Aranya Kanda Sarga 60 – அரண்யகாண்ட³ ஷஷ்டிதம꞉ ஸர்க³꞉ (60)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஷஷ்டிதம꞉ ஸர்க³꞉ (60)

॥ ராமோந்மாத³꞉ ॥

ப்⁴ருஶமாவ்ரஜமாநஸ்ய தஸ்யாதோ⁴வாமலோசநம் ।
ப்ராஸ்பு²ரச்சாஸ்க²லத்³ராமோ வேபது²ஶ்சாப்யஜாயத ॥ 1 ॥

உபாலக்ஷ்ய நிமித்தாநி ஸோ(அ)ஶுபா⁴நி முஹுர்முஹு꞉ ।
அபி க்ஷேமம் நு ஸீதாயா இதி வை வ்யாஜஹார ச ॥ 2 ॥

த்வரமாணோ ஜகா³மாத² ஸீதாத³ர்ஶநலாலஸ꞉ ।
ஶூந்யமாவஸத²ம் த்³ருஷ்ட்வா ப³பூ⁴வோத்³விக்³நமாநஸ꞉ ॥ 3 ॥

உத்³ப்⁴ரமந்நிவ வேகே³ந விக்ஷிபந் ரகு⁴நந்த³ந꞉ ।
தத்ர தத்ரோடஜஸ்தா²நமபி⁴வீக்ஷ்ய ஸமந்தத꞉ ॥ 4 ॥

த³த³ர்ஶ பர்ணஶாலாம் ச ரஹிதாம் ஸீதயா ததா³ ।
ஶ்ரியா விரஹிதாம் த்⁴வஸ்தாம் ஹேமந்தே பத்³மிநீமீவ ॥ 5 ॥

ருத³ந்தமிவ வ்ருக்ஷைஶ்ச ம்லாநபுஷ்பம்ருக³த்³விஜம் ।
ஶ்ரியா விஹீநம் வித்⁴வஸ்தம் ஸந்த்யக்தவநதே³வதம் ॥ 6 ॥

விப்ரகீர்ணாஜிநகுஶம் விப்ரவித்³த⁴ப்³ருஸீகடம் ।
த்³ருஷ்ட்வா ஶூந்யம் நிஜஸ்தா²நம் விளலாப புந꞉ புந꞉ ॥ 7 ॥

ஹ்ருதா ம்ருதா வா நஷ்டா வா ப⁴க்ஷிதா வா ப⁴விஷ்யதி ।
நிலீநாப்யத²வா பீ⁴ருரத²வா வநமாஶ்ரிதா ॥ 8 ॥

க³தா விசேதும் புஷ்பாணி ப²லாந்யபி ச வா புந꞉ ।
அத²வா பத்³மிநீம் யாதா ஜலார்த²ம் வா நதீ³ம் க³தா ॥ 9 ॥

யத்நாந்ம்ருக³யமாணஸ்து நாஸஸாத³ வநே ப்ரியாம் ।
ஶோகரக்தேக்ஷண꞉ ஶோகாது³ந்மத்த இவ லக்ஷ்யதே ॥ 10 ॥

வ்ருக்ஷாத்³வ்ருக்ஷம் ப்ரதா⁴வந் ஸ கி³ரேஶ்சாத்³ரிம் நதா³ந்நதீ³ம் ।
ப³பூ⁴வ விளபந் ராம꞉ ஶோகபங்கார்ணவாப்லுத꞉ ॥ 11 ॥

அபி கச்சித்த்வயா த்³ருஷ்டா ஸா கத³ம்ப³ப்ரியா ப்ரியா ।
கத³ம்ப³ யதி³ ஜாநீஷே ஶம்ஸ ஸீதாம் ஶுபா⁴நநாம் ॥ 12 ॥

