Vakya Vritti – வாக்யவ்ருத்தி꞉

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → வாக்யவ்ருத்தி꞉

ஸர்க³ஸ்தி²திப்ரளயஹேதுமசிந்த்யஶக்திம்
விஶ்வேஶ்வரம் விதி³தவிஶ்வமநந்தமூர்திம் ।
நிர்முக்தப³ந்த⁴நமபாரஸுகா²ம்பு³ராஶிம்
ஶ்ரீவல்லப⁴ம் விமலபோ³த⁴க⁴நம் நமாமி ॥ 1 ॥

யஸ்ய ப்ரஸாதா³த³ஹமேவ விஷ்ணு-
-ர்மய்யேவ ஸர்வம் பரிகல்பிதம் ச ।
இத்த²ம் விஜாநாமி ஸதா³த்மரூபம்
தஸ்யாங்க்⁴ரிபத்³மம் ப்ரணதோ(அ)ஸ்மி நித்யம் ॥ 2 ॥

தாபத்ரயார்கஸந்தப்த꞉ கஶ்சிது³த்³விக்³நமாநஸ꞉ ।
ஶமாதி³ஸாத⁴நைர்யுக்த꞉ ஸத்³கு³ரும் பரிப்ருச்ச²தி ॥ 3 ॥

அநாயாஸேந யேநாஸ்மாந்முச்யேயம் ப⁴வப³ந்த⁴நாத் ।
தந்மே ஸங்க்ஷிப்ய ப⁴க³வந் கேவயம் க்ருபயா வத³ ॥ 4 ॥

கு³ருருவாச ।
ஸாத்⁴வீ தே வசநவ்யக்தி꞉ ப்ரதிபா⁴தி வதா³மி தே ।
இத³ம் ததி³தி விஸ்பஷ்டம் ஸாவதா⁴நமநா꞉ ஶ்ருணு ॥ 5 ॥

தத்த்வமஸ்யாதி³வாக்யோத்த²ம் யஜ்ஜீவபரமாத்மநோ꞉ ।
தாதா³த்ம்யவிஷயம் ஜ்ஞாநம் ததி³த³ம் முக்திஸாத⁴நம் ॥ 6 ॥

ஶிஷ்ய உவாச ।
கோ ஜீவ꞉ க꞉ பரஶ்சாத்மா தாதா³த்ம்யம் வா கத²ம் தயோ꞉ ।
தத்த்வமஸ்யாதி³வாக்யம் வா கத²ம் தத்ப்ரதிபாத³யேத் ॥ 7 ॥

கு³ருருவாச ।
அத்ர ப்³ரூம꞉ ஸமாதா⁴நம் கோ(அ)ந்யோ ஜீவஸ்த்வமேவ ஹி ।
யஸ்த்வம் ப்ருச்ச²ஸி மாம் கோ(அ)ஹம் ப்³ரஹ்மைவாஸி ந ஸம்ஶய꞉ ॥ 8 ॥

ஶிஷ்ய உவாச ।
பதா³ர்த²மேவ ஜாநாமி நாத்³யாபி ப⁴க³வந் ஸ்பு²டம் ।
அஹம் ப்³ரஹ்மேதி வாக்யார்த²ம் ப்ரதிபத்³யே கத²ம் வத³ ॥ 9 ॥

கு³ருருவாச ।
ஸத்யமாஹ ப⁴வாநத்ர விஜ்ஞாநம் நைவ வித்³யதே ।
ஹேது꞉ பதா³ர்த²போ³தோ⁴ ஹி வாக்யார்தா²வக³தேரிஹ ॥ 10 ॥

அந்த꞉கரணதத்³வ்ருத்திஸாக்ஷீ சைதந்யவிக்³ரஹ꞉ ।
ஆநந்த³ரூப꞉ ஸத்ய꞉ ஸந் கிம் நாத்மாநம் ப்ரபத்³யஸே ॥ 11 ॥

ஸத்யாநந்த³ஸ்வரூபம் தீ⁴ஸாக்ஷிணம் ஜ்ஞாநவிக்³ரஹம் ।
சிந்தயாத்மதயா நித்யம் த்யக்த்வா தே³ஹாதி³கா³ம் தி⁴யம் ॥ 12 ॥

