Sri Vishnu Stotram (Narasimha Purane) – ஶ்ரீ விஷ்ணு ஸ்தோத்ரம் (நரஸிம்ஹபுராணே)

ராஜோவாச ।
வாக்புஷ்பேண கத²ம் ப்³ரஹ்மந் ப்³ரஹ்மாப்யர்சிதவாந் ஹரிம் ।
தந்மே கத²ய விப்ரேந்த்³ர ப்³ரஹ்மோக்தம் ஸ்தோத்ரமுத்தமம் ॥ 1 ॥

மார்கண்டே³ய உவாச ।
ஶ்ருணு ராஜந் ப்ரவக்ஷ்யாமி ஸ்தோத்ரம் ப்³ரஹ்மமுகே²ரிதம் ।
ஸர்வபாபஹரம் புண்யம் விஷ்ணுதுஷ்டிகரம் பரம் ॥ 2 ॥

தமாராத்⁴ய ஜக³ந்நாத²மூர்த்⁴வபா³ஹு꞉ பிதாமஹ꞉ ।
பூ⁴த்வைகாக்³ரமநா ராஜந்நித³ம் ஸ்தோத்ரமுதீ³ரயத் ॥ 3 ॥

ப்³ரஹ்மோவாச ।
நமாமி தே³வம் நரநாத²மச்யுதம்
நாராயணம் லோககு³ரும் ஸநாதநம் ।
அநாதி³மவ்யக்தமசிந்த்யமவ்யயம்
வேதா³ந்தவேத்³யம் புருஷோத்தமம் ஹரிம் ॥ 4 ॥

ஆநந்த³ரூபம் பரமம் பராத்பரம்
சிதா³த்மகம் ஜ்ஞாநவதாம் பராம் க³திம் ।
ஸர்வாத்மகம் ஸர்வக³தைகரூபம்
த்⁴யேயஸ்வரூபம் ப்ரணமாமி மாத⁴வம் ॥ 5 ॥

ப⁴க்தப்ரியம் காந்தமதீவ நிர்மலம்
ஸுராதி⁴பம் ஸூரிஜநைரபி⁴ஷ்டுதம் ।
சதுர்பு⁴ஜம் நீரஜவர்ணமீஶ்வரம்
ரதா²ங்க³பாணிம் ப்ரணதோ(அ)ஸ்மி கேஶவம் ॥ 6 ॥

க³தா³ஸிஶங்கா²ப்³ஜகரம் ஶ்ரிய꞉ பதிம்
ஸதா³ஶிவம் ஶார்ங்க³த⁴ரம் ரவிப்ரப⁴ம் ।
பீதாம்ப³ரம் ஹாரவிராஜிதோத³ரம்
நமாமி விஷ்ணும் ஸததம் கிரீடிநம் ॥ 7 ॥

க³ண்ட³ஸ்த²லாஸக்தஸுரக்தகுண்ட³லம்
ஸுதீ³பிதாஶேஷதி³ஶம் நிஜத்விஷா ।
க³ந்த⁴ர்வஸித்³தை⁴ருபகீ³தம்ருக்³த்⁴வநிம்
ஜநார்த³நம் பூ⁴தபதிம் நமாமி தம் ॥ 8 ॥

ஹத்வாஸுராந் பாதி யுகே³ யுகே³ ஸுராந்
ஸ்வத⁴ர்மஸம்ஸ்தா²ந் பு⁴வி ஸம்ஸ்தி²தோ ஹரி꞉ ।
கரோதி ஸ்ருஷ்டிம் ஜக³த꞉ க்ஷயம் ய-
-ஸ்தம் வாஸுதே³வம் ப்ரணதோ(அ)ஸ்மி கேஶவம் ॥ 9 ॥

யோ மத்ஸ்யரூபேண ரஸாதலஸ்தி²தாந்
வேதா³ந் ஸமாஹ்ருத்ய மம ப்ரத³த்தவாந் ।
நிஹத்ய யுத்³தே⁴ மது⁴கைடபா⁴வுபௌ⁴
தம் வேத³வேத்³யம் ப்ரணதோ(அ)ஸ்ம்யஹம் ஸதா³ ॥ 10 ॥

