Narayaneeyam Dasakam 41 – நாராயணீயம் ஏகசத்வாரிம்ஶத³ஶகம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஏகசத்வாரிம்ஶத³ஶகம்

நாராயணீயம் ஏகசத்வாரிம்ஶத³ஶகம் (41) – பூதநாத³ஹநம் ததா² க்ருஷ்ணலாலநாஹ்லாத³ம்

வ்ரஜேஶ்வர꞉ ஶௌரிவசோ நிஶம்ய
ஸமாவ்ரஜந்நத்⁴வநி பீ⁴தசேதா꞉ ।
நிஷ்பிஷ்டநிஶ்ஶேஷதரும் நிரீக்ஷ்ய
கஞ்சித்பதா³ர்த²ம் ஶரணம் க³தஸ்த்வாம் ॥ 41-1 ॥

நிஶம்ய கோ³பீவசநாது³த³ந்தம்
ஸர்வே(அ)பி கோ³பா ப⁴யவிஸ்மயாந்தா⁴꞉ ।
த்வத்பாதிதம் கோ⁴ரபிஶாசதே³ஹம்
தே³ஹுர்விதூ³ரே(அ)த² குடா²ரக்ருத்தம் ॥ 41-2 ॥

த்வத்பீதபூதஸ்தநதச்ச²ரீரா-
-த்ஸமுச்சலந்நுச்சதரோ ஹி தூ⁴ம꞉ ।
ஶங்காமதா⁴தா³க³ரவ꞉ கிமேஷ
கிம் சாந்த³நோ கௌ³க்³கு³ளவோ(அ)த²வேதி ॥ 41-3 ॥

மத³ங்க³ஸங்க³ஸ்ய ப²லம் ந தூ³ரே
க்ஷணேந தாவத்³ப⁴வதாமபி ஸ்யாத் ।
இத்யுல்லபந் வல்லவதல்லஜேப்⁴ய-
-ஸ்த்வம் பூதநாமாதநுதா²꞉ ஸுக³ந்தி⁴ம் ॥ 41-4 ॥

சித்ரம் பிஶாச்யா ந ஹத꞉ குமார-
-ஶ்சித்ரம் புரைவாகதி² ஶௌரிணேத³ம் ।
இதி ப்ரஶம்ஸந் கில கோ³பலோகோ
ப⁴வந்முகா²லோகரஸே ந்யமாங்க்ஷீத் ॥ 41-5 ॥

தி³நே தி³நே(அ)த² ப்ரதிவ்ருத்³த⁴ளக்ஷ்மீ-
-ரக்ஷீணமாங்க³ல்யஶதோ வ்ரஜோ(அ)யம் ।
ப⁴வந்நிவாஸாத³யி வாஸுதே³வ
ப்ரமோத³ஸாந்த்³ர꞉ பரிதோ விரேஜே ॥ 41-6 ॥

க்³ருஹேஷு தே கோமளரூபஹாஸ-
-மித²꞉ கதா²ஸங்குலிதா꞉ கமந்ய꞉ ।
வ்ருத்தேஷு க்ருத்யேஷு ப⁴வந்நிரீக்ஷா-
-ஸமாக³தா꞉ ப்ரத்யஹமத்யநந்த³ந் ॥ 41-7 ॥

அஹோ குமாரோ மயி த³த்தத்³ருஷ்டி꞉
ஸ்மிதம் க்ருதம் மாம் ப்ரதி வத்ஸகேந ।
ஏஹ்யேஹி மாமித்யுபஸார்ய பாணிம்
த்வயீஶ கிம் கிம் ந க்ருதம் வதூ⁴பி⁴꞉ ॥ 41-8 ॥

ப⁴வத்³வபு꞉ஸ்பர்ஶநகௌதுகேந
கராத் கரம் கோ³பவதூ⁴ஜநேந ।
நீதஸ்த்வமாதாம்ரஸரோஜமாலா-
-வ்யாளம்பி³லோலம்ப³துலாமலாஸீ꞉ ॥ 41-9 ॥

நிபாயயந்தீ ஸ்தநமங்கக³ம் த்வாம்
விளோகயந்தீ வத³நம் ஹஸந்தீ ।
த³ஶாம் யஶோதா³ கதமாம் ந பே⁴ஜே
ஸ தாத்³ருஶ꞉ பாஹி ஹரே க³தா³ந்மாம் ॥ 41-10 ॥

இதி ஏகசத்வாரிம்ஶத³ஶகம் ஸமாப்தம் ॥

---

ஸம்பூர்ண நாராயணீயம் பார்க்க.

---