Balakanda Sarga 56 – பா³லகாண்ட³ ஷட்பஞ்சாஶ꞉ ஸர்க³꞉ (56)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ ஷட்பஞ்சாஶ꞉ ஸர்க³꞉ (56)

॥ ப்³ரஹ்மதேஜோப³லம் ॥

ஏவமுக்தோ வஸிஷ்டே²ந விஶ்வாமித்ரோ மஹாப³ல꞉ ।
ஆக்³நேயமஸ்த்ரமுத்க்ஷிப்ய திஷ்ட² திஷ்டே²தி சாப்³ரவீத் ॥ 1 ॥

ப்³ரஹ்மத³ண்ட³ம் ஸமுத்க்ஷிப்ய காலத³ண்ட³மிவாபரம் ।
வஸிஷ்டோ² ப⁴க³வாந்க்ரோதா⁴தி³த³ம் வசநமப்³ரவீத் ॥ 2 ॥

க்ஷத்ரப³ந்தோ⁴ ஸ்தி²தோ(அ)ஸ்ம்யேஷ யத்³ப³லம் தத்³வித³ர்ஶய ।
நாஶயாம்யத்³ய தே த³ர்பம் ஶஸ்த்ரஸ்ய தவ கா³தி⁴ஜ ॥ 3 ॥

க்வ ச தே க்ஷத்ரியப³லம் க்வ ச ப்³ரஹ்மப³லம் மஹத் ।
பஶ்ய ப்³ரஹ்மப³லம் தி³வ்யம் மம க்ஷத்ரியபாம்ஸந ॥ 4 ॥

தஸ்யாஸ்த்ரம் கா³தி⁴புத்ரஸ்ய கோ⁴ரமாக்³நேயமுத்³யதம் ।
ப்³ரஹ்மத³ண்டே³ந தச்சா²ந்தமக்³நேர்வேக³ இவாம்ப⁴ஸா ॥ 5 ॥

வாருணம் சைவ ரௌத்³ரம் ச ஐந்த்³ரம் பாஶுபதம் ததா² ।
ஐஷீகம் சாபி சிக்ஷேப குபிதோ கா³தி⁴நந்த³ந꞉ ॥ 6 ॥

மாநவம் மோஹநம் சைவ கா³ந்த⁴ர்வம் ஸ்வாபநம் ததா² ।
ஜ்ரும்ப⁴ணம் மாத³நம் சைவ ஸந்தாபநவிளாபநே ॥ 7 ॥

ஶோஷணம் தா³ரணம் சைவ வஜ்ரமஸ்த்ரம் ஸுது³ர்ஜயம் ।
ப்³ரஹ்மபாஶம் காலபாஶம் வாருணம் பாஶமேவ ச ॥ 8 ॥

பைநாகாஸ்த்ரம் ச த³யிதம் ஶுஷ்கார்த்³ரே அஶநீ உபே⁴ ।
த³ண்டா³ஸ்த்ரமத² பைஶாசம் க்ரௌஞ்சமஸ்த்ரம் ததை²வ ச ॥ 9 ॥

த⁴ர்மசக்ரம் காலசக்ரம் விஷ்ணுசக்ரம் ததை²வ ச ।
வாயவ்யம் மத²நம் சைவ அஸ்த்ரம் ஹயஶிரஸ்ததா² ॥ 10 ॥

ஶக்தித்³வயம் ச சிக்ஷேப கங்காலம் முஸலம் ததா² ।
வைத்³யாத⁴ரம் மஹாஸ்த்ரம் ச காலாஸ்த்ரமத² தா³ருணம் ॥ 11 ॥

த்ரிஶூலமஸ்த்ரம் கோ⁴ரம் ச காபாலமத² கங்கணம் ।
ஏதாந்யஸ்த்ராணி சிக்ஷேப ஸர்வாணி ரகு⁴நந்த³ந ॥ 12 ॥

