Aranya Kanda Sarga 47 – அரண்யகாண்ட³ ஸப்தசத்வாரிம்ஶ꞉ ஸர்க³꞉ (47)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஸப்தசத்வாரிம்ஶ꞉ ஸர்க³꞉ (47)

॥ ராவணாதி⁴க்ஷேப꞉ ॥

ராவணேந து வைதே³ஹீ ததா³ ப்ருஷ்டா² ஜிஹீர்ஷதா ।
பரிவ்ராஜகலிங்கே³ந ஶஶம்ஸாத்மாநமங்க³நா ॥ 1 ॥

ப்³ராஹ்மணஶ்சாதிதி²ஶ்சாயமநுக்தோ ஹி ஶபேத மாம் ।
இதி த்⁴யாத்வா முஹூர்தம் து ஸீதா வசநமப்³ரவீத் ॥ 2 ॥

து³ஹிதா ஜநகஸ்யாஹம் மைதி²லஸ்ய மஹாத்மந꞉ ।
ஸீதா நாம்நா(அ)ஸ்மி ப⁴த்³ரம் தே ராமபா⁴ர்யா த்³விஜோத்தம ॥ 3 ॥

உஷித்வா த்³வாத³ஶ ஸமா இக்ஷ்வாகூணாம் நிவேஶநே ।
பு⁴ஞ்ஜாநாந்மாநுஷாந்போ⁴கா³ந் ஸர்வகாமஸம்ருத்³தி⁴நீ ॥ 4 ॥

ததஸ்த்ரயோத³ஶே வர்ஷே ராஜாமந்த்ரயத ப்ரபு⁴꞉ ।
அபி⁴ஷேசயிதும் ராமம் ஸமேதோ ராஜமந்த்ரிபி⁴꞉ ॥ 5 ॥

தஸ்மிந் ஸம்ப்⁴ரியமாணே து ராக⁴வஸ்யாபி⁴ஷேசநே ।
கைகேயீ நாம ப⁴ர்தாரமார்யா ஸா யாசதே வரம் ॥ 6 ॥

ப்ரதிக்³ருஹ்ய து கைகேயீ ஶ்வஶுரம் ஸுக்ருதேந மே ।
மம ப்ரவ்ராஜநம் ப⁴ர்துர்ப⁴ரதஸ்யாபி⁴ஷேசநம் ॥ 7 ॥

த்³வாவயாசத ப⁴ர்தாரம் ஸத்யஸந்த⁴ம் ந்ருபோத்தமம் ।
நாத்³ய போ⁴க்ஷ்யே ந ச ஸ்வப்ஸ்யே ந ச பாஸ்யே கத²ஞ்சந ॥ 8 ॥

ஏஷ மே ஜீவிதஸ்யாந்தோ ராமோ யத்³யபி⁴ஷிச்யதே ।
இதி ப்³ருவாணாம் கைகேயீம் ஶ்வஶுரோ மே ஸ மாநத³꞉ ॥ 9 ॥

அயாசதார்தை²ரந்வர்தை²ர்ந ச யாஞ்சாம் சகார ஸா ।
மம ப⁴ர்தா மஹாதேஜா வயஸா பஞ்சவிம்ஶக꞉ ॥ 10 ॥

அஷ்டாத³ஶ ஹி வர்ஷாணி மம ஜந்மநி க³ண்யதே ।
ராமேதி ப்ரதி²தோ லோகே கு³ணவாந் ஸத்யவாஞ்ஶுசி꞉ ॥ 11 ॥

விஶாலாக்ஷோ மஹாபா³ஹு꞉ ஸர்வபூ⁴தஹிதே ரத꞉ ।
காமார்தஸ்து மஹாதேஜா꞉ பிதா த³ஶரத²꞉ ஸ்வயம் ॥ 12 ॥

கைகேய்யா꞉ ப்ரியகாமார்த²ம் தம் ராமம் நாப்⁴யஷேசயத் ।
அபி⁴ஷேகாய து பிது꞉ ஸமீபம் ராமமாக³தம் ॥ 13 ॥

