Sri Dakshinamurthy Manu Suvarnamala Stotram – ஶ்ரீ த³க்ஷிணாமூர்தி மநுஸுவர்ணமாலா ஸ்தோத்ரம்

ஸ்தோத்ரநிதி → ஶ்ரீ த³க்ஷிணாமூர்தி ஸ்தோத்திரங்கள் → ஶ்ரீ த³க்ஷிணாமூர்தி மநுஸுவர்ணமாலா ஸ்தோத்ரம்

ஓமிதி நிகி²லா தே³வா
யஸ்யாஜ்ஞாம் ஶிரஸி குர்வதே ஸததம் ।
ஓங்காரபத்³மப்⁴ருங்க³ம்
தமஹம் ப்ரணமாமி த³க்ஷிணாமூர்திம் ॥ 1 ॥

நத்வா யத்பத³யுக்³மம்
மூகா அபி வாக்³விதூ⁴தகு³ரவ꞉ ஸ்யு꞉ ।
நதஜநரக்ஷணத³க்ஷம்
தமஹம் ப்ரணமாமி த³க்ஷிணாமூர்திம் ॥ 2 ॥

மோஹமதங்க³ஜபே⁴த³ந-
-பஞ்சாஸ்யா யத்பதா³ம்பு³ஜப்ரணதா꞉ ।
மோஹாந்த⁴காரமிஹிரம்
தமஹம் ப்ரணமாமி த³க்ஷிணாமூர்திம் ॥ 3 ॥

ப⁴வவாரிதி⁴மாஶு தரே-
-த்குல்யாமிவ யத்பதா³ம்பு³ஜத்⁴யாநாத் ।
ப⁴க³வத்பதா³தி³ரூபம்
தமஹம் ப்ரணமாமி த³க்ஷிணாமூர்திம் ॥ 4 ॥

க³திவிஜிதஹம்ஸக³ர்வம்
க³க³நமருத்³வஹ்நிஜலத⁴ராரூபம் ।
க³ஜமுக²ஷடா³ஸ்யபூஜித-
-மநிஶம் ப்ரணமாமி த³க்ஷிணாமூர்திம் ॥ 5 ॥

வரயந்தே(அ)கி²லவித்³யா꞉
ஸ்வயமேவ யத³ங்க்⁴ரிபத்³மநம்ரஜநாந் ।
வநவாஸலோலசித்தம்
தமஹம் ப்ரணமாமி த³க்ஷிணாமூர்திம் ॥ 6 ॥

தேந ஜிதம் ஜக³த³கி²லம்
தேநைவாத்தம் ஸமஸ்தபா⁴க்³யம் ச ।
யேந த்வத்பத³யுக³ளம்
பூஜிதமபி ஜாது த³க்ஷிணாமூர்தே ॥ 7 ॥

த³மஶமமுகா²ஸ்து ஸுகு³ணா꞉
ப்ராப்யந்தே ஸத்வரம் யஸ்ய ।
பாதா³ம்பு³ஜயுக³நமநா-
-த்தமஹம் ப்ரணமாமி த³க்ஷிணாமூர்திம் ॥ 8 ॥

க்ஷிதிபதயோ தா³ஸா꞉ ஸ்யு-
-ர்யத்பாத³பாதோ²ஜபூஜகஸ்யாஶு ।
க்ஷிதித⁴ரஶிக²ராவாஸம்
தமஹம் ப்ரணமாமி த³க்ஷிணாமூர்திம் ॥ 9 ॥

ணாணேதி யந்மநுஸ்த²ம்
வர்ணம் ஜப்து꞉ ஸமஸ்தபுருஷார்தா²꞉ ।
கரதலமத்⁴யக³தா꞉ ஸ்யு-
-ஸ்தமஹம் ப்ரணமாமி த³க்ஷிணாமூர்திம் ॥ 10 ॥

மூர்திம் நிரீக்ஷ்ய மோஹம்
ப்ராப்யாக³ஸுதா புரா தபஸ்தேபே ।
யஸ்ய ப்ராப்த்யை ஸுசிரம்
தமஹம் ப்ரணமாமி த³க்ஷிணாமூர்திம் ॥ 11 ॥

தஸ்யாணிமாதி³ஸித்³தி⁴-
-ர்விநைவ யோக³ம் ப⁴வேந்ந ஸந்தே³ஹ꞉ ।
தருணேந்து³பூ⁴ஷிதஜடம்
யஸ்த்வாம் நமதீஹ த³க்ஷிணாமூர்தே ॥ 12 ॥

யே த்வத்பாதா³ப்³ஜயுக³ளம்
சித்தே ஸந்த³த⁴தி த³க்ஷிணாமூர்தே ।
தாந்மத்தவாரணேந்த்³ரா
த³த⁴தி துரங்கா³꞉ ஸுவர்ணஶிபி³காஶ்ச ॥ 13 ॥

மதி²தாஸுரஸந்தோ³ஹம்
மாநஸசரமத்³ரிராஜதநயாயா꞉ ।
மாநப்ரத³மாநமதா-
-மநிஶம் ப்ரணமாமி த³க்ஷிணாமூர்திம் ॥ 14 ॥

