Dashavatara Stotram (Sri Vedanta Desika Krutam) – த³ஶாவதார ஸ்தோத்ரம் (ஶ்ரீவேதா³ந்ததே³ஶிக க்ருதம்)

ஸ்தோத்ரநிதி → த³ஶாவதார ஸ்தோத்திரங்கள் → த³ஶாவதார ஸ்தோத்ரம்

தே³வோ ந꞉ ஶுப⁴மாதநோது த³ஶதா⁴ நிர்வர்தயந் பூ⁴மிகாம்
ரங்கே³ தா⁴மநி லப்³த⁴நிர்ப⁴ரரஸைரத்⁴யக்ஷிதோ பா⁴வுகை꞉ ।
யத்³பா⁴வேஷு ப்ருத²க்³விதே⁴ஷ்வநுகு³ணாந் பா⁴வாந் ஸ்வயம் பி³ப்⁴ரதீ
யத்³த⁴ர்மைரிஹ த⁴ர்மிணீ விஹரதே நாநாக்ருதிர்நாயிகா ॥ 1 ॥

நிர்மக்³நஶ்ருதிஜாலமார்க³ணத³ஶாத³த்தக்ஷணைர்வீக்ஷணை-
-ரந்தஸ்தந்வதி³வாரவிந்த³மஹநாந்யௌத³ந்வதீநாமபாம் ।
நிஷ்ப்ரத்யூஹதரங்க³ரிங்க³ணமித²꞉ ப்ரத்யூட⁴பாத²ஶ்ச²டா-
-டோ³லாரோஹஸதோ³ஹலம் ப⁴க³வதோ மாத்ஸ்யம் வபு꞉ பாது ந꞉ ॥ 2 ॥

அவ்யாஸுர்பு⁴வநத்ரயீமநிப்⁴ருதம் கண்டூ³யநைரத்³ரிணா
நித்³ராணஸ்ய பரஸ்ய கூர்மவபுஷோ நி꞉ஶ்வாஸவாதோர்மய꞉ ।
யத்³விக்ஷேபணஸம்ஸ்க்ருதோத³தி⁴பய꞉ ப்ரேங்கோ²லபர்யங்கிகா-
-நித்யாரோஹணநிர்வ்ருதோ விஹரதே தே³வ꞉ ஸஹைவ ஶ்ரியா ॥ 3 ॥

கோ³பாயேத³நிஶம் ஜக³ந்தி குஹநாபோத்ரீ பவித்ரீக்ருத-
-ப்³ரஹ்மாண்ட³꞉ ப்ரளயோர்மிகோ⁴ஷகு³ருபி⁴ர்கோ⁴ணாரவைர்கு⁴ர்கு⁴ரை꞉ ।
யத்³த³ம்ஷ்ட்ராங்குரகோடிகா³ட⁴க⁴டநாநிஷ்கம்பநித்யஸ்தி²தி-
-ர்ப்³ரஹ்மஸ்தம்ப³மஸௌத³ஸௌ ப⁴க³வதீ முஸ்தேவ விஶ்வம்ப⁴ரா ॥ 4 ॥

ப்ரத்யாதி³ஷ்டபுராதநப்ரஹரணக்³ராம꞉ க்ஷணம் பாணிஜை-
-ரவ்யாத் த்ரீணி ஜக³ந்த்யகுண்ட²மஹிமா வைகுண்ட²கண்டீ²ரவ꞉ ।
யத்ப்ராது³ர்ப⁴வநாத³வந்த்⁴யஜட²ரா யாத்³ருச்சி²காத்³வேத⁴ஸாம்
யா காசித் ஸஹஸா மஹாஸுரக்³ருஹஸ்தூ²ணா பிதாமஹ்யபூ⁴த் ॥ 5 ॥

வ்ரீடா³வித்³த⁴வதா³ந்யதா³நவயஶோநாஸீரதா⁴டீப⁴ட꞉
த்ரையக்ஷம் முகுடம் புநந்நவது நஸ்த்ரைவிக்ரமோ விக்ரம꞉ ।
யத்ப்ரஸ்தாவஸமுச்ச்²ரிதத்⁴வஜபடீவ்ருத்தாந்தஸித்³தா⁴ந்திபி⁴꞉
ஸ்ரோதோபி⁴꞉ ஸுரஸிந்து⁴ரஷ்டஸு தி³ஶாஸௌதே⁴ஷு தோ³தூ⁴யதே ॥ 6 ॥

