Vignana Nauka Ashtakam – விஜ்ஞானநௌகாஷ்டகம்

ஸ்தோத்ரநிதி → விவித⁴ ஸ்தோத்திரங்கள் → விஜ்ஞானநௌகாஷ்டகம்

தபோயஜ்ஞதா³னாதி³பி⁴ஶ்ஶுத்³த⁴பு³த்³தி⁴-
ர்விரக்தோக்³ரஜாதி꞉ பரே துச்ச² பு³த்³த்⁴யா |
பரித்யஜ்ய ஸர்வம் யதா³ப்னோதி தத்த்வம்
பரம் ப்³ரஹ்ம நித்யம் ததே³வாஹமஸ்மி || 1 ||

த³யாளும் கு³ரும் ப்³ரஹ்மனிஷ்ட²ம் ப்ரஶாந்தம்
ஸமாராத்⁴ய ப⁴க்த்யா விசார்ய ஸ்வரூபம் |
யதா³ப்னோதி தத்த்வம் நிதி³த்⁴யஸ்ய வித்³வான்
பரம் ப்³ரஹ்ம நித்யம் ததே³வாஹமஸ்மி || 2 ||

யதா³னந்த³ரூபப்ரகாஶஸ்வரூபம்
நிரஸ்த ப்ரபஞ்சம் பரிச்சே²த³ ஶூன்யம் |
அஹம் ப்³ரஹ்மவ்ருத்தைகக³ம்யம் துரீயம்
பரம் ப்³ரஹ்ம நித்யம் ததே³வாஹமஸ்மி || 3 ||

யத³ஜ்ஞானதோ பா⁴தி விஶ்வம் ஸமஸ்தம்
ப்ரணஷ்டம் ச ஸத்³யோ யதா³த்மப்ரபோ³தே⁴ |
மனோவாக³தீதம் விஶுத்³த⁴ம் விமுக்தம்
பரம் ப்³ரஹ்ம நித்யம் ததே³வாஹமஸ்மி || 4 ||

அனந்தம் விபு⁴ம் நிர்விகல்பம் நிரீஹம்
ஶிவம் ஸங்க³ஹீனம் யதோ³ங்காரக³ம்யம் |
நிராகாரமத்யுஜ்ஜ்வலம் ம்ருத்யுஹீனம்
பரம் ப்³ரஹ்ம நித்யம் ததே³வாஹமஸ்மி || 5 ||

நிஷேதே⁴ க்ருதே நேதி நேதீதி வாக்யை-
ஸ்ஸமாதி⁴ஸ்தி²தானாம் யதா³ பா⁴தி பூர்ணம் |
அவஸ்தா²த்ரயாதீதமத்³வைதமேகம்
பரம் ப்³ரஹ்ம நித்யம் ததே³வாஹமஸ்மி || 6 ||

யதா³னந்த³லேஶைஸ்ஸதா³னந்தி³ விஶ்வம்
யதா³ பா⁴தி சான்யத்ததா² பா⁴தி ஸர்வம் |
யதா³லோசனே ஹேயமன்யத்ஸமஸ்தம்
பரம் ப்³ரஹ்ம நித்யம் ததே³வாஹமஸ்மி || 7 ||

யதா³னந்த³ஸிந்தௌ⁴ நிமக்³ன꞉ புமான்ஸ்யா-
த³வித்³யாவிலாஸஸ்ஸமஸ்த ப்ரபஞ்ச꞉ |
ததா³ ந ஸ்பு²ரத்யத்³பு⁴தம் யன்னிமித்தம்
பரம் ப்³ரஹ்ம நித்யம் ததே³வாஹமஸ்மி || 8 ||

ஸ்வரூபானுஸந்தா⁴னரூபஸ்துதிம் ய꞉
படே²தா³த³ராத்³ப⁴க்திபா⁴வோ மனுஷ்ய꞉ |
ஶ்ருணோதீஹ வா நித்யமுத்³யுக்த சித்தோ
ப⁴வேத்³விஷ்ணுரத்ரைவ வேத³ ப்ரமாணாத் || 9 ||

விஜ்ஞானநௌகாம் பரிக்³ருஹ்ய கஶ்சி-
த்தரேத்³யத³ஜ்ஞானமயம் ப⁴வாப்³தி⁴ம் |
ஜ்ஞானாம்ப⁴ஸா ய꞉ பரிஹ்ருத்ய த்ருஷ்ணாம்
விஷ்ணோ꞉ பத³ம் யாதி ஸ ஏவ த⁴ன்ய꞉ || 10 ||

இதி ஶ்ரீமத்பரமஹம்ஸபரிவ்ராஜக ஶ்ரீமச்ச²ங்கரப⁴க³வத்பாதா³சார்ய விரசிதம் விஜ்ஞானநௌகாஷ்டகம் ||

---

மேலும் விவித⁴ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.