வஸிஷ்டே² ஜபதாம் ஶ்ரேஷ்டே² தத³த்³பு⁴தமிவாப⁴வத் ।
தாநி ஸர்வாணி த³ண்டே³ந க்³ரஸதே ப்³ரஹ்மண꞉ ஸுத꞉ ॥ 13 ॥

தேஷு ஶாந்தேஷு ப்³ரஹ்மாஸ்த்ரம் க்ஷிப்தவாந்கா³தி⁴நந்த³ந꞉ ।
தத³ஸ்த்ரமுத்³யதம் த்³ருஷ்ட்வா தே³வா꞉ ஸாக்³நிபுரோக³மா꞉ ॥ 14 ॥

தே³வர்ஷயஶ்ச ஸம்ப்⁴ராந்தா க³ந்த⁴ர்வா꞉ ஸமஹோரகா³꞉ ।
த்ரைலோக்யமாஸீத்ஸந்த்ரஸ்தம் ப்³ரஹ்மாஸ்த்ரே ஸமுதீ³ரிதே ॥ 15 ॥

தத³ப்யஸ்த்ரம் மஹாகோ⁴ரம் ப்³ராஹ்மம் ப்³ராஹ்மேண தேஜஸா ।
வஸிஷ்டோ² க்³ரஸதே ஸர்வம் ப்³ரஹ்மத³ண்டே³ந ராக⁴வ ॥ 16 ॥

ப்³ரஹ்மாஸ்த்ரம் க்³ரஸமாநஸ்ய வஸிஷ்ட²ஸ்ய மஹாத்மந꞉ ।
த்ரைலோக்யமோஹநம் ரௌத்³ரம் ரூபமாஸீத்ஸுதா³ருணம் ॥ 17 ॥

ரோமகூபேஷு ஸர்வேஷு வஸிஷ்ட²ஸ்ய மஹாத்மந꞉ ।
மரீச்ய இவ நிஷ்பேதுரக்³நேர்தூ⁴மாகுலார்சிஷ꞉ ॥ 18 ॥

ப்ராஜ்வலத்³ப்³ரஹ்மத³ண்ட³ஶ்ச வஸிஷ்ட²ஸ்ய கரோத்³யத꞉ ।
விதூ⁴ம இவ காலாக்³நிர்யமத³ண்ட³ இவாபர꞉ ॥ 19 ॥

ததோ(அ)ஸ்துவந்முநிக³ணா வஸிஷ்ட²ம் ஜபதாம் வரம் ।
அமேயம் தே ப³லம் ப்³ரஹ்மம்ஸ்தேஜோ தா⁴ரய தேஜஸா ॥ 20 ॥

நிக்³ருஹீதஸ்த்வயா ப்³ரஹ்மந்விஶ்வாமித்ரோ மஹாதபா꞉ ।
ப்ரஸீத³ ஜபதாம் ஶ்ரேஷ்ட² லோகா꞉ ஸந்து க³தவ்யதா²꞉ ॥ 21 ॥

ஏவமுக்தோ மஹாதேஜா꞉ ஶமம் சக்ரே மஹாதபா꞉ ।
விஶ்வாமித்ரோ(அ)பி நிக்ருதோ விநி꞉ஶ்வஸ்யேத³மப்³ரவீத் ॥ 22 ॥

தி⁴க்³ப³லம் க்ஷத்ரியப³லம் ப்³ரஹ்மதேஜோப³லம் ப³லம் ।
ஏகேந ப்³ரஹ்மத³ண்டே³ந ஸர்வாஸ்த்ராணி ஹதாநி மே ॥ 23 ॥

ததே³தத்ஸமவேக்ஷ்யாஹம் ப்ரஸந்நேந்த்³ரியமாநஸ꞉ ।
தபோ மஹத்ஸமாஸ்தா²ஸ்யே யத்³வை ப்³ரஹ்மத்வகாரணம் ॥ 24 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஷட்பஞ்சாஶ꞉ ஸர்க³꞉ ॥ 56 ॥

பா³லகாண்ட³ ஸப்தபஞ்சாஶ꞉ ஸர்க³꞉ (57) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.