ரூபாதி³மாந்யத꞉ பிண்ட³ஸ்ததோ நாத்மா க⁴டாதி³வத் ।
வியதா³தி³மஹாபூ⁴தவிகாரத்வாச்ச கும்ப⁴வத் ॥ 13 ॥

அநாத்மா யதி³ பிண்டோ³(அ)யமுக்தஹேதுப³லாந்மத꞉ ।
கராமலகவத்ஸாக்ஷாதா³த்மாநம் ப்ரதிபாத³ய ॥ 14 ॥

க⁴டத்³ரஷ்டா க⁴டாத்³பி⁴ந்ந꞉ ஸர்வதா² ந க⁴டோ யதா² ।
தே³ஹத்³ருஷ்டா ததா² தே³ஹோ நாஹமித்யவதா⁴ரய ॥ 15 ॥

ஏவமிந்த்³ரியத்³ருங்நாஹமிந்த்³ரியாணீதி நிஶ்சிநு ।
மநோ பு³த்³தி⁴ஸ்ததா² ப்ராணோ நாஹமித்யவதா⁴ரய ॥ 16 ॥

ஸங்கா⁴தோ(அ)பி ததா² நாஹமிதி த்³ருஶ்யவிளக்ஷணம் ।
த்³ரஷ்டாரமநுமாநேந நிபுணம் ஸம்ப்ரதா⁴ரய ॥ 17 ॥

தே³ஹேந்த்³ரியாத³யோ பா⁴வா ஹாநாதி³வ்யாப்ருதிக்ஷமா꞉ ।
யஸ்ய ஸந்நிதி⁴மாத்ரேண ஸோ(அ)ஹமித்யவதா⁴ரய ॥ 18 ॥

அநாபந்நவிகார꞉ ஸந்நயஸ்காந்தவதே³வ ய꞉ ।
பு³த்³த்⁴யாதீ³ம்ஶ்சாலயேத்ப்ரத்யக்ஸோ(அ)ஹமித்யவதா⁴ரய ॥ 19 ॥

அஜடா³த்மவதா³பா⁴ந்தி யத்ஸாந்நித்⁴யாஜ்ஜடா³ அபி ।
தே³ஹேந்த்³ரியமந꞉ப்ராணா꞉ ஸோ(அ)ஹமித்யவதா⁴ரய ॥ 20 ॥

ஆக³மந்மே மநோ(அ)ந்யத்ர ஸாம்ப்ரதம் ச ஸ்தி²ரீக்ருதம் ।
ஏவம் யோ வேத³ தீ⁴வ்ருத்திம் ஸோ(அ)ஹமித்யவதா⁴ரய ॥ 21 ॥

ஸ்வப்நஜாக³ரிதே ஸுப்திம் பா⁴வாபா⁴வௌ தி⁴யாம் ததா² ।
யோ வேத்த்யவிக்ரிய꞉ ஸாக்ஷாத்ஸோ(அ)ஹமித்யவதா⁴ரய ॥ 22 ॥

க⁴டாவபா⁴ஸகோ தீ³போ க⁴டாத³ந்யோ யதே²ஷ்யதே ।
தே³ஹாவபா⁴ஸகோ தே³ஹீ ததா²ஹம் போ³த⁴விக்³ரஹ꞉ ॥ 23 ॥

புத்ரவித்தாத³யோ பா⁴வா யஸ்ய ஶேஷதயா ப்ரியா꞉ ।
த்³ரஷ்டா ஸர்வப்ரியதம꞉ ஸோ(அ)ஹமித்யவதா⁴ரய ॥ 24 ॥

பரப்ரேமாஸ்பத³தயா மா ந பூ⁴வமஹம் ஸதா³ ।
பூ⁴யாஸமிதி யோ த்³ரஷ்டா ஸோ(அ)ஹமித்யவதா⁴ரய ॥ 25 ॥

ய꞉ ஸாக்ஷிலக்ஷணோ போ³த⁴ஸ்த்வம்பதா³ர்த²꞉ ஸ உச்யதே ।
ஸாக்ஷித்வமபி போ³த்³த்⁴ருத்வமவிகாரிதயாத்மந꞉ ॥ 26 ॥

