Balakanda Sarga 65 – பா³லகாண்ட³ பஞ்சஷஷ்டிதம꞉ ஸர்க³꞉ (65)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ பஞ்சஷஷ்டிதம꞉ ஸர்க³꞉ (65)

॥ ப்³ரஹ்மர்ஷித்வப்ராப்தி꞉ ॥

அத² ஹைமவதீம் ராம தி³ஶம் த்யக்த்வா மஹாமுநி꞉ ।
பூர்வாம் தி³ஶமநுப்ராப்ய தபஸ்தேபே ஸுதா³ருணம் ॥ 1 ॥

மௌநம் வர்ஷஸஹஸ்ரஸ்ய க்ருத்வா வ்ரதமநுத்தமம் ।
சகாராப்ரதிமம் ராம தப꞉ பரமது³ஷ்கரம் ॥ 2 ॥

பூர்ணே வர்ஷஸஹஸ்ரே து காஷ்ட²பூ⁴தம் மஹாமுநிம் ।
விக்⁴நைர்ப³ஹுபி⁴ராதூ⁴தம் க்ரோதோ⁴ நாந்தரமாவிஶத் ॥ 3 ॥

ஸ க்ருத்வா நிஶ்சயம் ராம தப ஆதிஷ்ட²த³வ்யயம் ।
தஸ்ய வர்ஷஸஹஸ்ரஸ்ய வ்ரதே பூர்ணே மஹாவ்ரத꞉ ॥ 4 ॥

போ⁴க்துமாரப்³த⁴வாநந்நம் தஸ்மிந்காலே ரகூ⁴த்தம ।
இந்த்³ரோ த்³விஜாதிர்பூ⁴த்வா தம் ஸித்³த⁴மந்நமயாசத ॥ 5 ॥

தஸ்மை த³த்த்வா ததா³ ஸித்³த⁴ம் ஸர்வம் விப்ராய நிஶ்சித꞉ ।
நி꞉ஶேஷிதே(அ)ந்நே ப⁴க³வாநபு⁴க்த்வைவ மஹாதபா꞉ ॥ 6 ॥

ந கிஞ்சித³வத³த்³விப்ரம் மௌநவ்ரதமுபாஸ்தி²த꞉ ।
அத² வர்ஷஸஹஸ்ரம் வை நோச்ச்²வஸந்முநிபுங்க³வ꞉ ॥ 7 ॥

தஸ்யாநுச்ச்²வஸமாநஸ்ய மூர்த்⁴நி தூ⁴மோ வ்யஜாயத ।
த்ரைலோக்யம் யேந ஸம்ப்⁴ராந்தமாதீ³பிதமிவாப⁴வத் ॥ 8 ॥

ததோ தே³வா꞉ ஸக³ந்த⁴ர்வா꞉ பந்நகோ³ரக³ராக்ஷஸா꞉ ।
மோஹிதாஸ்தேஜஸா தஸ்ய தபஸா மந்த³ரஶ்மய꞉ ॥ 9 ॥

கஶ்மளோபஹதா꞉ ஸர்வே பிதாமஹமதா²ப்³ருவந் ।
ப³ஹுபி⁴꞉ காரணைர்தே³வ விஶ்வாமித்ரோ மஹாமுநி꞉ ॥ 10 ॥

லோபி⁴த꞉ க்ரோதி⁴தஶ்சைவ தபஸா சாபி⁴வர்த⁴தே ।
ந ஹ்யஸ்ய வ்ருஜிநம் கிஞ்சித்³த்³ருஶ்யதே ஸூக்ஷ்மமப்யத² ॥ 11 ॥

ந தீ³யதே யதி³ த்வஸ்ய மநஸா யத³பீ⁴ப்ஸிதம் ।
விநாஶயதி த்ரைலோக்யம் தபஸா ஸசராசரம் ॥ 12 ॥

வ்யாகுலாஶ்ச தி³ஶ꞉ ஸர்வா ந ச கிஞ்சித்ப்ரகாஶதே ।
ஸாக³ரா꞉ க்ஷுபி⁴தா꞉ ஸர்வே விஶீர்யந்தே ச பர்வதா꞉ ॥ 13 ॥

