Aranya Kanda Sarga 27 – அரண்யகாண்ட³ ஸப்தவிம்ஶ꞉ ஸர்க³꞉ (27)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஸப்தவிம்ஶ꞉ ஸர்க³꞉ (27)

॥ த்ரிஶிரோவத⁴꞉ ॥

க²ரம் து ராமாபி⁴முக²ம் ப்ரயாந்தம் வாஹிநீபதி꞉ ।
ராக்ஷஸஸ்த்ரிஶிரா நாம ஸந்நிபத்யேத³மப்³ரவீத் ॥ 1 ॥

மாம் நியோஜய விக்ராந்த ஸந்நிவர்தஸ்வ ஸாஹஸாத் ।
பஶ்ய ராமம் மஹாபா³ஹும் ஸம்யுகே³ விநிபாதிதம் ॥ 2 ॥

ப்ரதிஜாநாமி தே ஸத்யமாயுத⁴ம் சாஹமாலபே⁴ ।
யதா² ராமம் வதி⁴ஷ்யாமி வதா⁴ர்ஹம் ஸர்வரக்ஷஸாம் ॥ 3 ॥

அஹம் வா(அ)ஸ்ய ரணே ம்ருத்யுரேஷ வா ஸமரே மம ।
விநிவ்ருத்ய ரணோத்ஸாஹாந் முஹூர்தம் ப்ராஶ்நிகோ ப⁴வ ॥ 4 ॥

ப்ரஹ்ருஷ்டே வா ஹதே ராமே ஜநஸ்தா²நம் ப்ரயாஸ்யஸி ।
மயி வா நிஹதே ராமம் ஸம்யுகா³யோபயாஸ்யஸி ॥ 5 ॥

க²ரஸ்த்ரிஶிரஸா தேந ம்ருத்யுலோபா⁴த்ப்ரஸாதி³த꞉ ।
க³ச்ச² யுத்⁴யேத்யநுஜ்ஞாதோ ராக⁴வாபி⁴முகோ² யயௌ ॥ 6 ॥

த்ரிஶிராஶ்ச ரதே²நைவ வாஜியுக்தேந பா⁴ஸ்வதா ।
அப்⁴யத்³ரவத்³ரணே ராமம் த்ரிஶ்ருங்க³ இவ பர்வத꞉ ॥ 7 ॥

ஶரதா⁴ராஸமூஹாந் ஸ மஹாமேக⁴ இவோத்ஸ்ருஜம் ।
வ்யஸ்ருஜத்ஸத்³ருஶம் நாத³ம் ஜலார்த்³ரஸ்ய து து³ந்து³பே⁴꞉ ॥ 8 ॥

ஆக³ச்ச²ந்த த்ரிஶிரஸம் ராக்ஷஸம் ப்ரேக்ஷ்ய ராக⁴வ꞉ ।
த⁴நுஷா ப்ரதிஜக்³ராஹ விதூ⁴ந்வந் ஸாயகாந் ஶிதாந் ॥ 9 ॥

ஸ ஸம்ப்ரஹாரஸ்துமுலோ ராமத்ரிஶிரஸோர்மஹாந் ।
ப³பூ⁴வாதீவ ப³லிநோ꞉ ஸிம்ஹகுஞ்ஜரயோரிவ ॥ 10 ॥

ததஸ்த்ரிஶிரஸா பா³ணைர்லலாடே தாடி³தாஸ்த்ரிபி⁴꞉ ।
அமர்ஷீ குபிதோ ராம꞉ ஸம்ரப்³த⁴மித³மப்³ரவீத் ॥ 11 ॥

அஹோ விக்ரமஶூரஸ்ய ராக்ஷஸஸ்யேத்³ருஶம் ப³லம் ।
புஷ்பைரிவ ஶரைர்யஸ்ய லலாடே(அ)ஸ்மி பரிக்ஷத꞉ ॥ 12 ॥

மமாபி ப்ரதிக்³ருஹ்ணீஷ்வ ஶராம்ஶ்சாபகு³ணச்யுதாந் ।
ஏவமுக்த்வா து ஸம்ரப்³த⁴꞉ ஶராநாஶீவிஷோபமாந் ॥ 13 ॥

த்ரிஶிரோவக்ஷஸி க்ருத்³தோ⁴ நிஜகா⁴ந சதுர்த³ஶ ।
சதுர்பி⁴ஸ்துரகா³நஸ்ய ஶரை꞉ ஸந்நதபர்வபி⁴꞉ ॥ 14 ॥

ந்யபாதயத தேஜஸ்வீ சதுரஸ்தஸ்ய வாஜிந꞉ ।
அஷ்டபி⁴꞉ ஸாயகை꞉ ஸூதம் ரதோ²பஸ்தா²ந் ந்யபாதயத் ॥ 15 ॥

ராமஶ்சிச்சே²த³ பா³ணேந த்⁴வஜம் சாஸ்ய ஸமுச்ச்²ரிதம் ।
ததோ ஹதரதா²த்தஸ்மாது³த்பதந்தம் நிஶாசரம் ॥ 16 ॥

விபே⁴த³ ராமஸ்தம் பா³ணைர்ஹ்ருத³யே ஸோப⁴வஜ்ஜட³꞉ ।
ஸாயகைஶ்சாப்ரமேயாத்மா ஸாமர்ஷஸ்தஸ்ய ரக்ஷஸ꞉ ॥ 17 ॥

ஶிராம்ஸ்யபாதயத்³ராமோ வேக³வத்³பி⁴ஸ்த்ரிபி⁴꞉ ஶிதை꞉ ।
ஸ பூ⁴மௌ ருதி⁴ரோத்³கா³ரீ ராமபா³ணாபி⁴பீடி³த꞉ ॥ 18 ॥

ந்யபதத்பதிதை꞉ பூர்வம் ஸ்வஶிரோபி⁴ர்நிஶாசர꞉ ।
ஹதஶேஷாஸ்ததோ ப⁴க்³நா ராக்ஷஸா꞉ க²ரஸம்ஶ்ரயா꞉ ॥ 19 ॥

த்³ரவந்தி ஸ்ம ந திஷ்ட²ந்தி வ்யாக்⁴ரத்ரஸ்தா ம்ருகா³ இவ ।
தாந் க²ரோ த்³ரவதோ த்³ருஷ்ட்வா நிவர்த்ய ருஷித꞉ ஸ்வயம் ।
ராமமேவாபி⁴து³த்³ராவ ராஹுஶ்சந்த்³ரமஸம் யதா² ॥ 20 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஸப்தவிம்ஶ꞉ ஸர்க³꞉ ॥ 27 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.