கைகேயீ மம ப⁴ர்தாரமித்யுவாச த்⁴ருதம் வச꞉ ।
தவ பித்ரா ஸமாஜ்ஞப்தம் மமேத³ம் ஶ்ருணு ராக⁴வ ॥ 14 ॥

ப⁴ரதாய ப்ரதா³தவ்யமித³ம் ராஜ்யமகண்டகம் ।
த்வயா ஹி க²லு வஸ்தவ்யம் நவ வர்ஷாணி பஞ்ச ச ॥ 15 ॥

வநே ப்ரவ்ரஜ காகுத்ஸ்த² பிதரம் மோசயாந்ருதாத் ।
ததே²த்யுக்த்வா ச தாம் ராம꞉ கைகேயீமகுதோப⁴ய꞉ ॥ 16 ॥

சகார தத்³வசஸ்தஸ்யா மம ப⁴ர்தா த்³ருட⁴வ்ரத꞉ ।
த³த்³யாந்ந ப்ரதிக்³ருஹ்ணீயாத்ஸத்யம் ப்³ரூயாந்ந சாந்ருதம் ॥ 17 ॥

ஏதத்³ப்³ராஹ்மண ராமஸ்ய த்⁴ருவம் வ்ரதமநுத்தமம் ।
தஸ்ய ப்⁴ராதா து த்³வைமாத்ரோ லக்ஷ்மணோ நாம வீர்யவாந் ॥ 18 ॥

ராமஸ்ய புருஷவ்யாக்⁴ர꞉ ஸஹாய꞉ ஸமரே(அ)ரிஹா ।
ஸ ப்⁴ராதா லக்ஷ்மணோ நாம த⁴ர்மசாரீ த்³ருட⁴வ்ரத꞉ ॥ 19 ॥

அந்வக³ச்ச²த்³த⁴நுஷ்பாணி꞉ ப்ரவ்ரஜந்தம் மயா ஸஹ ।
ஜடீ தாபஸரூபேண மயா ஸஹ ஸஹாநுஜ꞉ ॥ 20 ॥

ப்ரவிஷ்டோ த³ண்ட³காரண்யம் த⁴ர்மநித்யோ ஜிதேந்த்³ரிய꞉ ।
தே வயம் ப்ரச்யுதா ராஜ்யாத் கைகேய்யாஸ்து க்ருதே த்ரய꞉ ॥ 21 ॥

விசராம த்³விஜஶ்ரேஷ்ட² வநம் க³ம்பீ⁴ரமோஜஸா ।
ஸமாஶ்வஸ முஹூர்தம் து ஶக்யம் வஸ்துமிஹ த்வயா ॥ 22 ॥

ஆக³மிஷ்யதி மே ப⁴ர்தா வந்யமாதா³ய புஷ்களம் ।
ருரூந் கோ³தா⁴ந் வராஹாம்ஶ்ச ஹத்வா(ஆ)தா³யாமிஷாந் ப³ஹூந் ॥ 23 ॥

ஸ த்வம் நாம ச கோ³த்ரம் ச குலம் சாசக்ஷ்வ தத்த்வத꞉ ।
ஏகஶ்ச த³ண்ட³காரண்யே கிமர்த²ம் சரஸி த்³விஜ ॥ 24 ॥

ஏவம் ப்³ருவந்த்யாம் ஸீதாயாம் ராமபத்ந்யாம் மஹாப³ல꞉ ।
ப்ரத்யுவாசோத்தரம் தீவ்ரம் ராவணோ ராக்ஷஸாதி⁴ப꞉ ॥ 25 ॥

யேந வித்ராஸிதா லோகா꞉ ஸதே³வாஸுரபந்நகா³꞉ ।
அஹம் ஸ ராவணோ நாம ஸீதே ரக்ஷோக³ணேஶ்வர꞉ ॥ 26 ॥

