Srimad Bhagavadgita Chapter 9 – நவமோ(அ)த்⁴யாய꞉ – ராஜவித்³யா ராஜகு³ஹ்யயோக³꞉

ஸ்தோத்ரநிதி → ஶ்ரீமத்³ப⁴க³வத்³கீ³தா → 9. ராஜவித்³யா ராஜகு³ஹ்யயோக³꞉

ஶ்ரீப⁴க³வாநுவாச ।
இத³ம் து தே கு³ஹ்யதமம் ப்ரவக்ஷ்யாம்யநஸூயவே ।
ஜ்ஞாநம் விஜ்ஞாநஸஹிதம் யஜ்ஜ்ஞாத்வா மோக்ஷ்யஸே(அ)ஶுபா⁴த் ॥ 1 ॥

ராஜவித்³யா ராஜகு³ஹ்யம் பவித்ரமித³முத்தமம் ।
ப்ரத்யக்ஷாவக³மம் த⁴ர்ம்யம் ஸுஸுக²ம் கர்துமவ்யயம் ॥ 2 ॥

அஶ்ரத்³த³தா⁴நா꞉ புருஷா த⁴ர்மஸ்யாஸ்ய பரந்தப ।
அப்ராப்ய மாம் நிவர்தந்தே ம்ருத்யுஸம்ஸாரவர்த்மநி ॥ 3 ॥

மயா ததமித³ம் ஸர்வம் ஜக³த³வ்யக்தமூர்திநா ।
மத்ஸ்தா²நி ஸர்வபூ⁴தாநி ந சாஹம் தேஷ்வவஸ்தி²த꞉ ॥ 4 ॥

ந ச மத்ஸ்தா²நி பூ⁴தாநி பஶ்ய மே யோக³மைஶ்வரம் ।
பூ⁴தப்⁴ருந்ந ச பூ⁴தஸ்தோ² மமாத்மா பூ⁴தபா⁴வந꞉ ॥ 5 ॥

யதா²(ஆ)காஶஸ்தி²தோ நித்யம் வாயு꞉ ஸர்வத்ரகோ³ மஹான் ।
ததா² ஸர்வாணி பூ⁴தாநி மத்ஸ்தா²நீத்யுபதா⁴ரய ॥ 6 ॥

ஸர்வபூ⁴தாநி கௌந்தேய ப்ரக்ருதிம் யாந்தி மாமிகாம் ।
கல்பக்ஷயே புநஸ்தாநி கல்பாதௌ³ விஸ்ருஜாம்யஹம் ॥ 7 ॥

ப்ரக்ருதிம் ஸ்வாமவஷ்டப்⁴ய விஸ்ருஜாமி புந꞉ புந꞉ ।
பூ⁴தக்³ராமமிமம் க்ருத்ஸ்நமவஶம் ப்ரக்ருதேர்வஶாத் ॥ 8 ॥

ந ச மாம் தாநி கர்மாணி நிப³த்⁴நந்தி த⁴நஞ்ஜய ।
உதா³ஸீநவதா³ஸீநமஸக்தம் தேஷு கர்மஸு ॥ 9 ॥

மயாத்⁴யக்ஷேண ப்ரக்ருதி꞉ ஸூயதே ஸசராசரம் ।
ஹேதுநாநேந கௌந்தேய ஜக³த்³விபரிவர்ததே ॥ 10 ॥

அவஜாநந்தி மாம் மூடா⁴ மாநுஷீம் தநுமாஶ்ரிதம் ।
பரம் பா⁴வமஜாநந்தோ மம பூ⁴தமஹேஶ்வரம் ॥ 11 ॥

மோகா⁴ஶா மோக⁴கர்மாணோ மோக⁴ஜ்ஞாநா விசேதஸ꞉ ।
ராக்ஷஸீமாஸுரீம் சைவ ப்ரக்ருதிம் மோஹிநீம் ஶ்ரிதா꞉ ॥ 12 ॥

மஹாத்மாநஸ்து மாம் பார்த² தை³வீம் ப்ரக்ருதிமாஶ்ரிதா꞉ ।
ப⁴ஜந்த்யநந்யமநஸோ ஜ்ஞாத்வா பூ⁴தாதி³மவ்யயம் ॥ 13 ॥

ஸததம் கீர்தயந்தோ மாம் யதந்தஶ்ச த்³ருட⁴வ்ரதா꞉ ।
நமஸ்யந்தஶ்ச மாம் ப⁴க்த்யா நித்யயுக்தா உபாஸதே ॥ 14 ॥

ஜ்ஞாநயஜ்ஞேந சாப்யந்யே யஜந்தோ மாமுபாஸதே ।
ஏகத்வேந ப்ருத²க்த்வேந ப³ஹுதா⁴ விஶ்வதோமுக²ம் ॥ 15 ॥

அஹம் க்ரதுரஹம் யஜ்ஞ꞉ ஸ்வதா⁴ஹமஹமௌஷத⁴ம் ।
மந்த்ரோ(அ)ஹமஹமேவாஜ்யமஹமக்³நிரஹம் ஹுதம் ॥ 16 ॥

பிதாஹமஸ்ய ஜக³தோ மாதா தா⁴தா பிதாமஹ꞉ ।
வேத்³யம் பவித்ரமோங்கார ருக் ஸாம யஜுரேவ ச ॥ 17 ॥

க³திர்ப⁴ர்தா ப்ரபு⁴꞉ ஸாக்ஷீ நிவாஸ꞉ ஶரணம் ஸுஹ்ருத் ।
ப்ரப⁴வ꞉ ப்ரளய꞉ ஸ்தா²நம் நிதா⁴நம் பீ³ஜமவ்யயம் ॥ 18 ॥