பா⁴ஸ்கரோ நிஷ்ப்ரப⁴ஶ்சைவ மஹர்ஷேஸ்தஸ்ய தேஜஸா ।
ப்ரகம்பதே ச ப்ருதி²வீ வாயுர்வாதி ப்⁴ருஶாகுல꞉ ॥ 14 ॥

ப்³ரஹ்மந்ந ப்ரதிஜாநீமோ நாஸ்திகோ ஜாயதே ஜந꞉ ।
ஸம்மூட⁴மிவ த்ரைலோக்யம் ஸம்ப்ரக்ஷுபி⁴தமாநஸம் ॥ 15 ॥

பு³த்³தி⁴ம் ந குருதே யாவந்நாஶே தே³வ மஹாமுநி꞉ ।
தாவத்ப்ரஸாத்³யோ ப⁴க³வாநக்³நிரூபோ மஹாத்³யுதி꞉ ॥ 16 ॥

காலாக்³நிநா யதா² பூர்வம் த்ரைலோக்யம் த³ஹ்யதே(அ)கி²லம் ।
தே³வராஜ்யம் சிகீர்ஷேத தீ³யதாமஸ்ய யந்மதம் ॥ 17 ॥

தத꞉ ஸுரக³ணா꞉ ஸர்வே பிதாமஹபுரோக³மா꞉ ।
விஶ்வாமித்ரம் மஹாத்மாநம் வாக்யம் மது⁴ரமப்³ருவந் ॥ 18 ॥

ப்³ரஹ்மர்ஷே ஸ்வாக³தம் தே(அ)ஸ்து தபஸா ஸ்ம ஸுதோஷிதா꞉ ।
ப்³ராஹ்மண்யம் தபஸோக்³ரேண ப்ராப்தவாநஸி கௌஶிக ॥ 19 ॥

தீ³ர்க⁴மாயுஶ்ச தே ப்³ரஹ்மந்த³தா³மி ஸமருத்³க³ண꞉ ।
ஸ்வஸ்தி ப்ராப்நுஹி ப⁴த்³ரம் தே க³ச்ச² ஸௌம்ய யதா²ஸுக²ம் ॥ 20 ॥

பிதாமஹவச꞉ ஶ்ருத்வா ஸர்வேஷாம் த்ரிதி³வௌகஸாம் ।
க்ருத்வா ப்ரணாமம் முதி³தோ வ்யாஜஹார மஹாமுநி꞉ ॥ 21 ॥

ப்³ராஹ்மண்யம் யதி³ மே ப்ராப்தம் தீ³ர்க⁴மாயுஸ்ததை²வ ச ।
ஓங்காரஶ்ச வஷட்காரோ வேதா³ஶ்ச வரயந்து மாம் ॥ 22 ॥

க்ஷத்ரவேத³விதா³ம் ஶ்ரேஷ்டோ² ப்³ரஹ்மவேத³விதா³மபி ।
ப்³ரஹ்மபுத்ரோ வஸிஷ்டோ² மாமேவம் வத³து தே³வதா꞉ ॥ 23 ॥

யத்³யயம் பரம꞉ காம꞉ க்ருதோ யாந்து ஸுரர்ஷபா⁴꞉ ।
தத꞉ ப்ரஸாதி³தோ தே³வைர்வஸிஷ்டோ² ஜபதாம் வர꞉ ॥ 24 ॥

ஸக்²யம் சகார ப்³ரஹ்மர்ஷிரேவமஸ்த்விதி சாப்³ரவீத் ।
ப்³ரஹ்மர்ஷிஸ்த்வம் ந ஸந்தே³ஹ꞉ ஸர்வம் ஸம்பத்ஸ்யதே தவ ॥ 25 ॥

இத்யுக்த்வா தே³வதாஶ்சாபி ஸர்வா ஜக்³முர்யதா²க³தம் ।
விஶ்வாமித்ரோ(அ)பி த⁴ர்மாத்மா லப்³த்⁴வா ப்³ராஹ்மண்யமுத்தமம் ॥ 26 ॥

பூஜயாமாஸ ப்³ரஹ்மர்ஷிம் வஸிஷ்ட²ம் ஜபதாம் வரம் ।
க்ருதகாமோ மஹீம் ஸர்வாம் சசார தபஸி ஸ்தி²த꞉ ॥ 27 ॥