தே³ஹேந்த்³ரியமந꞉ப்ராணாஹங்க்ருதிப்⁴யோ விளக்ஷண꞉ ।
ப்ரோஜ்ஜி²தாஶேஷஷட்³பா⁴வவிகாரஸ்த்வம்பதா³பி⁴த⁴꞉ ॥ 27 ॥

த்வமர்த²மேவம் நிஶ்சித்ய தத³ர்த²ம் சிந்தயேத்புந꞉ ।
அதத்³வ்யாவ்ருத்திரூபேண ஸாக்ஷாத்³விதி⁴முகே²ந ச ॥ 28 ॥

நிரஸ்தாஶேஷஸம்ஸாரதோ³ஷோ(அ)ஸ்தூ²லாதி³ளக்ஷண꞉ ।
அத்³ருஶ்யத்வாதி³கு³ணக꞉ பராக்ருததமோமல꞉ ॥ 29 ॥

நிரஸ்தாதிஶயாநந்த³꞉ ஸத்ய꞉ ப்ரஜ்ஞாநவிக்³ரஹ꞉ ।
ஸத்தாஸ்வலக்ஷண꞉ பூர்ண꞉ பரமாத்மேதி கீ³யதே ॥ 30 ॥

ஸர்வஜ்ஞத்வம் பரேஶத்வம் ததா² ஸம்பூர்ணஶக்திதா ।
வேதை³꞉ ஸமர்த்²யதே யஸ்ய தத்³ப்³ரஹ்மேத்யவதா⁴ரய ॥ 31 ॥

யஜ்ஜ்ஞாநாத்ஸர்வவிஜ்ஞாநம் ஶ்ருதிஷு ப்ரதிபாதி³தம் ।
ம்ருதா³த்³யநேகத்³ருஷ்டாந்தைஸ்தத்³ப்³ரஹ்மேத்யவதா⁴ரய ॥ 32 ॥

யதா³நந்த்யம் ப்ரதிஜ்ஞாய ஶ்ருதிஸ்தத்ஸித்³த⁴யே ஜகௌ³ ।
தத்கார்யத்வம் ப்ரபஞ்சஸ்ய தத்³ப்³ரஹ்மேத்யவதா⁴ரய ॥ 33 ॥

விஜிஜ்ஞாஸ்யதயா யச்ச வேதா³ந்தேஷு முமுக்ஷுபி⁴꞉ ।
ஸமர்த்²யதே(அ)தியத்நேந தத்³ப்³ரஹ்மேத்யவதா⁴ரய ॥ 34 ॥

ஜீவாத்மநா ப்ரவேஶஶ்ச நியந்த்ருத்வம் ச தாந்ப்ரதி ।
ஶ்ரூயதே யஸ்ய வேதே³ஷு தத்³ப்³ரஹ்மேத்யவதா⁴ரய ॥ 35 ॥

கர்மணாம் ப²லதா³த்ருத்வம் யஸ்யைவ ஶ்ரூயதே ஶ்ருதௌ ।
ஜீவநாம் ஹேதுகர்த்ருத்வம் தத்³ப்³ரஹ்மேத்யவதா⁴ரய ॥ 36 ॥

தத்த்வம்பதா³ர்தௌ² நிர்ணீதௌ வாக்யார்த²ஶ்சிந்த்யதே(அ)து⁴நா ।
தாதா³த்ம்யமத்ர வாக்யார்த²ஸ்தயோரேவ பதா³ர்த²யோ꞉ ॥ 37 ॥

ஸம்ஸர்கோ³ வா விஶிஷ்டோ வா வாக்யார்தோ² நாத்ர ஸம்மத꞉ ।
அக²ண்டை³கரஸத்வேந வாக்யார்தோ² விது³ஷாம் மத꞉ ॥ 38 ॥

ப்ரத்யக்³போ³தோ⁴ ய ஆபா⁴தி ஸோ(அ)த்³வயாநந்த³ளக்ஷண꞉ ।
அத்³வயாநந்த³ரூபஶ்ச ப்ரத்யக்³போ³தை⁴கலக்ஷண꞉ ॥ 39 ॥

