Balakanda Sarga 30 – பா³லகாண்ட³ த்ரிம்ஶ꞉ ஸர்க³꞉ (30)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ த்ரிம்ஶ꞉ ஸர்க³꞉ (30)

॥ யஜ்ஞரக்ஷணம் ॥

அத² தௌ தே³ஶகாலஜ்ஞௌ ராஜபுத்ராவரிந்த³மௌ ।
தே³ஶே காலே ச வாக்யஜ்ஞாவப்³ரூதாம் கௌஶிகம் வச꞉ ॥ 1 ॥

ப⁴க³வந் ஶ்ரோதுமிச்சா²வோ யஸ்மிந்காலே நிஶாசரௌ ।
ஸம்ரக்ஷணீயௌ தௌ ப்³ரஹ்மந்நாதிவர்தேத தத் க்ஷணம் ॥ 2 ॥

ஏவம் ப்³ருவாணௌ காகுத்ஸ்தௌ² த்வரமாணௌ யுயுத்ஸயா ।
ஸர்வே தே முநய꞉ ப்ரீதா꞉ ப்ரஶஶம்ஸுர்ந்ருபாத்மஜௌ ॥ 3 ॥

அத்³ய ப்ரப்⁴ருதி ஷட்³ராத்ரம் ரக்ஷதம் ராக⁴வௌ யுவாம் ।
தீ³க்ஷாம் க³தோ ஹ்யேஷ முநிர்மௌநித்வம் ச க³மிஷ்யதி ॥ 4 ॥

தௌ ச தத்³வசநம் ஶ்ருத்வா ராஜபுத்ரௌ யஶஸ்விநௌ ।
அநித்³ரௌ ஷட³ஹோராத்ரம் தபோவநமரக்ஷதாம் ॥ 5 ॥

உபாஸாம்சக்ரதுர்வீரௌ யத்தௌ பரமத⁴ந்விநௌ ।
ரரக்ஷதுர்முநிவரம் விஶ்வாமித்ரமரிந்த³மௌ ॥ 6 ॥

அத² காலே க³தே தஸ்மிந்ஷஷ்டே²(அ)ஹநி ஸமாக³தே ।
ஸௌமித்ரிமப்³ரவீத்³ராமோ யத்தோ ப⁴வ ஸமாஹித꞉ ॥ 7 ॥

ராமஸ்யைவம் ப்³ருவாணஸ்ய த்வரிதஸ்ய யுயுத்ஸயா ।
ப்ரஜஜ்வால ததோ வேதி³꞉ ஸோபாத்⁴யாயபுரோஹிதா ॥ 8 ॥

ஸத³ர்ப⁴சமஸஸ்ருக்கா ஸஸமித்குஸுமோச்சயா ।
விஶ்வாமித்ரேண ஸஹிதா வேதி³ர்ஜஜ்வால ஸர்த்விஜா ॥ 9 ॥

மந்த்ரவச்ச யதா²ந்யாயம் யஜ்ஞோ(அ)ஸௌ ஸம்ப்ரவர்ததே ।
ஆகாஶே ச மஹாந் ஶப்³த³꞉ ப்ராது³ராஸீத்³ப⁴யாநக꞉ ॥ 10 ॥

ஆவார்ய க³க³நம் மேகோ⁴ யதா² ப்ராவ்ருஷி நிர்க³த꞉ ।
ததா² மாயாம் விகுர்வாணௌ ராக்ஷஸாவப்⁴யதா⁴வதாம் ॥ 11 ॥

மாரீசஶ்ச ஸுபா³ஹுஶ்ச தயோரநுசராஶ்ச யே ।
ஆக³ம்ய பீ⁴மஸங்காஶா ருதி⁴ரௌக⁴மவாஸ்ருஜந் ॥ 12 ॥

ஸா தேந ருதி⁴ரௌகே⁴ண வேதீ³ம் தாமப்⁴யவர்ஷதாம் ।
த்³ருஷ்ட்வா வேதி³ம் ததா²பூ⁴தாம் ஸாநுஜ꞉ க்ரோத⁴ஸம்யுத꞉ ॥ 13 ॥

ஸஹஸா(அ)பி⁴த்³ருதோ ராமஸ்தாநபஶ்யத்ததோ தி³வி ।
தாவாபதந்தௌ ஸஹஸா த்³ருஷ்ட்வா ராஜீவலோசந꞉ ॥ 14 ॥

