Kishkindha Kanda Sarga 47 – கிஷ்கிந்தா⁴காண்ட³ ஸப்தசத்வாரிம்ஶ꞉ ஸர்க³꞉ (47)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஸப்தசத்வாரிம்ஶ꞉ ஸர்க³꞉ (47)

॥ கபிஸேநாப்ரத்யாக³மநம் ॥

த³ர்ஶநார்த²ம் து வைதே³ஹ்யா꞉ ஸர்வத꞉ கபியூத²பா꞉ ।
வ்யாதி³ஷ்டா꞉ கபிராஜேந யதோ²க்தம் ஜக்³முரஞ்ஜஸா ॥ 1 ॥

ஸராம்ஸி ஸரித꞉ கக்ஷாநாகாஶம் நக³ராணி ச ।
நதீ³து³ர்கா³ம்ஸ்ததா² ஶைலாந் விசிந்வந்தி ஸமந்தத꞉ ॥ 2 ॥

ஸுக்³ரீவேண ஸமாக்²யாதா꞉ ஸர்வே வாநரயூத²பா꞉ ।
ப்ரதே³ஶாந் ப்ரவிசிந்வந்தி ஸஶைலவநகாநநாந் ॥ 3 ॥

விசித்ய தி³வஸம் ஸர்வே ஸீதாதி⁴க³மநே த்⁴ருதா꞉ ।
ஸமாயாந்தி ஸ்ம மேதி³ந்யாம் நிஶாகாலேஷு வாநரா꞉ ॥ 4 ॥

ஸர்வர்துகாமாந் தே³ஶேஷு வாநரா꞉ ஸப²லாந் த்³ருமாந் ।
ஆஸாத்³ய ரஜநீம் ஶய்யாம் சக்ரு꞉ ஸர்வேஷ்வஹ꞉ஸு தே ॥ 5 ॥

தத³ஹ꞉ ப்ரத²மம் க்ருத்வா மாஸே ப்ரஸ்ரவணம் க³தா꞉ ।
கபிராஜேந ஸங்க³ம்ய நிராஶா꞉ கபியூத²பா꞉ ॥ 6 ॥

விசித்ய து தி³ஶம் பூர்வாம் யதோ²க்தாம் ஸசிவை꞉ ஸஹ ।
அத்³ருஷ்ட்வா விநத꞉ ஸீதாமாஜகா³ம மஹாப³ல꞉ ॥ 7 ॥

உத்தராம் ச தி³ஶம் ஸர்வாம் விசித்ய ஸ மஹாகபி꞉ ।
ஆக³த꞉ ஸஹ ஸைந்யேந வீர꞉ ஶதவலிஸ்ததா³ ॥ 8 ॥

ஸுஷேண꞉ பஶ்சிமாமாஶாம் விசித்ய ஸஹ வாநரை꞉ ।
ஸமேத்ய மாஸே ஸம்பூர்ணே ஸுக்³ரீவமுபசக்ரமே ॥ 9 ॥

தம் ப்ரஸ்ரவணப்ருஷ்ட²ஸ்த²ம் ஸமாஸாத்³யாபி⁴வாத்³ய ச ।
ஆஸீநம் ஸஹ ராமேண ஸுக்³ரீவமித³மப்³ருவந் ॥ 10 ॥

விசிதா꞉ பர்வதா꞉ ஸர்வே வநாநி க³ஹநாநி ச ।
நிம்நகா³꞉ ஸாக³ராந்தாஶ்ச ஸர்வே ஜநபதா³ஶ்ச யே ॥ 11 ॥

கு³ஹாஶ்ச விசிதா꞉ ஸர்வாஸ்த்வயா யா꞉ பரிகீர்திதா꞉ ।
விசிதாஶ்ச மஹாகு³ள்மா லதாவிததஸந்ததா꞉ ॥ 12 ॥

க³ஹநேஷு ச தே³ஶேஷு து³ர்கே³ஷு விஷமேஷு ச ।
ஸத்த்வாந்யதிப்ரமாணாநி விசிதாநி ஹதாநி ச ॥ 13 ॥

உதா³ரஸத்த்வாபி⁴ஜநோ மஹாத்மா
ஸ மைதீ²லீம் த்³ரக்ஷ்யதி வாநரேந்த்³ர꞉ ।
தி³ஶம் து யாமேவ க³தா து ஸீதா
தாமாஸ்தி²தோ வாயுஸுதோ ஹநூமாந் ॥ 14 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஸப்தசத்வாரிம்ஶ꞉ ஸர்க³꞉ ॥ 47 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.