ஸ்நிக்³த⁴பல்லவஸங்காஶா பீதகௌஶேயவாஸிநீ ।
ஶம்ஸஸ்வ யதி³ வா த்³ருஷ்டா பி³ல்வ பி³ல்வோபமஸ்தநீ ॥ 13 ॥

அத²வா(அ)ர்ஜுந ஶம்ஸ த்வம் ப்ரியாம் தாமர்ஜுநப்ரியாம் ।
ஜநகஸ்ய ஸுதா பீ⁴ருர்யதி³ ஜீவதி வா ந வா ॥ 14 ॥

ககுப⁴꞉ ககுபோ⁴ரூம் தாம் வ்யக்தம் ஜாநாதி மைதி²லீம் ।
யதா² பல்லவபுஷ்பாட்⁴யோ பா⁴தி ஹ்யேஷ வநஸ்பதி꞉ ॥ 15 ॥

ப்⁴ரமரைருபகீ³தஶ்ச யதா² த்³ருமவரோ ஹ்யயம் ।
ஏஷ வ்யக்தம் விஜாநாதி திலகஸ்திலகப்ரியாம் ॥ 16 ॥

அஶோக ஶோகாபநுத³ ஶோகோபஹதசேதஸம் ।
த்வந்நாமாநம் குரு க்ஷிப்ரம் ப்ரியாஸந்த³ர்ஶநேந மாம் ॥ 17 ॥

யதி³ தால த்வயா த்³ருஷ்டா பக்வதாலப²லஸ்தநீ ।
கத²யஸ்வ வராரோஹாம் காருண்யம் யதி³ தே மயி ॥ 18 ॥

யதி³ த்³ருஷ்டா த்வயா ஸீதா ஜம்பு³ ஜம்பூ³நத³ப்ரபா⁴ । [-ப²லோபமாம்]
ப்ரியாம் யதி³ விஜாநீஷே நி꞉ஶங்கம் கத²யஸ்வ மே ॥ 19 ॥

அஹோ த்வம் கர்ணிகாராத்³ய ஸுபுஷ்பை꞉ ஶோப⁴ஸே ப்⁴ருஶம் ।
கர்ணிகாரப்ரியா ஸாத்⁴வீ ஶம்ஸ த்³ருஷ்டா ப்ரியா யதி³ ॥ 20 ॥

சூதநீபமஹாஸாலாந் பநஸாந் குரவாந் த⁴வாந் ।
தா³டி³மாநஸநாந் க³த்வா த்³ருஷ்ட்வா ராமோ மஹாயஶா꞉ ॥ 21 ॥

மல்லிகா மாத⁴வீஶ்சைவ சம்பகாந் கேதகீஸ்ததா² ।
ப்ருச்ச²ந் ராமோ வநே ப்⁴ராந்த உந்மத்த இவ லக்ஷ்யதே ॥ 22 ॥

அத²வா ம்ருக³ஶாபா³க்ஷீம் ம்ருக³ ஜாநாஸி மைதி²லீம் ।
ம்ருக³விப்ரேக்ஷணீ காந்தா ம்ருகீ³பி⁴꞉ ஸஹிதா ப⁴வேத் ॥ 23 ॥

க³ஜ ஸா க³ஜநாஸோரூர்யதி³ த்³ருஷ்டா த்வயா ப⁴வேத் ।
தாம் மந்யே விதி³தாம் துப்⁴யமாக்²யாஹி வரவாரண ॥ 24 ॥

ஶார்தூ³ள யதி³ ஸா த்³ருஷ்டா ப்ரியா சந்த்³ரநிபா⁴நநா ।
மைதி²லீ மம விஸ்ரப்³த⁴ம் கத²யஸ்வ ந தே ப⁴யம் ॥ 25 ॥

கிம் தா⁴வஸி ப்ரியே தூ³ரம் த்³ருஷ்டா(அ)ஸி கமலேக்ஷணே ।
வ்ருக்ஷைராச்சா²த்³ய சாத்மாநம் கிம் மாம் ந ப்ரதிபா⁴ஷஸே ॥ 26 ॥

