Aranya Kanda Sarga 56 – அரண்யகாண்ட³ ஷட்பஞ்சாஶ꞉ ஸர்க³꞉ (56)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஷட்பஞ்சாஶ꞉ ஸர்க³꞉ (56)

॥ வத்ஸராவதி⁴கரணம் ॥

ஸா ததோ²க்தா து வைதே³ஹீ நிர்ப⁴யா ஶோககர்ஶிதா ।
த்ருணமந்தரத꞉ க்ருத்வா ராவணம் ப்ரத்யபா⁴ஷத ॥ 1 ॥

ராஜா த³ஶரதோ² நாம த⁴ர்மஸேதுரிவாசல꞉ ।
ஸத்யஸந்த⁴꞉ பரிஜ்ஞாதோ யஸ்ய புத்ர꞉ ஸ ராக⁴வ꞉ ॥ 2 ॥

ராமோ நாம ஸ த⁴ர்மாத்மா த்ரிஷு லோகேஷு விஶ்ருத꞉ ।
தீ³ர்க⁴பா³ஹுர்விஶாலாக்ஷோ தை³வதம் ஹி பதிர்மம ॥ 3 ॥

இக்ஷ்வாகூணாம் குலே ஜாத꞉ ஸிம்ஹஸ்கந்தோ⁴ மஹாத்³யுதி꞉ ।
லக்ஷ்மணேந ஸஹ ப்⁴ராத்ரா யஸ்தே ப்ராணாந் ஹரிஷ்யதி ॥ 4 ॥

ப்ரத்யக்ஷம் யத்³யஹம் தஸ்ய த்வயா ஸ்யாம் த⁴ர்ஷிதா ப³லாத் ।
ஶயிதா த்வம் ஹத꞉ ஸங்க்²யே ஜநஸ்தா²நே யதா² க²ர꞉ ॥ 5 ॥

ய ஏதே ராக்ஷஸா꞉ ப்ரோக்தா கோ⁴ரரூபா மஹாப³லா꞉ ।
ராக⁴வே நிர்விஷா꞉ ஸர்வே ஸுபர்ணே பந்நகா³ யதா² ॥ 6 ॥

தஸ்ய ஜ்யாவிப்ரமுக்தாஸ்தே ஶரா꞉ காஞ்சநபூ⁴ஷணா꞉ ।
ஶரீரம் வித⁴மிஷ்யந்தி க³ங்கா³கூலமிவோர்மய꞉ ॥ 7 ॥

அஸுரைர்வா ஸுரைர்வா த்வம் யத்³யவத்⁴யோ(அ)ஸி ராவண ।
உத்பாத்³ய ஸுமஹத்³வைரம் ஜீவம்ஸ்தஸ்ய ந மோக்ஷ்யஸே ॥ 8 ॥

ஸ தே ஜீவிதஶேஷஸ்ய ராக⁴வோந்தகரோ ப³லீ ।
பஶோர்யூபக³தஸ்யேவ ஜீவிதம் தவ து³ர்லப⁴ம் ॥ 9 ॥

யதி³ பஶ்யேத் ஸ ராமஸ்த்வாம் ரோஷதீ³ப்தேந சக்ஷுஷா ।
ரக்ஷஸ்த்வமத்³ய நிர்த³க்³தோ⁴ க³ச்சே²꞉ ஸத்³ய꞉ பராப⁴வம் ॥ 10 ॥

யஶ்சந்த்³ரம் நப⁴ஸோ பூ⁴மௌ பாதயேந்நாஶயேத வா ।
ஸாக³ரம் ஶோஷயேத்³வாபி ஸ ஸீதாம் மோசயேதி³ஹ ॥ 11 ॥

க³தாயுஸ்த்வம் க³தஶ்ரீகோ க³தஸத்த்வோ க³தேந்த்³ரிய꞉ ।
லங்கா வைத⁴வ்யஸம்யுக்தா த்வத்க்ருதேந ப⁴விஷ்யதி ॥ 12 ॥

ந தே பாபமித³ம் கர்ம ஸுகோ²த³ர்கம் ப⁴விஷ்யதி ।
யா(அ)ஹம் நீதா விநாபா⁴வம் பதிபார்ஶ்வாத்த்வயா வநே ॥ 13 ॥

ஸ ஹி தை³வதஸம்யுக்தோ மம ப⁴ர்தா மஹாத்³யுதி꞉ ।
நிர்ப⁴யோ வீர்யமாஶ்ரித்ய ஶூந்யோ வஸதி த³ண்ட³கே ॥ 14 ॥

ஸ தே த³ர்பம் ப³லம் வீர்யமுத்ஸேகம் ச ததா²வித⁴ம் ।
அபநேஷ்யதி கா³த்ரேப்⁴ய꞉ ஶரவர்ஷேண ஸம்யுகே³ ॥ 15 ॥

யதா³ விநாஶோ பூ⁴தாநாம் த்³ருஶ்யதே காலசோதி³த꞉ ।
ததா³ கார்யே ப்ரமாத்³யந்தி நரா꞉ காலவஶம் க³தா꞉ ॥ 16 ॥

மாம் ப்ரத்⁴ருஷ்ய ஸ தே கால꞉ ப்ராப்தோ(அ)யம் ராக்ஷஸாத⁴ம ।
ஆத்மநோ ராக்ஷஸாநாம் ச வதா⁴யாந்த꞉புரஸ்ய ச ॥ 17 ॥

ந ஶக்யா யஜ்ஞமத்⁴யஸ்தா² வேதி³꞉ ஸ்ருக்³பா⁴ண்ட³மண்டி³தா ।
த்³விஜாதிமந்த்ரபூதா ச சண்டா³லேநாவமர்தி³தும் ॥ 18 ॥

