Read in తెలుగు / ಕನ್ನಡ / தமிழ் / देवनागरी / English (IAST)
॥ உமாமாஹாத்ம்யம் ॥
உக்தவாக்யே முநௌ தஸ்மிந்நுபௌ⁴ ராக⁴வலக்ஷ்மணௌ ।
அபி⁴நந்த்³ய கதா²ம் வீராவூசதுர்முநிபுங்க³வம் ॥ 1 ॥
த⁴ர்மயுக்தமித³ம் ப்³ரஹ்மந்கதி²தம் பரமம் த்வயா ।
து³ஹிது꞉ ஶைலராஜஸ்ய ஜ்யேஷ்டா²யா வக்துமர்ஹஸி ॥ 2 ॥
விஸ்தரம் விஸ்தரஜ்ஞோ(அ)ஸி தி³வ்யமாநுஷஸம்ப⁴வம் ।
த்ரீந்பதோ² ஹேதுநா கேந ப்லாவயேல்லோகபாவநீ ॥ 3 ॥
கத²ம் க³ங்கா³ த்ரிபத²கா³ விஶ்ருதா ஸரிது³த்தமா ।
த்ரிஷு லோகேஷு த⁴ர்மஜ்ஞ கர்மபி⁴꞉ கை꞉ ஸமந்விதா ॥ 4 ॥
ததா² ப்³ருவதி காகுத்ஸ்தே² விஶ்வாமித்ரஸ்தபோத⁴ந꞉ ।
நிகி²லேந கதா²ம் ஸர்வாம்ருஷிமத்⁴யே ந்யவேத³யத் ॥ 5 ॥
புரா ராம க்ருதோத்³வாஹோ நீலகண்டோ² மஹாதபா꞉ । [ஶிதிகண்டோ²]
த்³ருஷ்ட்வா ச ஸ்ப்ருஹயா தே³வீம் மைது²நாயோபசக்ரமே ॥ 6 ॥
ஶிதிகண்ட²ஸ்ய தே³வஸ்ய தி³வ்யம் வர்ஷஶதம் க³தம் ।
தஸ்ய ஸங்க்ரீட³மாநஸ்ய மஹாதே³வஸ்ய தீ⁴மத꞉ ॥ 7 ॥
ந சாபி தநயோ ராம தஸ்யாமாஸீத்பரந்தப ।
ததோ தே³வா꞉ ஸமுத்³விக்³நா꞉ பிதாமஹபுரோக³மா꞉ ॥ 8 ॥
யதி³ஹோத்பத்³யதே பூ⁴தம் கஸ்தத்ப்ரதிஸஹிஷ்யதே ।
அபி⁴க³ம்ய ஸுரா꞉ ஸர்வே ப்ரணிபத்யேத³மப்³ருவந் ॥ 9 ॥
தே³வ தே³வ மஹாதே³வ லோகஸ்யாஸ்ய ஹிதே ரத ।
ஸுராணாம் ப்ரணிபாதேந ப்ரஸாத³ம் கர்துமர்ஹஸி ॥ 10 ॥
ந லோகா தா⁴ரயிஷ்யந்தி தவ தேஜ꞉ ஸுரோத்தம ।
ப்³ராஹ்மேண தபஸா யுக்தோ தே³வ்யா ஸஹ தபஶ்சர ॥ 11 ॥
த்ரைலோக்யஹிதகாமார்த²ம் தேஜஸ்தேஜஸி தா⁴ரய ।
ரக்ஷ ஸர்வாநிமாம்ˮல்லோகாந்நாலோகம் கர்துமர்ஹஸி ॥ 12 ॥
தே³வதாநாம் வச꞉ ஶ்ருத்வா ஸர்வலோகமஹேஶ்வர꞉ ।
பா³ட⁴மித்யப்³ரவீத்ஸர்வாந்புநஶ்சேத³முவாச ஹ ॥ 13 ॥
தா⁴ரயிஷ்யாம்யஹம் தேஜஸ்தேஜஸ்யேவ ஸஹோமயா ।
த்ரித³ஶா꞉ ப்ருதி²வீ சைவ நிர்வாணமதி⁴க³ச்ச²து ॥ 14 ॥
யதி³த³ம் க்ஷுபி⁴தம் ஸ்தா²நாந்மம தேஜோ ஹ்யநுத்தமம் ।
தா⁴ரயிஷ்யதி கஸ்தந்மே ப்³ருவந்து ஸுரஸத்தமா꞉ ॥ 15 ॥