த்வாம் து காஞ்சநவர்ணாபா⁴ம் த்³ருஷ்ட்வா கௌஶேயவாஸிநீம் ।
ரதிம் ஸ்வகேஷு தா³ரேஷு நாதி⁴க³ச்சா²ம்யநிந்தி³தே ॥ 27 ॥

ப³ஹ்வீநாமுத்தமஸ்த்ரீணாமாஹ்ருதாநாமிதஸ்தத꞉ ।
ஸர்வாஸாமேவ ப⁴த்³ரம் தே மமாக்³ரமஹிஷீ ப⁴வ ॥ 28 ॥

லங்கா நாம ஸமுத்³ரஸ்ய மத்⁴யே மம மஹாபுரீ ।
ஸாக³ரேண பரிக்ஷிப்தா நிவிஷ்டா நக³மூர்த⁴நி ॥ 29 ॥

தத்ர ஸீதே மயா ஸார்த⁴ம் வநேஷு விஹரிஷ்யஸி ।
ந சாஸ்யாரண்யவாஸஸ்ய ஸ்ப்ருஹயிஷ்யஸி பா⁴மிநி ॥ 30 ॥

பஞ்ச தா³ஸ்ய꞉ ஸஹஸ்ராணி ஸர்வாப⁴ரணபூ⁴ஷிதா꞉ ।
ஸீதே பரிசரிஷ்யந்தி பா⁴ர்யா ப⁴வஸி மே யதி³ ॥ 31 ॥

ராவணேநைவமுக்தா து குபிதா ஜநகாத்மஜா ।
ப்ரத்யுவாசாநவத்³யாங்கீ³ தமநாத்³ருத்ய ராக்ஷஸம் ॥ 32 ॥

மஹாகி³ரிமிவாகம்ப்யம் மஹேந்த்³ரஸத்³ருஶம் பதிம் ।
மஹோத³தி⁴மிவாக்ஷோப்⁴யமஹம் ராமமநுவ்ரதா ॥ 33 ॥

ஸர்வலக்ஷணஸம்பந்நம் ந்யக்³ரோத⁴பரிமண்ட³லம் ।
ஸத்யஸந்த⁴ம் மஹாபா⁴க³மஹம் ராமமநுவ்ரதா ॥ 34 ॥

மஹாபா³ஹும் மஹோரஸ்கம் ஸிம்ஹவிக்ராந்தகா³மிநம் ।
ந்ருஸிம்ஹம் ஸிம்ஹஸங்காஶமஹம் ராமமநுவ்ரதா ॥ 35 ॥

பூர்ணசந்த்³ராநநம் ராமம் ராஜவத்ஸம் ஜிதேந்த்³ரியம் ।
ப்ருது²கீர்திம் மஹாத்மாநமஹம் ராமமநுவ்ரதா ॥ 36 ॥

த்வம் புநர்ஜம்பு³க꞉ ஸிம்ஹீம் மாமிச்ச²ஸி ஸுது³ர்லபா⁴ம் ।
நாஹம் ஶக்யா த்வயா ஸ்ப்ரஷ்டுமாதி³த்யஸ்ய ப்ரபா⁴ யதா² ॥ 37 ॥

பாத³பாந் காஞ்சநாந்நூநம் ப³ஹூந் பஶ்யஸி மந்த³பா⁴க் ।
ராக⁴வஸ்ய ப்ரியாம் பா⁴ர்யாம் யஸ்த்வமிச்ச²ஸி ராவண ॥ 38 ॥

க்ஷுதி⁴தஸ்ய ஹி ஸிம்ஹஸ்ய ம்ருக³ஶத்ரோஸ்தரஸ்விந꞉ ।
ஆஶீவிஷஸ்ய வத³நாத்³த³ம்ஷ்ட்ராமாதா³துமிச்ச²ஸி ॥ 39 ॥

மந்த³ரம் பர்வதஶ்ரேஷ்ட²ம் பாணிநா ஹர்துமிச்ச²ஸி ।
காலகூடம் விஷம் பீத்வா ஸ்வஸ்திமாந் க³ந்துமிச்ச²ஸி ॥ 40 ॥