திஷ்ட² திஷ்ட² வராரோஹே ந தே(அ)ஸ்தி கருணா மயி ।
நாத்யர்த²ம் ஹாஸ்யஶீலா(அ)ஸி கிமர்த²ம் மாமுபேக்ஷஸே ॥ 27 ॥

பீதகௌஶேயகேநாஸி ஸூசிதா வரவர்ணிநி ।
தா⁴வந்த்யபி மயா த்³ருஷ்டா திஷ்ட² யத்³யஸ்தி ஸௌஹ்ருத³ம் ॥ 28 ॥

நைவ ஸா நூநமத²வா ஹிம்ஸிதா சாருஹாஸிநீ ।
க்ருச்ச்²ரம் ப்ராப்தம் ந மாம் நூநம் யதோ²பேக்ஷிதுமர்ஹதி ॥ 29 ॥

வ்யக்தம் ஸா ப⁴க்ஷிதா பா³லா ராக்ஷஸை꞉ பிஶிதாஶநை꞉ ।
விப⁴ஜ்யாங்கா³நி ஸர்வாணி மயா விரஹிதா ப்ரியா ॥ 30 ॥

நூநம் தச்சு²ப⁴த³ந்தோஷ்ட²ம் ஸுநாஸம் சாருகுண்ட³லம் ।
பூர்ணசந்த்³ரமிவ க்³ரஸ்தம் முக²ம் நிஷ்ப்ரப⁴தாம் க³தம் ॥ 31 ॥

ஸா ஹி சம்பகவர்ணாபா⁴ க்³ரீவா க்³ரைவேயஶோபி⁴தா ।
கோமளா விளபந்த்யாஸ்து காந்தாயா ப⁴க்ஷிதா ஶுபா⁴ ॥ 32 ॥

நூநம் விக்ஷிப்யமாணௌ தௌ பா³ஹூ பல்லவகோமளௌ ।
ப⁴க்ஷிதௌ வேபமாநாக்³ரௌ ஸஹஸ்தாப⁴ரணாங்க³தௌ³ ॥ 33 ॥

மயா விரஹிதா பா³லா ரக்ஷஸாம் ப⁴க்ஷணாய வை ।
ஸார்தே²நேவ பரித்யக்தா ப⁴க்ஷிதா ப³ஹுபா³ந்த⁴வா ॥ 34 ॥

ஹா லக்ஷ்மண மஹாபா³ஹோ பஶ்யஸி த்வம் ப்ரியாம் க்வசித் ।
ஹா ப்ரியே க்வ க³தா ப⁴த்³ரே ஹா ஸீதேதி புந꞉ புந꞉ ॥ 35 ॥

இத்யேவம் விளபந்ராம꞉ பரிதா⁴வந்வநாத்³வநம் ।
க்வசிது³த்³ப்⁴ரமதே வேகா³த் க்வசித்³விப்⁴ரமதே ப³லாத் ॥ 36 ॥

க்வசிந்மத்த இவாபா⁴தி காந்தாந்வேஷணதத்பர꞉ ।
ஸ வநாநி நதீ³꞉ ஶைலாந் கி³ரிப்ரஸ்ரவணாநி ச ।
காநநாநி ச வேகே³ந ப்⁴ரமத்யபரிஸம்ஸ்தி²த꞉ ॥ 37 ॥

ததா² ஸ க³த்வா விபுலம் மஹத்³வநம்
பரீத்ய ஸர்வம் த்வத² மைதி²லீம் ப்ரதி ।
அநிஷ்டி²தாஶ꞉ ஸ சகார மார்க³ணே
புந꞉ ப்ரியாயா꞉ பரமம் பரிஶ்ரமம் ॥ 38 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஷஷ்டிதம꞉ ஸர்க³꞉ ॥ 60 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.