தே³வாஸுரை꞉ க்ஷீரஸமுத்³ரமத்⁴யதோ
ந்யஸ்தோ கி³ரிர்யேந த்⁴ருத꞉ புரா மஹாந் ।
ஹிதாய கௌர்மம் வபுராஸ்தி²தோ ய-
-ஸ்தம் விஷ்ணுமாத்³யம் ப்ரணதோ(அ)ஸ்மி பா⁴ஸ்கரம் ॥ 11 ॥

ஹத்வா ஹிரண்யாக்ஷமதீவ த³ர்பிதம்
வராஹரூபீ ப⁴க³வாந் ஸநாதந꞉ ।
யோ பூ⁴மிமேதாம் ஸகலாம் ஸமுத்³த⁴ர-
-ஸ்தம் வேத³மூர்திம் ப்ரணமாமி ஸூகரம் ॥ 12 ॥

க்ருத்வா ந்ருஸிம்ஹம் வபுராத்மந꞉ பரம்
ஹிதாய லோகஸ்ய ஸநாதநோ ஹரி꞉
ஜகா⁴ந யஸ்தீக்ஷ்ணநகை²ர்தி³தே꞉ ஸுதம்
தம் நாரஸிம்ஹம் புருஷம் நமாமி ॥ 13 ॥

யோ வாமநோ(அ)ஸௌ ப⁴க³வாந் ஜநார்த³நோ
ப³லிம் ப³ப³ந்த⁴ த்ரிபி⁴ரூர்ஜிதை꞉ பதை³꞉ ।
ஜக³த்ரயம் க்ரம்ய த³தௌ³ புரந்த³ரே
ததே³வமாத்³யம் ப்ரணதோ(அ)ஸ்மி வாமநம் ॥ 14 ॥

ய꞉ கார்தவீர்யம் நிஜகா⁴ந ரோஷாத்
த்ரி꞉ஸப்தக்ருத்வ꞉ க்ஷிதிபாத்மஜாநபி ।
தம் ஜாமத³க்³ந்யம் க்ஷிதிபா⁴ரநாஶகம்
நதோ(அ)ஸ்மி விஷ்ணும் புருஷோத்தமம் ஸதா³ ॥ 15 ॥

ஸேதும் மஹாந்தம் ஜலதௌ⁴ ப³ப³ந்த⁴ ய꞉
ஸம்ப்ராப்ய லங்காம் ஸக³ணம் த³ஶாநநம் ।
ஜகா⁴ந ப்⁴ருத்யை ஜக³தாம் ஸநாதநம்
தம் ராமதே³வம் ஸததம் நதோ(அ)ஸ்மி ॥ 16 ॥

யதா² து வாராஹந்ருஸிம்ஹரூபை꞉
க்ருதம் த்வயா தே³வ ஹிதம் ஸுராணாம் ।
ததா²த்³ய பூ⁴மே꞉ குரு பா⁴ரஹாநிம்
ப்ரஸீத³ விஷ்ணோ ப⁴க³வந்நமஸ்தே ॥ 17 ॥

ஶ்ரீமார்கண்டே³ய உவாச ।
இதி ஸ்துதோ ஜக³ந்நாத²꞉ ஶ்ரீத⁴ர꞉ பத்³மயோநிநா ।
ஆவிர்ப³பூ⁴வ ப⁴க³வாந் ஶங்க²சக்ரக³தா³த⁴ர꞉ ॥ 18 ॥

உவாச ச ஹ்ருஷீகேஶ꞉ பத்³மயோநிம் ஸுராநபி ।
ஸ்துத்யாநயாஹம் ஸந்துஷ்ட꞉ பிதாமஹ தி³வௌகஸ꞉ ।
பட²தாம் பாபநாஶாய ந்ரூணாம் ப⁴க்திமதாமபி ॥ 19 ॥

இதி ஶ்ரீநரஸிம்ஹபுராணே த்ரிபஞ்சாஶோ(அ)த்⁴யாயே ப்³ரஹ்ம க்ருத ஶ்ரீ விஷ்ணு ஸ்தோத்ரம் ॥

Did you see any mistake/variation in the content above? Click here to report mistakes and corrections in Stotranidhi content.