Aranya Kanda Sarga 2 – அரண்யகாண்ட³ த்³விதீய꞉ ஸர்க³꞉ (2)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ த்³விதீய꞉ ஸர்க³꞉ (2)

॥ விராத⁴ஸம்ரோத⁴꞉ ॥

க்ருதாதித்²யோ(அ)த² ராமஸ்து ஸூர்யஸ்யோத³யநம் ப்ரதி ।
ஆமந்த்ர்ய ஸ முநீந்ஸர்வாந்வநமேவாந்வகா³ஹத ॥ 1 ॥

நாநாம்ருக³க³ணாகீர்ணம் ஶார்தூ³ளவ்ருகஸேவிதம் ।
த்⁴வஸ்தவ்ருக்ஷலதாகு³ள்மம் து³ர்த³ர்ஶஸலிலாஶயம் ॥ 2 ॥

நிஷ்கூஜநாநாஶகுநி ஜி²ல்லிகாக³ணநாதி³தம் ।
லக்ஷ்மணாநுக³தோ ராமோ வநமத்⁴யம் த³த³ர்ஶ ஹ ॥ 3 ॥

வநமத்⁴யே து காகுத்ஸ்த²ஸ்தஸ்மிந்கோ⁴ரம்ருகா³யுதே ।
த³த³ர்ஶ கி³ரிஶ்ருங்கா³ப⁴ம் புருஷாத³ம் மஹாஸ்வநம் ॥ 4 ॥

க³ம்பீ⁴ராக்ஷம் மஹாவக்த்ரம் விகடம் விஷமோத³ரம் ।
பீ³ப⁴த்ஸம் விஷமம் தீ³ர்க⁴ம் விக்ருதம் கோ⁴ரத³ர்ஶநம் ॥ 5 ॥

வஸாநம் சர்ம வையாக்⁴ரம் வஸார்த்³ரம் ருதி⁴ரோக்ஷிதம் ।
த்ராஸநம் ஸர்வபூ⁴தாநாம் வ்யாதி³தாஸ்யமிவாந்தகம் ॥ 6 ॥

த்ரீந்ஸிம்ஹாம்ஶ்சதுரோ வ்யாக்⁴ராந்த்³வௌ வ்ருஷௌ ப்ருஷதாந்த³ஶ । [வ்ருகௌ]
ஸவிஷாணம் வஸாதி³க்³த⁴ம் க³ஜஸ்ய ச ஶிரோ மஹத் ॥ 7 ॥

அவஸஜ்யாயஸே ஶூலே விநத³ந்தம் மஹாஸ்வநம் ।
ஸ ராமம் லக்ஷ்மணம் சைவ ஸீதாம் த்³ருஷ்ட்வா ச மைதி²லீம் ॥ 8 ॥

அப்⁴யதா⁴வத ஸங்க்ருத்³த⁴꞉ ப்ரஜா꞉ கால இவாந்தக꞉ ।
ஸ க்ருத்வா பை⁴ரவம் நாத³ம் சாலயந்நிவ மேதி³நீம் ॥ 9 ॥

அங்கேநாதா³ய வைதே³ஹீமபக்ரம்ய ததோ(அ)ப்³ரவீத் ।
யுவாம் ஜடாசீரத⁴ரௌ ஸபா⁴ர்யௌ க்ஷீணஜீவிதௌ ॥ 10 ॥

ப்ரவிஷ்டௌ த³ண்ட³காரண்யம் ஶரசாபாஸிதா⁴ரிணௌ ।
கத²ம் தாபஸயோர்வாம் ச வாஸ꞉ ப்ரமத³யா ஸஹ ॥ 11 ॥

அத⁴ர்மசாரிணௌ பாபௌ கௌ யுவாம் முநிதூ³ஷகௌ ।
அஹம் வநமித³ம் து³ர்க³ம் விராதோ⁴ நாம ராக்ஷஸ꞉ ॥ 12 ॥

சராமி ஸாயுதோ⁴ நித்யம்ருஷிமாம்ஸாநி ப⁴க்ஷயன் ।
இயம் நாரீ வராரோஹா மம பா⁴ர்யா ப⁴விஷ்யதி ॥ 13 ॥