இத்த²மந்யோந்யதாதா³த்ம்யப்ரதிபத்திர்யதா³ ப⁴வேத் ।
அப்³ரஹ்மத்வம் த்வமர்த²ஸ்ய வ்யாவர்தேத ததை³வ ஹி ॥ 40 ॥

தத³ர்த²ஸ்ய ச பாரோக்ஷ்யம் யத்³யேவம் கிம் தத꞉ ஶ்ருணு ।
பூர்ணாநந்தை³கரூபேண ப்ரத்யக்³போ³தோ⁴(அ)வதிஷ்ட²தே ॥ 41 ॥

தத்த்வமஸ்யாதி³வாக்யம் ச தாதா³த்ம்யப்ரதிபாத³நே ।
லக்ஷ்யௌ தத்த்வம்பதா³ர்தௌ² த்³வாவுபாதா³ய ப்ரவர்ததே ॥ 42 ॥

ஹித்வா த்³வௌ ஶப³லௌ வாச்யௌ வாக்யம் வாக்யார்த²போ³த⁴நே ।
யதா² ப்ரவர்ததே(அ)ஸ்மாபி⁴ஸ்ததா² வ்யாக்²யாதமாத³ராத் ॥ 43 ॥

ஆலம்ப³நதயா பா⁴தி யோ(அ)ஸ்மத்ப்ரத்யயஶப்³த³யோ꞉ ।
அந்த꞉கரணஸம்பி⁴ந்நபோ³த⁴꞉ ஸ த்வம்பதா³பி⁴த⁴꞉ ॥ 44 ॥

மாயோபாதி⁴ர்ஜக³த்³யோநி꞉ ஸர்வஜ்ஞத்வாதி³ளக்ஷண꞉ ।
பாரோக்ஷ்யஶப³ல꞉ ஸத்யாத்³யாத்மகஸ்தத்பதா³பி⁴த⁴꞉ ॥ 45 ॥

ப்ரத்யக்பரோக்ஷதைகஸ்ய ஸத்³விதீயத்வபூர்ணதா ।
விருத்⁴யதே யதஸ்தஸ்மால்லக்ஷணா ஸம்ப்ரவர்ததே ॥ 46 ॥

மாநாந்தரவிரோதே⁴ து முக்²யார்த²ஸ்யாபரிக்³ரஹே ।
முக்²யார்தே²நாவிநாபூ⁴தே ப்ரதீதிர்லக்ஷணோச்யதே ॥ 47 ॥

தத்த்வமஸ்யாதி³வாக்யேஷு லக்ஷணா பா⁴க³ளக்ஷணா ।
ஸோ(அ)ஹமித்யாதி³வாக்யஸ்த²பத³யோரிவ நாபரா ॥ 48 ॥

அஹம் ப்³ரஹ்மேதிவாக்யார்த²போ³தோ⁴ யாவத்³த்³ருடீ⁴ ப⁴வேத் ।
ஶமாதி³ஸஹிதஸ்தாவத³ப்⁴யஸேச்ச்²ரவணாதி³கம் ॥ 49 ॥

ஶ்ருத்யாசார்யப்ரஸாதே³ந த்³ருடோ⁴ போ³தோ⁴ யதா³ ப⁴வேத் ।
நிரஸ்தாஶேஷஸம்ஸாரநிதா³ந꞉ புருஷஸ்ததா³ ॥ 50 ॥

விஶீர்ணகார்யகரணோ பூ⁴தஸூக்ஷ்மைரநாவ்ருத꞉ ।
விமுக்தகர்மநிக³ள꞉ ஸத்³ய ஏவ விமுச்யதே ॥ 51 ॥

ப்ராரப்³த⁴கர்மவேகே³ந ஜீவந்முக்தோ யதா³ ப⁴வேத் ।
கிஞ்சித்காலமநாரப்³த⁴கர்மப³ந்த⁴ஸ்ய ஸங்க்ஷயே ॥ 52 ॥

நிரஸ்தாதிஶயாநந்த³ம் வைஷ்ணவம் பரமம் பத³ம் ।
புநராவ்ருத்திரஹிதம் கைவல்யம் ப்ரதிபத்³யதே ॥ 53 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ வாக்யவ்ருத்தி꞉ ஸம்பூர்ணம் ।

---

மேலும் ஶ்ரீ விஷ்ணு ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.