Kishkindha Kanda Sarga 19 – கிஷ்கிந்தா⁴காண்ட³ ஏகோநவிம்ஶ꞉ ஸர்க³꞉ (19)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஏகோநவிம்ஶ꞉ ஸர்க³꞉ (19)

॥ தாராக³மநம் ॥

ஸ வாநரமஹாராஜ꞉ ஶயாந꞉ ஶரவிக்ஷத꞉ ।
ப்ரத்யுக்தோ ஹேதுமத்³வாக்யைர்நோத்தரம் ப்ரத்யபத்³யத ॥ 1 ॥

அஶ்மபி⁴꞉ ப்ரவிபி⁴ந்நாங்க³꞉ பாத³பைராஹதோ ப்⁴ருஶம் ।
ராமபா³ணேந ச க்ராந்தோ ஜீவிதாந்தே முமோஹ ஸ꞉ ॥ 2 ॥

தம் பா⁴ர்யா பா³ணமோக்ஷேண ராமத³த்தேந ஸம்யுகே³ ।
ஹதம் ப்லவக³ஶார்தூ³ளம் தாரா ஶுஶ்ராவ வாலிநம் ॥ 3 ॥

ஸா ஸபுத்ராப்ரியம் ஶ்ருத்வா வத⁴ம் ப⁴ர்து꞉ ஸுதா³ருணம் ।
நிஷ்பபாத ப்⁴ருஶம் த்ரஸ்தா ம்ருகீ³வ கி³ரிக³ஹ்வராத் ॥ 4 ॥

யே த்வங்க³த³பரீவாரா வாநரா பீ⁴மவிக்ரமா꞉ ।
தே ஸகார்முகமாலோக்ய ராமம் த்ரஸ்தா꞉ ப்ரது³த்³ருவு꞉ ॥ 5 ॥

ஸா த³த³ர்ஶ ததஸ்த்ரஸ்தாந் ஹரீநாபததோ த்³ருதம் ।
யூதா²தி³வ பரிப்⁴ரஷ்டாந் ம்ருகா³ந்நிஹதயூத²பாந் ॥ 6 ॥

தாநுவாச ஸமாஸாத்³ய து³꞉கி²தாந் து³꞉கி²தா ஸதீ ।
ராமவித்ராஸிதாந் ஸர்வாநநுப³த்³தா⁴நிவேஷுபி⁴꞉ ॥ 7 ॥

வாநரா ராஜஸிம்ஹஸ்ய யஸ்ய யூயம் புர꞉ஸரா꞉ ।
தம் விஹாய ஸுஸந்த்ரஸ்தா꞉ கஸ்மாத்³த்³ரவத² து³ர்க³தா꞉ ॥ 8 ॥

ராஜ்யஹேதோ꞉ ஸ சேத்³ப்⁴ராதா ப்⁴ராத்ரா ரௌத்³ரேண பாதித꞉ ।
ராமேண ப்ரஹிதை ரௌத்³ரைர்மார்க³ணைர்தூ³ரபாதிபி⁴꞉ ॥ 9 ॥

கபிபத்ந்யா வச꞉ ஶ்ருத்வா கபய꞉ காமரூபிண꞉ ।
ப்ராப்தகாலமவிக்லிஷ்டமூசுர்வசநமங்க³நாம் ॥ 10 ॥

ஜீவபுத்ரே நிவர்தஸ்வ புத்ரம் ரக்ஷஸ்வ சாங்க³த³ம் ।
அந்தகோ ராமரூபேண ஹத்வா நயதி வாலிநம் ॥ 11 ॥

க்ஷிப்தாந் வ்ருக்ஷாந் ஸமாவித்⁴ய விபுலாஶ்ச ஶிலாஸ்ததா² ।
வாலீ வஜ்ரஸமைர்பா³ணை ராமேண விநிபாதித꞉ ॥ 12 ॥

அபி⁴த்³ருதமித³ம் ஸர்வம் வித்³ருதம் ப்ரஸ்ருதம் ப³லம் ।
அஸ்மிந் ப்லவக³ஶார்தூ³ளே ஹதே ஶக்ரஸமப்ரபே⁴ ॥ 13 ॥

ரக்ஷ்யதாம் நக³ரத்³வாரமங்க³த³ஶ்சாபி⁴ஷிச்யதாம் ।
பத³ஸ்த²ம் வாலிந꞉ புத்ரம் ப⁴ஜிஷ்யந்தி ப்லவங்க³மா꞉ ॥ 14 ॥