யுவயோ꞉ பாபயோஶ்சாஹம் பாஸ்யாமி ருதி⁴ரம் ம்ருதே⁴ ।
தஸ்யைவம் ப்³ருவதோ த்⁴ருஷ்டம் விராத⁴ஸ்ய து³ராத்மந꞉ ॥ 14 ॥

ஶ்ருத்வா ஸக³ர்வம் வசநம் ஸம்ப்⁴ராந்தா ஜநகாத்மஜா । [ஸக³ர்விதம் வாக்யம்]
ஸீதா ப்ராவேபதோத்³வேகா³த்ப்ரவாதே கத³ளீ யதா² ॥ 15 ॥

தாம் த்³ருஷ்ட்வா ராக⁴வ꞉ ஸீதாம் விராதா⁴ங்கக³தாம் ஶுபா⁴ம் ।
அப்³ரவீல்லக்ஷ்மணம் வாக்யம் முகே²ந பரிஶுஷ்யதா ॥ 16 ॥

பஶ்ய ஸௌம்ய நரேந்த்³ரஸ்ய ஜநகஸ்யாத்மஸம்ப⁴வாம் ।
மம பா⁴ர்யா ஶுபா⁴சாராம் விராதா⁴ங்கே ப்ரவேஶிதாம் ॥ 17 ॥

அத்யந்தஸுக²ஸம்வ்ருத்³தா⁴ம் ராஜபுத்ரீம் யஶஸ்விநீம் ।
யத³பி⁴ப்ரேதமஸ்மாஸு ப்ரியம் வரவ்ருதம் ச யத் ॥ 18 ॥

கைகேய்யாஸ்து ஸுஸம்பந்நம் க்ஷிப்ரமத்³யைவ லக்ஷ்மண ।
யா ந துஷ்யதி ராஜ்யேந புத்ரார்தே² தீ³ர்க⁴த³ர்ஶிநீ ॥ 19 ॥

யயா(அ)ஹம் ஸர்வபூ⁴தாநாம் ஹித꞉ ப்ரஸ்தா²பிதோ வநம் ।
அத்³யேதா³நீம் ஸகாமா ஸா யா மாதா மம மத்⁴யமா ॥ 20 ॥

பரஸ்பர்ஶாத்து வைதே³ஹ்யா ந து³꞉க²தரமஸ்தி மே ।
பிதுர்வியோகா³த்ஸௌமித்ரே ஸ்வராஜ்யஹரணாத்ததா² ॥ 21 ॥

இதி ப்³ருவதி காகுத்ஸ்தே² பா³ஷ்பஶோகபரிப்லுதே ।
அப்³ரவீல்லக்ஷ்மண꞉ க்ருத்³தோ⁴ ருத்³தோ⁴ நாக³ இவ ஶ்வஸன் ॥ 22 ॥

அநாத² இவ பூ⁴தாநாம் நாத²ஸ்த்வம் வாஸவோபம꞉ ।
மயா ப்ரேஷ்யேண காகுத்ஸ்த² கிமர்த²ம் பரிதப்யஸே ॥ 23 ॥

ஶரேண நிஹதஸ்யாத்³ய மயா க்ருத்³தே⁴ந ரக்ஷஸ꞉ ।
விராத⁴ஸ்ய க³தாஸோர்ஹி மஹீ பாஸ்யதி ஶோணிதம் ॥ 24 ॥

ராஜ்யகாமே மம க்ரோதோ⁴ ப⁴ரதே யோ ப³பூ⁴வ ஹ ।
தம் விராதே⁴ ப்ரமோக்ஷ்யாமி வஜ்ரீ வஜ்ரமிவாசலே ॥ 25 ॥

மம பு⁴ஜப³லவேக³வேகி³த꞉
பதது ஶரோ(அ)ஸ்ய மஹாந்மஹோரஸி ।
வ்யபநயது தநோஶ்ச ஜீவிதம்
பதது தத꞉ ஸ மஹீம் விகூ⁴ர்ணித꞉ ॥ 26 ॥

[* அதி⁴கஶ்லோக꞉ –
இத்யுக்த்வா லக்ஷ்மண꞉ ஶ்ரீமாந்ராக்ஷஸம் ப்ரஹஸந்நிவ ।
கோ ப⁴வாந்வநமப்⁴யேத்ய சரிஷ்யதி யதா²ஸுக²ம் ॥
*]

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ த்³விதீய꞉ ஸர்க³꞉ ॥ 2 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.