தபாம்யஹமஹம் வர்ஷம் நிக்³ருஹ்ணாம்யுத்ஸ்ருஜாமி ச ।
அம்ருதம் சைவ ம்ருத்யுஶ்ச ஸத³ஸச்சாஹமர்ஜுந ॥ 19 ॥

த்ரைவித்³யா மாம் ஸோமபா꞉ பூதபாபா
யஜ்ஞைரிஷ்ட்வா ஸ்வர்க³திம் ப்ரார்த²யந்தே ।
தே புண்யமாஸாத்³ய ஸுரேந்த்³ரளோக-
-மஶ்நந்தி தி³வ்யான் தி³வி தே³வபோ⁴கா³ன் ॥ 20 ॥

தே தம் பு⁴க்த்வா ஸ்வர்க³ளோகம் விஶாலம்
க்ஷீணே புண்யே மர்த்யலோகம் விஶந்தி ।
ஏவம் த்ரயீத⁴ர்மமநுப்ரபந்நா
க³தாக³தம் காமகாமா லப⁴ந்தே ॥ 21 ॥

அநந்யாஶ்சிந்தயந்தோ மாம் யே ஜநா꞉ பர்யுபாஸதே ।
தேஷாம் நித்யாபி⁴யுக்தாநாம் யோக³க்ஷேமம் வஹாம்யஹம் ॥ 22 ॥

யே(அ)ப்யந்யதே³வதா ப⁴க்தா யஜந்தே ஶ்ரத்³த⁴யாந்விதா꞉ ।
தே(அ)பி மாமேவ கௌந்தேய யஜந்த்யவிதி⁴பூர்வகம் ॥ 23 ॥

அஹம் ஹி ஸர்வயஜ்ஞாநாம் போ⁴க்தா ச ப்ரபு⁴ரேவ ச ।
ந து மாமபி⁴ஜாநந்தி தத்த்வேநாதஶ்ச்யவந்தி தே ॥ 24 ॥

யாந்தி தே³வவ்ரதா தே³வான் பித்ரூன் யாந்தி பித்ருவ்ரதா꞉ ।
பூ⁴தாநி யாந்தி பூ⁴தேஜ்யா யாந்தி மத்³யாஜிநோ(அ)பி மாம் ॥ 25 ॥

பத்ரம் புஷ்பம் ப²லம் தோயம் யோ மே ப⁴க்த்யா ப்ரயச்ச²தி ।
தத³ஹம் ப⁴க்த்யுபஹ்ருதமஶ்நாமி ப்ரயதாத்மந꞉ ॥ 26 ॥

யத் கரோஷி யத³ஶ்நாஸி யஜ்ஜுஹோஷி த³தா³ஸி யத் ।
யத் தபஸ்யஸி கௌந்தேய தத் குருஷ்வ மத³ர்பணம் ॥ 27 ॥

ஶுபா⁴ஶுப⁴ப²லைரேவம் மோக்ஷ்யஸே கர்மப³ந்த⁴நை꞉ ।
ஸம்ந்யாஸயோக³யுக்தாத்மா விமுக்தோ மாமுபைஷ்யஸி ॥ 28 ॥

ஸமோ(அ)ஹம் ஸர்வபூ⁴தேஷு ந மே த்³வேஷ்யோ(அ)ஸ்தி ந ப்ரிய꞉ ।
யே ப⁴ஜந்தி து மாம் ப⁴க்த்யா மயி தே தேஷு சாப்யஹம் ॥ 29 ॥

அபி சேத் ஸுது³ராசாரோ ப⁴ஜதே மாமநந்யபா⁴க் ।
ஸாது⁴ரேவ ஸ மந்தவ்ய꞉ ஸம்யக்³வ்யவஸிதோ ஹி ஸ꞉ ॥ 30 ॥

க்ஷிப்ரம் ப⁴வதி த⁴ர்மாத்மா ஶஶ்வச்சா²ந்திம் நிக³ச்ச²தி ।
கௌந்தேய ப்ரதி ஜாநீஹி ந மே ப⁴க்த꞉ ப்ரணஶ்யதி ॥ 31 ॥

மாம் ஹி பார்த² வ்யபாஶ்ரித்ய யே(அ)பி ஸ்யு꞉ பாபயோநய꞉ ।
ஸ்த்ரியோ வைஶ்யாஸ்ததா² ஶூத்³ராஸ்தே(அ)பி யாந்தி பராம் க³திம் ॥ 32 ॥

கிம் புநர்ப்³ராஹ்மணா꞉ புண்யா ப⁴க்தா ராஜர்ஷயஸ்ததா² ।
அநித்யமஸுக²ம் லோகமிமம் ப்ராப்ய ப⁴ஜஸ்வ மாம் ॥ 33 ॥

மந்மநா ப⁴வ மத்³ப⁴க்தோ மத்³யாஜீ மாம் நமஸ்குரு ।
மாமேவைஷ்யஸி யுக்த்வைவமாத்மாநம் மத்பராயண꞉ ॥ 34 ॥

இதி ஶ்ரீமத்³ப⁴க³வத்³கீ³தாஸூபநிஷத்ஸு ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருஷ்ணார்ஜுநஸம்வாதே³ ராஜவித்³யாராஜகு³ஹ்யயோகோ³ நாம நவமோ(அ)த்⁴யாய꞉ ॥ 9 ॥

த³ஶமோ(அ)த்⁴யாய꞉ – விபூ⁴தியோக³꞉ >>

---

ஸம்பூர்ண ஶ்ரீமத்³ப⁴க³வத்³கீ³தா பார்க்க.

Did you see any mistake/variation in the content above? Click here to report mistakes and corrections in Stotranidhi content.