Balakanda Sarga 34 – பா³லகாண்ட³ சதுஸ்த்ரிம்ஶ꞉ ஸர்க³꞉ (34)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ சதுஸ்த்ரிம்ஶ꞉ ஸர்க³꞉ (34)

॥ விஶ்வாமித்ரவம்ஶவர்ணநம் ॥

க்ருதோத்³வாஹே க³தே தஸ்மிந்ப்³ரஹ்மத³த்தே ச ராக⁴வ ।
அபுத்ர꞉ புத்ரளாபா⁴ய பௌத்ரீமிஷ்டிமகல்பயத் ॥ 1 ॥

இஷ்ட்யாம் து வர்தமாநாயாம் குஶநாப⁴ம் மஹீபதிம் ।
உவாச பரமோதா³ர꞉ குஶோ ப்³ரஹ்மஸுதஸ்ததா³ ॥ 2 ॥

புத்ர தே ஸத்³ருஶ꞉ புத்ரோ ப⁴விஷ்யதி ஸுதா⁴ர்மிக꞉ ।
கா³தி⁴ம் ப்ராப்ஸ்யஸி தேந த்வம் கீர்திம் லோகே ச ஶாஶ்வதீம் ॥ 3 ॥

ஏவமுக்த்வா குஶோ ராம குஶநாப⁴ம் மஹீபதிம் ।
ஜகா³மாகாஶமாவிஶ்ய ப்³ரஹ்மலோகம் ஸநாதநம் ॥ 4 ॥

கஸ்யசித்த்வத² காலஸ்ய குஶநாப⁴ஸ்ய தீ⁴மத꞉ ।
ஜஜ்ஞே பரமத⁴ர்மிஷ்டோ² கா³தி⁴ரித்யேவ நாமத꞉ ॥ 5 ॥

ஸ பிதா மம காகுத்ஸ்த² கா³தி⁴꞉ பரமதா⁴ர்மிக꞉ ।
குஶவம்ஶப்ரஸூதோ(அ)ஸ்மி கௌஶிகோ ரகு⁴நந்த³ந ॥ 6 ॥

பூர்வஜா ப⁴கி³நீ சாபி மம ராக⁴வ ஸுவ்ரதா ।
நாம்நா ஸத்யவதீ நாம ருசீகே ப்ரதிபாதி³தா ॥ 7 ॥

ஸஶரீரா க³தா ஸ்வர்க³ம் ப⁴ர்தாரமநுவர்திநீ ।
கௌஶிகீ பரமோதா³ரா ஸா ப்ரவ்ருத்தா மஹாநதீ³ ॥ 8 ॥

தி³வ்யா புண்யோத³கா ரம்யா ஹிமவந்தமுபாஶ்ரிதா ।
லோகஸ்ய ஹிதகாமார்த²ம் ப்ரவ்ருத்தா ப⁴கி³நீ மம ॥ 9 ॥

ததோ(அ)ஹம் ஹிமவத்பார்ஶ்வே வஸாமி நிரத꞉ ஸுக²ம் ।
ப⁴கி³ந்யாம் ஸ்நேஹஸம்யுக்த꞉ கௌஶிக்யாம் ரகு⁴நந்த³ந ॥ 10 ॥

ஸா து ஸத்யவதீ புண்யா ஸத்யே த⁴ர்மே ப்ரதிஷ்டி²தா ।
பதிவ்ரதா மஹாபா⁴கா³ கௌஶிகீ ஸரிதாம்வரா ॥ 11 ॥

அஹம் ஹி நியமாத்³ராம ஹித்வா தாம் ஸமுபாக³த꞉ ।
ஸித்³தா⁴ஶ்ரமமநுப்ராப்ய ஸித்³தோ⁴(அ)ஸ்மி தவ தேஜஸா ॥ 12 ॥

ஏஷா ராம மமோத்பத்தி꞉ ஸ்வஸ்ய வம்ஶஸ்ய கீர்திதா ।
தே³ஶஸ்ய ச மஹாபா³ஹோ யந்மாம் த்வம் பரிப்ருச்ச²ஸி ॥ 13 ॥

க³தோ(அ)ர்த⁴ராத்ர꞉ காகுத்ஸ்த² கதா²꞉ கத²யதோ மம ।
நித்³ராமப்⁴யேஹி ப⁴த்³ரம் தே மா பூ⁴த்³விக்⁴நோ(அ)த்⁴வநீஹ ந꞉ ॥ 14 ॥

நிஷ்பந்தா³ஸ்தரவ꞉ ஸர்வே நிலீநா ம்ருக³பக்ஷிண꞉ ।
நைஶேந தமஸா வ்யாப்தா தி³ஶஶ்ச ரகு⁴நந்த³ந ॥ 15 ॥

ஶநைர்வியுஜ்யதே ஸந்த்⁴யா நபோ⁴ நேத்ரைரிவாவ்ருதம் ।
நக்ஷத்ரதாராக³ஹநம் ஜ்யோதிர்பி⁴ரவபா⁴ஸதே ॥ 16 ॥

உத்திஷ்ட²தே ச ஶீதாம்ஶு꞉ ஶஶீ லோகதமோநுத³꞉ ।
ஹ்லாத³யந் ப்ராணிநாம் லோகே மநாம்ஸி ப்ரப⁴யா விபோ⁴ ॥ 17 ॥

நைஶாநி ஸர்வபூ⁴தாநி ப்ரசரந்தி ததஸ்தத꞉ ।
யக்ஷராக்ஷஸஸங்கா⁴ஶ்ச ரௌத்³ராஶ்ச பிஶிதாஶநா꞉ ॥ 18 ॥

ஏவமுக்த்வா மஹாதேஜா விரராம மஹாமுநி꞉ ।
ஸாது⁴ ஸாத்⁴விதி தே ஸர்வே முநயோ ஹ்யப்⁴யபூஜயந் ॥ 19 ॥

குஶிகாநாமயம் வம்ஶோ மஹாந்த⁴ர்மபர꞉ ஸதா³ ।
ப்³ரஹ்மோபமா மஹாத்மாந꞉ குஶவம்ஶ்யா நரோத்தமா꞉ ॥ 20 ॥

விஶேஷேண ப⁴வாநேவ விஶ்வாமித்ரோ மஹாயஶா꞉ ।
கௌஶிகீ ச ஸரிச்ச்²ரேஷ்டா² குலோத்³த்³யோதகரீ தவ ॥ 21 ॥

இதி தைர்முநிஶார்தூ³ளை꞉ ப்ரஶஸ்த꞉ குஶிகாத்மஜ꞉ ।
நித்³ராமுபாக³மச்ச்²ரீமாநஸ்தம் க³த இவாம்ஶுமாந் ॥ 22 ॥

ராமோ(அ)பி ஸஹஸௌமித்ரி꞉ கிஞ்சிதா³க³தவிஸ்மய꞉ ।
ப்ரஶஸ்ய முநிஶார்தூ³ளம் நித்³ராம் ஸமுபஸேவதே ॥ 23 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ சதுஸ்த்ரிம்ஶ꞉ ஸர்க³꞉ ॥ 34 ॥

பா³லகாண்ட³ பஞ்சத்ரிம்ஶ꞉ ஸர்க³꞉ (35) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.