Aranya Kanda Sarga 50 – அரண்யகாண்ட³ பஞ்சாஶ꞉ ஸர்க³꞉ (50)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ பஞ்சாஶ꞉ ஸர்க³꞉ (50)

॥ ஜடாயுரபி⁴யோக³꞉ ॥

தம் ஶப்³த³மவஸுப்தஸ்து ஜடாயுரத² ஶுஶ்ருவே ।
நிரீக்ஷ்ய ராவணம் க்ஷிப்ரம் வைதே³ஹீம் ச த³த³ர்ஶ ஸ꞉ ॥ 1 ॥

தத꞉ பர்வதகூடாப⁴ஸ்தீக்ஷ்ணதுண்ட³꞉ க²கோ³த்தம꞉ ।
வநஸ்பதிக³த꞉ ஶ்ரீமாந் வ்யாஜஹார ஶுபா⁴ம் கி³ரம் ॥ 2 ॥

த³ஶக்³ரீவ ஸ்தி²தோ த⁴ர்மே புராணே ஸத்யஸம்ஶ்ரய꞉ ।
ஜடாயுர்நாம நாம்நா(அ)ஹம் க்³ருத்⁴ரராஜோ மஹாப³ல꞉ ॥ 3 ॥

ராஜா ஸர்வஸ்ய லோகஸ்ய மஹேந்த்³ரவருணோபம꞉ ।
லோகாநாம் ச ஹிதே யுக்தோ ராமோ த³ஶரதா²த்மஜ꞉ ॥ 4 ॥

தஸ்யைஷா லோகநாத²ஸ்ய த⁴ர்மபத்நீ யஶஸ்விநீ ।
ஸீதா நாம வராரோஹா யாம் த்வம் ஹர்துமிஹேச்ச²ஸி ॥ 5 ॥

கத²ம் ராஜா ஸ்தி²தோ த⁴ர்மே பரதா³ராந் பராம்ருஶேத் ।
ரக்ஷணீயா விஶேஷேண ராஜதா³ரா மஹாப³ல꞉ ॥ 6 ॥

நிவர்தய மதிம் நீசாம் பரதா³ராபி⁴மர்ஶநாத் ।
ந தத் ஸமாசரேத்³தீ⁴ரோ யத்பரோ(அ)ஸ்ய விக³ர்ஹயேத் ॥ 7 ॥

யதா²(ஆ)த்மநஸ்ததா²ந்யேஷாம் தா³ரா ரக்ஷ்யா விபஶ்சிதா ।
த⁴ர்மமர்த²ம் ச காமம் ச ஶிஷ்டா꞉ ஶாஸ்த்ரேஷ்வநாக³தம் ॥ 8 ॥

வ்யவஸ்யந்தி ந ராஜாநோ த⁴ர்மம் பௌலஸ்த்யநந்த³ந ।
ராஜா த⁴ர்மஶ்ச காமஶ்ச த்³ரவ்யாணாம் சோத்தமோ நிதி⁴꞉ ॥ 9 ॥

த⁴ர்ம꞉ ஶுப⁴ம் வா பாபம் வா ராஜமூலம் ப்ரவர்ததே ।
பாபஸ்வபா⁴வஶ்சபல꞉ கத²ம் த்வம் ரக்ஷஸாம் வர ॥ 10 ॥

ஐஶ்வர்யமபி⁴ஸம்ப்ராப்தோ விமாநமிவ து³ஷ்க்ருதி꞉ ।
காமம் ஸ்வபா⁴வோ யோ யஸ்ய ந ஶக்ய꞉ பரிமார்ஜிதும் ॥ 11 ॥

ந ஹி து³ஷ்டாத்மநாமார்யமாவஸத்யாளயே சிரம் ।
விஷயே வா புரே வா தே யதா³ ராமோ மஹாப³ல꞉ ॥ 12 ॥

நாபராத்⁴யதி த⁴ர்மாத்மா கத²ம் தஸ்யாபராத்⁴யஸி ।
யதி³ ஶூர்பணகா²ஹேதோர்ஜஸ்தா²நக³த꞉ க²ர꞉ ॥ 13 ॥

அதிவ்ருத்தோ ஹத꞉ பூர்வம் ராமேணாக்லிஷ்டகர்மணா ।
அத்ர ப்³ரூஹி யதா²தத்த்வம் கோ ராமஸ்ய வ்யதிக்ரம꞉ ॥ 14 ॥