லக்ஷ்மணம் த்வாத² ஸம்ப்ரேக்ஷ்ய ராமோ வசநமப்³ரவீத் ।
பஶ்ய லக்ஷ்மண து³ர்வ்ருத்தாந்ராக்ஷஸாந்பிஶிதாஶநாந் ॥ 15 ॥

மாநவாஸ்த்ரஸமாதூ⁴தாநநிலேந யதா² க⁴நாந் ।
[* அதி⁴கபாட²꞉ –
கரிஷ்யாமி ந ஸந்தே³ஹோ நோத்ஸஹே ஹந்தும் ஈத்³ருஶாந் ।
இத்யுக்த்வா வசநம் ராமஶ்சாபே ஸந்தா⁴ய வேக³வாந் ।
*]
மாநவம் பரமோதா³ரமஸ்த்ரம் பரமபா⁴ஸ்வரம் ॥ 16 ॥

சிக்ஷேப பரம க்ருத்³தோ⁴ மாரீசோரஸி ராக⁴வ꞉ ।
ஸ தேந பரமாஸ்த்ரேண மாநவேந ஸமாஹித꞉ ॥ 17 ॥

ஸம்பூர்ணம் யோஜநஶதம் க்ஷிப்த꞉ ஸாக³ரஸம்ப்லவே ।
விசேதநம் விகூ⁴ர்ணந்தம் ஶீதேஷுப³லபீடி³தம் ॥ 18 ॥

நிரஸ்தம் த்³ருஶ்ய மாரீசம் ராமோ லக்ஷ்மணமப்³ரவீத் ।
பஶ்ய லக்ஷ்மணஶீதேஷும் மாநவம் மநுஸம்ஹிதம் ॥ 19 ॥

மோஹயித்வா நயத்யேநம் ந ச ப்ராணைர்வியுஜ்யதே ।
இமாநபி வதி⁴ஷ்யாமி நிர்க்⁴ருணாந்து³ஷ்டசாரிண꞉ ॥ 20 ॥

ராக்ஷஸாந்பாபகர்மஸ்தா²ந்யஜ்ஞக்⁴நாந்பிஶிதாஶநாந் ।
[* இத்யுக்த்வா லக்ஷ்மணம் சாஶு லாக⁴வம் த³ர்ஶயந் இவ । *]
ஸங்க்³ருஹ்யாஸ்த்ரம் ததோ ராமோ தி³வ்யமாக்³நேயமத்³பு⁴தம் ॥ 21 ॥

ஸுபா³ஹூரஸி சிக்ஷேப ஸ வித்³த⁴꞉ ப்ராபதத்³பு⁴வி ।
ஶேஷாந்வாயவ்யமாதா³ய நிஜகா⁴ந மஹாயஶா꞉ ॥ 22 ॥

ராக⁴வ꞉ பரமோதா³ரோ முநீநாம் முத³மாவஹந் ।
ஸ ஹத்வா ரக்ஷஸாந்ஸர்வாந்யஜ்ஞக்⁴நாந்ரகு⁴நந்த³ந꞉ ॥ 23 ॥

ருஷிபி⁴꞉ பூஜிதஸ்தத்ர யதே²ந்த்³ரோ விஜயே புரா ।
அத² யஜ்ஞே ஸமாப்தே து விஶ்வாமித்ரோ மஹாமுநி꞉ ।
நிரீதிகா தி³ஶோ த்³ருஷ்ட்வா காகுத்ஸ்த²மித³மப்³ரவீத் ॥ 24 ॥

க்ருதார்தோ²(அ)ஸ்மி மஹாபா³ஹோ க்ருதம் கு³ருவசஸ்த்வயா ।
ஸித்³தா⁴ஶ்ரமமித³ம் ஸத்யம் க்ருதம் ராம மஹாயஶ꞉ ॥ 25 ॥

[* ஸ ஹி ராமம் ப்ரஶஸ்யைவம் தாப்⁴யாம் ஸந்த்⁴யாமுபாக³மத் । *]

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ த்ரிம்ஶ꞉ ஸர்க³꞉ ॥ 30 ॥

பா³லகாண்ட³ ஏகத்ரிம்ஶ꞉ ஸர்க³꞉ (31) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.