ததா²(அ)ஹம் த⁴ர்மநித்யஸ்ய த⁴ர்மபத்நீ பதிவ்ரதா ।
த்வயா ஸ்ப்ரஷ்டும் ந ஶக்யா(அ)ஸ்மி ராக்ஷஸாத⁴ம பாபிநா ॥ 19 ॥

க்ரீட³ந்தீ ராஜஹம்ஸேந பத்³மஷண்டே³ஷு நித்யதா³ ।
ஹம்ஸீ ஸா த்ருணஷண்ட³ஸ்த²ம் கத²ம் பஶ்யேத மத்³கு³கம் ॥ 20 ॥

இத³ம் ஶரீரம் நிஸ்ஸஞ்ஜ்ஞம் ப³ந்த⁴ வா கா²த³யஸ்வ வா ।
நேத³ம் ஶரீரம் ரக்ஷ்யம் மே ஜீவிதம் வாபி ராக்ஷஸ ॥ 21 ॥

ந து ஶக்ஷ்யாம்யுபக்ரோஶம் ப்ருதி²வ்யாம் தா³துமாத்மந꞉ ।
ஏவமுக்த்வா து வைதே³ஹீ க்ரோதா⁴த் ஸுபருஷம் வச꞉ ॥ 22 ॥

ராவணம் மைதி²லீ தத்ர புநர்நோவாச கிஞ்சந ।
ஸீதாயா வசநம் ஶ்ருத்வா பருஷம் ரோமஹர்ஷணம் ॥ 23 ॥

ப்ரத்யுவாச தத꞉ ஸீதாம் ப⁴யஸந்த³ர்ஶநம் வச꞉ ।
ஶ்ருணு மைதி²லி மத்³வாக்யம் மாஸாந் த்³வாத³ஶ பா⁴மிநி ॥ 24 ॥

காலேநாநேந நாப்⁴யேஷி யதி³ மாம் சாருஹாஸிநி ।
ததஸ்த்வாம் ப்ராதராஶார்த²ம் ஸூதா³ஶ்சே²த்ஸ்யந்தி லேஶஶ꞉ ॥ 25 ॥

இத்யுக்த்வா பருஷம் வாக்யம் ராவண꞉ ஶத்ருராவண꞉ ।
ராக்ஷஸீஶ்ச தத꞉ க்ருத்³த⁴ இத³ம் வசநமப்³ரவீத் ॥ 26 ॥

ஶீக்⁴ரமேவ ஹி ராக்ஷஸ்யோ விக்ருதா கோ⁴ரத³ர்ஶநா꞉ ।
த³ர்பமஸ்யா விநேஷ்யத்⁴வம் மாம்ஸஶோணிதபோ⁴ஜநா꞉ ॥ 27 ॥

வசநாதே³வ தாஸ்தஸ்ய ஸுகோ⁴ரா ராக்ஷஸீக³ணா꞉ ।
க்ருதப்ராஞ்ஜலயோ பூ⁴த்வா மைதி²லீம் பர்யவாரயந் ॥ 28 ॥

ஸ தா꞉ ப்ரோவாச ராஜா து ராவணோ கோ⁴ரத³ர்ஶந꞉ ।
ப்ரசால்ய சரணோத்கர்ஷைர்தா³ரயந்நிவ மேதி³நீம் ॥ 29 ॥

அஶோகவநிகாமத்⁴யே மைதி²லீ நீயதாமியம் ।
தத்ரேயம் ரக்ஷ்யதாம் கூ³ட⁴ம் யுஷ்மாபி⁴꞉ பரிவாரிதா ॥ 30 ॥

தத்ரைநாம் தர்ஜநைர்கோ⁴ரை꞉ புந꞉ ஸாந்த்வைஶ்ச மைதி²லீம் ।
ஆநயத்⁴வம் வஶம் ஸர்வா வந்யாம் க³ஜவதூ⁴மிவ ॥ 31 ॥

இதி ப்ரதிஸமாதி³ஷ்டா ராக்ஷஸ்யோ ராவணேந தா꞉ ।
அஶோகவநிகாம் ஜக்³முர்மைதி²லீம் ப்ரதிக்³ருஹ்ய து ॥ 32 ॥

ஸர்வகாலப²லைர்வ்ருக்ஷைர்நாநாபுஷ்பப²லைர்வ்ருதாம் ।
ஸர்வகாலமதை³ஶ்சாபி த்³விஜை꞉ ஸமுபஸேவிதாம் ॥ 33 ॥

ஸா து ஶோகபரீதாங்கீ³ மைதி²லீ ஜநகாத்மஜா ।
ராக்ஷஸீவஶமாபந்நா வ்யாக்⁴ரீணாம் ஹரிணீ யதா² ॥ 34 ॥

ஶோகேந மஹதா க்³ரஸ்தா மைதி²லீ ஜநகாத்மஜா ।
ந ஶர்ம லப⁴தே பீ⁴ரு꞉ பாஶப³த்³தா⁴ ம்ருகீ³ யதா² ॥ 35 ॥

ந விந்த³தே தத்ர து ஶர்ம மைதி²லீ
விரூபநேத்ராபி⁴ரதீவ தர்ஜிதா ।
பதிம் ஸ்மரந்தீ த³யிதம் ச தை³வதம்
விசேதநா(அ)பூ⁴த்³ப⁴யஶோகபீடி³தா ॥ 36 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஷட்பஞ்சாஶ꞉ ஸர்க³꞉ ॥ 56 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.