ஏவம் த்வநேந ப்³ராஹ்மண்யம் ப்ராப்தம் ராம மஹாத்மநா ।
ஏஷ ராம முநிஶ்ரேஷ்ட² ஏஷ விக்³ரஹவாம்ஸ்தப꞉ ॥ 28 ॥

ஏஷ த⁴ர்மபரோ நித்யம் வீர்யஸ்யைஷ பராயணம் ।
ஏவமுக்த்வா மஹாதேஜா விரராம த்³விஜோத்தம꞉ ॥ 29 ॥

ஶதாநந்த³வச꞉ ஶ்ருத்வா ராமலக்ஷ்மணஸந்நிதௌ⁴ ।
ஜநக꞉ ப்ராஞ்ஜலிர்வாக்யமுவாச குஶிகாத்மஜம் ॥ 30 ॥

த⁴ந்யோ(அ)ஸ்ம்யநுக்³ருஹீதோ(அ)ஸ்மி யஸ்ய மே முநிபுங்க³வ ।
யஜ்ஞம் காகுத்ஸ்த²ஸஹித꞉ ப்ராப்தவாநஸி கௌஶிக ॥ 31 ॥ [தா⁴ர்மிக]

பாவிதோ(அ)ஹம் த்வயா ப்³ரஹ்மந்த³ர்ஶநேந மஹாமுநே ।
விஶ்வாமித்ர மஹாபா⁴க³ ப்³ரஹ்மர்ஷீணாம் வரோத்தம ॥ 32 ॥

கு³ணா ப³ஹுவிதா⁴꞉ ப்ராப்தாஸ்தவ ஸந்த³ர்ஶநாந்மயா ।
விஸ்தரேண ச தே ப்³ரஹ்மந்கீர்த்யமாநம் மஹத்தப꞉ ॥ 33 ॥

ஶ்ருதம் மயா மஹாதேஜோ ராமேண ச மஹாத்மநா ।
ஸத³ஸ்யை꞉ ப்ராப்ய ச ஸத³꞉ ஶ்ருதாஸ்தே ப³ஹவோ கு³ணா꞉ ॥ 34 ॥

அப்ரமேயம் தபஸ்துப்⁴யமப்ரமேயம் ச தே ப³லம் ।
அப்ரமேயா கு³ணாஶ்சைவ நித்யம் தே குஶிகாத்மஜ ॥ 35 ॥

த்ருப்திராஶ்சர்யபூ⁴தாநாம் கதா²நாம் நாஸ்தி மே விபோ⁴ ।
கர்மகாலோ முநிஶ்ரேஷ்ட² லம்ப³தே ரவிமண்ட³லம் ॥ 36 ॥

ஶ்வ꞉ ப்ரபா⁴தே மஹாதேஜோ த்³ரஷ்டுமர்ஹஸி மாம் புந꞉ ।
ஸ்வாக³தம் தபதாம் ஶ்ரேஷ்ட² மாமநுஜ்ஞாதுமர்ஹஸி ॥ 37 ॥

ஏவமுக்தோ முநிவர꞉ ப்ரஶஸ்ய புருஷர்ஷப⁴ம் ।
விஸஸர்ஜாஶு ஜநகம் ப்ரீதம் ப்ரீதமநாஸ்ததா³ ॥ 38 ॥

ஏவமுக்த்வா முநிஶ்ரேஷ்ட²ம் வைதே³ஹோ மிதி²லாதி⁴ப꞉ ।
ப்ரத³க்ஷிணம் சகாராத² ஸோபாத்⁴யாய꞉ ஸபா³ந்த⁴வ꞉ ॥ 39 ॥

விஶ்வாமித்ரோ(அ)பி த⁴ர்மாத்மா ஸராம꞉ ஸஹலக்ஷ்மண꞉ ।
ஸ்வவாடமபி⁴சக்ராம பூஜ்யமாநோ மஹர்ஷிபி⁴꞉ ॥ 40 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ பஞ்சஷஷ்டிதம꞉ ஸர்க³꞉ ॥ 65 ॥

பா³லகாண்ட³ ஷட்ஷஷ்டிதம꞉ ஸர்க³꞉ (66) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.