Balakanda Sarga 28 – பா³லகாண்ட³ அஷ்டாவிம்ஶ꞉ ஸர்க³꞉ (28)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ அஷ்டாவிம்ஶ꞉ ஸர்க³꞉ (28)

॥ அஸ்த்ரஸம்ஹாரக்³ரஹணம் ॥

ப்ரதிக்³ருஹ்ய ததோ(அ)ஸ்த்ராணி ப்ரஹ்ருஷ்டவத³ந꞉ ஶுசி꞉ ।
க³ச்ச²ந்நேவ ச காகுத்ஸ்தோ² விஶ்வாமித்ரமதா²ப்³ரவீத் ॥ 1 ॥

க்³ருஹீதாஸ்த்ரோ(அ)ஸ்மி ப⁴க³வந்து³ராத⁴ர்ஷ꞉ ஸுராஸுரை꞉ ।
அஸ்த்ராணாம் த்வஹமிச்சா²மி ஸம்ஹாரம் முநிபுங்க³வ ॥ 2 ॥

ஏவம் ப்³ருவதி காகுத்ஸ்தே² விஶ்வாமித்ரோ மஹாமதி꞉ ।
ஸம்ஹாரம் வ்யாஜஹாராத² த்⁴ருதிமாந்ஸுவ்ரத꞉ ஶுசி꞉ ॥ 3 ॥

ஸத்யவந்தம் ஸத்யகீர்திம் த்⁴ருஷ்டம் ரப⁴ஸமேவ ச ।
ப்ரதிஹாரதரம் நாம பராங்முக²மவாங்முக²ம் ॥ 4 ॥

லக்ஷாக்ஷவிஷமௌ சைவ த்³ருட⁴நாப⁴ ஸுநாப⁴கௌ ।
த³ஶாக்ஷஶதவக்த்ரௌ ச த³ஶஶீர்ஷஶதோத³ரௌ ॥ 5 ॥

பத்³மநாப⁴மஹாநாபௌ⁴ து³ந்து³நாப⁴ஸுநாப⁴கௌ ।
ஜ்யோதிஷம் க்ருஶநம் சைவ நைராஶ்யவிமலாவுபௌ⁴ ॥ 6 ॥ [ஶகுநம்]

யோக³ந்த⁴ரஹரித்³ரௌ ச தை³த்யப்ரமத²நம் ததா² ।
ஶுசிர்பா³ஹுர்மஹாபா³ஹுர்நிஷ்குலிர்விருசிஸ்ததா² ॥ 7 ॥

ஸார்சிர்மாலீ த்⁴ருதிர்மாலீ வ்ருத்திமாந்ருசிரஸ்ததா² ।
பித்ர்யம் ஸௌமநஸம் சைவ விதூ⁴தமகராவுபௌ⁴ ॥ 8 ॥

கரவீரகரம் சைவ த⁴நதா⁴ந்யௌ ச ராக⁴வ ।
காமரூபம் காமருசிம் மோஹமாவரணம் ததா² ॥ 9 ॥

ஜ்ரும்ப⁴கம் ஸர்வநாப⁴ம் ச ஸந்தாநவரணௌ ததா² ।
க்ருஶாஶ்வதநயாந்ராம பா⁴ஸ்வராந்காமரூபிண꞉ ॥ 10 ॥

ப்ரதீச்ச² மம ப⁴த்³ரம் தே பாத்ரபூ⁴தோ(அ)ஸி ராக⁴வ ।
பா³ட⁴மித்யேவ காகுத்ஸ்த²꞉ ப்ரஹ்ருஷ்டேநாந்தராத்மநா ॥ 11 ॥

தி³வ்யபா⁴ஸ்வரதே³ஹாஶ்ச மூர்திமந்த꞉ ஸுக²ப்ரதா³꞉ ।
கேசித³ங்கா³ரஸத்³ருஶா꞉ கேசித்³தூ⁴மோபமாஸ்ததா² ॥ 12 ॥

சந்த்³ரார்கஸத்³ருஶா꞉ கேசித்ப்ரஹ்வாஞ்ஜலிபுடாஸ்ததா² ।
ராமம் ப்ராஞ்ஜலயோ பூ⁴த்வாப்³ருவந்மது⁴ரபா⁴ஷிண꞉ ॥ 13 ॥

இமே ஸ்ம நரஶார்தூ³ள ஶாதி⁴ கிம் கரவாம தே ।
மாநஸா꞉ கார்யகாலேஷு ஸாஹாய்யம் மே கரிஷ்யத² ॥ 14 ॥

க³ம்யதாமிதி தாநாஹ யதே²ஷ்டம் ரகு⁴நந்த³ந꞉ ।
அத² தே ராமமாமந்த்ர்ய க்ருத்வா சாபி ப்ரத³க்ஷிணம் ॥ 15 ॥

ஏவமஸ்த்விதி காகுத்ஸ்த²முக்த்வா ஜக்³முர்யதா²க³தம் ।
ஸ ச தாந்ராக⁴வோ ஜ்ஞாத்வா விஶ்வாமித்ரம் மஹாமுநிம் ॥ 16 ॥

க³ச்ச²ந்நேவாத² மது⁴ரம் ஶ்லக்ஷ்ணம் வசநமப்³ரவீத் ।
கிம் ந்வேதந்மேக⁴ஸங்காஶம் பர்வதஸ்யாவிதூ³ரத꞉ ॥ 17 ॥

வ்ருக்ஷஷண்ட³மிதோ பா⁴தி பரம் கௌதூஹலம் ஹி மே ।
த³ர்ஶநீயம் ம்ருகா³கீர்ணம் மநோஹரமதீவ ச ॥ 18 ॥

நாநாப்ரகாரை꞉ ஶகுநைர்வல்கு³நாதை³ரளங்க்ருதம் ।
நி꞉ஸ்ருதா꞉ ஸ்ம முநிஶ்ரேஷ்ட² காந்தாராத்³ரோமஹர்ஷணாத் ॥ 19 ॥

அநயா த்வவக³ச்சா²மி தே³ஶஸ்ய ஸுக²வத்தயா ।
ஸர்வம் மே ஶம்ஸ ப⁴க³வந்கஸ்யாஶ்ரமபத³ம் த்வித³ம் ॥ 20 ॥

ஸம்ப்ராப்தா யத்ர தே பாபா ப்³ரஹ்மக்⁴நா து³ஷ்டசாரிண꞉ ।
தவ யஜ்ஞஸ்ய விக்⁴நாய து³ராத்மாநோ மஹாமுநே ॥ 21 ॥

ப⁴க³வம்ஸ்தஸ்ய கோ தே³ஶ꞉ ஸா யத்ர தவ யாஜ்ஞிகீ ।
ரக்ஷிதவ்யா க்ரியா ப்³ரஹ்மந்மயா வத்⁴யாஶ்ச ராக்ஷஸா꞉ ।
ஏதத்ஸர்வம் முநிஶ்ரேஷ்ட² ஶ்ரோதுமிச்சா²ம்யஹம் ப்ரபோ⁴ ॥ 22 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ அஷ்டாவிம்ஶ꞉ ஸர்க³꞉ ॥ 28 ॥

பா³லகாண்ட³ ஏகோநத்ரிம்ஶ꞉ ஸர்க³꞉ (29) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.