க்ரோதா⁴க்³நிம் ஜமத³க்³நிபீட³நப⁴வம் ஸந்தர்பயிஷ்யந் க்ரமா-
-த³க்ஷத்ராமிஹ ஸந்ததக்ஷ ய இமாம் த்ரி꞉ஸப்தக்ருத்வ꞉ க்ஷிதிம் ।
த³த்த்வா கர்மணி த³க்ஷிணாம் க்வசந தாமாஸ்கந்த்³ய ஸிந்து⁴ம் வஸந்
அப்³ரஹ்மண்யமபாகரோது ப⁴க³வாநாப்³ரஹ்மகீடம் முநி꞉ ॥ 7 ॥

பாராவாரபயோவிஶோஷணகலாபாரீணகாலாநல-
-ஜ்வாலாஜாலவிஹாரஹாரிவிஶிக²வ்யாபாரகோ⁴ரக்ரம꞉ ।
ஸர்வாவஸ்த²ஸக்ருத்ப்ரபந்நஜநதாஸம்ரக்ஷணைகவ்ரதீ
த⁴ர்மோ விக்³ரஹவாநத⁴ர்மவிரதிம் த⁴ந்வீ ஸ தந்வீத ந꞉ ॥ 8 ॥

ப²க்கத்கௌரவபட்டணப்ரப்⁴ருதய꞉ ப்ராஸ்தப்ரளம்பா³த³ய-
-ஸ்தாலாங்கஸ்ய ததா²விதா⁴ விஹ்ருதயஸ்தந்வந்து ப⁴த்³ராணி ந꞉ ।
க்ஷீரம் ஶர்கரயேவ யாபி⁴ரப்ருத²க்³பூ⁴தா꞉ ப்ரபூ⁴தைர்கு³ணை-
-ராகௌமாரகமஸ்வத³ந்த ஜக³தே க்ருஷ்ணஸ்ய தா꞉ கேலய꞉ ॥ 9 ॥

நாதா²யைவ நம꞉ பத³ம் ப⁴வது நஶ்சித்ரைஶ்சரித்ரக்ரமை-
-ர்பூ⁴யோபி⁴ர்பு⁴வநாந்யமூநி குஹநாகோ³பாய கோ³பாயதே ।
காளிந்தீ³ரஸிகாய காளியப²ணிஸ்பா²ரஸ்ப²டாவாடிகா-
-ரங்கோ³த்ஸங்க³விஶங்கசக்ரமது⁴ராபர்யாயசர்யாய தே ॥ 10 ॥

பா⁴விந்யா த³ஶயா ப⁴வந்நிஹ ப⁴வத்⁴வம்ஸாய ந꞉ கல்பதாம்
கல்கீ விஷ்ணுயஶ꞉ ஸுத꞉ கலிகதா²காலுஷ்யகூலங்கஷ꞉ ।
நி꞉ஶேஷக்ஷதகண்டகே க்ஷிதிதலே தா⁴ராஜலௌகை⁴ர்த்⁴ருவம்
த⁴ர்மம் கார்தயுக³ம் ப்ரரோஹயதி யந்நிஸ்த்ரிம்ஶதா⁴ராத⁴ர꞉ ॥ 11 ॥

இச்சா²மீந விஹாரகச்ச²ப மஹாபோத்ரிந் யத்³ருச்சா²ஹரே
ரக்ஷாவாமந ரோஷராம கருணாகாகுத்ஸ்த² ஹேலாஹலிந் ।
க்ரீடா³வல்லவ கல்கவாஹந த³ஶாகல்கிந்நிதி ப்ரத்யஹம்
ஜல்பந்த꞉ புருஷா꞉ புநந்தி பு⁴வநம் புண்யௌக⁴பண்யாபணா꞉ ॥ 12 ॥

வித்³யோத³ந்வதி வேங்கடேஶ்வரகவௌ ஜாதம் ஜக³ந்மங்க³ளம்
தே³வேஶஸ்ய த³ஶாவதாரவிஷயம் ஸ்தோத்ரம் விவக்ஷேத ய꞉ ।
வக்த்ரம் தஸ்ய ஸரஸ்வதீ ப³ஹுமுகீ² ப⁴க்தி꞉ பரா மாநஸே
ஶுத்³தி⁴꞉ கா(அ)பி தநௌ தி³ஶாஸு த³ஶஸு க்²யாதி꞉ ஶுபா⁴ ஜ்ரும்ப⁴தே ॥ 13 ॥

இதி ஶ்ரீமத்³வேங்கடநாத²ஸ்ய வேதா³ந்தாசார்யஸ்ய க்ருதிஷு த³ஶாவதார ஸ்தோத்ரம் ।

---

மேலும் ஶ்ரீ விஷ்ணு ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.