அத²வாருசிதம் ஸ்தா²நமிஹ தே ருசிராநநே ।
ஆவிஶந்தி ஹி து³ர்கா³ணி க்ஷிப்ரமந்யாநி வாநரா꞉ ॥ 15 ॥

அபா⁴ர்யாஶ்ச ஸபா⁴ர்யாஶ்ச ஸந்த்யத்ர வநசாரிண꞉ ।
லுப்³தே⁴ப்⁴யோ விப்ரயுக்தேப்⁴யஸ்தேப்⁴யோ நஸ்துமுலம் ப⁴யம் ॥ 16 ॥

அல்பாந்தரக³தாநாம் து ஶ்ருத்வா வசநமங்க³நா ।
ஆத்மந꞉ ப்ரதிரூபம் ஸா ப³பா⁴ஷே சாருஹாஸிநீ ॥ 17 ॥

புத்ரேண மம கிம் கார்யம் கிம் ராஜ்யேந கிமாத்மநா ।
கபிஸிம்ஹே மஹாபா⁴கே³ தஸ்மிந் ப⁴ர்தரி நஶ்யதி ॥ 18 ॥

பாத³மூலம் க³மிஷ்யாமி தஸ்யைவாஹம் மஹாத்மந꞉ ।
யோ(அ)ஸௌ ராமப்ரயுக்தேந ஶரேண விநிபாதித꞉ ॥ 19 ॥

ஏவமுக்த்வா ப்ரது³த்³ராவ ருத³ந்தீ ஶோககர்ஶிதா ।
ஶிரஶ்சோரஶ்ச பா³ஹுப்⁴யாம் து³꞉கே²ந ஸமபி⁴க்⁴நதீ ॥ 20 ॥

ஆவ்ரஜந்தீ த³த³ர்ஶாத² பதிம் நிபதிதம் பு⁴வி ।
ஹந்தாரம் தா³நவேந்த்³ராணாம் ஸமரேஷ்வநிவர்திநாம் ॥ 21 ॥

க்ஷேப்தாரம் பர்வதேந்த்³ராணாம் வஜ்ராணாமிவ வாஸவம் ।
மஹாவாதஸமாவிஷ்டம் மஹாமேகௌ⁴க⁴நி꞉ஸ்வநம் ॥ 22 ॥

ஶக்ரதுல்யபராக்ராந்தம் வ்ருஷ்ட்வேவோபரதம் க⁴நம் ।
நர்த³ந்தம் நர்த³தாம் பீ⁴மம் ஶூரம் ஶூரேண பாதிதம் ॥ 23 ॥

ஶார்தூ³ளேநாமிஷஸ்யார்தே² ம்ருக³ராஜம் யதா² ஹதம் ।
அர்சிதம் ஸர்வலோகஸ்ய ஸபதாகம் ஸவேதி³கம் ॥ 24 ॥

நாக³ஹேதோ꞉ ஸுபர்ணேந சைத்யமுந்மதி²தம் யதா² ।
அவஷ்டப்⁴ய ச திஷ்ட²ந்தம் த³த³ர்ஶ த⁴நுருத்தமம் ॥ 25 ॥

ராமம் ராமாநுஜம் சைவ ப⁴ர்துஶ்சைவாநுஜம் ஶுபா⁴ ।
தாநதீத்ய ஸமாஸாத்³ய ப⁴ர்தாரம் நிஹதம் ரணே ॥ 26 ॥

ஸமீக்ஷ்ய வ்யதி²தா பூ⁴மௌ ஸம்ப்⁴ராந்தா நிபபாத ஹ ।
ஸுப்த்வேவ புநருத்தா²ய ஆர்யபுத்ரேதி க்ரோஶதீ ।
ருரோத³ ஸா பதிம் த்³ருஷ்ட்வா ஸந்தி³தம் ம்ருத்யுதா³மபி⁴꞉ ॥ 27 ॥

தாமவேக்ஷ்ய து ஸுக்³ரீவ꞉ க்ரோஶந்தீம் குரரீமிவ ।
விஷாத³மக³மத்கஷ்டம் த³ஷ்ட்வா சாங்க³த³மாக³தம் ॥ 28 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஏகோநவிம்ஶ꞉ ஸர்க³꞉ ॥ 19 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

---