ஏவமுக்தாஸ்ததோ தே³வா꞉ ப்ரத்யூசுர்வ்ருஷப⁴த்⁴வஜம் ।
யத்தேஜ꞉ க்ஷுபி⁴தம் ஹ்யேதத்தத்³த⁴ரா தா⁴ரயிஷ்யதி ॥ 16 ॥
ஏவமுக்த꞉ ஸுரபதி꞉ ப்ரமுமோச மஹீதலே ।
தேஜஸா ப்ருதி²வீ யேந வ்யாப்தா ஸகி³ரிகாநநா ॥ 17 ॥
ததோ தே³வா꞉ புநரித³மூசுஶ்சாத² ஹுதாஶநம் ।
ப்ரவிஶ த்வம் மஹாதேஜோ ரௌத்³ரம் வாயுஸமந்வித꞉ ॥ 18 ॥
தத³க்³நிநா புநர்வ்யாப்தம் ஸஞ்ஜாத꞉ ஶ்வேதபர்வத꞉ ।
தி³வ்யம் ஶரவணம் சைவ பாவகாதி³த்யஸந்நிப⁴ம் ॥ 19 ॥
யத்ர ஜாதோ மஹாதேஜா꞉ கார்திகேயோ(அ)க்³நிஸம்ப⁴வ꞉ ।
அதோ²மாம் ச ஶிவம் சைவ தே³வா꞉ ஸர்ஷிக³ணாஸ்ததா³ ॥ 20 ॥
பூஜயாமாஸுரத்யர்த²ம் ஸுப்ரீதமநஸஸ்தத꞉ ।
அத² ஶைலஸுதா ராம த்ரித³ஶாநித³மப்³ரவீத் ॥ 21 ॥
அப்ரியஸ்ய க்ருதஸ்யாத்³ய ப²லம் ப்ராப்ஸ்யத² மே ஸுரா꞉ ।
இத்யுக்த்வா ஸலிலம் க்³ருஹ்ய பார்வதீ பா⁴ஸ்கரப்ரபா⁴ ॥ 22 ॥
ஸமந்யுரஶபத்ஸர்வாந்க்ரோத⁴ஸம்ரக்தலோசநா ।
யஸ்மாந்நிவாரிதா சைவ ஸங்க³தி꞉ புத்ரகாம்யயா ॥ 23 ॥
அபத்யம் ஸ்வேஷு தா³ரேஷு நோத்பாத³யிதுமர்ஹத² ।
அத்³யப்ரப்⁴ருதி யுஷ்மாகமப்ரஜா꞉ ஸந்து பத்நய꞉ ॥ 24 ॥
ஏவமுக்த்வா ஸுராந் ஸர்வாந் ஶஶாப ப்ருதி²வீமபி ।
அவநே நைகரூபா த்வம் ப³ஹுபா⁴ர்யா ப⁴விஷ்யஸி ॥ 25 ॥
ந ச புத்ரக்ருதாம் ப்ரீதிம் மத்க்ரோத⁴கலுஷீக்ருதா ।
ப்ராப்ஸ்யஸி த்வம் ஸுது³ர்மேதே⁴ மம புத்ரமநிச்ச²தீ ॥ 26 ॥
தாந்ஸர்வாந்வ்ரீடி³தாந்த்³ருஷ்ட்வா ஸுராந்ஸுரபதிஸ்ததா³ ।
க³மநாயோபசக்ராம தி³ஶம் வருணபாலிதாம் ॥ 27 ॥
ஸ க³த்வா தப ஆதிஷ்ட²த்பார்ஶ்வே தஸ்யோத்தரே கி³ரே꞉ ।
ஹிமவத்ப்ரப⁴வே ஶ்ருங்கே³ ஸஹ தே³வ்யா மஹேஶ்வர꞉ ॥ 28 ॥
ஏஷ தே விஸ்தரோ ராம ஶைலபுத்ர்யா நிவேதி³த꞉ ।
க³ங்கா³யா꞉ ப்ரப⁴வம் சைவ ஶ்ருணு மே ஸஹலக்ஷ்மண꞉ ॥ 29 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஷட்த்ரிம்ஶ꞉ ஸர்க³꞉ ॥ 36 ॥
பா³லகாண்ட³ ஸப்தத்ரிம்ஶ꞉ ஸர்க³꞉ (37) >>
ஸம்பூர்ண வால்மீகி ராமாயணே பா³லகாண்ட³ பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