யஸ்ய த்வம் லோகநாத²ஸ்ய பா⁴ர்யாம் ஹ்ருத்வா க³மிஷ்யஸி ।
க்ஷிப்ரம் விஸ்ருஜ வைத³ஹீம் மா த்வா கோ⁴ரேண சக்ஷுஷா ॥ 15 ॥

த³ஹேத்³த³ஹநபூ⁴தேந வ்ருத்ரமிந்த்³ராஶநிர்யதா² ।
ஸர்பமாஶீவிஷம் ப³த்³த்⁴வா வஸ்த்ராந்தே நாவபு³த்³த்⁴யஸே ॥ 16 ॥

க்³ரீவாயாம் ப்ரதிமுக்தம் ச காலபாஶம் ந பஶ்யஸி ।
ஸ பா⁴ர꞉ ஸௌம்ய ப⁴ர்தவ்யோ யோ நரம் நாவஸாத³யேத் ॥ 17 ॥

தத³ந்நமபி போ⁴க்தவ்யம் ஜீர்யதே யத³நாமயம் ।
யத்க்ருத்வா ந ப⁴வேத்³த⁴ர்மோ ந கீர்திர்ந யஶோ பு⁴வி ॥ 18 ॥

ஶரீரஸ்ய ப⁴வேத் கே²த³꞉ கஸ்தத்கர்ம ஸமாசரேத் ।
ஷஷ்டிர்வர்ஷஸஹஸ்ராணி மம ஜாதஸ்ய ராவண ॥ 19 ॥

பித்ருபைதாமஹம் ராஜ்யம் யதா²வத³நுதிஷ்ட²த꞉ ।
வ்ருத்³தோ⁴(அ)ஹம் த்வம் யுவா த⁴ந்வீ ஸஶர꞉ கவசீ ரதீ² ॥ 20 ॥

ததா²(அ)ப்யாதா³ய வைதே³ஹீம் குஶலீ ந க³மிஷ்யஸி ।
ந ஶக்தஸ்த்வம் ப³லாத்³த⁴ர்தும் வைதே³ஹீம் மம பஶ்யத꞉ ॥ 21 ॥

ஹேதுபி⁴ர்ந்யாயஸம்யுக்தைர்த்⁴ருவாம் வேத³ஶ்ருதீமிவ ।
யுத்⁴யஸ்வ யதி³ ஶூரோ(அ)ஸி முஹூர்தம் திஷ்ட² ராவண ॥ 22 ॥

ஶயிஷ்யஸே ஹதோ பூ⁴மௌ யதா² பூர்வம் க²ரஸ்ததா² ।
அஸக்ருத்ஸம்யுகே³ யேந நிஹதா தை³த்யதா³நவா꞉ ॥ 23 ॥

ந சிராச்சீரவாஸாஸ்த்வாம் ராமோ யுதி⁴ வதி⁴ஷ்யதி ।
கிம் நு ஶக்யம் மயா கர்தும் க³தௌ தூ³ரம் ந்ருபாத்மஜௌ ॥ 24 ॥

க்ஷிப்ரம் த்வம் நஶ்யஸே நீச தயோர்பீ⁴தோ ந ஸம்ஶய꞉ ।
ந ஹி மே ஜீவமாநஸ்ய நயிஷ்யஸி ஶுபா⁴மிமாம் ॥ 25 ॥

ஸீதாம் கமலபத்ராக்ஷீம் ராமஸ்ய மஹிஷீம் ப்ரியாம் ।
அவஶ்யம் து மயா கார்யம் ப்ரியம் தஸ்ய மஹாத்மந꞉ ॥ 26 ॥

ஜீவிதேநாபி ராமஸ்ய ததா² த³ஶரத²ஸ்ய ச ।
திஷ்ட² திஷ்ட² த³ஶக்³ரீவ முஹூர்தம் பஶ்ய ராவண ॥ 27 ॥

யுத்³தா⁴தித்²யம் ப்ரதா³ஸ்யாமி யதா²ப்ராணம் நிஶாசர ।
வ்ருந்தாதி³வ ப²லம் த்வாம் து பாதயேயம் ரதோ²த்தமாத் ॥ 28 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ பஞ்சாஶ꞉ ஸர்க³꞉ ॥ 50 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.