ஹ்யம்போ⁴தௌ⁴ லுட²தாம் த-
-த்பாரம் க³ந்தும் யதீ³யபத³ப⁴க்தி꞉ ।
ஸம்ஸ்ருதிரூபே நௌகா
தமஹம் ப்ரணமாமி த³க்ஷிணாமூர்திம் ॥ 15 ॥

மேதா⁴ப்ரஜ்ஞே சேடீ-
-பா⁴வம் வ்ரஜதோ யத³ங்க்⁴ரிநதிகர்து꞉ ।
மேநாஸக²ஜாகாந்தம்
தமஹம் ப்ரணமாமி த³க்ஷிணாமூர்திம் ॥ 16 ॥

தா⁴ம் பா³பூர்வாம் நிகி²லாம்
யோ(அ)ரம் வாரயதி ப⁴க்தப்³ருந்த³ஸ்ய ।
தா⁴ம்நாமபி தா⁴மத்வத³-
-மநிஶம் ப்ரணமாமி த³க்ஷிணாமூர்திம் ॥ 17 ॥

ப்ரஜ்ஞாமாத்ரஶரீரம்
ப்ரணதாகா⁴ம்போ⁴தி⁴கும்ப⁴ஸஞ்ஜாதம் ।
ப்ரத்யக்ஷம் நதவிததே꞉
ஸததம் ப்ரணமாமி த³க்ஷிணாமூர்திம் ॥ 18 ॥

ஜ்ஞாம்ஶீபூ⁴தாஞ்ஜீவாந்
ப⁴வமக்³நாந் ப்³ரஹ்மபோ³த⁴தா³நேந ।
குர்வாணம் ப்ரவிமுக்தாந்
ஸததம் ப்ரணமாமி த³க்ஷிணாமூர்திம் ॥ 19 ॥

ப்ரத்நவசஸ்ததிகே³யம்
ப்ரஜ்ஞாதா³நப்ரசண்ட³நிஜநமநம் ।
ப்ரணவப்ரதிபாத்³யதநும்
ஸததம் ப்ரணமாமி த³க்ஷிணாமூர்திம் ॥ 20 ॥

யஸ்யார்த⁴வர்ஷ்மலாபா⁴-
-தே³வாபூ⁴த் ஸர்வமங்க³ளா கி³ரிஜா ।
யமிவரஹ்ருத³ப்³ஜநிலயம்
தமஹம் ப்ரணமாமி த³க்ஷிணாமூர்திம் ॥ 21 ॥

ச²த்ரீபூ⁴தவடாக³ம்
ச²ந்நமவித்³யா(ஆ)க்²யவாஸஸாநாதி³ம் ।
ச²த்ராதி³ந்ருபவிபூ⁴தித³-
-மநிஶம் ப்ரணமாமி த³க்ஷிணாமூர்திம் ॥ 22 ॥

ஸ்வாஹாஸ்வதா⁴நிஷேவ்யம்
ஸ்வாக்ருதிஸந்தோஷிதாக³ஜாஹ்ருத³யம் ।
ஸ்வாஹாஸஹாயதிலகம்
ஸததம் ப்ரணமாமி த³க்ஷிணாமூர்திம் ॥ 23 ॥

ஹாஸாத⁴ரீக்ருதவிது⁴ம்
ஹாலாஹலஶோப⁴மாநக³ளதே³ஶம் ।
ஹாராயிதாஹிராஜம்
ஸததம் ப்ரணமாமி த³க்ஷிணாமூர்திம் ॥ 24 ॥

ஶ்ரீமந்ந்ருஸிம்ஹயதிரா-
-ட்சி²ஷ்ய꞉ ஶ்ரீஸச்சிதா³நந்த³꞉ ।
அகரோத்³கு³ருவரக்ருபயா
ஸ்தோத்ரம் ஶ்ரீத³க்ஷிணாமூர்தே꞉ ॥ 25 ॥

மநுவர்ணக⁴டிதமேதத்
ஸ்தோத்ரம் ய꞉ பட²தி ப⁴க்திஸம்யுக்த꞉ ।
தஸ்மை வடதடவாஸீ
த³த்³யாத் ஸகலா꞉ கலாஸ்த்வரிதம் ॥ 26 ॥

இதி ஶ்ரீஜக³த்³கு³ரு ஶ்ரீஸச்சிதா³நந்த³ ஶிவாபி⁴நவ ந்ருஸிம்ஹ பா⁴ரதீ ஸ்வாமிபி⁴꞉ விரசிதம் ஶ்ரீ த³க்ஷிணாமூர்திமநு ஸுவர்ணமாலா ஸ்தோத்ரம் ।

---

மேலும் ஶ்ரீ ஶிவ ஸ்தோத்ராணி காண்க. மேலும் ஶ்ரீ த³க்ஷிணாமூர்தி ஸ்தோத்திரங்கள் காண்க.

Did you see any mistake/variation in the content above? Click here to report mistakes and corrections in Stotranidhi content.