁴யே நரஶ்ரேஷ்டோ² மஹாயஶா꞉ ॥ 17 ॥

தஸ்ய ஶப்³தோ³ மஹாநாஸீந்நிர்கா⁴தஸமநி꞉ஸ்வந꞉ ।
பூ⁴மிகம்பஶ்ச ஸுமஹாந்பர்வதஸ்யேவ தீ³ர்யத꞉ ॥ 18 ॥

நிபேதுஶ்ச நரா꞉ ஸர்வே தேந ஶப்³தே³ந மோஹிதா꞉ ।
வர்ஜயித்வா முநிவரம் ராஜாநம் தௌ ச ராக⁴வௌ ॥ 19 ॥

ப்ரத்யாஶ்வஸ்தே ஜநே தஸ்மிந்ராஜா விக³தஸாத்⁴வஸ꞉ ।
உவாச ப்ராஞ்ஜலிர்வாக்யம் வாக்யஜ்ஞோ முநிபுங்க³வம் ॥ 20 ॥

ப⁴க³வந்த்³ருஷ்டவீர்யோ மே ராமோ த³ஶரதா²த்மஜ꞉ ।
அத்யத்³பு⁴தமசிந்த்யம் ச ந தர்கிதமித³ம் மயா ॥ 21 ॥

ஜநகாநாம் குலே கீர்திமாஹரிஷ்யதி மே ஸுதா ।
ஸீதா ப⁴ர்தாரமாஸாத்³ய ராமம் த³ஶரதா²த்மஜம் ॥ 22 ॥

மம ஸத்யா ப்ரதிஜ்ஞா ச வீர்யஶுல்கேதி கௌஶிக ।
ஸீதா ப்ராணைர்ப³ஹுமதா தே³யா ராமாய மே ஸுதா ॥ 23 ॥

ப⁴வதோ(அ)நுமதே ப்³ரஹ்மந் ஶீக்⁴ரம் க³ச்ச²ந்து மந்த்ரிண꞉ ।
மம கௌஶிக ப⁴த்³ரம் தே அயோத்⁴யாம் த்வரிதா ரதை²꞉ ॥ 24 ॥

ராஜாநம் ப்ரஶ்ரிதைர்வாக்யைராநயந்து புரம் மம ।
ப்ரதா³நம் வீர்யஶுல்காயா꞉ கத²யந்து ச ஸர்வஶ꞉ ॥ 25 ॥

முநிகு³ப்தௌ ச காகுத்ஸ்தௌ² கத²யந்து ந்ருபாய வை ।
ப்ரீயமாணம் து ராஜாநமாநயந்து ஸுஶீக்⁴ரகா³꞉ ॥ 26 ॥

கௌஶிகஶ்ச ததே²த்யாஹ ராஜா சாபா⁴ஷ்ய மந்த்ரிண꞉ ।
அயோத்⁴யாம் ப்ரேஷயாமாஸ த⁴ர்மாத்மா க்ருதஶாஸநாந் ॥ 27 ॥

[* யதா²வ்ருத்தம் ஸமாக்²யாதுமாநேதும் ச ந்ருபம் ததா³ । *]

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஸப்தஷஷ்டிதம꞉ ஸர்க³꞉ ॥ 67 ॥

பா³லகாண்ட³ அஷ்டஷஷ்டிதம꞉ ஸர்க³꞉ (68) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.