அக்ஷி ஸூச்யா ப்ரம்ருஜஸி ஜிஹ்வயா லேக்ஷி ச க்ஷுரம் ।
ராக⁴வஸ்ய ப்ரியாம் பா⁴ர்யாம் யோ(அ)தி⁴க³ந்தும் த்வமிச்ச²ஸி ॥ 41 ॥

அவஸஜ்ய ஶிலாம் கண்டே² ஸமுத்³ரம் தர்துமிச்ச²ஸி ।
ஸூர்யாசந்த்³ரமஸௌ சோபௌ⁴ பாணிப்⁴யாம் ஹர்துமிச்ச²ஸி ॥ 42 ॥

யோ ராமஸ்ய ப்ரியாம் பா⁴ர்யாம் ப்ரத⁴ர்ஷயிதுமிச்ச²ஸி ।
அக்³நிம் ப்ரஜ்வலிதம் த்³ருஷ்ட்வா வஸ்த்ரேணாஹர்துமிச்ச²ஸி ॥ 43 ॥

கல்யாணவ்ருத்தாம் ராமஸ்ய யோ பா⁴ர்யாம் ஹர்துமிச்ச²ஸி ।
அயோமுகா²நாம் ஶூலாநாமக்³ரே சரிதுமிச்ச²ஸி ।
ராமஸ்ய ஸத்³ருஶீம் பா⁴ர்யாம் யோ(அ)தி⁴க³ந்தும் த்வமிச்ச²ஸி ॥ 44 ॥

யத³ந்தரம் ஸிம்ஹஶ்ருகா³ளயோர்வநே
யத³ந்தரம் ஸ்யந்தி³நிகாஸமுத்³ரயோ꞉ ।
ஸுராக்³ர்யஸௌவீரகயோர்யத³ந்தரம்ம்
தத³ந்தரம் வை தவ ராக⁴வஸ்ய ச ॥ 45 ॥

யத³ந்தரம் காஞ்சநஸீஸலோஹயோ-
-ர்யத³ந்தரம் சந்த³நவாரிபங்கயோ꞉ ।
யத³ந்தரம் ஹஸ்திபி³டா³லயோர்வநே
தத³ந்தரம் தா³ஶரதே²ஸ்தவைவ ச ॥ 46 ॥

யத³ந்தரம் வாயஸவைநதேயயோ-
-ர்யத³ந்தரம் மத்³கு³மயூரயோரபி ।
யத³ந்தரம் ஸாரஸக்³ருத்⁴ரயோர்வநே
தத³ந்தரம் தா³ஶரதே²ஸ்தவைவ ச ॥ 47 ॥

தஸ்மிந் ஸஹஸ்ராக்ஷஸமப்ரபா⁴வே
ராமே ஸ்தி²தே கார்முகபா³ணபாணௌ ।
ஹ்ருதாபி தே(அ)ஹம் ந ஜராம் க³மிஷ்யே
வஜ்ரம் யதா² மக்ஷிகயா(அ)வகீ³ர்ணம் ॥ 48 ॥

இதீவ தத்³வாக்யமது³ஷ்டபா⁴வா
ஸுத்⁴ருஷ்டமுக்த்வா ரஜநீசரம் தம் ।
கா³த்ரப்ரகம்பவ்யதி²தா ப³பூ⁴வ
வாதோத்³த⁴தா ஸா கத³ளீவ தந்வீ ॥ 49 ॥

தாம் வேபமாநாமுபலக்ஷ்ய ஸீதாம்
ஸ ராவணோ ம்ருத்யுஸமப்ரபா⁴வ꞉ ।
குலம் ப³லம் நாம ச கர்ம ச ஸ்வம்
ஸமாசசக்ஷே ப⁴யகாரணார்த²ம் ॥ 50 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஸப்தசத்வாரிம்ஶ꞉ ஸர்க³꞉ ॥ 47 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.