Sri Sankashtamochana Hanumath Stotram (Shankaracharya Krutam) – ஶ்ரீ ஸங்கஷ்டமோசந ஹநுமத் ஸ்தோத்ரம் (ஶங்கராசார்ய க்ருதம்)

ஸிந்தூ³ரபூரருசிரோ ப³லவீர்யஸிந்து⁴꞉
பு³த்³தி⁴ப்ரபா⁴வநிதி⁴ரத்³பு⁴தவைப⁴வஶ்ரீ꞉ ।
தீ³நார்திதா³வத³ஹநோ வரதோ³ வரேண்ய꞉
ஸங்கஷ்டமோசநவிபு⁴ஸ்தநுதாம் ஶுப⁴ம் ந꞉ ॥ 1 ॥

ஸோத்ஸாஹலங்கி⁴தமஹார்ணவபௌருஷஶ்ரீ꞉
லங்காபுரீப்ரத³ஹநப்ரதி²தப்ரபா⁴வ꞉ ।
கோ⁴ராஹவப்ரமதி²தாரிசயப்ரவீர꞉
ப்ராப⁴ஞ்ஜநிர்ஜயதி மர்கடஸார்வபௌ⁴ம꞉ ॥ 2 ॥

த்³ரோணாசலாநயநவர்ணிதப⁴வ்யபூ⁴தி꞉
ஶ்ரீராமலக்ஷ்மணஸஹாயகசக்ரவர்தீ ।
காஶீஸ்த² த³க்ஷிணவிராஜிதஸௌத⁴மல்ல꞉
ஶ்ரீமாருதிர்விஜயதே ப⁴க³வாந் மஹேஶ꞉ ॥ 3 ॥

நூநம் ஸ்ம்ருதோ(அ)பி த³த³தே ப⁴ஜதாம் கபீந்த்³ர꞉
ஸம்பூஜிதோ தி³ஶதி வாஞ்சி²தஸித்³தி⁴வ்ருத்³தி⁴ம் ।
ஸம்மோத³கப்ரிய உபைதி பரம் ப்ரஹர்ஷம்
ராமாயணஶ்ரவணத꞉ பட²தாம் ஶரண்ய꞉ ॥ 4 ॥

ஶ்ரீபா⁴ரதப்ரவரயுத்³த⁴ரதோ²த்³த⁴தஶ்ரீ꞉
பார்தை²ககேதநகராளவிஶாலமூர்தி꞉ ।
உச்சைர்க⁴நாக⁴நக⁴டா விகடாட்டஹாஸ꞉
ஶ்ரீக்ருஷ்ணபக்ஷப⁴ரண꞉ ஶரணம் மமா(அ)ஸ்து ॥ 5 ॥

ஜங்கா⁴ளஜங்க⁴ உபமாதிவிதூ³ரவேகோ³
முஷ்டிப்ரஹாரபரிமூர்சி²தராக்ஷஸேந்த்³ர꞉ ।
ஶ்ரீராமகீர்தநபராக்ரமணோத்³த⁴வஶ்ரீ꞉
ப்ராகம்பநிர்விபு⁴ருத³ஞ்சது பூ⁴தயே ந꞉ ॥ 6 ॥

ஸீதார்திதா³ரணபடு꞉ ப்ரப³ல꞉ ப்ரதாபீ
ஶ்ரீராக⁴வேந்த்³ரபரிரம்ப⁴வரப்ரஸாத³꞉ ।
வர்ணீஶ்வர꞉ ஸவிதி⁴ஶிக்ஷிதகாலநேமி꞉
பஞ்சாநநோ(அ)பநயதாம் விபதோ³(அ)தி⁴தே³ஶம் ॥ 7 ॥

உத்³யத்³பா⁴நுஸஹஸ்ரஸந்நிப⁴தநு꞉ பீதாம்ப³ராளங்க்ருத꞉
ப்ரோஜ்ஜ்வாலாநலதீ³ப்யமாநநயநோ நிஷ்பிஷ்டரக்ஷோக³ண꞉ ।
ஸம்வர்தோத்³யதவாரிதோ³த்³த⁴தரவ꞉ ப்ரோச்சைர்க³தா³விப்⁴ரம꞉
ஶ்ரீமாந் மாருதநந்த³ந꞉ ப்ரதிதி³நம் த்⁴யேயோ விபத்³ப⁴ஞ்ஜந꞉ ॥ 8 ॥

ரக்ஷ꞉பிஶாசப⁴யநாஶநமாமயாதி⁴
ப்ரோச்சைர்ஜ்வராபஹரணம் ஹநநம் ரிபூணாம் ।
ஸம்பத்திபுத்ரகரணம் விஜயப்ரதா³நம்
ஸங்கஷ்டமோசநவிபோ⁴꞉ ஸ்தவநம் நராணாம் ॥ 9 ॥

தா³ரித்³ர்யது³꞉க²த³ஹநம் ஶமநம் விவாதே³
கல்யாணஸாத⁴நமமங்க³ளவாரணாய ।
தா³ம்பத்யதீ³ர்க⁴ஸுக²ஸர்வமநோரதா²ப்திம்
ஶ்ரீமாருதே꞉ ஸ்தவஶதாவ்ருதிராதநோதி ॥ 10 ॥

ஸ்தோத்ரம் ய ஏதத³நுவாஸரமாப்தகாம꞉
ஶ்ரீமாருதிம் ஸமநுசிந்த்ய படே²த் ஸுதீ⁴ர꞉ ।
தஸ்மை ப்ரஸாத³ஸுமுகோ² வரவாநரேந்த்³ர꞉
ஸாக்ஷாத்க்ருதோ ப⁴வதி ஶாஶ்வதிக꞉ ஸஹாய꞉ ॥ 11 ॥

ஸங்கஷ்டமோசநஸ்தோத்ரம் ஶங்கராசார்யபி⁴க்ஷுணா ।
மஹேஶ்வரேண ரசிதம் மாருதேஶ்சரணே(அ)ர்பிதம் ॥ 12 ॥

இதி காஶீபீடா²தீ⁴ஶ்வர ஜக³த்³கு³ருஶங்கராசார்யஸ்வாமி ஶ்ரீமஹேஶ்வராநந்த³ஸரஸ்வதீவிரசிதம் ஶ்ரீ ஸங்கஷ்டமோசந ஹநுமத் ஸ்தோத்ரம் ।

---